Day ArchiveStudimi: Cila është periudha më e mirë për të kryer marrëdhënie seksuale

Në një sondazh të kryer nga HotelPlanner “Summer Vacation Habits”, 34% e amerikanëve pranuan se seksi më i mirë është gjatë pushimeve. Sipas faqes së internetit të udhëtimit, numri i njerëzve që pretendojnë se seksi është më i mirë gjatë pushimeve mund të jetë për shkak të tendencës sonë për t’u çlodhur kur jemi larg jetës sonë të përditshme.

Arsyet pse seksi është më i mirë kur jemi larg shtëpisë?

Sipas një artikulli në Health, seksi në pushime mund të jetë më i mirë sepse ndoshta kemi më shumë kohë në dorë dhe mund të jemi më spontan. Përveç kësaj, mjedisi i ri në të cilin gjendemi është padyshim një ndryshim emocionues që mund të ndihmojë në gjallërimin e jetës sonë seksuale. Kur jemi me pushime, ne mund të përfitojmë nga gjithçka që ofron mjedisi ynë i ri, si një dush në natyrë ose një ballkon i mbrojtur nga pamja e publikut. “Të bëhesh seksi në vende të reja do të të detyrojë të bëhesh kreativ me pozicionet gjatë aktit”, thotë seksologu.E vërteta është se elementi i panjohur i një vendi të ri mund të na emocionojë, ndërsa në të njëjtën kohë nuk do të na largojë nga vëmendjen tonë ndaj detyrimeve tona të përditshme.

Gjithashtu, mënyra se si visheni në udhëtim mund të bëjë një ndryshim në seksin tuaj, pasi çiftet me pushime priren të kujdesen më mirë për veten dhe të vishen më seksi. Holly Richmond, një terapiste marrëdhëniesh dhe seksi në Los Anxhelos, tha për revistën Health se “Njerëzit priren të vishen më seksi gjatë pushimeve. Shumica e njerëzve nuk i marrin me vete rrobat e vjetra dhe të rehatshme në një udhëtim.”

Del në ankand mikrofoni me të cilin reperja e famshme goditi fansin

Mikrofoni që këngëtarja Cardi B i hodhi një spektatori gjatë koncertit të saj gjatë fundjavës pritet të dalë në ankand për bamirësi.

Pronari i kompanisë ‘The Wave’, e cila siguroi pajisjet në koncert e listoi mikrofonin në një reklamë në eBay.

Në të, ai thekson se 100% e të ardhurave do të shkojnë për dy bamirësi, Friendship Circle Las Vegas dhe Wounded Ëarrior Project.

Siç shkruan Scott Fisher, ai donte të “përpiqej të bënte diçka të mirë”.

“Pas disa inkurajimeve nga njerëzit e mi, vendosa ta nxjerr në ankand me 100% të fitimit të ndarë në mënyrë të barabartë midis 2 organizatave bamirëse. Njëra është një organizatë bamirëse lokale e quajtur Friendship Circle Las Vegas. Tjetri është Projekti i Luftëtarit të Plagosur ”, shkruan ai.

Vlera tashmë ka arritur në 30,000 dollarë, me ankand që përfundon më 8 gusht.

Evakuohet Senati Amerikan dyshohet se një person i armatosur ka hyrë në godinë

Policia amerikane u ka bërë thirrje personave që gjenden brenda zyrave të Senatit amerikan që të strehohen, pasi është raportuar se mund të ketë një sulmues të mundshëm aktiv. Senati amerikan është në pushim veror dhe shumica e ligjvënësve nuk janë në zyrat e tyre.

“Nëse jeni brenda ndërtesës së Senatit, të gjithë që gjenden brenda duhet të qëndrojnë brenda pasi ka raportim për një sulmues të mundshëm aktiv. Theksojmë se nuk kemi asnjë raport të konfirmuar për të shtëna”, tha policia e Kapitolit përmes një postimi në rrjetet sociale.

Autoritetet e rendit thanë se janë duke vazhduar hetimet për këtë ngjarje, pasi pranuan një thirrje emergjente.

Një këshilltar i policisë së Kongresit amerikan u bëri thirrje personave që gjenden brenda zyrave të qëndrojnë brenda dhe të pajisjen me pajisje për emergjenca. Po ashtu, ai ka kërkuar që ata të ndalin zërin e pajisjeve elektronike.

Jashtë ndërtesës së Kongresit amerikan është parë prani e madhe e policisë.

Ligj i ashpër në Kinë. Internet me orar të kufizuar për fëmijët nën 18-vjeç

Fëmijët nën 18 vjeç në Kinë nuk do të jenë më në gjendje të hyjnë në internet në telefonat e tyre smartphonë gjatë natës dhe koha që ata mund të jenë online gjatë ditës do të jetë e kufizuar, sipas legjislacionit të ri kundër varësisë ndaj internetit.

Bazuar në këto kufizime, të cilat pritet të hyjnë në fuqi më 2 shtator asnjë i mitur në Kinë nuk do të mund të hyjë në internet nëpërmjet një celulari nga ora 22:00 deri në orën 06:00 të mëngjesit .

Përveç kësaj, do të vendoset gjithashtu një sistem për të kufizuar kohën ditore të shpenzuar në internet: adoleshentët e moshës 16-17 vjeç do të mund të jenë online për dy orë, krahasuar me vetëm 40 minuta për fëmijët nën 8 vjeç.

Kina është një nga vendet që po aplikon masat më të rrepta në botë për kufizimin e internetit te fëmijët.

Nga viti 2021, ajo kufizoi sasinë e kohës që fëmijët mund të kalojnë duke luajtur online në ditë. Kina gjithashtu ngriu miratimet e videolojërave të reja për nëntë muaj, duke shkaktuar trazira në mesin e bizneseve të shumta në këtë sektor.

Nga Shkodra në Sarandë, Rama miraton lejet e ndërtimit për 20 resorte

Këshilli Kombëtar i Territorit zhvilloi këtë të martë mbledhjen e radhës ku miratoi 20 leje ndërtimi në bregdetin e Shqipërisë nga Velipoja në Sarandë. Pjesa më e madhe e tyre janë resorte me ndërtim vilash, ndërkohë që një numër më i vogël parashikon ndërtim hotelesh.

Dy lejet e e para në rendin e ditës për ndërtimet bregdetare kanë qenë për zonën e Lezhës me përfitues shoqërinë Dukagjini Group, e cila është nën pronësi të biznesmenit kosovar, Ekrem Lluka. I akuzuar nga opozita kosovare si oligark i të gjitha sistemeve, Ekrem Lluka ka përfituar dy leje ndërtimi në Shëngjin.

Leja e parë është me objekt “Godina me funksion banimi, Shëngjin”, ndërsa leja e dytë e miratuar nga KKT është Objekte me funksion banimi dhe shërbimi dhe objekt me funksion hoteleri dhe kazino.

Por dy lejet e Shëngjinit janë vetëm një fraksion i vogël i lejeve në zonat bregdetare të miratuara një ditë më parë nga KKT. Pjesa dërrmuese e tyre i përket bregdetit të lalzit dhe rivierës së Jugut.

Miratohen lejet për Portin e Durrësit dhe të Vlorës

Në rendin e ditës në mbledhjen e KKT-së kanë qenë dhe dy projektet e porteve turistike, atij të Durrësit dhe të Vlorës. Për Portin e Durrësit, KKT miratoi lejen e ndërtimit për plot 9 godina.

Më konkretisht është miratuar leja e ndërtimit për objektin: “Godinë banimi dhe shërbimi me 1, 6, 7, 8 dhe 10 kate mbitokë, 1 kat pjesërisht parkim nëntokë dhe 1 kat parkim nëntokë” dhe “Godinë banimi dhe shërbimi 1, 6, 7 dhe 8 kate mbitokë, 1 kat pjesërisht parkim nëntokë dhe 1 kat parkim nëntokë”, Zona 02, Zona e menaxhimi A02 dhe A04, me vendndodhje në “Marina & Jahtet e Durrësit”, me subjekt zhvillues shoqërinë “Durrës Marina” sh.a.

Ndërsa për Portin e Durrësit u miratua leja e ndërtimit për objektin: “Strukturë akomoduese rezidenciale dhe Marina Resort Vlorë”, Blloku 2 (Objekti C4), me vendndodhje në Bashkinë Vlorë, me subjekt zhvillues shoqërinë “Marina Residence Vlorë” sh.p.

Resorte në Lalz

Në bregdetin e Lalzit, Këshilli Kombëtar i Territorit ka miratuar lejet për 4 projekte. E para është leja e zhvillimit për objektin: “Strukturë Hotelerie dhe Shërbime”, me vendndodhje në Gjirin e Lalzit, Bashkia Durrës, me subjekt zhvillues shoqërinë “Prime Capital” sh.p.k.

Po kështu është miratuar leja e zhvillimit për objektin: “Strukturë Hotelerie”, me vendndodhje në Rrugën: “Bregu i Detit”, në Gjirin e Lalzit, Bashkia Durrës, me subjekt zhvillues shoqërinë “Emav Group” sh.p.k.

Dy vendimet e tjera ishin miratimi i lejes së ndërtimit për fazën e tretë të resortit turistik “Lura 5” e Dod Doçit si dhe miratimi i lejes së ndërtimit për objektin “Adriatica Resort,  me subjekt zhvillues shoqërinë “Edil Al-It” sh.p.k të familjes Dulaku.

Ndërtime në Jug

Në bregdetin e Jugut janë miratuar një sërë projektesh. Mes tyre janë leja e zhvillimit për resortin Village Square, që do të ndërtohet nga Seaside Construction, një shoqëri që zotërohet nga Florenc Gjikuria, Bardhjus Bushaj dhe Erion Gina.

Shoqëria La Brisa, nën pronësi të Fatos Malajt dhe ish drejtorit të Bashkisë Tiranë, Elvin Tivari ka marrë lejen e ndërtimit për objektin “Godinë Shërbimi Hoteleri”, me vendndodhje në Dhërmi, Bashkia Himarë.”

Ndërkohë projektet e tjera të cilave u është miratuar leja e ndërtimit i përkasin zonës së Radhimës.

Tirana në luftë me betonin

Por bregdeti nuk është zona e vetme ku lejet e ndërtimit po miratohen në seri. Ndërtimet vazhdojnë me ritëm agresiv edhe në kryeqytet. Një ditë më parë KKT miratoi lejet e ndërtimit edhe për 7 kulla apo objekte banimi në Tiranë.

Kompania Fusha ka arritur të marrë lejë ndërtimi për një godinë polifunksionale në Tiranë, por në njoftim nuk specifikohet vendi se ku. Infinity Investment e Bledar Sinanit dhe Johannes Ëeissengruber ka marë lejen e ndërtimit për një objekt me destinacion shërbime në rrugën Brigada 8, ndërsa Sara-El e Luan Bregasit ka marrë lejen për ndërtimin e një kulle në Komunën e Parisit.

Forever Construction e Lefter Sotas ka përfituar lejen e ndërtimit për kompleksin Tirana Lana Riverside Residences me vendodhje në Bulevardin Gjergj Fishta, ndërsa Geo Construction do të ndërtojë objektin Tirana East Toëer Residence”, me vendndodhje në Rrugën: “Gramoz Pashko./Oligarkia.al

VOA nxjerr detaje të reja nga aktiviteti i dyshuar i Tom Doshit në Australi

Këto ditë, platforma hulumtuese, Projekti për Raportimin e Krimit të Organizuar dhe Korrupsionit, publikoi një hulumtim të bazuar në dosjet e Komisionit Australian për Zbulimin e Veprimtarive Kriminale që identifikon biznesmenin dhe ish deputetin shqiptar, Tom Doshi si drejtues të një grup kriminal në Australi, të përfshirë në trafikim narkotikësh, pastrim parash dhe shkelje të rregullave të emigracionit. Është hera e parë që dyshimet për lidhjet e zotit Doshi me krim të organizuar në Australi, ku kishte jetuar në fund të viteve ‘90, bëhen publike. Doshi – një aleat politik i kryeministrit të Shqipërisë Edi Rama – përshkruhet si kreu i një sindikate krimi në Australi. Zoti Doshi i ka mohuar akuzat. Por, redaktori Brian Fitzpatrick nga Platforma Hulumtuese për Raportimin e Krimit të organizuar dhe Korrupsionit, në një bisedë me Zërin e Amerikës, thotë se dosjet e komisionit australian ofrojnë një pamje të zymtë të këtyre grupeve kriminale shqiptare dhe rrezikut që ato paraqesin për sigurinë kombëtare të Australisë.

Redaktori Brian Fitzpatrick thotë se në Australi gjatë viteve 2000 u krijuan një sërë rrjetesh të krimit të organizuar shqiptar, që merreshin me trafikim qeniesh njerëzore, pastrim parash dhe kontrabandë drogash. Rrjetet ishin të organizuara mbi baza klanore. Një prej tyre, sipas redaktorit Fitzpatrick, ishte rrjeti i supozuar i politikanit dhe biznesmenit Tom Doshi. Sipas dosjeve të autoriteteve australiane, këto grupe, aktive të paktën deri vitin 2020, janë të shtrira përgjatë disa qyteteve australiane, përfshirë Melbournin, Adelaiden dhe Perthin.

“Kemi shqyrtuar një sërë dokumentesh nga Komisioni australian për Zbulimin e Veprimtarive Kriminale, Në to skicohet se si krimi i organizuar shqiptar, që vepronte në bazë të një klanor, ka krijuar një perandori kriminale në Australi që nga viti 2000. Raportet përshkruajnë se si grupet e krimit të organizuar shqiptar shfytëzojnë mangësitë e sistemit të emigracionit dhe përmes trafikimit të drogës, kontrabandimit të njerëzve dhe duke shfrytëzuar pasaportat e përfituara me mashtrime dhe dokumente të falsifikuara emigracioni sigurojnë hyrjen në Australi. Në momentin që hyjnë aty, vazhdojnë të manipulojnë sistemin, duke shfrytëzuar procesin e stërzgjatur të vizave për të qëndruar në Australi dhe gjatë kësaj kohe përfshihen në vepërimtari kriminale” thotë zoti Fitzpatrick.

Sipas tij, mes tyre është edhe rrjeti që agjencia australiane pretendon se udhëhiqej nga zoti Doshi dhe përbëhet nga anëtarë të familjes së tij të gjerë. Tetë nga anëtarët e këtij rrjeti janë kushërinj të zotit Doshi dhe janë subjekt hetimesh nga autoritetet australiane për trafikim droge dhe pastrim parash gjatë viteve të fundit. Aktivitetet e tyre përfshijnë kultivimin e kanabisit dhe përdorimin e fitimeve nga shitja e tij për importimin e kokainës në Australi. Ato që përshkruan raporti australian i zbulimit, sipas zotit Fitzpatrick, tregojnë për një skemë afatgjate të organizimit të këtyre grupeve.

“Dosjet përmbajnë hollësi për pesë cikle të jetës së krimit të organizuar shqiptar në Australi. Ato përfshijnë rekrutimin e këtyre njerëzve në Shqipëri, dërgimin e tyre në Australi, duke u premtuar punë dhe duke përdorë dokumente të dyshimta për të qëndruar në Australi, ku më pas përfshihen në aktivitete kriminale, deri sa kapen dhe dëbohen nga vendi. Janë mjaft të detajuara dhe tregojnë se këto grupe nuk lindin organikisht, ato kanë një plan afatgjatë në mendje, kur i dërgojnë njerëzit drejt Australisë. E dinë se çfarë po bëjnë,” theksoi zoti Fitzpatrick.

Zoti Doshi, i cili që nga viti 1997 ka kaluar një pjesë të jetës së tij në Australi, i ka mohuar pretendimet e autoriteteve australiane. Ai ka mohuar se drejton një organizatë krimi në Australi dhe ka hedhur poshtë pretendimet se një rrjet i tillë është i përbërë nga familjarët e tij.

Por, zoti Fitzpatrick thotë, se ndonëse nuk është ngritur aktakuzë ndaj zotit Doshi, raporti australian ngre shqetësim për aktivitetin e klaneve kriminale me origjinë nga Shqipëria.

“Këto janë raporte të agjencive të zbulimit dhe të policisë. Nuk ka akuzë të ngitur në këtë rast ndaj zotit Doshi në Australi, SHBA apo Britaninë e Madhe me sa dimë, dhe ai mbetet i pafajshëm derisa të dëshmohet ndryshe. Por, këto dosje gjithsesi krijojnë një pamje të qartë rreth klaneve, jo vetëm të tij, por edhe klaneve tjera, dhe rrezikun që ato paraqesin për sigurinë kombëtare të Australisë,” thotë zoti Fitzpatrick.

Raporti australian përqendrohet në rastin e dy nipave të zotit Doshit, të cilët sipas autoriteteve, kanë përdorur përfitimet nga kultivimi i kanabisit për të importuar kokainë dhe meta-amfetaminë në Australi. Njërit prej tyre është arrestuar dhe ndaj tij është ngritur aktakuza për trafikim narkotikësh dhe pastrim parash, pasi policia gjeti një sasi kokaine me vlerë prej 1 milion dollarësh të fshehur në një aparat për prodhim tymi.

Raporti i Projektit për Krim të Organizuar dhe Korrupsion, po ashtu konfirmon edhe zërat, që u përhapën në Shqipëri për rastin e ish agjentit të FBI-së, Charles McGonigal, se ishte biznesmeni shqiptar Tom Doshi ai që i kishte kërkuar ndihmë agjentit të FBI-së, për atë që zoti Doshi pretendonte, se ishte një komplot për ta vrarë.

Sipas zotit Fitzpatrick, agjenti McGonigal e kishte takuar zotin Doshi më shumë se një herë.

“Ish agjenti McGonigal akuzohet për takime me një numër biznismenësh dhe politikanësh, por në aktpadi nuk jepen emrat e tyre. Ai është akuzuar se ka marrë shuma të caktuara parash nga një shqiptar në SHBA. Në njerën nga aktakuzat, thuhet se ai u takua me një biznismen dhe politikan, që kërkonte ndihmë për të zbuluar një komplot për vrasjen e tij. Dhe raportimi ynë zbulon se ky person, në fakt, është Tom Doshi. Një nga burimet na tha se takimi ishte shumë miqësor. Takimi ndodhi para se zoti Doshi të shpallej persona non-grata nga SHBA-të. Më pas edhe vet zoti Doshi na e konfirmoi takimin, por, ai ofroi një interpretim tjetër, duke thënë se ishte zoti McGonigal që e kishte kërkuar takimin, kur në fakt burimet tona tregonin se fjala ishte për diçka tjetër,” thotë zoti Fitzpatrick.

Në Shqipëri, zoti Doshi ka qënë anëtar parlamenti për tri mandate si anëtar i Partisë Socialiste dhe kryeson Partinë Social-Demokrate. Në vitin 2018, Shtetet e Bashkuara të Amerikës ia ndaluan udhëtimin në Amerikë atij dhe familjes, për shkak “të përfshirjes në korrupsion të përmasave të gjëra.”

Senol Gunes: E njoh mirë futbollin shqiptar dhe Tiranën, tifozët do të argëtohen

Trajneri i Besiktas, Senol Gunes, e vlerësoi Tiranën në prag të ndeshjes së kthimit, ndërsa tha se nuk e diskutojnë kualifikimin.

Pritja në Tiranë – “Ndjehem mirë që jam në Tiranë, e vlerësoj edhe skuadrën e Tiranës. Kushtet janë të mira, kundërshtari ka lojtarë të mirë dhe të vendosin në vështirësi. Kemi pritshmëritë tona, kemi eksperiencën tonë në ndeshjet europiane. Shpresoj që pavarësisht avantazhit, ndeshja të shkojë në avantazhin tonë. Duke e parë nga ndeshja e parë, Tirana luan në grup, lojtarët rreshtohen mirë, ne kemi ardhur për rezultat dhe për kualifikim”.

Shqiptarët e Tiranës në Superligën turke – “E njoh futbollin shqiptar, Cikalleshi është nga ata që spikati në Turqi. Presidenti i Bursasspor është shqiptar, me shqiptarët duket sikur nuk jemi të huaj. Kam vlerësim maksimal, ashtu si kam edhe për Tiranën. Shpresoj që tifozët të kënaqen. Njohim Abazajn dhe Selmanin se kanë luajtur në Turqi, ata luajnë në grup. Duhet t’i bëjmë që të luajnë lojën tonë, stadiumi është i mirë, por bari është problem dhe mund të ndikojë për ndeshjen e nesërme”.

Diferencat – “Trajneri Shehi ka bërë një punë të mirë, duke analizuar edhe sezonin e kaluar. Kanë luajtur mirë në kampionat dhe Europë, është një skuadër kompetitive, por jo si Besiktasi. Ne kemi cilëitë dhe garancitë si një skuadër e madhe. Tirana zhvillon lojën me mundësitë e saj. Futbolli shqiptar është zhvilluar, shumë shqiptarë luajnë në Europë. I uroj sukses Shehit. Pavarësisht kundërshtarit ne luajmë lojën tonë, do përpiqen të na vendosin në vështirësi. Rezultati do të shkojë në favorin tonë”, u shpreh Gunes.

Ndeshjen mes Tiranës dhe Besiktas do të luhet të enjten në “Air Albania”, duke nisur nga ora 20:00. /zoom.al/

Kush po i vret gratë e Shqipërisë?

Gratë vijojnë të mbeten viktima të dhunës në Shqipëri.

32-vjeçarja Luljeta Preza u bë viktima e dhjetë këtë të mërkurë, në këto shtatë muaj të vitit.

Ajo u gjet e pajetë poshtë urës së Dajlanit në Durrës dhe sipas policisë, kishte humbur jetën prej një sulmi me mjet prerës. E reja po ashtu ishte abuzuar seksualisht para se të vritej.

Viktima e parë grua e vitit 2023

Më 27 janar, 80-vjeçari Xhevit Sinani vrau me sëpatë bashkëshorten Zeqine Sinani dhe vëllanë e tij Shaqir Sinani 72-vjeç. Krimi i dyfishtë brenda familjes ndodhi në Gramsh.

Masakra e Dan Hutrës

Pesë ditë më pas, Dan Hutra plagosi me thikë në Tiranë 40-vjeçaren Marjana Gurakuqi dhe më pas në Kodër Kamzë plagosi me armmë ish-bashkëjetuesen Elena Hysa dhe nëna e saj. Ndërsa të vrara mbetën e motra Mevlute Hysa dhe kunata Hasime Dafku.

Ngjarja makabre nuk do të mbetej me aq, teksa autori Dan Hutra, po në Kamzë vrau me të njëjtën armë Etleva Kurtin, për shkak të konflikteve që kishte pasur në burg me vëllanë e saj.

Kur vritesh gabimisht

Mbrëmja e 12 marsit ishte tragjike për Mimoza Pajën. Ajo u vra gabimisht në lokalin e Fatjon Muratit, që ishte objekt atentati. 58-vjeçarja punonte si banakiere në lokalin në “Don Bosko” ku ndodhi atentati.

Vrasja e Migena Sinanit

Në orët e para të mëngjesit të datës 8 prill, Roland Sinani, me probleme shëndetësore, vrau me armë nusen e vëllait të tij, Migena Sinanin, 37 vjeçe. Ajo u vra në gjumë, teksa flinte me djalin 2-vjeçar.

Edhe Alma Qevani u vra nga kunati

Më datë 17 maj, në fshatin Kusarth u regjistrua një tjetër krim brenda familjes, ku një grua 44-vjeçare, Alma Qevani, u godit për vdekje nga kunati Tefik Tashi, 58 vjeç.

Viktima e nëntë

Viktima e nëntë numërohet Zeniat Muhollari. 68-vjeçares iu mor jeta me plastmas nga djali i saj, Albi Muhollari, 24 vjeç, i cili e mbyti me plastmas. Ngjarja e rëndë u regjistrua më 3 qershor në Përmet.

U vra dhe u hodh në pusetë

Dy ditë para se të mbyllej korriku, në datën 29, në Maliq, 46-vjeçarja Luiza Mullalli u vra nga bashkëshorti i saj Gjergji Mullalli, me të cilin ishte në proces divorci. Trupi i saj i pajetë më pas u gjet i hedhur në një pusetë.

A janë burrat e burgosur apo të vetëvrarë gjatë operacionit të kapjes së tyre, të vetmit vrasës? Duke shkelur urdhrat e mbrojtjeve, duke mos iu trembur denoncimeve për dhunë e duke mos u frenuar nga instancat përkatëse, vështirë të thuhet se ata janë fajtorët absolutë të krimit./ Zoom.al

Turisti serb ndërron jetë tek Uji i Ftohtë

Një turist serb ka ndërruar jetë në plazhin Uji i Ftohtë.
Ai ka pësuar arrest kardiak në vend.

Burime zyrtare të policisë thonë se viktima është një 54-vjeçar me iniciale J. D., i cili sapo ka rënë në kontakt me ujin në breg të detit, dyshohet se ka pësuar arrest kardiak.

“54-vjeçarit i është dhënë ndihmë e menjëhershme nga pushuesit, roja bregdetare dhe më pas nga ekipi mjekësor i urgjencës, por ka ndërruar jetë”, thotë policia.

Aktualisht grupi hetimor vijon veprimet për sqarimin e plotë të rrethanave dhe të shkakut të humbjes së jetës së 54-vjeçarit.

 

Rasti i aktorit/ Braçe shpërthen ndaj qeverisë dhe mediave: E keni kthyer shëndetësinë në monopol

Pak ditë më parë aktori i njohur Genc Fuga pësoi një goditje celebrale në tru dhe i duheshin 19-mijë euro për ta operuar në një spital privat.

Pikërisht për këtë gjë ka reaguar ashpër edhe deputeti socialist Erion Braçe, i cili përmes një postimi në Facebook, ka shpërthyer ashpër ndaj qeverisë edhe mediave.

Braçe ka publikuar një fjalë të tij të mbajtur më herët në Komisionin e Ekonomisë ku thotë se konkurrenca nuk ekziston më në shërbimet spitalore dhe e gjitha është monopol i privatit.

Postimi i Braçes:

E SHIHNI QE KA EDHE “MONOPOL TE MIRE”?!
KY ESHTE QENDRIMI NE MEDIA:
MERRUNI ME SHTETIN, LERENI MONOPOLIN,
KA PUNEN E TIJ!

Qe ne kete vend ka “MONOPOLE TE MIRA”, kete na i kane mesuar AUTORITETE ne detyre per ti luftuar por qe shiten per nje rryshfet, INSTITUCOONE qe zgjasin apo replikojne modele te tilla MONOPOLI; nuk eshte e re kjo;
POR QERSHIA MBI TORTE ESHTE MEDIA QE DUHET TE JETE E PAVARUR, POR QE BEHET “MUTE” PERBALLE NJE MONOPOLI QE PAGUAN REKLAMA APO TE VE PURON NE GOJE!

Sot lexova se MONOPOLI ne tregun e sherbimeve private spitalore, egzaminimeve dhe nderhyrjeve, QENKA I MIRE!

NATYRISHT QE KY LLOJ KLIENTELIZMI ESHTE I NEVERITAHEM!

Po e ripostoj fjalen ne Komisionin e Ekonomise me kerkesen per AUTORITETIN E KONKURENCES, per te qene i qarte:

NUK ESHTE AS GABIM E AS KRIM, QE SHERBIME SHENDETESORE TI OFROJ PRIVATI!

KEQ ESHTE KUR KJO MUNDESI KTHEHET NE MONOPOL!

SHKELJE LIGJI ESHTE ABUZIMI NGA KJO POZITE-MONOPOLI, ME CMIMET E KETYRE SHERBIMEVE!

KRIM KTHEHET KUR ABUZIMI SJELL NJE CMIM KREJT TE PAJUSTIFIKUAR POR MUNDESUAR NGA MONOPOLI, KUSHTEZUAR ME PARAPAGIM TE SHERBIMIT KUR NE E PARA ESHTE JETA, JO PARAJA!

E gjitha kjo ne nje treg qe sipas “deklarimeve te veta”-imagjinoni ato reale, po i kalon 300 MILION EURO ne vit, eshte shume, po shume fare!

Nderkohe, dje degjova se Qeveria vendosi te paguaj faturen e MONOPOLOT, per Genc Fugen; qe mbulon shpenzimet e nje njeriu ne urgjence mjekesore PER JETEN, eshte detyre e saj; POR A MJAFTON?

Une them jo;
E para, duhet modernizuar shuuume me shpejt sektori publik; mirefinancuar me para qe gjithnje mungojne-por jo per te paguar Monopolin;

E dyta, duhet luftuar Monopoli dhe abuzimi me kete pozite ne nje sektor jetik; PAGUAJ OSE VDIS ESHTE FAR WEST, JO SPITAL QOFTE EDHE PRIVAT!