Day ArchiveInter Miami prezanton sulmuesin Leo Messi, mësohet paga stratosferike që do të fitojë

Lionel Messi është zyrtarisht një lojtar i Inter Miami, me kampionin e botës që tashmë do të luajë në Major League Soccer (MLS).

Përmes faqes zyrtare klubi i Inter Miami ka zyrtarizuar afrimin e Messit me një video shumë veçantë.

Messi mbërriti në Shtetet e Bashkuara të Amerikës që më 7 qershor, megjithatë palët duhet të prisnin për zyrtarizimin, pasi kontrata e sulmuesit me Paris Saint-Germain skadonte më 30 qershor.

Sí, Muchachos📍 pic.twitter.com/8E3f9hb9VU

— Inter Miami CF (@InterMiamiCF) July 15, 2023

Messi do të fitojë 50-60 milionë dollarë në sezon te Inter Miami.

Mësohet se në realizimin e transferimit të Messit mësohet se kanë ndikuar edhe partnerët e ligës Adidas dhe Fanatics.

Messi ka firmosur me Inter Miami për dy vite e gjysmë, pra deri në fund të sezonit 2025 në MLS, me opsionin për një vit tjetër shtesë. /zoom.al/

Vllaznia rikthen në Shkodër mesfushorin që i hoqën titullin në Bjellorusi

Ardit Krymi rikthehet në Shkodër. Mesfushori shqiptar ishte pjesë e Shakhtjor Soligorskit në Bjellorusi, ku vitin e shkuar u pozicionua në vendin e parë në renditje, por Federata vendosi t’i hiqte titullin kampion pas akuzave për trukime të ndeshjeve.

Krymi ka vendosur të kthehet përsëri në “Loro Boriçi”, në të cilin do të luajë për dy sezonet e ardhshme.

Lajmin e përcjell vetë klubi Vllaznia përmes faqes zyrtare në “Facebook”.

“Ardit Krymi rikthehet në shtëpi. KF Vllaznia ka kënaqësinë të njoftojnë arritjen e marrëveshjes me futbollistin Ardit Krymi për ta veshur pas një viti shkëputje sërish me fanellën kuqeblu. Ai do të jetë për 2 vitet e ardhshme pjesë e jona. Mirë se erdhe Ardit”, njoftoi klubi i Vllaznisë. /zoom.al/

Bajrami protagonist te Sassuolo me tripletë në miqësoren me modestët e Real Vicenza

Nedim Bajrami po kalon një moment të mirë, ndërsa ka realizuar tre gola në ndeshjen miqësore të Sassuolos ndaj skuadrës amatore Real Vicenza.

Mesfushori i Kombëtares Shqiptare të Futbollit shënoi tre herë në ndeshjen që u mbyll me rezultatin 22-0.

Trajneri i Sassuolos, Alessio Dionisi vendosi dy formacione të ndryshme në lojë dhe Bajrami ishte në të dytën.

Pjesa e parë u mbyll me rezultatin 10-0, ndërsa në pjesën e dytë, ku u aktivizua edhe shqiptari u shënuan 12 gola të tjerë, nga të cilët 3 i realizoi Bajrami në minutat 49’, 64’ dhe 78’. /zoom.al/

Akuzohet se e goditi, Fero shpërthen ndaj Arbenitës: Shihemi në gjyq

Disa ditë më parë në rrjet qarkulloi lajmi se reperi i njohur Fero Fera ka dhunuar dhe ka kërcënuar partneren e tij, modelen Arbenita Ismajli.

Reperi është dënuar nga gjykata në Gjilan me masën e sigurisë për paraburgim prej 30 ditësh, e së fundmi ka ardhur dhe reagimi i modeles e cila falenderonte të gjithë personat që janë shqetësuar për të, teksa shton se ajo dhe vajza e saj Nina janë mirë. Sakaq, Arbenita shprehej se besonte në drejtësi.

E menjëherë pas deklaratës së modeles, ka ardhur dhe kundërpërgjigja e reperit i cili shkruan se drejtësia ëshyë thikë me dy presa, ku i bën të ditur partneres së tij që të mos viktimizohet përmes vajzës së tyre pasi për të është kujdesur nëna e tij.

Ndër të tjera, Fero shton se Arbenita e ka keqpërodur lirinë dhe durimin e tij. Këngëtari gjithashtu ka postuar dhe një foto të mamasë së tij ku shfaqet me vogëlushen ku krahas imazhit e falenderon që është kujdesur për të që në lindjen e saj.

 

FOTO/ Gafa e Mirela Kumbaros: Çadrat dhe shezlonget i keni falas pas orës 19

Teksa jemi në “zemrën” e sezonit turistik, Ministrja e Turizmit dhe Mjedisit Mirela Kumbaro, ka bërë një gafë të madhe.

Teksa ka postuar një foto nga një plazh në Himarë, Kumbaro shkruan në Instagram se pas orës 19:00, çadrat dhe shezlonget e reja, do të jenë falas për pushuesit.

Në praktikë diçka e tillë është në të vërtetë është tallje pasi pas orës 19, pushuesit që kanë paguar çadrat dhe shezlonget, largohen pasi nuk ka rreze dielli. Ta quash diçka të tillë si model t ëplazheve publike, është sikur të iu thuash pushuesve e keni edhe diellin falas.

Nga ana tjetër fqinji dhe konkurrenti ynë në turizëm, Mali i Zi, ka vendosur për pushuesit që çadrat dhe shezlonget të jenë falas pas orës 17:00, edhe pse aty pati debate se ky orar nuk i favorizon shumë turistët.

E gjendur nën kritikat e komentuesve, Kumbaro e ka fshirë postimin nga Instagrami.

VIDEO/ Ironia e fatit, kur Arben Ahmetaj premtonte publikisht: Do tallim b*then

Ish-zëvëndëskryeministri Arben Ahmetaj padyshim është në vëmendjen e opinionin publik, pasi Kuvendi i hoqi imunitetit pas kërkesës së SPAK për arrestimin e tij për aferën e Inceneratorëve dhe për korrupsion.

Ahmetaj i ka mohuar akuzat dhe ka deklaruar se e gjitha është sulm politik ndaj tij dhe se ai nuk ka lidhje me aferën që i ka shkaktuar shtetit shqiptar një dëm prej 800 milionë eurosh.

Ditët e fundit në rrjetet sociale është duke qarkulluar një video e Ahmetaj, ku ky i fundit gjatë fushatës së vitit 2013, së bashku me disa kolegë socialistë, përballë gazetarëve dhe duke komunikuar me ish-deputetin Anastas Angjeli tha se ata do të tallnin b*thën.

Por duket se e gjitha i është kthyer në bumerang, ish numrit 2 të qeverisë Rama, i cili duket se do të ketë një përballje të gjatë me drejtësisë shqiptare, edhe pse për momentin ai ndodhet jashtë vendit tonë.

Probleme me përqendrimin dhe ënjtje, ja disa nga shenjat e para të sëmundjes së veshkave

Një pjesë e madhe e njerëzve i neglizhojnë dhe nuk i kuptojnë në kohë simptomat e para të sëmundjeve të veshkave dhe të sëmundjeve të tjera në tërësi.

E rëndësishme është që simptomat të kapen në fazën e duhur.

Më poshtë ju tregojmë disa nga simptomat e mosfunksionimit të veshkave:

Rritja e presionit të gjakut:

Kjo simptomë vjen kur veshkat kanë një dëm të konsiderueshëm. Veshkat në këtë fazë rrisin presionin e lartë të gjakut.

Probleme me përqendrimin:

Kur veshkat fillojnë të dështojnë, ato e bëjnë më pak efektiv largimin e mbeturinave nga trupi. Dështimi i veshkave çon në akumulimin e mbeturinave në trup dhe shkaktojnë probleme të tilla si të vjella, humbje oreksi, dhimbje koke, paaftësi për t’u përqendruar, dobësim të sistemit imunitar etj.

Kjo është një nga simptomat e para dhe më e përhapura thuajse tek të gjitha sëmundjet. Veshkat kur nuk funksionojnë siç duhet ulin nivelin e hemoglobinës dhe ulin nivelet e energjisë. Veshkat mund të shkaktojnë anemi gjithashtu.

Ënjtje në trup:

Kur veshkat nuk funksionojnë siç duhet, ato akumulojnë ujin dhe mbeturinat në trup, kjo shkakton ënjtje të nyjeve limfatike, të barkut dhe të kofshëve.

FOTO/ Vrau shokun e tij për prishjen e pazareve të drogës, zbulohet se kush është 45-vjeçari

Janë publikuar fotot e vrasësit të shqiptarit Shpëtim Bajrami pak ditë më parë në Selanik.

Bëhet fjalë për 45-vjeçarin Leonard Refik Kurti, i cili është nga Elbasani.

Kurti u paraqit gjatë ditës së sotme para gjykatës në Greqi ku ka rrëfyer gjithë dinamikën e ngjarjes, duke zbuluar se ai dhe 51-vjeçari që mbeti viktimë, Shpëtim Bajrami, ishin konfliktuar në lidhje me një sasi parash.

Sipas mediave greke, bëhet me dije se autori dhe viktima po pinin kafe mesditën e 13 korrikut në një lokal, ku u konfliktuan me njëri-tjetrin. Më pas ata kanë hipur në automjetet e tyre dhe janë konfliktuar sërish në një pikë karburanti në zonën e Analipsit, në lindje të Selanikut.

45-vjeçari nga brenda mjetit të tij ka qëlluar me 3 plumba Shpëtim Bajramin, i cili po e godiste me grushte nga xhami i makinës.

Prishja e pazareve të drogës mendohet të jetë shkaku i vrasjes së Shpëtim Bajramit. Sipas mediave greke, 50-vjeçari nga Elbasani udhëtonte 3-4 herë në muaj drejt Shqipërisë. Ai kishte mbërritur nga Shqipëria në Greqi vetëm një ditë para se të ekzekutohej nga bashkatdhetari i tij.

Tuchel i bën dalje yllit të Bayernit: Ai nuk e ka të lehtë për të fituar një fanellë titullari

Sadio Mane nuk ia ka dalë të mbushë pritshmëritë te Bayern Munchen. Kampionët e Gjermanisë e kanë nxjerrë në shitje sulmuesin senegalez. Vetëm një vit pasi e siguruan nga Liverpooli për 42 milionë euro.

Drejtuesit e Bayernit janë të gatshëm të lejojnë largimin e 31-vjeçarit për 20 milionë euro.

Al-Nassr e do në Arabinë Saudite, por merkato e klubit të Cristiano Ronaldos është e bllokuar nga FIFA për momentin.

Gjithsesi, menaxheri i lojtarit afrikan vazhdon bisedimet me drejtuesit e klubit saudit.

Rreth largimit të Sadio Mane ka folur edhe Thomas Tuchel, trajneri i Bayern Munchen, i cili la të hapur pistën e largimit të ish-yllit të Liverpoolit.

“Sadio nuk i ka përmbushur pritshmëritë. Konkurrenca te Bayerni është ekstremisht e madhe. Ai nuk e ka të lehtë për të fituar një fanellë titullari. Lojtari e di këtë gjë, a e di mendimin tim, gjithashtu di edhe çfarë mendojnë drejtuesit”, tha Tuchel. /zoom.al/

Aksident në autostradën Tiranë-Durrës, kamioni humb kontrollin, radhë të gjata trafiku

Një aksident në autostradën Tiranë- Durrës ka shkaktuar trafik tejet të rënduar.

Drejtuesi i një kamioni ka humbur kontrollin mbi drejtimin e mjetit dhe është përplasur me trafik ndarësin.

Ka vetëm dëme materiale, ku përfshijnë dhe trafik ndarësin, ndërsa drejtuesi i kamionit nuk është dëmtuar fizikisht.

Policia rrugore ndodhet në vendin e ngjarjes, tek mbikalimi i Nish-Tullës, pak më afër Urës së Dajlanit dhe po punon për të mundësuar qarkullimin në situatën e krijuar. Shumë prej automjeteve të ngecura në trafik janë me familjarë që po i drejtohen plazhit për të kaluar fundjavën.