Day ArchiveTrupi i pajetë në Koplik, policia: Viktima shtetas sirian

Një shtetas i huaj është gjetur pa shenja jete në një zonë në dalje të Koplikut. Trupi i viktimës gjendet pranë një pallati 3-katësh në dalje të qytetit.

Policia njofton se viktima dyshohet se është një shtetas sirian, rreth 30-vjeç ndërsa po punohet për përcaktimin e shkaqeve të vdekjes dhe identifikimin e viktimës.

Njoftimi i policisë:

Malësi e Madhe/Informacion paraprak

Rreth orës 20:50, jashtë një banese të braktisur në afërsi të stadiumit Koplik, është gjetur pa shenja jete dhe pa shenja dhune një shtetas rreth 30 vjeç, dyshohet shtetas sirian.

Grupi hetimor ndodhet në vendngjarje dhe vijon punën për përcaktimin e shkakut të vdekjes si dhe identifikimin e këtij shtetasi

Wanda Nara flet për herë të parë pas raportimeve se është me sëmundje të keq

Wanda Nara është rikthyer në rrjetet sociale për të sqaruar gjendjen e saj shëndetësore.

Bashkëshortja dhe njëkohësisht menaxherja e Mauro Icardit nuk e ka konfirmuar hapur se ajo vuan nga leucemia, por nuk e ka fshehur se ka probleme me të cilat po përballet me ndihmën e disa mjekëve të besuar.

Prezantuesja e MasterChef Argentina nuk e fshehu njëfarë bezdie për thashethemet për të, të cilat i trembën veçanërisht pesë fëmijët e saj.

“Ja ku jam pas disa ditësh që më duheshin për veten time. Dua t’ju tregoj se çfarë ndodhi. Të mërkurën vendosa të bëj një analizë rutinë, siç bëj zakonisht çdo herë që udhëtoj ose një herë në vit. Disa vlera dolën negative dhe mora vendimin të shtrohem në spital për kontrolle të tjera, që shkuan mirë. Të enjten, u largova nga ajo klinikë për të bërë studime të mëtejshme në një vend të specializuar. E bëra duke u përpjekur të marr më shumë informacion”, shpjegoi Wanda Nara.

Showgil insiston se ndihet mirë, por nuk ka një përgjigje përfundimtare.

“Si të gjitha nënat, edhe unë u përpoqa t’i ruaj fëmijët e mi nga frika dhe ankthet. Sepse ende nuk kisha një diagnozë të saktë. Fatkeqësisht, të premten, një gazetar informoi për një diagnozë që nuk e kisha marrë vetë. Mjekësia nuk është ekzakte dhe në atë moment nuk kishin kaluar as 24 orë nga analizat e mia të para. Fëmijët e mi kanë marrë gjithmonë gjithçka nga unë, gjithmonë kam folur dhe këtë herë nuk do të bëja përjashtim. Falenderoj familjen time, çdo mik dhe secilin prej jush që më treguat dashurinë që keni për mua. Tashmë jam në shtëpi, në pritje të testeve të mëtejshme dhe duke ndjekur indikacionet e profesionistëve që më shoqërojnë”, tha Wanda. /zoom.al/

BATE pret Partizanin në Hungari, Alshevsky: I nxehti më shqetëson

Partizani do të luajë nesër në mbrëmje ndeshjen e kthimit ndaj Bate Borisov.

Trajneri i skuadrës bjelloruse Kirill Alshevsky, foli për mediat për ndeshjen dhe strategjinë që do të aplikojë kundër Partizanit.

Ndeshja në Hungari – “Shpresojmë që përgatitja të rezultojë e frytshme. Nga ana fizike, shpresojmë që edhe ne të dukemi mirë. Djemtë kishin kohë të mjaftueshme për t’u rikuperuar. E vetmja gjë është se në Hungari tani ka një valë të madhe të nxehti çdo ditë. Na vjen mirë që kemi kushte të shkëlqyera. Ndihemi mirë në hotel. Ne mund të përdorim të gjitha mjetet e mundshme për rikuperim pas stërvitjes. Shpresoj që ta sjellim skuadrën në gjendje të mirë në lojë”.

Formacioni – “Nuk ka ndryshime të mëdha. Për sa i përket rrjedhës së takimit, shpresojmë të tregojmë lojën tonë. Kjo është gjëja më e rëndësishme. Nëse arrijmë ta bëjmë këtë, atëherë në parim mund të llogarisim në një rezultat të pranueshëm për ne. Loja do të gjykojë dhe do të tregojë. Gjëja kryesore është që djemtë të jenë të sigurt në vetvete dhe të demonstrojnë të gjitha cilësitë e tyre më të mira”, tha Alshevsky. /zoom.al/

Pocchettino publikon listën e lojtarëve që do të marrë në SHBA, Broja mëson vendimin

Chelsea do të udhëtojë drejt Shteteve të Bashkuara të Amerikës, ku do të zhvillojë fazën përgatitore për sezonin e ri.

Trajneri Mauricio Pocchettino ka zgjedhur lojtarët që do të marrë me vete përtej Atlantikut.

Blutë e Londrës kanë publikuar listën me 28 lojtarë, ku viheg re mungesa e Armando Brojës.

Sulmuesi shqiptar do të vijojë stërvitjen në Cobham, duke mos qenë nën urdhërat e trajnerit të ri për ndeshjet miqësore që Chelsea do të lujë në SHBA.

Nuk dihet nëse vendimi për të të lënë jashtë listës Brojën vjen si pasojë e formës fizike të lojtarit pas dëmtimit të rëndë që kaloi, apo 21-vjeçari nuk është pjesë e projektit të Pocchettino. /zoom.al/

Gjendet pa shenja jete një shtetas i huaj në Koplik, dyshimet e para

Një shtetas i huaj është gjetur pa shenja jete në një zonë në dalje të Koplikut. Trupi i viktimës gjendet pranë një pallati 3-katësh në dalje të qytetit.

Forca të shumta policie ndodhen në vendin e ngjarjes.

Mësohet se një qytetar ka konstatuar trupin pa jetë dhe ka njoftuar policinë. Pritet ardhja e specialistëve nga Shkodra për të zbardhur ngjarjen.

Ende nuk dihet identiteti i viktimës, ndërsa dyshohet se ka ndërruar jetë për shkaqe natyrale.

Sherr mes dy të rinjve në Ballsh, 24-vjeçari plagoset me gërshërë pas zënkës

Një 24-vjeçar është plagosur pasditen e sotme pas një sherri për motive banale me një 30-vjeçar në qytetin e Ballshit.

Mësohet se Armelin Hoxha ka plagosur me mjet prerës gërshërë 24-vjeçarin Xhesild Yzeiraj, e për pasojë ky i fundit ka përfunduar në spital ku po merr kujdesin e mjekëve.

BalkanËeb ka mësuar se shkak për zënkën ka qenë se dy të rinjtë kanë qenë nën efektin e alkoolit, ndërsa më pas kanë ofenduar njëri-tjetrin duke thënë “pse më shave”.

Sakaq, 30-vjeçari Hoxha është gjetur nga policia dhe është shoqëruar për kryerjen e veprimeve të mëtejshme procedurale.

Njoftimi i policisë:

Mallakastër

Plagosi me mjet prerës (gërshërë), një 24-vjeçar, pas një konflikti të çastit, identifikohet dhe shoqërohet menjëherë nga Policia, autori i dyshuar.

Rreth orës 21:00, në lagjen “5 shkurti”, Ballsh, dyshohet se pas një konflikti të çastit, është plagosur me mjet prërës (gërshërë), shtetasi Xh. Y., 24 vjeç, banues në Ballsh, i cili ndodhet në spital, në kujdesin e mjekëve.

Menjëherë pas marrjes së njoftimit, shërbimet e Policisë kanë organizuar punën, me qëllim zbardhjen e rrethanave të këtij rasti, si dhe për identifikimin dhe kapjen e autorit.

Falë veprimeve të shpejta dhe profesionale operacionale, shërbimet e Policisë identifikuan dhe shoqëruan menjëherë në ambientet e Policisë, autorin e dyshuar të kësaj ngjarjeje, shtetasin A. H., 30 vjeç, banues në Ballsh, për kryerjen e veprimeve të mëtejshme procedurale.

Grupi hetimor vijon punën për zbardhjen dhe dokumentimin e plotë ligjor të këtij rasti.

Vazhdon “telenovela” Arbenita-Fero, modelja bën paralajmërimin e bujshëm (Foto)

Prej ditësh tashmë çifti Arbenita-Fero janë kthyer në kryefjalë, pasi modelja e denoncoi reperin për dhunë.

Fero tashmë ndodhet në paraburgim për 30 ditë dhe përmes një postimi në rrjete sociale tha fjalën e tij, duke paralajmëruar se çështja mes tyre do shkojë deri në gjyq.

Sot Arbenita ka postuar një foto me avokatin dhe i ka dhënë një mesazh Feros, e duke treguar se ka nisur procedurat ligjore.

“Me avokatin tim do t’i inicojmë të gjitha procedurat e para ligjore. Faleminderit për mbështetjen, ju dua”, shkruan modelja.

Zekic: Bate mbetet ekipi favorit, por Partizani mund të kualifikohet nëse…

Trajneri i Partizanit, Zoran Zekic është i vetëdijshëm për vështirësitë kundër Bate Borisov në transfertë, por insiston se kualifikimi mbetet i hapur.

Sfida e kthimit kundër Bate Borisov – E kam përmendur edhe në përfundim të ndeshjes së parë në Tiranë, që ky rezultat lë çdo gjë të hapur për sa i përket kualifikimit në raundin e dytë. Kemi luajtur vetëm aktin e parë. Nesër do të jetë një tjetër ndeshje, duhet të kemi përqendrim maksimal dhe të fokusohemi të bëjmë ndeshjen tonë.

Kualifikimi – E theksova edhe më parë që nesër do të jetë krejtësisht një ndeshje tjetër. Ne duhet të bëjmë një ndeshje dhe një paraqitje akoma edhe më të mirë. Duhet të kemi më shumë karakter, më shumë energji dhe më shumë disiplinë.

Gjendja fizike e skuadrës – Kemi disa probleme të vogla, asgjë problematike. Sot kemi edhe seancën e fundit dhe shpresoj që çdo gjë të shkojë mirë. Nesër besoj i gjithë grupi do të jetë i gatshëm.

Do te luhet pa tifozë – Nuk mund ta ndryshojmë këtë gjë. Askush nuk e dëshiron që një ndeshje futbolli të luhet pa publik dhe për këtë më vjen shumë keq. Do të jetë një situatë e njëjtë si për ne ashtu edhe për Bate Borisov. Ne duhet të përgatitemi të luajmë edhe në situata të tilla. /zoom.al/

Kroacia, fundi i parajsës “low cost”: Çmimet në stratosferë pas futjes së euros

Kroacia, një nga destinacionet turistike më të njohura për pushimet verore, mund të humbasë shumë vizitorë besnikë pas ardhjes së euros. Pse? Ne kemi folur për këtë për muaj të tërë: çmimet janë rritur ndjeshëm. Për disa produkte dhe shërbime ka edhe dyfishim. Me pak fjalë, Kroacia nuk do të jetë parajsa me kosto të ulët që e njihnim deri vonë.

Janë ushqimet që kanë pësuar rritje më të qëndrueshme: nga buka te frutat dhe peshku, te kafeja dhe pica. Edhe akomodimi për pushime është bërë shumë më i shtrenjtë se një verë më parë, kur nuk kishte euro.

Në faqet lokale të lajmeve, ato më të afërta me kufijtë italianë dhe kroat, fokusi në çmimet e reja të çmendura ka ndjekur prej ditësh njëri-tjetrin. Në grupet e Facebook-ut kushtuar zakoneve të pushimeve në Kroaci, kanë filluar të shfaqen fatura që tregojnë rritje të çmimeve. Për një lugë akullore mund të shpenzoni deri në 2 euro, në disa raste edhe më shumë.

Për një kafe në Rovinj duhet të shpenzosh 2.10 euro. Edhe spritz kushton 7 euro. Disa do të thonë se janë çmime normale. Çështja është se ata që shkuan me pushime në Kroaci nuk kishin parë kurrë çmime të tilla.
Në gazetën e Splitit, Slobodna Dalmacija, lexojmë se ka një fenomen negativ: rezervimet do të ishin më të vogla se në verërat e kaluara. Anulimet kanë në shënjestër hotelierët dhe pronarët.

Sigurisht, ka edhe inflacion që kafshon portofolin. Dhe është një problem që ekziston në rrjedhën e sipërme, në Itali, përpara se të udhëtosh për në Kroaci. Por tema e konkurrencës së destinacioneve verore është aty. Disa vende të Ballkanit ofrojnë çmime shumë më tërheqëse si Shqipëria. Greqia, në disa zona, ju lejon të shpenzoni shuma të vogla.

Gazeta Split llogarit se një familje me katër anëtarë në Kroaci do të paguante 1200 euro për një javë pushim, por gjithashtu mund të shkonte deri në 4000 në një hotel, ndërsa Egjipti dhe Tunizia ofrojnë kosto të përgjysmuara.

Cila është lidhja midis El Niños dhe ngrohjes globale? Çfarë paralajmëron meteorologu i njohur

Temperaturat në rritje që po shohim në mbarë botën përkojnë me fillimin e El Niño, një fenomen natyror i motit në Oqeanin Paqësor. (Më shumë këtu se çfarë është El Niño).

Por cila është lidhja midis El Niños dhe ngrohjes globale?

Meteorologu Tom Di Liberto i tha podcast The Climate Question se ndryshimi i klimës po i bënte edhe më keq ndikimet e zakonshme të El Niños.

Pra, pjesët e globit që presin reshje të mëdha shiu do të lagështohen edhe më shumë; ndërsa ato që parashikohej të përballeshin me kushte më të thata tani ishin në rrezik më të madh të thatësirës.

Dhe ai paralajmëroi se kombinimi i këtij viti i El Niños dhe ndryshimit të klimës ishte një paraqitje e shkurtër e asaj se si mund të duket bota nëse nuk arrin të përmbushë objektivin ndërkombëtar për të kufizuar ngrohjen globale në 1.5C mbi nivelet para-industriale. Studiuesit thonë se ka një shans 66% që ta kalojmë atë prag nga tani deri në vitin 2027.