Day ArchiveSherr me thika në Tiranë, plagosen dy të rinj në Allias

Një sherr me thika ka ndodhur mbrëmjen e sotme në Tiranë. Zoom.al mëson se ngjarja ka ndodhur në zonën e Alliasit.

Për pasojë, dy të rinj kanë mbetur të plagosur, ndërkohë që nuk dihet më shumë mbi gjendjen e tyre shëndetësore.

Policia ka shkuar në vendin e ngjarjes dhe po punon për sqarimin e rrethanave./ Zoom.al

Xhaka bëhet për “aspirina”, Arsenal kërkon shumë më tepër se oferta e Bayer

E ardhmja e Granit Xhakës është ende e paqartë, edhe pse mesfushori e di se nuk ka më vend për të te Arsenal.

Mediat britanike raportojnë se Xhaka do të transferohet në Gjermani te Bayer Leverkusen, megjithatë duket se mes palëve ende nuk ka një marrëveshje.

Arsenal synon ta lërë mesfushorin të largohet drejt Leverkusen vetëm nëse “aspirinatë” ngren ofertën e parë që bëri për lojtarin, duke e çuar në 20 milionë euro, shifër e kërkuar nga “The Gunners”.

Mbetet të shihet se çfarë do të ofrojë merkato, por Xhaka është lidhur edhe me një kalim te Bayern. /zoom.al/

Botimi i parë i Harry Potter mund të arrijë deri në 5000£ në ankand

Është një libër që sigurisht e ka përmbushur emrin e tij: një botim i rrallë i “Harry Potter dhe Guri Filozofal” i blerë për 30 cent mund të arrijë deri në 5000£ në ankand.
Romani i parë i serisë Harry Potter të JK Rowling u refuzua nga një duzinë botuesish përpara se Bloomsbury të printonte vetëm 500 kopje në letër në vitin 1997.

Për shkak se 300 nga ato botime u shpërndanë në bibliotekat publike, kërkimi për të gjetur botimet e para është shumë i vështirë.Kjo është arsyeja pse, si Guri Filozofik, botimet e para origjinale kanë fuqinë për të kthyer monedhat prej metali bazë me të cilat ishin blerë fillimisht në ar të pastër.
Ky botim u ruajt dhe u ble nga bibliotekat e Wolverhampton nga një burrë nga Staffordshire me një pasion të përjetshëm për librat. Burri, i cili vdiq në fillim të këtij viti, filloi të merrej me libra dhe relike që kur ishte ende në shkollë.
Motra e tij tha: “Ai shkonte në panaire dhe kthehej me një grumbull artikujsh vjetorë ose komikë. Kur ai u zhvendos në shtëpi katër vjet më parë, ai vendosi gjithçka në qindra kuti, shumë prej të cilave hynë në kontejnerë”.

“Ajo tha se ai e dinte se e kishte librin, por nuk mund të mbante mend se ku, kështu që ata supozuan se ai kishte humbur disi. Tani ka dalë sërish në dritë dhe ne, si familje, jemi mjaft të emocionuar”.
Pronari vdiq papritur në moshën 55-vjeçare dhe libri u gjet pasi një ekip nga ‘Richard Winterton Auctioneers’ kaloi nëpër gjërat e tij.

Winterton shprehen: “Është e qartë se është lexuar mirë, gjë që i përshtatet më së shumti një prej librave fillestarë që ndihmoi në nxitjen e popullaritetit të hershëm të Potter-it – i cili, natyrisht, u zhvillua me shpejtësi në një fenomen global”.
“Do të jetë një moment magjik kur libri të dalë në shitje më 10 korrik”, shtoi Winterton.

Video-skandali, Safet Gjici ankimon në Apel masën e arrestit me burg

Ish-kryebashkiaku i Kukësit, Safet Gjici, i arrestuar për akuzën e korrupsionit pasiv të funksionarëve vendorë, ka ankimuar masën e “arrestit me burg”.

Nëpërmjet avokatit të tij mbrojtës, Gjici i është drejtuar Apelit për prishje të vendimit të Shkallës së Parë. Avokati mbrojtës i Gjicit ka ankimuar masën e arrestit në Gjykatën e Apelit me argumentin se tenderi që flitet në video nuk është shpallur asnjëherë nga Bashkia e Kukësit dhe se klienti i tij nuk ka kryer asnjë shkelje të ligjit.

Lidhur me kërkesën për ndryshim mase, pritet që të hidhet shorti për caktimin e një gjyqtari, e më pas të caktohet një datë për shqyrtimin e kërkesës.

Safet Gjici u arrestua më 24 qershor me akuzën e “korrupsionit pasiv”, ndërsa pretendoi se nuk ka shkelur ligjin, por ra pre e një kurthi të ngritur nga ata që nuk e duan.

Pas arrestimit të tij në lidhje me video-skandalin ku ai shihet teksa kryen marrëdhënie seksuale me një vajzë në ambientet e zyrës së Bashkisë Kukës, SPAK po kryen veprime hetimore për të parë nëse ka persona te tjerë që e kanë ndihmuar vajzën që shfaqet në video, Alma Kaçin për të realizuar atë.

Pse rrjeti po “zien” për fotot e Princit George duke ngrënë pica me të atin?

Paraqitja e Princit George përkrah të atit William në stadium për të ndjekur ndeshjen e dytë të kompeticionit të kriketit, The Ashes, është më e komentuara në rrjet së fundmi.

Fotot ku ai konsumon pica dhe shkëmben të qeshura me Princin e Uellsit dhe kreun e ECB Richard Thompson janë komentuar pasi babë e bir ngjajnë si dy pika uji, e madje dhe lëvizjet i kanë të sinkronizuara.

George duket gjatë gjithë kohës i qeshur dhe mjaft i pashëm, ndërkohë babai i tij ishte po aq i gëzuar teksa bisedonte me Thompson.

Dyshja sportdashëse madje dukeshin si fotokopje e njëri-tjetrit në një prej imazheve ku paparacët i kapën duke pirë të njëjtën pije në të njëjtin moment.

Një fans shkoi në Twitter: “Seriozisht, këta të dy pasqyrojnë njëri-tjetrin“, dhe një tjetër shtoi: “Bëmë baba të të ngjaj”.

“National Geographic” pushon nga puna të gjithë gazetarët

National Geographic, revista mujore me bazë në Uashington, kaloi një tjetër tranzicion të vështirë, pasi iu desh të pushonte nga puna të gjithë autorët e shkrimeve.

Pushimet nga puna janë të fundit në një seri shkurtimesh të botimeve të teknologjisë këtë vit.

Gjithsej u pushuan nga puna 19 autorë shkrimesh, përfshirë edhe departamentin e vogël audio të revistës. Atyre u ishte thënë që në prill se do të shkurtoheshin.

Artikujt tani do t’u besohen profesionistëve të pavarur ose do të mblidhen nga redaksia.

Është raundi i dytë i pushimeve nga puna në nëntë muajt e fundit dhe i katërti që nga fillimi i një sërë ndryshimesh pronësie në 2015. Në shtator, Disney hoqi gjashtë redaktorë pas një riorganizimi të revistës.

Punonjësit që do të largohen thanë të mërkurën se revista ka shkurtuar kontratat e fotografisë që i lejonin fotografët të kalonin muaj në terren, duke prodhuar imazhet e famshme të revistës. Në një përpjekje të mëtejshme për të ulur kostot, kopjet nuk do të shiten më në stendat e gazetave në Shtetet e Bashkuara duke filluar nga viti i ardhshëm, njoftoi kompania në një deklaratë të brendshme muajin e kaluar.

Autori i National Geographic, Craig Welch, shkroi në Twitter në lidhje me këtë: “Sapo mbërriti National Geographic i ri, duke përfshirë artikullin tim të fundit, të 16-të dhe të fundit… Isha shumë me fat. Unë kam pasur mundësinë të punoj me gazetarë të jashtëzakonshëm dhe të tregoj histori të rëndësishme globalisht. Ishte një nder”.

Revista ka një rrugëtim të gjatë pas, e nisur kryesisht nga rënia epokale e shtypit dhe nga roli i dixhitalit në mënyrën e dhënies së lajmit, National Geographic ka mbetur një produkt pothuajse artizanal: një revistë mujore, fotot, grafika e së cilës dhe artikujt ndonjëherë ishin rezultat i muajve të kërkimit dhe raportimit.

Në kulmin e tij në fund të viteve 1980, National Geographic kishte 12 milionë abonentë në Shtetet e Bashkuara dhe miliona të tjerë në mbarë botën. Ishin të shumtë ata që e pëlqyen aq shumë vëmendjen që ofronte për botët e tjera – Hapësira, thellësitë e oqeanit, vendet pak të njohura në planet. Mbetet një nga revistat më të lexuara në Shtetet e Bashkuara, në një kohë kur revistat nuk lexohen më. Në fund të vitit 2022, ajo kishte pak më pak se 1.8 milionë abonentë, sipas organit të vlerësimit “Aleanca për Mediat e Audituara”.

National Geographic u krijua nga Shoqëria Kombëtare Gjeografike e Uashingtonit, një fondacion i themeluar nga 33 akademikë, shkencëtarë dhe udhëtarë aspirues për aventura, duke përfshirë Alexander Graham Bell. Fillimisht revista iu shit publikut si një promovim për t’u bashkuar me shoqërinë. Ngadalë por në rritje të vazhdueshme, ai u kthye në një botim të pavarur, duke arritur një milion abonentë në vitet 1930.

Revista më pas u tejkalua në fitime dhe vëmendje nga videot, duke përfshirë kanalin televiziv kabllor National Geographic dhe Nat Geo Wild, një kanal me fokus kafshët.

Roli i spikatur i revistës vazhdoi të zbehej përmes një serie riorganizimesh të korporatave që filluan në vitin 2015, kur Shoqëria National Geographic ra dakord të krijonte një partneritet me 21st Century Fox, e cila mori kontrollin e shumicës në këmbim të 725 milionë dollarëve. Partneriteti iu bashkua Disney-t në vitin 2019 si pjesë e një marrëveshjeje masive prej 71 miliardë dollarësh midis Fox dhe Disney.

Në një email dërguar Washington Post të mërkurën, zëdhënësi i National Geographic, Chris Albert, tha se ndryshimet e stafit nuk do të ndikojnë në planet e kompanisë për të vazhduar botimin e një reviste mujore, “por në vend të kësaj, ata do të na japin më shumë fleksibilitet për të treguar histori të ndryshme dhe për të arritur audiencën tonë, në platformat tona të shumta”. /Il Post/

Aksident tragjik në Formula, ndërron jetë piloti i talentuar holandez

Një ngjarje tragjike ka ndodhur këtë të shtunë në Formula 3, ku humbi jetën piloti 18-vjeçar Dilano van’t Hoff.

Holandezi ndrroi jetë pas një aksidenti të ndodhur në xhiron e fundit të garës Spa-Francorchamps, e vlefshme për fazën e katërt të kampionatit Evropian Rajonal Formula 3.

Van ‘t Hoff u përplas me një makinë tjetër, si pasojë e kësaj përplasjeje u ndal në mes të pistët dhe më pas u godit nga një makinë që po vinte pas tij.

18-vjeçari u nxor nga makina pa ndjenja dhe u transportua menjëherë në qendrën mjekësore dhe më pas me urgjencë në spital, por nuk mundi të mbijetonte. /zoom.al/

Dalja nga Ballkani i Hapur, Vasili: Rama dhunoi deputetët që ta mbështesnin një vit më parë!

Deputeti  i Partisë së Lirisë, Petrit Vasili  ka reaguar mbi njoftimin  e kryeministrit Rama për daljen nga nisma e Ballkanit të Hapur, duke thënë se ai “dhunoi” një vit më parë deputetët që ta mbështesnin nismën dhe tani hoqi dorë.

Vasili ka publikuar dhe listën e deputetëve që kanë votuar pro Open Balkan dhe kanë kundërshtuar amendamentin e Vasilit, për daljen.

Postimi i Vasilit:

Poshterimi me turp i 75 deputeteve te Rames me Ballkanin e Hapur!!

Ne 7 mars 2022 plot 75 deputete rilindas per turp te tyre, votuan kundra Amendamentit, qe une paraqita ne Kuvendin e Shqiperise per daljen e menjehershme nga Ballkani i Hapur.

Sot Edi Rama deklaron daljen Ballkani i hapur, pra tregon qarte, qe i perdori, i shperdori dhe i dhunoi si deshi keta deputete antishqiptare dhe thjesht servila te peshtire te Rames.

Sot Rama thote:

“Ndërkohë që duhet të merremi me këtë, natyrisht që Procesi i Berlinit është aksi ynë kryesor. Ballkani i Hapur ishte një iniciativë që lindi nga nevoja për ta shtyrë përpara Procesin e Berlinit dhe e ka kryer atë mision për të cilin lindi”.

Ja deputetet, qe votuan kunder Amendamentit per daljen nga Ballkani i Hapur edhe diten, kur Serbia doli hapur pro Rusise agresore e pushtuese dhe kunder Parlamentit Europian, BE-se, NATO-s dhe SHBA-se.

Mos i harroni kurre keta deputete, qe per nje karrige ne Parlament, qe ua hedh si kocke per ta lepire Edi Rama, e nxjerin Shqiperine dhe Kosoven ne pazar!

1.Edi Rama

2.Elisa Spiropali

3.Damian Gjiknuri

4.Taulant Balla

5.Fatmir Xhafaj

6.Erion Braçe

7.Besion Ajazi

8.Arben Ahmetaj

9.Benet Beci

10.Belinda Balluku

11.Ismet Beqiraj

12.Alqi Bllako

13.Luljeta Bozo

14.Klotilda Bushka

15.Lindita Buxheli

16.Bujar Çela

17.Gledis Çeliku

18.Anila Denaj

19.Laert Duraj

20.Gerta Duraku

21.Luan Duzha

22.Antoneta Dhima

23.Milva Ekonomi

24.Toni Gogu

25.Etilda Gjoni

26.Blerina Gjylameti

27.Saimir Hasalla

28.Blendi Klosi

29.Petro Koçi

30.Mimi Kodheli

31.Bardhyl Kollçaku

32.Hatixhe Konomi

33.Lavdrim Krashi

34.Mirela Kumbaro

35.Niko Kuri

36.Evis Kushi

37.Meri Markiçi

38.Ulsi Manja

39.Ogerta Manastirliu

40.Aurora Mara

41.Shpresa Marnoj

42.Ilir Metaj

43.Nasip Naço

44.Fadil Nasufi

45.Ilir Ndraxhi

46.Eduard Ndreca

47Lindita Nikolla

48.Niko Peleshi

49.Ilir Pendavinji

50.Arben Pellumbi

51.Tatjana Piro

52.Mirela Pitushi

53.Xhemal Qefalia

54.Ornaldo Rakipi

55.Teuta Ramaj

56.Pranvera Resulaj

57.Rahman Rraja

58.Vullnet Sinaj

59.Klodiana Spahiu

60.Florenc Spaho

61.Paulin Sterkaj

62.Eduars Shalsi

63.Anduel Tahiraj

64.Dasantila Tahiraj

65.Ilir Topi

66.Ermonela Valikaj

67.Etjen Xhafaj

68.Alban Xhelili

69.Klevis Xhoxhi

70.Enslemvera Zake

71.Baftjar Zeqaj

72.Bledar Çuçi

73.Jurgis Çyrbja

74.Getjan Deda

75.Denis Deliu

Ja AMENDAMENTI, qe une paraqita ne Kuvendi ne 7 mars 2022 per daljen e menjehershme nga Ballkani i Hapur dhe qe u rrezua nga keta 75 deputete :

AMENDAMENT:

Duke vlerësuar më shumë shqetësim se:

-Serbia është vendosur qartë dhe publikisht kundër sanksioneve të vendosura nga Bashkimi Europian dhe SHBA ndaj Rusisë si agresore ndaj Ukraines.

-Në Serbi janë mbajtur demostrime të gjera publike në mbështetje të agresionit të Rusisë në Ukrainë, po kështu edhe mjaft media janë vendosur në mbështetje të hapur të këtij agresioni.

-Ballkani i Hapur është provuar gjërësisht si një veprim politik dhe shtëtëror me pasoja tepër negative për interesat ekonomike të Shqipërisë dhe të individëve e veçanërisht të fermerëve shqiptarë.

-Ballkani i hapur ka pasur një qëndrim të hapur agresiv, te njëanshem dhe diskriminues ndaj Kosovës duke minuar proçesin e njohjes së saj dhe duke i shërbyer objektivit të Serbisë për mosnjohjen e pavarësisë dhe integritetit terrotorial të Kosovës.

-Ballkani i Hapur është demostruar qartë si një veprim politik dhe shtëtëror, që ka krijuar premisa për destabilizim dhe jo unifikim ndaj edhe nuk është mbeshtetur nga Kosova, Bosnje-Hercegovina dhe Mali i Zi.

-Ballkani i Hapur ka krijuar veprime politike të qëllimshme paralele , që kanë minuar në mënyrë tepër të rrezikshme proçesin e Integrimit në Bashkimin Europian, i cili përfaqëson njëherazi edhe garantuesin dhe mbështetësin më të madh politik dhe ekonomik të Ballkanit Perëndimor. Duke u shfokusuar dhe devijuar në këtë mënyrë veprimin nga prioriteti madhor dhe i patjetërsueshëm i Shqipërisë për t’u anëtarësuar në Bashkimin Europian, i është hapur rruga realizimit të interesave të përbashkëta, të njohura botërisht, serbo-ruse në Ballkan.

– Ballkani i hapur e vendos Shqipërinë në krahë të Serbisë, e cila është vendosur në mbështetje të agresionit rus në Ukrainë dhe kjo është e papranueshme dhe e patolerueshme për cdo shqiptar.

Kuvendi i kërkon Qeverisë shqiptare:

Daljen e menjëhershme të Shqipërisë nga Nisma e Ballkanit të Hapur.

Shfuqizimin e të gjitha marrëveshjeve, vendimeve të qeverisë dhe nismave ligjore të marra në kuadrin e Ballkanit te Hapur.

Ndalimin e çdo veprimtarie dhe instrumenti të ngritur në funksion dhe në zbatim të vendimeve dhe akteve, që lidhen me Ballkanin e Hapur.

Ti kërkohet Bashkimit Europian aplikimi i procedurave të përshpejtuara për hapjen e Negociatave për Anëtarësim të Shqipërisë në Bashkimin Europian”.

Ky pra te nderuar qytetare ishte AMENDAMENTI, qe rrezuan 75 deputete rilindas qe sot jane praktikisht 75 qenie te poshteruara publikisht.

 

Sa ishin borxhet e bashkive për 2022-shin? Në qytetet e vogla, shqiptarët paguajnë më shumë

Detyrimet  e prapambetura të bashkive në vend pësuan një rënie gjatë 2022-shit, por ishin ende në nivele të larta. Në raport ndaj PBB-së, detyrimet e prapambetura u regjistruan një nivel prej rreth 0.28% (nga një nivel prej rreth 0.34% një vit më parë). Referuar raportit të financave vendore për vitin 2022, mesatarisht, detyrimet e prapambetura të bashkive rëndojnë qytetarët për rreth 2,094 lekë për frymë në fund të vitit 2022, nga rreth 2,316 lekë për frymë që ishte në fund të vitit 2021.

Në nivel bashkie, detyrimet e prapambetura për frymë shënojnë vlerën maksimale në bashkinë Pustec me rreth 44,602 lekë për banor dhe nivelin minimal prej rreth 4 lekë për frymë në bashkitë Shkodër dhe Korçë. Ndërsa bashkitë Patos dhe Këlcyrë rezultojnë të mos kenë detyrime të prapambetura në fund të vitit 2022.

Ulja e detyrimeve të prapambetura dhe që do të duhet të shlyhen në periudhën afatmesme, rezulton të ketë ndodhur në 72% të bashkive (ose 44/61 bashki) dhe të jetë veçanërisht e ndjeshme në bashkitë: Malësi e Madhe, Durrës, Lezhë, Belsh, Berat, Roskovec, Vorë, etj. Në të kundërt, rreth 25% e bashkive (ose rreth 15/61 bashki) rezultojnë të kenë kontribuar në kahun rritës të stokut të detyrimeve të prapambetura në fund të vitit 2022 krahasuar me nivelin e tij në fund të vitit 2021. Rritje e qenësishme e detyrimeve të prapambetura vihet re në bashkitë Tiranë (+527 milionë lekë), Dibër (+252 milionë lekë), Pustec (+146 milionë lekë) dhe Devoll (+64 milionë lekë).

Rikthimi i “Titanic” në Netflix pas tragjedisë së nëndetëses “Titan” nxit kritika dhe polemika

Më 1 korrik 2023, filmi ikonik i James Cameron, “Titanic”, do të jetë i disponueshëm për transmetim në Netflix në Amerikën e Veriut dhe Kanada. Platforma e transmetimit, në fakt, ka njoftuar ardhjen e afërt në katalogun e saj të filmit me Leonardo di Caprio dhe Kate Winslet, i cili theu arkat pas daljes në kinema më 19 dhjetor 1997.

Një lajm që në rrethana normale do të kishte kaluar pa u vënë re, por që vjen pak ditë pas një prej ngjarjeve më të përfolura dhe dramatike të këtij viti, tragjedia e nëndetëses Titan, ndaj ka përfunduar në qendër të polemikave të forta.

Dështimi i misionit të fundit të nëndetëses Titan, i cili përfshinte vizitën e rrënojave të Titanikut në një thellësi prej 3810 m në Oqeanin Atlantik dhe që rezultoi në vdekjen e 5 personave, ka ringjallur vëmendjen në historinë e Titanikut, anijes që u mbyt natën ndërmjet 14 dhe 15 prillit 1912 gjatë udhëtimit të saj të parë dhe duket se Netflix donte të shfrytëzonte, sipas mendimit të shumicës, zhurmën e momentit për të rritur fitimet e saj dhe për të “fituar para nga një tragjedi”, duke vendosur të publikojë në katalogun e tij (në Shtetet e Bashkuara) filmin e James Cameron kushtuar historisë së vërtetë të Titanikut.

Në të vërtetë, sapo u zbulua lajmi, shumë kritikuan ashpër Netflix-in dhe zgjedhjen e tij për të nxjerrë “Titanic” në katalog menjëherë pas katastrofës së Titanit.

Një vendim i përcaktuar si “i zgjuar dhe keqdashës”, i cili ka shtyrë publikun të bëjë një sërë akuzash kundër Netflix, si p.sh., ai i dëshirës për të “monetarizuar nga vdekja e njerëzve”, për “mungesë të çdo lloj ndjeshmërie” dhe, mbi të gjitha, të “kalimit të çdo kufiri të mirësjelljes me këtë zgjedhje”.

Komentet kanë bërë xhiron e botës dhe duket se përkojnë me opinionin e përbashkët. Megjithatë, Netflix u mbrojt duke specifikuar se njoftimi i mbërritjes së filmit të 11-të fitues të Oscarit në katalog ishte bërë para ngjarjes tragjike të nëndetëses Titan.

Pavarësisht kësaj, akuzat për shfrytëzimin e tragjedisë nga platforma e transmetimit erdhën edhe për publikimin, në periudhën ndërmjet zhdukjes së nëndetëses dhe zbulimit të mbetjeve të saj, trailerin e dokumentarit “The Deepest Breath”, kushtuar botës së zhytjes së lirë. /Today.it/