Day ArchiveBE para një krize të re borxhesh? Sa të larta janë rreziqet

Zhytja në borxhe e shteteve të eurozonës në vitin 2022, sipas autoritetit të statistikave, Eurostat kapte kuotën 91,4 % të vëllimit ekonomik. Kundrejt vitit 2021 një rënie me 4%. Kjo është shifër e mirë, por sipas analizës së Bankës Qendrore Europiane lidhet me një efekt unik të qetësimit të gjendjes së ekonomisë pas pandemisë së Coronës.

BQE pret këtë vit një nivel borxhesh prej 89%. Vitin e ardhshëm pritet një rënie në 88,6%. Ajo që vlen si rregull dihet: Niveli i borxheve është shumë më i lartë se kufiri maksimal i 60% i vëllimit të produktit të brendshëm bruto. Për vendet e eurozonës ky pakt është i rëndësishëm. Në fund të fundit ai garanton stabilitetin e valutës europiane.

“Një nivel borxhesh i paparë më parë”

Prej katër vitesh që nga koha e Coronës dhe për shkak të çmimeve të larta energjitike si pasojë e sulmit rus në Ukrainë, është pezulluar pakti i vjetër i stabilitetit me rregullat strikte. Komisioni Europian nuk ka hapur ndonjë procedurë për borxhet e larta ndaj ndonjë vendi. 22 vende të BE e kalojnë kufirin 60%. Vendi me më shumë borxhe është Greqia me 171% të produktit të brendshëm bruto, Italia 144%. Një instancë e pavarur e KE,”European Fiscal Board” rekomandon që vendet me borxhe të larta të veprojnë me seriozitet e të ulin borxhet.

“Kemi aktualisht një nivel të lartë borxhesh të paparë më parë. Lartësia nuk është problem, po ne na shqetëson perspektiva që borxhet nuk do të ulen pa masa rrënjësore nga vendet e zhytura në borxhe”, është i mendimit Niels Thygesen, profesor i emerituar në Danimarkë, pjesë e “European Fiscal Board”.

Thygesen thotë se nuk duhet ta kemi iluzionin, se tregjet financiare do ta pranojnë aq lehtë që borxhet janë vazhdimisht mbi 100%. Rifinancimi i borxheve është shumë i shtrenjtë për këto vende. Agjencia Moody e ka ulur psh aftësinë kredituese të Italisë. Normat e larta të interesit që rrisin kostot e borxheve janë një shqetësim i madh për ministrat e Financave që takohen të hënën (06.11.) Ministri gjerman i Financave, Christian Lindner bëri të ditur së fundmi, se financimi i borxheve gjermane këtë vit do të përbëjë 40 miliardë euro. Vitin e kaluar ato ishin vetëm 4 miliardë euro, pra 10 herë më shumë. Kurse Italisë rifinancimi i borxheve i kushton 100 miliardë euro.

Ekonomisti Niels Thygesen iu bën thirrje shteteve që të kenë një plan afatgjatë për uljen e borxheve, para se ky problem të dalë jashtë kontrollit, si para 9 vitesh në rastin e Greqisë. Probleme nuk ka vetëm Italia, por edhe Spanja, Franca, Portugalia, Qiproja dhe Greqia. Por si duhet bërë kjo është mjaft e kontestuar mes ministrave të Financave.

Ku është plani për reduktimin e borxheve?

Pavarësisht disa muaj negociatash, ata nuk kanë rënë dakord për një koncept të përbashkët. Dy fronte qëndrojnë të papajtuar ballë për ballë. Njëri i drejtuar nga Gjermania kërkon kritere buxhetore të qarta, që vlejnë për të gjitha vendet me synim uljen e shpejtë të borxheve. Në anën tjetër qëndrojnë vende si Franca dhe Italia që kërkojnë rrugë individuale të reduktimit të borxheve, duke marrë në konsideratë rrethanat e veçanta në Paris, Romë dhe Athinë pa vendosur masa ndëshkuese. Ministri gjerman i Financave kërkon konsolidimin e buxheteve publike me pikërëndese investime në digjitalizim dhe modernizim.

“Këtë po bëjmë në Gjermani.Kemi një politikë të moderuar të kufizimit fiskal. Më pak borxhe e më shumë investime, kjo mund të bëhet, nëse vendosen prioritete, sipas Lindner. “Kërkohet guxim, por edhe të thuash se çfarë nuk bëhet.”

Ministri italian i Financave, Giancarlo Giorgetti e ekonomistë të tjerë kanë qëndrimin se investimet si ato në energjinë e gjelbër apo mbrojtjen duhet të hiqen nga llogaritjet e buxheteve.

“Shpenzimet që lidhen me prioritete europiane u shërbejnë qëllimeve strategjike politike nuk mund të lihen thjesht jashtë vëmendjes tek rregullat fiskale”, kërkoi Giorgetti në takimin e tetorit.

Nëse ministrat e Financave dhe Komisionit Europian nuk bien dakord deri në fund të vitit për rregullore të reja të borxheve, do të vlejë sërish pakti i vjetër i stabilitetit me kufirin rigoroz prej 3% të produktit të brendshëm bruto për borxhet e reja dhe rregullore të rrepta për reduktimin e borxheve.

KE duhet të niste procedura kundër Italisë dhe Francës, sepse kufiri i i borxheve të reja të këtyre vendeve e kalon 4%. Edhe Niels Thygesen nga “European Fiscal Board” nuk shikon zgjidhje tek pakti i vjetër i stabilitetit, sepse ndëshkimi më tej i këtyre vendeve i fundos ato më shumë në humnerën e borxheve. Sipas tij nevojiten strategji afatgjata për uljen e borxheve brenda vendeve anëtare./DW

Tensioni i gjakut rritet në varësi të stinëve, si të mbroheni nga ndikimi i motit

Temperaturat e ftohta të dimrit janë shkaktare të rritjes së rrezikshme të tensionit të gjakut tek të moshuarit.

Një studim francez ka zbuluar se tensioni i gjakut pëson luhatje të ndjeshme sipas stinëve.

Në dimër, tensioni i gjakut tek të moshuarit rritet me 33.4 përqind ndërsa në verë me 23.8 përqind.

Ndonëse ekspertët nuk kanë arritur të përcaktojnë mekanizmat që mund të shpjegojnë këtë lidhje mes motit dhe tensionit, ata thonë se gjithçka ka të bëjë me sistemin nervor simpatetik.

Ky sistem kontrollon mënyrën se si organizmi reagon ndaj stresit.

Ai gjithashtu rregullon çlirimin e hormonet katekolaminë që rrit tensionin e gjakut duke përshpejtuar rrahjet e zemrës dhe mbajtur nën kontroll enët e gjakut.

Tensioni i gjakut në varësi të stinëve

Studiuesit francezë analizuan të dhënat mjekësore të mbi 8800 të rriturve mbi 65 vjeç në harkun kohor të 2 viteve.

Gjatë dimrit tensioni sistolik pësonte një rritje prej 5 pikësh.

Ndikimi më i lartë i temperaturave tek tensioni i gjakut vërehej tek të moshuarit mbi 80 vjeç.

Këto gjetje, sipas ekspertëve, mund të shpjegojë edhe ndikimet sezonale në sëmundjet si ishemia, apo problemet me enët e gjakut që prekin të moshuarit.

Një monitorim më i vëmendshëm i tensionit të të moshuarve gjatë dimrit mund të përmirësojë shëndetin e tyre.

Si të mbroheni nga ndikimi i motit

Minimizoni ekspozimin ndaj të ftohtit në ambiente të jashtme,

Shmangni aktivitetet e rënda fizike,

Vishuni trashë,

Mbani doreza dhe shall kur të dilni në ambiente të ftohta,

Shmangni kafeinën dhe alkolin sepse shkaktojnë humbje më të shpejtë të nxehtësisë së trupit.

Konsumoni ushqime të përshtatshme për tensionin e gjakut siç janë frutat dhe perimet.

Kufizoni konsumin e kripës dhe hani më shumë produkte të bulmetit me pak yndyrë por edhe drithëra të plota, peshk, shpendë dhe arrorë.

Njerëzit që punojnë në ambiente të jashtme duhet të tregojnë kujdes të lartë për të ulur rrezikun e tensionit të lartë të gjakut./AgroWeb.org

Lideri i Hamasit refuzon të pranojë se vranë civilë në Izrael: Gratë e fëmijët ishin të përjashtuar Rama shtriu dorën e ndihmës për Melonin! Reuters: Asnjë vend në Afrikë nuk i pranoi emigrantët

Artikulli i përkthyer nga Reuters

Italia do të ndërtojë qendra në Shqipëri për të pritur emigrantët që përpiqen të dalin në breg përmes detit, tha të hënën kryeministrja Giorgia Meloni teksa zbuloi një skemë të re në përpjekje për të ulur numrat që janë pothuajse dyfishuar krahasuar me një vit më parë.

Meloni tha se qendrat shqiptare fillimisht do të strehojnë rreth 3,000 njerëz dhe do të hapen në pranverën e 2024.

Ajo tha se qeveria italiane shpresonte të rriste kapacitetin e saj më vonë për 36.000 emigrantë në vit.

Më shumë se 145,000 njerëz kanë dalë në breg në Itali deri më tani në 2023, krahasuar me rreth 88,000 në të njëjtën periudhë në 2022.

Administrata e Melonit ka ashpërsuar tashmë kushtet e burgut për kontrabandistët e qenieve njerëzore dhe vendosi të rrisë numrin e qendrave të paraburgimit në të gjithë vendin për të mbajtur emigrantët përpara riatdhesimit të tyre të mundshëm.

Partia e djathtë e djathtë e Melonit, Vëllezërit e Italisë, ka kërkuar prej kohësh që objekte të tilla të ngrihen jashtë Bashkimit Evropian, duke propozuar për shembull Afrikën e Veriut, por asnjë vend nga ai rajon nuk ka pranuar.

“Unë e konsideroj këtë si një marrëveshje të vërtetë europiane dhe dua të them se tregon se është e mundur të punohet së bashku për menaxhimin e flukseve migratore”, tha Meloni duke folur në Romë përkrah homologut të saj shqiptar Edi Rama.

“Emigrantët do të qëndrojnë në këto qendra për kohën e nevojshme për të përpunuar shpejt kërkesat për azil dhe, nëse është e nevojshme, për riatdhesim,” tha ajo.

Udhëheqësja italiane tha se të miturit, gratë shtatzëna dhe grupet e tjera vulnerabël nuk do të dërgoheshin në Shqipëri. Disa detaje të tjera të projektit, përfshirë koston, janë zbuluar.

Një burim në zyrën e saj tha se qëllimi i planit ishte të parandalonte largimet e emigrantëve dhe trafikimin e qenieve njerëzore dhe do të zbatohej vetëm për migrantët e shpëtuar në det nga roja bregdetare ose marina italiane, jo nga grupet bamirëse.

I njëjti burim mohoi se Italia do t’i paguante para Shqipërisë për të pritur qendrat.

Meloni tha se Italia do të ndërtojë një strukturë identifikimi të emigrantëve në portin shqiptar të Shëngjinit dhe një qendër riatdhesimi në brendësi. Të dy objektet do të funksionojnë nën juridiksionin italian, tha ajo.

Duke folur në italisht, kryeministri Rama tha se e ndjen për detyrë të ndihmojë Romën për shkak të marrëdhënieve të veçanta mes dy vendeve, të lidhura ndër të tjera nga afërsia gjeografike dhe historia koloniale.

“Të japësh dorën në këtë rast do të thotë të ndihmosh për të menaxhuar një situatë që të gjithë e shohin se është e vështirë për Italinë”, tha Rama.

Vendet kryesore nga emigrantët kanë mbërritur në Itali në vitin 2023 ishin Guinea, Bregu i Fildishtë dhe Tunizia, tregojnë të dhënat zyrtare.

Plani i Romës i bën jehonë një përpjekjeje të qeverisë britanike për të dërguar mijëra azilkërkues në Ruandë . Ky plan është zhytur në gjykata që kur u arrit.

“Kjo është jashtëzakonisht represive ndaj shtetasve të huaj që kanë një lloj statusi të kategorisë më të ulët për lirinë personale, sepse ata nuk janë shtetas të Bashkimit Evropian,” i tha Reuters Maurizio Veglio, një avokat dhe ekspert në ligjin e imigracionit.

Agron Shehaj largohet nga PD: Asnjë s’është alternativë! Mund të ishte krijuar parti e re Edukatorja dhunë barbare ndaj 3-vjeçares në kopshtin privat, dërgohet me këmbë të thyer në spital

Një prind ka denocuar rastin skandaloz ku vajza e tij e vogël është dhunuar barbarisht nga edukatorja brenda ambienteve të kopshtit privat “Stinët” në rrugën “Kushtrimi i lirisë” në Tiranë dhe është dërguar në spital me këmbë të thyer.

Raportohet se ngjarja ka ndodhur në datën 1 Nëntor 2023 dhe prindërit e vajzës janë njoftuar nga kopshti në orën 15:00 për gjendjen e vogëlushes, duke tentuar të fshehin edhe ngjarjen.

“Hajde merre vajzën sepse ka dhimbje tek këmba dhe po grindet, diçka e ka pickuar”, i ka thënë stafi i kopshtit nënës së vogëlushes.

Ndërkohë që dhuna ndaj të miturës kishte ndodhur rreth orës 10:20 të mëngjesit. Babai i vajzës tregoi se kur bashkëshortja ka shkuar në kopshtin ku ndodhej e bija, e ka gjetur të fshehur poshtë tavolinës dhe këmba e saj ishte shumë e enjtur.

Fillimisht e kanë nisur për pediatri, por aty mjekja i ka thënë se “që nuk është rast për mua, ka diçka tek këmba”, duke i sugjeruar të shkojnë tek “Ushtaraku”.

“Momentin që i bënë grafinë tek Trauma, grafia doli në një thyerje shumë të keqe, ishte thyer këmba, pjesa e kofshës në një gjendje skandaloze”, tha babai i vajzës.

Denoncuesi: Ka qenë data 1 Nëntor 2023. Vajza u çua nga ime shoqe në orën 8 e 20 dhe ne ikëm në punë siç çdo ditë. Kur e çuam vajzën në mëngjes ishte në rregull, si çdo ditë tjetër. Në orën 3, njoftohet nusja që “hajde merre vajzën sepse ka dhimbje tek këmba dhe po grindet, diçka e ka pickuar”. Nusja niset direkt dhe kur mbërrin aty, goca ishte futur poshtë një tavoline.

Këmba ishte e enjtur dhe ishte fryrë sa koka e vajzës. Nusja kishte ndeshur edukatoren dhe drejtoreshën të cilat po e prisnin duke qarë. Thoshte me veten e vet se “çfarë i kam bërë unë vetes”. Nusja nuk e pati mendjen në ato momente se çfarë po ndodhte me edukatoren, por pa edhe drejtoreshën duke qarë dhe drejtoresha i tha që “hajde të hipim në makinë dhe ta çojmë direkt në pediatri”.

U nisën në pediatri dhe më mori nusja direkt në telefon dhe më tha që po ikim në pediatri. Kur shkova, mora fëmijën dhe u shokova kur i pashë këmbën që ishte e enjtur në një gjendje skandaloze. Më pas morëm letrën e hyrjes që ta kontrollojë mjekja dhe kur mjekja pa tha “që nuk është rast për mua, ka diçka tek këmba dhe nuk di të ju kthej përgjigje. Ju sugjeroj që të shkoni tek “Ushtaraku”.

Kur mbërritëm në Urgjencën e “Ushtarakut”, u futëm brenda dhe kërkuam ndihmën e shpejtë dhe aty dolën mjekët që ishin specialist të kësaj fushe dhe në momentin që i bënë grafinë, grafia doli në një thyerje shumë të keqe, ishte thyer këmba, pjesa e kofshës në një gjendje skandaloze.

Sipas ekspertit mjekoligjor Sabri Hoxha, në grafi tregohet se vogëlushja ka thyerje të kockës femorale tek kofsha e majtë.

Eksperti tregoi se kemi të bëjmë me thyerje të rëndë, e cila ka nevojë për ndërhyre.

Sabri Hoxha, ekspert mjekoligjor: Grafia është tregues i një thyerje të kofshës së majtë, të kockës femorale. Është një thyerje me zhvendosje, futet tek thyerjet e rënda e cila ka nevojë për ndërhyrje, por është në varësi se si e vlerësojnë mjekët specialistë në rastin konkret.

Emisioni investigativ “Stop” ka siguruar edhe pamje filmike që tregojnë se si edukatore Lina ushtron dhunë ndaj vajzës së vogël.

“Emisioni Stop ka siguruar pamjet filimike të kopshtit “Stinët”, këtu jemi tek dhoma e vizatimit të këtij kopshti. Ajo që dyshohet është se rreth orës 10 të mëngjesit, diçka ka ndodhur me vajzën 3-vjeçare. Nuk dimë nëse ka qenë aksident apo dhunë e ushtruar nga personelei, por ajo që dimë është se vajzës 3-vjeçare i është thyer këmba. Kjo është eduktatore Lina. Nga pamjet kuptojmë se diçka nuk shkon me të. Ajo është e tensionuar, ku për disa minuta rri me kokë ulur vetëm në dhomën e vizatimit.”

“Kjo është ora 10 e 36 minuta. Vogëlushja e lënduar futet në dhomë nga sanitarja. Pas pak, edukatore Lina e acaruar çohet dhe godet me vizore vajzën. Duket qartë që këmba e vajzës në këto momente është e lënduar nga dridhjet dhe lëvizjet që ajo bën”

 

“Edukatore Lina mesa duket po shqetësohet nga të qarat e vajzës dhe i kthehet përsëri duke e goditur në fytyrë që vajza të pushojë së qari.”

“Sikur të mos mjaftonte kjo, vajza e vogël tërhiqet zvarë nga dora dhe ulet brutalisht në një karrige.”

“Dallohet qartë se vajza ka dhimbje nga këmba dhe qan nën zë pasi ka frikë nga edukatorja, por kjo e fundit tregohet e pamëshirshme dhe vazhdon duke e goditur me vizore në trup vajzën e vogël që ajo të pushojë.”

“Pra, nga këto pamje kuptojmë që vajza është lënduar rreth orës 10 të mëngjesit, por mosdhënia e ndihmës nga personeli dhe mbajtja për orë të tëra me këmbën e lënduar ka çuar në thyerje totale të kockës, ndërsa prindërit e vajzës u njoftuan 5 orë më vonë, në orën 3 të padites, atëherë kur situata kishte dalë jashtë kontrollit.”

Fillimisht Spitali i Traumës nuk ka bërë kallëzim për këtë ngjarje skandaloze, megjithëse ishte konstatuar këmba e thyer e vajzës. Po kështu, Oficeri i Policisë Gjyqësore, Ergys Brahimaj, nuk i ka marrë një denoncim prindërve në momentin kur e vogla ka shkuar me traumë në spital.

Babai i vajzës tregon se drejtoresha e kopshtit ka biseduar me OPGJ-në atë ditë duke i thënë se nuk kishte asnjë problem dhe ishte e afërmja e të miturës. Denoncimi është bërë të nesërmen nga e ëma e vajzës.

Gazetari: Ndërkohë ishte edhe drejtoresha e kopshtit që ju kishte shoqëruar?

Denoncuesi: Po. Unë ju ktheva dhe e pyeta: Të lutem ku është vrarë se mua doktori më kërkon një informacion për ta mjekuar. Drejtoresha më kthehet që “kërkoj të hapen kamerat”, por nuk është vrarë asgjëkundi, por është pickuar, ndëkrohë pickim nuk kishte fare. Drejtoresha u kontaktua nga kopshti i saj privat, “ne i kapëm filmimet dhe vajza në orën 3 para se të merrnin në telefon ka qenë në gjumë dhe është ngritur nga krevati dhe sa është ngritur, nga forca e ngritjes, ka thyer këmbën”. Në atë moment, unë nga mërzia i thashë që “kjo nuk është një përgjigje që mua më nevojitet si prind dhe mjekut që të bëjë detyrën e tij me informacionet që ju japim ne si prindër”.

Gazetari: Ndërkohë një detaj që dua unë të ju pyes: Oficerët e Policisë Gjyqësore a ju pyetën tek Spitali i Traumës sepse është procedura kur kemi të tilla aksidente?

Denoncuesi: Unë ika para me vajzën, por një oficer i ishte drejtuar drejtoreshës, e cila i ishte përgjigjur që “jam njeriu i saj dhe jam duke i shoqëruar” dhe më tej kishte ardhur pas nesh. Oficeri e kishte lënë si rast familjar, ka ndodhur diçka dhe po sjellin fëmijën për ndërhyrje urgjence. Denoncimi u bë ditën e nesërme, datë 2 pasdite. Tek spitali dhe urgjenca, oficeri quhej Ergys Brahimaj.

Nga informacionet që emisioni “Stop” ka siguruar, kemi të bëjmë dhe me një shkelje të mjekëve të spitalit të Traumës të cilët nuk i janë drejtuar organeve kompetente për zbardhjen e kësaj ngjarje, pasi duhet të ishin drejtuar prokurorisë apo policisë.

Arben Llangozi, avokat: Njëkohësisht, edhe drejtoresha e kopshtit ka pasur detyrim që të kallëzojë në institucionet përkatëse këtë krim të ndodhur në këtë kopsht, gjë që nuk e ka kryer. Personeli mjekësor ka detyrimin ligjor të bëjë kallëzim për vepra penale të cilat i konstaton gjatë ushtrimit të detyrës së saj, por nuk e ka përmbushur spitali apo personat përgjegjës që janë marrë me këtë punë ose akuzohen për moskallëzim krimi dhe shpërdorim detyre./tvklan.al

Marrëveshja për emigrantët/ Financial Times: Brukseli ka ngritur pikëpyetje për skema të tilla

Artikulli i përkthyer nga Financial Times

Italia do të ndërtojë dy qendra në Shqipëri për të pritur emigrantët që përpiqen të arrijnë në BE përmes detit, njoftuan të hënën kryeministrat e dy vendeve. Kryeministrja italiane, Giorgia Meloni e përshkroi marrëveshjen si një “zgjidhje inovative” që synon të frenojë një rritje të kalimeve të paligjshme në Detin Mesdhe.

Më shumë se 145.000 emigrantë kanë arritur në brigjet e Italisë nga Afrika Veriore që nga fillimi i vitit 2023, krahasuar me 88.000 njerëz vitin e kaluar.

“Emigracioni masiv i paligjshëm është një fenomen që shtetet anëtare të BE-së nuk mund ta trajtojnë të vetme. Bashkëpunimi me shtetet jo anëtare të BE-së mund të jetë vendimtar”, tha Meloni në një konferencë të përbashkët shtypi në Romë, së bashku me homologun e saj shqiptar, Edi Rama.

Është hera e parë që një vend i BE-së i jep procedurat e tij të azilit në një vend që nuk është ende pjesë e bllokut. Shqipëria është në bisedime për t’u bashkuar me BE-në dhe ka qenë anëtare e NATO-s që nga viti 2009. Marrëveshja i bën jehonë marrëveshjes së Mbretërisë së Bashkuar me Ruandën, e cila megjithatë është zhytur në sfida ligjore. Komisioni Evropian tha se ishte në dijeni të marrëveshjes, por se nuk kishte marrë ende detaje.

“Është e rëndësishme që çdo marrëveshje e tillë të jetë në respekt të plotë të së drejtës së BE-së dhe ndërkombëtare”, tha një zëdhënës i komisionit.

Brukseli në të kaluarën ka vënë në pikëpyetje nëse skemat për përpunimin e kërkesave për azil në vendet jo anëtare të BE-së janë në përputhje me rregullat ndërkombëtare, të cilat përcaktojnë se njerëzit që kërkojnë mbrojtje në një vend tjetër nuk mund të dërgohen pa u dëgjuar më parë kërkesa e tyre.

Meloni ka hedhur vazhdimisht idenë e ndërtimit të qendrave të pritjes jashtë kufijve italianë dhe madje edhe evropianë, duke sugjeruar se ato mund të ngrihen në Afrikën veriore. Ajo u ndal në Shqipëri në gusht, kur ndërpreu pushimet e saj në rajonin e Pulias për të kaluar disa ditë takim me Ramën në vendin e tij.

Ndërtimi i dy objekteve të emigrantëve, ku do të zbatohet juridiksioni italian, do të financohet tërësisht nga shteti italian, tha kryeministrja italiane.

Emigrantët e shpëtuar në det nga rojet bregdetare italiane do të zbarkojnë në portin e Shëngjinit, në veri të Shqipërisë.

Fillimisht do të strehohen në qendrën e pritjes ku do të regjistroheshin dhe ku mund të aplikojnë për azil në Itali.

20 km larg bregut, në vendbanimin Gjadër, do të ndërtohet edhe një objekt dëbimi dhe paraburgimi. Gardianët e policisë shqiptare do të jenë në krye të patrullimit të të dy qendrave.

“Nëse Italia thërret, Shqipëria është atje”, tha Rama. “Të japësh dorën në këtë rast do të thotë të ndihmosh për të menaxhuar një situatë që të gjithë e shohin se është e vështirë për Italinë.”

Meloni tha se Italia pret që këto qendra të jenë plotësisht funksionale deri në pranverën e vitit 2024 dhe të kenë kapacitetin për të menaxhuar nga 36.000 deri në 39.000 emigrantë në vit.

Ajo shtoi se shpreson se kjo marrëveshje mund të bëhet një “model” për vendet e tjera që duhet të ndjekin. Sipas një zyrtari qeveritar, objektet do të strehojnë vetëm njerëz të shpëtuar në det nga zbatimi i ligjit italian dhe jo nga anije të operuara nga grupe bamirësie.

Gratë, fëmijët dhe emigrantët në kushte të pambrojtura nuk do të sillen në Shqipëri, por do të vazhdojnë të zbarkohen në Itali.

Shqipëria si Ruanda/ Si Rama deklaronte dy vite më parë se s’do kishte kurrë kamp për refugjatët

Shqipëria ka nënshkruar një marrëveshje bashkëpunimi me Italinë që duket se do e kthejë vendin tonë si Ruanda me emigrantët në Angli.

Në bazë të marrëveshjes mes dy krerëve të qeverive, Italia do të financojë dy qendra në Shëngjin për të menaxhuar emigrantët e paligjshëm.

Por çfarë deklaronte kryeministri Edi Rama dy vite më parë në lidhje me artikujt që mediat britanike publikonin për menaxhimin e flukseve të migracionit.

“Shqipëria nuk do jetë kurrë një vend ku vende shumë të pasura do krijojnë kampe për refugjatët e tyre, asnjëherë”, shpreh ai, por një zotim ky i pambajtur nga kryeministri Edi Rama.

Pyetje: Si e shpjegoni faktin që mediat britanike shkruajnë se ministrat britanikë janë shpresëplotë në arritjen e një marrëveshjeje me Shqipërinë për instalimin e një kampi refugjatësh këtu?

Rama: Nuk jam këtu për të shpjeguar deklaratat e ministrave britanikë. Por, meqë pyetët, Shqipëria nuk do jetë kurrë një vend ku vende shumë të pasura do krijojnë kampe për refugjatët e tyre, asnjëherë.

Por sot në një deklartë për mediat me kryeministren italiane Giorgia Meloni, Rama zbuloi marrëveshjen mes dy qeverive.

Dy strukturat fillimisht do të presin deri në 3 mijë persona që do të qëndrojnë aty kohën e nevojshme për të shqyrtuar kërkesat për azil. Fluksi vjetor mund të arrijë deri në 36 mijë persona.

Meloni deklaroi se në Shëngjin do të ngrihet qendra për pritjen e refugjatëve që do të jetë nën juridiksionin e Italisë, dhe një tjetër strukturë do të ngrihet për akomodimin e tyre, deri sa të shqyrtohen kërkesat për azil. Kjo qendër parashikohet që të jetë gati në pranverën e ardhshme. /Zoom.al

 

View this post on Instagram

 

A post shared by zoom.al (@zoom.al)

“Baba i mrekullueshëm”- Soni Malaj flet për marrëdhënien me Mirkon: Zëre se s’jemi ndarë

Soni Malaj ka folur për marrëdhënien me ish-bashkëshortin e saj, Mirko, me të cilin ka edhe një vajzë.

Këngëtarja u shpreh se ai është një baba i mrekullueshëm dhe komunikojnë së bashku.

Ajo tha se janë çdo 3 javë bashkë dhe zëre sikur nuk janë ndarë.

“Mirko, ish-bashkëshorti. Si ka dalë aty, na trembi, qyqja. Mirko qëparë më shkroi. Më çoi foto me vajzën, më tha ka dalë me shoqet e ‘unë jam nga mbrapa me biçikletë duke i ndjekur’.

Kemi bashkë një vajzë të mrekullueshme, është një baba i mrekullueshëm. Jo ne çdo 3 javë, zëre se nuk jemi ndarë hiç, çdo 3 javë bashkë jemi”, tha Soni Malaj në  “Mos i bjer me top”.

Soni Malaj i ka dhënë fund martesës me balerinin italian, Mirko Luccarelli, në 2015-ën, dy vite pas celebrimit të tyre.

Por ata kanë ruajtur një marrëdhënie miqësore me njëri-tjetrin, pavarësisht se kanë kaluar 8 vite nga fundi i martesës së tyre.

“Kam qenë shumë e vogël kur ëndërroja të ngjitesha në skenë dhe falë familjes sime, të cilët kanë qenë gjithmonë aty për mua, në çdo sfidë, që më ka servirur jeta besoj që, në një farë mënyrë ia kam dale. Ju siguroj se si unë, ashtu edhe bashkëshorti im, që jemi njerëz qytetarë, e kemi marrë bashkë këtë vendim. Nuk duhet të ketë patjetër një element gazetaresk që të ndahet një çift.

Dashurinë nuk e mbajmë dot me zor në zemër. Dashuria ndonjëherë nuk mjafton. Ndaj gjithë dashurinë që ne kishim për njëri­tjetrin, ia japim Annës. Jemi të vendosur që rrugëtimin e rritjes së Annës do ta bëjmë të dy, pa kushte. Ne do jemi gjithmonë aty për Annën”, tha këngëtarja pas ndares.

Shqiptarët do të paguajnë më shtrenjtë paketën e kontratave të PPP, pavarësisht hetimeve të SPAK

Taksapaguesit shqiptarë pritet të paguajnë minimalisht 14.3 miliardë lekë për kontratat kontroverse koncesionare, shumë prej të cilave kanë dështuar të ofrojnë shërbimet e premtuara si dhe kanë rezultuar të prekura në masë të madhe nga korrupsioni qeveritar. Por pavarësisht hetimeve të SPAK, kostoja e tyre në xhepat e qytetarëve pritet të rritet.

Qytetarët shqiptarë pritet të paguajnë edhe më shtrenjtë vitin e ardhshëm një paketë kontratash të partneritetit publik-privat, tashmë famëkeqe për shkallë të lartë korrupsioni të hetuar në disa procedime penale nga SPAK. Sipas të dhënave të projekt-buxhetit 2024, kostoja e këtyre kontratave pritet të rritet në 14.3 miliardë lekë nga 13.1 miliardë këtë vit, pavarësisht se dy nga këto kontrata, incineratori i Fierit dhe ai i Elbasanit, janë shlyer tashmë tërësisht.

Kontrata më e shtrenjtë është ajo që parashikonte ndërtimin e Rrugës së Arbrit, kostoja e së cilës do të rritet vitin e ardhshëm në 3.5 miliardë nga 2.8 miliardë që po shpenzohen këtë vit. Rruga e Arbrit në total pritet t’i kushtojë qytetarëve 40.3 miliardë lekë me pagesa që do të vijojnë deri në vitin 2031. Qytetarët kanë paguar sakaq 15 miliardë lekë ndërsa kompania sipërmarrëse ka dështuar deri më sot të dorëzojë objektin sipas kontratës, ku pjesa kyçe, tuneli nën qafën e Murrizit, vijon të mos jetë operacionale edhe një vit e gjysmë pas skadimit të afatit fillestar.

Aktualisht qeveria nuk jep të dhëna se kur mundet që rruga të përfundojë së ndërtuari, pavarësisht se kompania sipërmarrëse ka marrë shtesë kontrate. Dhe jo vetëm kaq, por e njëjta kompani ka fituar një tender të titulluar “rivitalizimi i skarpatave”, gjë që efektivisht është shtesë mbi shtesën e kontratës për ndërtimin e këtyre pesëdhjetë kilometrave rrugë.

Ofrimi i Shërbimeve laboratorike spitalore, një koncesion që është aktualisht në hetim, është i dyti më i madh që do t’i kushtojë shqiptarëve 1.85 miliardë lekë, me një rritje 3% në krahasim me këtë vit.

Koncesioni i seteve kirurgjikale, për të cilin propozuesi dhe zëvendësministri janë aktualisht në paraburgim në pritje të gjykimit planifikohet të kushtojë 1.76 miliardë lekë, i pandryshuar nga viti i kaluar, ndërsa koncesioni i fushave të plehrave të Tiranës pritet të kushtojë 1.27 miliardë lekë, me rritje prej 23%.

Landfilli i Sharrës, aktualisht në sekuestro preventive nga SPAK si objekt krimi, i siguron të ardhurat nga pagesat e buxhetit përmes kontratës koncesionare, nga pagesat e bashkive Durrës e të tjera si tarifë depozitimi si dhe nga tarifat e depozitimit për subjektet private. Megjithëse tashmë është e qartë se pronarët finalë të kontratës koncesionare janë biznesmenët në arrati Klodian Zoto dhe Mirel Mërtiri, dhe se kontrata koncesionare nuk është zbatuar nga ana e kompanisë sa i përket investimeve të planifikuara, qeveria e kryeministrit Edi Rama nuk ka lëvizur për të anuluar kontratën apo për të ndërprerë pagesën apo për të zgjidhur problemin e plehrave në tërësi.

Rruga Milot – Morinë është një kontratë tjetër që i kushton taksapaguesve rreth 738 milionë lekë si pagesa të drejtpërdrejta nga buxheti përveç të ardhurave nga tarifat. Sipas të dhënave të bilancit të saj, kompania pati të ardhura në masën 1.16 miliardë lekë vitin e kaluar dhe fitime në masën 141 milionë lekë.

Shpenzimet e drejtpërdrejta të taksapaguesve për koncesionet pritet të rriten më tej në 15 miliardë lekë nëvitin 2025, sipas vlerësimeve të Ministrisë së Financave. /BIRN