Day ArchiveEmri/ U qëllua me snajper, mësohet indeniteti i viktimës në Vlorë

Të tjera detaje janë mësuar nga ngjarje e rëndë e cila ndodhi mbrëmjen e sotme (7 janar) në qytetin e Vlorës, ku u qëllua për vdekje në banesën e tij me snajper, i riu, Bernard Sinomati.

Policia ndodhet në vendin e ngjarjes dhe po punon për kapjen e autorit.

Mësohet se viktima është një emër i njohur për policinë, pasi dy vite më parë i vendosën tritol në makinë. Në lidhje me ngjarjen u vunë në pranga 3 persona.

Në vitin 2015 Sinomati është arrestuar për armëmbajtje pa leje, ndërsa ai rezulton i dënuar edhe Belgjikë.

Vrasje në Vlorë, dyshohet se 23-vjeçari u qëllua me snajper

Një ngjarje e rëndë është regjistruar mbrëmjen e sotme (7 dhjetor) në qytetin e Vlorës, ku ka mbetur i vrarë me armë zjarri një 23-vjeçar me iniciale B.S.

Raportohet se i riu është qëlluar për vdekje me snajper në banesën e tij në lagjen “Hajro Cakërri”.

Në vendin e ngjarjes ndodhet policia, ndërsa po punohet për kapjen e autorit./ Zoom.al

Del një tjetër listë me emrat e të famshmëve që kanë vizituar ishullin famëkeq të pedofilit Epstein

Pak ditë më parë dolën detaje të tmerrshme ku thuhej se një modele e njohur ruso-kazake është hedhur nga apartamenti i saj dy vite pasi u detyrua të shkonte në ishullin e pedofilëve të financiarit hebre Jeffrey Epstein kur ishte në moshën 18-vjeçare. Detaje tronditëse kanë dalë në dritë pas publikimit të grupit të tretë të dokumenteve që lidhen me padinë ndaj Jeffrey Epstein.

Pedofili ndërroi jetë në burg para se të përballej me gjyqin për akuzat federale për abuzime seksuale dhe trafik qenies njerëzore, raporton CNN.

Dokumentet e pavulosura janë pjesë e një padie civile për shpifje të vitit 2015 të bërë nga Virginia Roberts Giuffre, një grua amerikane që pretendoi se Epstein kishte abuzuar seksualisht me të kur ishte e mitur dhe se Ghislaine Maxwell, ish e dashura e Epstein, e ndihmoi këtë të fundit.

Zbulimi i kësaj jave rrjedh nga një urdhër gjykate i 18 dhjetorit nga gjyqtari që mbikëqyr padinë, një përgjigje ndaj përpjekjeve ligjore të medias për publikimin e dokumenteve.

Dokumentet në total, duke përfshirë materialin që ende nuk është zbërthyer, pritet të përfshijnë rreth 200 emra, duke përfshirë disa nga akuzuesit e Epstein, biznesmenë të shquar apo politikanë.

Miq dhe të njohur të famshëm

Një ish-punonjës i Jeffrey Epstein tregoi një seri njerëzish të famshëm dhe me ndikim, duke përfshirë dy ish-presidentë, gjatë një depozitimi të vitit 2009 të pavulosur të premten.

Juan Alessi u tha avokatëve se kishte darkuar me ish-presidentin Donald Trump në kuzhinën e shtëpisë së Epstein në Palm Beach dhe u takua me ish-presidentin Bill Clinton në avionin e Epstein. Ai gjithashtu tha se u takua me Princin Andrew dhe ish-gruan e tij, Sarah Ferguson, në shtëpinë e Palm Beach, sipas deponimit.

Sipas dokumentit, Alessi tha gjithashtu se takoi fituese të kompeticioneve të bukurisë dhe një fituese të paidentifikuar të çmimit Nobel në Kimi.

Kur u pyet të mërkurën për shfaqjen e emrit të Klintonit në një grup të mëparshëm dokumentesh të pavulosura, një zëdhënës i Clinton përsëriti një deklaratë të vitit 2019 se Clinton kishte fluturuar me aeroplanin privat të Epstein, por tha se Clinton nuk dinte asgjë për “krimet e tmerrshme” të tij.

Zëdhënësi tha se tani “kanë kaluar gati 20 vjet që kur Presidenti Clinton pati kontaktin e fundit me Epstein”. Clinton nuk është akuzuar për ndonjë krim në lidhje me Epstein.

Trump gjithashtu nuk është akuzuar për ndonjë krim në lidhje me Epstein. Kur u pyet në fillim të kësaj jave për emrin e Trump që shfaqet në dokumentet e sapopambyllura, një zëdhënës i Trump reagoi duke sulmuar mediat.

Alessi iu përgjigj pyetjeve për një grua të cilën ai e kuptonte se ishte nën moshën 18 vjeç. Emri i saj ishte i  redaktuar nga dokumentet e pavulosura. Alessi tha se nëna e saj do ta shoqëronte herë pas here në shtëpinë e Epstein.

Për sa i përket pagesës, “të gjithë merrnin 100 dollarë në orë”, tha Alessi.

Magjistari dhe iluzionisti i famshëm David Copperfield është gjithashtu në mesin e njerëzve të profilit të lartë të identifikuar si mik i Epstein.

Emri i Copperfield përmendet gjatë dëshmisë së depozitimit të lëshuar të premten e një prej punonjëseve të atëhershme të Epstein, Sarah Kellen.

Një avokat i paditësve pyeti për marrëdhënien e Epstein me iluzionistin dhe nëse ata rekrutonin vajza.

Avokati pyeti nëse Copperfield i jepte bileta Epstein për vajzat e reja kur ai performon shfaqje dhe nëse vajzat ftoheshin në prapaskenë pas shfaqjeve.

Për të gjitha pyetjet, Kellen pohon të drejtën e saj të Amendamentit të Pestë dhe refuzon t’i përgjigjet pyetjes.

Copperfield përmendet gjithashtu në një document vitit 2016 të lëshuar të mërkurën nga një grua që masazhoi Epstein për vite në fillim të viteve 2000. Ajo tha se e takoi iluzionistin në një darkë në rezidencën e Epstein’s Palm Beach dhe dëshmoi se nga vëzhgimi i saj ata të dy ishin miq.

Johanna Sjoberg dëshmoi se Copperfield kreu truke magjike ndërsa ai ishte në Palm Beach House dhe e pyeti atë se çfarë dinte për metodat e Epstein për të blerë vajza që të punonin për të.

“Ai më pyeti nëse isha në dijeni se vajzat paguheshin për të gjetur vajza të tjera”, tha Sjoberg.
Copperfield nuk dha detaje në atë kohë, tha Sjoberg. Ajo tha gjithashtu se ishte një vajzë tjetër në shtëpi që “dukej e re” në një darkë që përfshinte Copperfield. Ajo kujtoi se kishte menduar në atë kohë se vajza mund të kishte qenë në shkollë të mesme.

CNN ka kontaktuar me përfaqësuesit e Copperfield për koment. Emri i manjatit Harvey Weinstein, shfaqet në një shënim të shkruar me dorë të vitit 2005, i lënë edhe për Epstein.

Shënimi i shkruar me dorë, i datës 1 mars 2005, duket të jetë një mesazh telefonik i lënë për Epstein që Weinstein u përpoq ta telefononte Epstein atë mëngjes.

“Ajo kishte në telefon zotin Harvey Weinstein”, thuhet në mesazh. Ai u përfshi në rreth 200 mesazhe të shkruara telefonike.

Gjendet i vdekur 52-vjeçari në Tiranë, ku dyshon Policia

Një 52-vjeçar është gjendur i pajetë mbrëmjen e sotme në rrugën “Njazi Meka” në kryeqytet.

Sipas Policisë së Tiranës ai është gjendur brenda një pallati të pabanuar pa shenja jete.

Mga këqyrja paraprake dyshohet se vdekja ka ardhur nga shkaqe natyrale, ndërsa grupi hetimor po punon për sqarimin e rrethanave të ngjarjes.

Njoftimi i policisë:

 

 

Më datë 07.01.2024, në rrugën “Njazi Meka”, në një pallat të pabanuar, është gjetur pa shenja jete, shtetasi G. F., 52 vjeç. Nga këqyrja paraprake dyshohet se vdekja ka ardhur nga shkaqe natyrale.

Grupi hetimor po punon për sqarimin e rrethanave të ngjarjes.

Babai i futbollistit shqiptar Shpendi merr hak për djalin, hyn në fushë dhe godet portierin

Një ngjarje e pazakontë ka ndodhur në ndeshjen Çezena-Olbia dhe protagonistët ishin shqiptarë. Babai i Kristian Shpendit, sulmuesit të Çezena, hyri në fushë nga tribuna për të tentuar të sulmonte portierin sard Filipo Rinaldi.

Shpendi mbërriti me vrap drejt qendrës së fushës, ku disa lojtarë dhe drejtues po bisedonin pas ndeshjes. Në atë moment ai takon Rinaldin dhe e godet me të djathtën në fytyrë.

Agresori u ndal menjëherë nga Rikardo Kiarelo, mesfushori i Juventusit dhe anëtarë të tjerë të pankinës së Çezenas. Zemërimi i babait të Shpendit shpërtheu pasi portieri Rinaldi i kishte dhënë një goditje të rëndë djalit të tij gjatë ndeshjes, me sulmuesin e Çezenas që u detyrua të largohej për shkak të një dëmtimi të rëndë në vetull. Mediat italiane raportojnë se presin raportin e arbitrit dhe verdiktin e gjyqtarit sportiv, pasi Çezena rrezikon skualifikimin nga fusha.

Kristian Shpendi dhe vëllai i tij Binjak Stiven Shpendi që luan te Empoli janë pjesëtarë të ekipit Kombëtar shqiptar U-21 dhe kandidatë për kombëtaren që drejtohet nga Silvinjo.

“Krijesa mbi 1 metër të gjata”/ Një incident në Miami ngre dyshimet për praninë e alienëve

Një incident në një qendër tregtare në Miami, Florida, i cili rezultoi në arrestimin e katër adoleshentëve, ka rikthyer teorinë e pranisë së alienëve.

Sipas njoftimeve nga policia, të miturit po shkaktonin trazira dhe panik brenda qendrës tregtare, duke hedhur fishekzjarre drejt njëri-tjetrit. Por, numri i madh i policëve që rrethuan qendrën, ngriti dyshime se në rast përfshiheshin më shumë se vetëm adoleshentë.

Madje, disa përdorues të platformës X kanë zhvilluar një teori se një alien ishte shkaku i vërtetë i shqetësimit, pasi sipas tyre pamjet tregonin “një krijesë të huaj gri që ecte mes veturave të policisë dhe ndërtesës”.

Postimet me pretendimet se autoritetet nuk po u tregonin njerëzve të vërtetën, mblodhën me miliona shikime.

Megjithatë, raporti i policisë nuk përmend praninë e ndonjë krijese të paidentifikuar që përputhet me pretendimet në rrjete sociale.

Adoleshentët e arrestuar po përballen me akuza për vjedhje, dhe rezistim ndaj policisë

Demokratët poshtë ballkonit të Berishës edhe në shi: Zhdukja e opozitës, ëndrra e Ramës

Kryetari i PD-së së Rithemelimit, Sali Berisha u ka bërë thirrje shqiptarëve gjate protestës së sotme tek rrugica e shtëpisë së tij që të vazhdojnë me mosbindjen civile dhe të “përmbysim narkokracinë”.

Mbështetësit e ish-kryeministrit nuk u ndalën as nga shiu për ‘takimin’ e tyre të përditshëm tashmë, poshtë ballkonit të tij, që kur u la në arrest shtëpie,

Fjala e Berishës:

Të shkërmoqim ëndrrën e Edi Ramës të Shqipërisë pa opozitë. Të rinjtë do të marrin në dorë fatin e Shqipërisë

Sot ju në mbarë Europën ju jeni studentët me barrën më të rëndë ekonomike.

Ndërkohë të ardhurat tuaja janë më të ultat në Evropë.

Sot ju paguani tarifat më të larta.

Sot ju paguani qeratë më të larta për banimin.

Sot ju paguani taksat më të larta në çdo ushqim që merrni.

Sot me mesatare përjashtohen nga universiteti më shumë se gjysma e moshatarëve tuaj.

Ndaj dhe merrni kthesën, kthesa juaj është shpëtimi i Shqipërisë.

Askush mos të mendojë të ecë më si somnambul drejt zgjedhjeve të Edi Ramës.

Ai që mendon të shkojë i përgjumur me Edi Ramën në zgjedhje, ai de fakto firmos vjedhjen e tij të radhës dhe ky do të ishte dështimi i tmerrshëm, përfundimtar i opozitës.

Ndaj dhe çdo orë, ditë që kemi të bëjmë gjithçka për mobilizimin tonë, të bëjmë gjithçka për angazhimin tonë në mosbindje civile, në betejën pa kthim për të përmbysur narkokracinë, për të ecur të sigurtë si njerëz të lirë, drejt zgjedhjeve të lira.

Për të çliruar Shqipërinë nga ky regjim, nga mafia e Xhorxh Sorosit dhe mafia ndërkombëtare.

Shqipëria vetëm si vend i njerëzve të lirë, i njerëzve që votojnë dhe vota e tyre votohet me ndershmëri dhe kushton. Vetëm si vend i njerëzve me dinjitet mund të jetë një partner dinjitoz i fqinjëve të saj dhe miqve të saj në Evropë dhe botë.

Rrofshi ju, rroftë Shqipëria!

Përsëri mos harroni se sonte në këtë rrugë drita është shtuar, kurse Surreli, pushteti i krimit është në errësirë të plotë.

Rroftë demokracia, rrofshi ju, rroftë Shqipëria.

Fasada e një investimi strategjik – Kush qëndron pas kazinosë 200 mln $ në Bulevardin e Ri?

Në një denoncim në Facebook, deputeti Agron Shehaj tregoi se një investim strategjik i ngjizur në procese tërësisht abuzive po merr jetë në kryeqytet.

Shehaj, që publikoi edhe disa dokumenta të këtij projekti, shkruante se qeveria Rama i ka falur 19 mijë m2 nje kompani të krijuar këtë shtator, “Adriatic Resorts SHA”, për ndërtimin e një hoteli me një kazino.

Projekti luksoz

Sipas të dhënave në Komitetin e Investimeve Strategjike projekti mban emrin “The Cliffs” dhe nuk do të jetë aspak një subjekt i zakontë.

Aty flitet për ndërtimin e një hoteli me pesë yje me përafërsisht 250 dhoma, 60 njësi të tjera akomodimi me shërbim luksoz, bare, restorante, njësi tregtare, kafene, hapësira për mbledhje dhe argëtim, SPA, pishinë dhe hapësira rekreative, kazino, si dhe vend parkim për mbi 600 makina.

Kosto e parashikuar është pothuajse 200 mln dollarë dhe do të ndërtohet në zonën e Bulevardit të ri (ish-Treni).

Kush qëndron pas “The Cliffs”

Aksionerë të Adriatic Resort sh.a janë dy persona, amerikani Steven Merrill Gallaway dhe shqiptari Ëngjëll Pasha. Por këta janë thjesht emrat që dalin në filialin shqiptar.

“Adriatic Resort sh.a“ është bijë e kompanisë mëmë “Adriatic Resorts LLC”, e regjistruar në Wymoing të Shteteve të Bashkuara të Amerikës. Në krye të saj qëndron Dominic Polizzotto.

Projekti bëhet edhe më interesant kur dalin në skenë emrat e bordit drejues, ku është edhe i famshmi Jack Binion. Ai është i biri i Lester Ben Binion, gangsterit amerikan që themeloi Las Vegasin e sotëm dhe eksportoi aty kumarin. Ben bëri vite burg për vrasje dhe krime të tjera. Pas vdekjes dinastia kaloi në duart e fëmijëve të tij, ndër to Jack, si i vetmi djalë që nuk u vra.

Jack Binion, 86 vjeç ka një pasuri prej 500 mln dollarësh dhe vazhdon të jetë pronar i disa kazinove dhe restoranteve në Amerikë.

Askush nuk mund të thotë nëse manjati është me të vërtetë i interesuar për të investuar në Shqipëri, a po është skema e radhës, ku qeveria prezanton investimet strategjike nën emrin e një biznesmeni të huaj, për ta kaluar atë më pas tek një biznesmen vendas.

Të njëjtin shqetësim ngriti edhe deputetja Jorida Tabaku kur po prezantohej projektligji i lojërave të fatit. Ajo tha në komisionin e Ekonomisë se kriteri për t’i dhënë licencën e llotove vetëm kompanive të huaja është një taktikë për t’i reklamuar ato si biznese të jashtme e më pas tu dorëzohen shqiptarëe. Sikur të mos mjaftonte, ministria e Financave ndryshoi një pjesë të ligjit duke theksuar se duhet një aksioner i huaj, por nuk ka rëndësi se sa aksione ka ai.

Të premten e 5 janarit, ministri i Financave Ervin Mete njoftoi se qeveria po shqyrton mundësinë e shtyrjes së afatit për investimet strategjike, që mbaroi më 31 dhjetor 2023. Në rast miratimi, do të jetë hera e tretë që qeveria zgjat këtë afat./Zoom.al

Euro nis me “këmbë të mbarë” vitin. I afrohet 105 lekëve pas festave

Monedha europiane ka nisur mbarë vitin 2024. Një Euro këmbehet me 104.7 Lekë në pikat e këmbimit valutor, duke fituar kështu 1.39 pikë vetëm për javën e parë të muajit Janar.

Edhe Dollari amerikan e ka nisur vitin duke u forcuar në raport me Lekun me të paktën 1.51 pikë, për t’u këmbyer me 95.3 lekë. Paundi britanik dhe franga zvicerane këmbehen pothuajse në të njëjtat pozita që ishin para fundvitit 2023, ndonëse kanë vijuar fuqizimin e lehtë.

Nga ana tjetër Banka e Shqipërisë ka parashikuar të ndërhyjë në tregun e brendshëm duke tërhequr nga tregu i brendshëm një sasi prej 330 mln eurosh për efekt të rezervës së saj valutore.

Sipas kalendarit të bërë publik që prej fundit të vitit që lamë pas, janë planifikuar të zhvillohen 20 ankande për të blerë Euro në treg.

Ndërhyrjet e para nisin në 16 Shkurt 2024, ku do të kërkohet të blihen deri në 10 milionë euro, dhe kalendari i ankandeve planifikohet të mbyllet më 20 dhjetor 2024.

Kush është Gypsy Rose dhe pse TikTok-u është fiksuar pas vajzës që vrau mamanë e saj?

Me siguri, kudo nëpër #fyp tënd në TikTok ke parë historinë e Gypsy Rose Blanchard, e cila është akuzuar për vrasjen e shkallës së dytë, të së ëmës, Claudine, e njohur me nofkën “Dee Dee”. Gypsy u shpall fajtore në korrik të 2016-ës dhe u dënua për 10 vite. Ajo do të dalë nga burgu më 28 dhjetor, sipas vendimit të ri.

Historia e saj është mjaft interesante dhe disa njerëz në TikTok “e justifikojnë” vrasjen e së ëmës. Gypsy Rose ka qenë viktimë e së ëmës, e cila pretendohet se vuante  sindroma ‘Munchausen’ (një sëmundje e rrallë, ku pacienti shtiret sikur ka një sëmundje për të marrë vëmendje dhe empati).

E ëma e saj, “Dee Dee”, prej vitesh e kishte bindur vajzën se vuante nga një sëmundje. Ajo jetonte me të ëmën, e cila e mashtronte për simptomat e sëmundjes. Ajo nisi të shtirej dhe të thoshte se e bija vuante nga sëmundje të ndryshme qysh kur ishte bebe.

Gypsy Rose lindi në vitin 1991 dhe “Dee Dee” tha se e bija vuante nga apnea e gjumit. Kur vajza ishte 8 vjeç, “Dee Dee” u shpreh se vuante nga leuçemia dhe distrofia muskulare, ndaj i duhej që të lëvizte me karrige me rrota dhe të ushqehej me serume. Lista e sëmundjeve nga e cila “vuante” Gypsy Rose sa vinte dhe rritej, duke përfshirë edhe krizat, astma, si dhe dëmtim të shikimit dhe dëgjimit.

“Dee Dee” e detyroi të bijën të flinte me pajisje që ndihmojnë për t’i siguruar pacientit oksigjen. Gypsy Rose iu nënshtrua shumë operacioneve, duke përfshirë edhe ndërhyrje në sy.  Gjithashtu, asaj i hoqën edhe gjëndrën e pështymës, çka shkaktoi prishjen e dhëmbëve (shkaqe të tjera mund të jenë: neglizhenca, numri i lartë i mjekimeve), dentistët ia hoqën të gjitha dhëmbët.

Në të vërtetë, ndryshe nga ç’pretendonte e ëma, Gypsy Rose mund të ecte, të ushqehej vetë dhe nuk vuante nga asnjë sëmundje. Ajo ishte qerose për shumë vite, pasi ajo ia kishte rruar kokën që prej kohës kur ishte bebe.

Duke qenë se “Dee Dee” hiqej si një nënë e përkushtuar dhe e devotshme, njerëzit e besonin dhe u vinte keq për të. Ajo i ndiqte rastet e së bijës me mjekë të ndryshëm dhe kur testet tregonin se e bija ishte e shëndetshme dhe mjekët ia komunikonin rezultatet, ajo ndalonte së e konsultuari vajzën me ta. Për të marrë para, disa mjekë u bënë palë me mashtrimet e saj.

“Dee Dee” kishte bërë ca trajnime si infermiere, ndaj i përshkruante me detaje simptomat, në disa raste, edhe i imitonte ato. Nga ana tjetër, njerëzit mendonin se ajo ishte një nënë shumë e mirë dhe e dashur për të bijën, të cilën e këshillonte të mos tregonte asgjë nga takimet me mjekët.

Ajo i tha të atit të Gypsy Rose, Rod Blanchard, se e bija kishte një çrregullim të kromozomeve, që e kishte çuar në shumë probleme të ndryshme shëndetësore. Kur familjarët e tij vunë re se në fakt, Gypsy Rose nuk kishte nevojë për një karrige me rrota dhe nisën të ngrinin pikëpyetje, “Dee Dee” mori vajzën dhe u larguan.

Si një gënjeshtare profesioniste, “Dee Dee” pretendoi se ishte e mbijetuar e uraganit Katrina dhe mori ndihmë për t’u zhvendosur në Missouri në vitin 2005. Atje, ajo vijoi ta ndiqte të bijën me mjekë.

Edhe kur vajza ishte adoleshente, “Dee Dee” sërish pretendonte se ishte sëmurë dhe nisi edhe të gënjente për moshën e Gypsy-t. Në vitin 2008, ato u transferuan në një shtëpi të re. “Dee Dee” mori përfitime të ndryshme nëpër koncerte bamirësie dhe shumë komplimente se ishte një nënë heroinë.

Në vitin 2009, një raport anonim u dorëzua tek autoritetet duke thënë se rrëfimet e “Dee Dee” për sëmundjet e së bijes nuk kishin baza mjekësore. Nisur nga kjo, punonjës vizituan shtëpinë e tyre, por “Dee Dee” i bindi se nuk kishte asgjë të keqe.

Ndërkohë që Gypsy rritej, “Dee Dee” nisi të gënjejë gjithnjë e më shumë për moshën e saj, madje shkoi aq larg, sa ndryshoi edhe datën e lindjes, për të bindur të tjerët se vajza ishte më e re në moshë. Megjithatë, duke u rritur Gypsy Rose, “Dee Dee” e kishte të vështirë ta kontrollonte.

Në vitin 2012, Gypsy u përpoq të largohej nga nëna e saj, por “Dee Dee” e gjurmoi dhe e kapi sërish përmes miqve të përbashkët. Sipas Gypsy Rose, kur u kthyen në shtëpi, e ëma i theu kompjuterin dhe e lidhi në krevat, duke shtuar se në ca raste, e ëma e godiste dhe nuk e linte të ushqehej. Gypsy ia doli të kishte akses në internet. Ajo iu bashkua një faqeje takimesh me njerëz të krishterë dhe u njoh me Nicholas Godejohn. Ajo i tregoi atij për veprimet e së ëmës dhe i kërkoi që ta ndihmonte ta vrisnin atë.

Në vitin 2015, Nicholas shkoi në shtëpinë e tyre dhe e goditi “Dee Dee” me thikë, ndërsa vajza qëndronte e mbyllyr në banjë. Ai e qëlloi “Dee Dee” 17 herë dhe më pas, shkoi në dhomën e Gypsy-t ku kryen marrëdhënie seksuale.

Pas vrasjes, ata morën autobusin dhe u larguan në shtëpinë e tij, ku u gjetën dhe nga policia. Gypsy nuk e mbuloi krimin, përkundrazi, publikoi një status në Facebook ku shkroi: “Ajo k*rvë ka vdekur”. Sipas saj, këtë e bëri që ta gjenin trupin e së ëms.

Pas vdekjes së “Dee Dee”, shumë njerëz e pyetën Gypsy-n se pse ajo kishte shkuar aq larg sa ta vriste të ëmën. Duke marrë parasysh se ajo mund të ecte dhe të fliste, thjesht mund të ekspozonte gënjeshtrat e së ëmës në publik. Por, Gypsy mendonte se askush nuk besonte dhe kishte frikë nga ajo që e ëma mund t’i bënte.

Fakti që Gypsy Rose e kishte kaluar gjithë jetën duke u kontrolluar nga e ëma, duke mos e lejuar të shkonte as në shkollë, as të fliste dhe as të komunikonte, e shtyu në marrjen e një veprimi të tillë.

Sipas mjekut Marc Feldman, i specializuar për rastet me sindromën “Munchausen”: “Kontrolli mbi Gypsy-n ishte total në të njëjtën mënyrë si ajo e një personi të rrëmbyer. Në thelb, vajza ishte një peng dhe unë mendoj se mund ta kuptojmë krimin e ndodhur, pasi të kuptojmë se pengu po përpiqej të shpëtonte”./anabel