Day ArchiveShpallen verërat më të mira në botë, mes tyre 4 shqiptare

Decanter World Wine Awards 2023, një nga konkurset më të mëdha dhe me ndikim në botë i verërave, ka publikuar rezultatet për verërat më të mira për vitin 2022 dhe mes fituesve është edhe Shqipëria me 4 marka vere.

Rreth 74.000 shishe verë u dërguan nga 57 vende në Londër për gjykimin e këtij viti. Gati 240 ekspertë nga e gjithë bota u mblodhën në prill për të testuar 80 deri në 90 verëra në ditë, duke renditur verërat më të mira, me anë të medaljeve.

Vera shqiptare ka marrë 4 medalje: 3 bronzi dhe 1 argjendi.

Ara e dardhës, Prestigj Kallmet dhe Geg Kallmet superior janë verërat që kanë arritur të marrin 3 medalje bronzi ndërkohë që vera ‘Kuven’ ka marrë medaljen e argjendtë.

Kuven, Geg Kallmet dhe Ara e dardhës janë verëra nga Mrizi i Zanave ndërsa Prestigj Kallmet nga Kantina Kallmeti.

Për herë të parë, Australia kryesoi listat me një rekord 10 medalje, duke përfaqësuar një të pestën e të gjitha verërave të vlerësuara me këtë çmim të lartë ndërkombëtarisht.

Vera e Australisë Perëndimore, një nga rajonet e verërave më të izoluara gjeografikisht në botë, mori tre vende në përzgjedhjen e 50 më të mirave.

Franca dhe Spanja morën nga tetë medalje secila, ndjekur nga Italia me shtatë.

Serbia fitoi medaljen e saj të parë për “Grašac 2020 të Vinarija Vinçiqit”, një verë e bardhë.

Bashkëkryetari I jurisë Ronan Sayburn tha se ky është konkursi më i vështirë i verës, sepse standardet janë shumë të larta dhe medaljet duhet të fitohen.

Turizmi, ndërtimet me euro informale dhe faktori psikologjik “rrëzojnë” valutat

Forcimi i Lekut ndaj Euros po vazhdon me ritme të pandërprera dhe po e tërheq monedhën vendase në nivele rekord edhe kundrejt shumicës së valutave të tjera.

Sipas kursit zyrtar të Bankës së Shqipërisë, Euro u këmbye sot në minimumin e ri historik prej 106.39 lekësh, në rënie të mëtejshme me 0.56 lekë krahasuar me ditën e djeshme. Kursi i këmbimit mes Euros dhe Lekut ka rënë me gati 11.3% krahasuar me të njëjtën periudhë të një viti më parë.

Rënia e euros po zhyt edhe kursin e valutave të tjera me monedhën vendase.

Paundi Britanik shënoi gjithashtu një rekord të ri historik, prej 123.58 lekë.

Dollari Amerikan ra sërish, në nivelin e 99.15 lekëve, duke prekur vlerën më të ulët që nga shtatori i vitit 2011.

Franga Zvicerane është gjithashtu në rënie të fortë dhe u këmbye të enjten me 109.06 lekë, niveli më i ulët në katër vitet e fundit.

Oferta e lartë dhe kërkesa e pakët për valutë në treg po sjell një forcim galopant të monedhës vendase. Rolin kryesor në këtë tendencë e ka ecuria e kursit të Euros, që është monedha e huaj referuese për ekonominë dhe përcakton edhe ecurinë e kursit ndaj valutave të tjera kryesore.

Sipas agjentëve të këmbimit valutor nga tregu, kjo situatë mund të shpjegohet me disa faktorë. Rritja e turizmit hyrës ka patjetër një lloj ndikimi, megjithëse nuk e justifikon e vetme forcimin në këto përmasa dhe me ritme kaq të shpejta të Lekut.

Një faktor tjetër, sipas tyre, është ndërtimi me ritme të larta dhe që në një pjesë shumë të madhe financohet me burime në Euro. Paralelisht, edhe transaksionet e blerjes thithin flukse të mëdha valutore hyrëse, qoftë nga shtetasit e huaj, qoftë nga emigrantët shqiptarë jashtë vendit. Këtu përfshihen flukse formale, por edhe ato informale.

Megjithatë, agjentët mendojnë se përtej elementëve të mësipërm, një rënie kaq e shpejtë e kursit të euros nuk mund të shpjegohet pa konsideruar edhe faktorin psikologjik.

Tashmë, duket se tregu ka krijuar pritshmëri të forta për forcimin e mëtejshëm të Lekut, duke pasur parasysh edhe faktorin sezonal. Kjo kushtëzon sjelljen e bizneseve dhe të konsumatorëve, duke i shtyrë të nxitojnë të shesin Euro, çka rrit më tej ofertën e ul edhe më shumë kursin e monedhës europiane.

Përgjithësisht, në të shkuarën pritshmëritë e njëanshme në kursin e këmbimit janë korrigjuar në momentin e ndërhyrjes së Bankës së Shqipërisë. Por, banka qendrore deri tani është shprehur se forcimi i Lekut reflekton raportet normale të kërkesës dhe të ofertës në treg, ndaj nuk ka arsye për të ndërhyrë qoftë edhe përkohësisht në regjimin e lirë të kursit të këmbimit.

Treguesi kryesor që mat panikun mes agjentëve të këmbimit është marzhi mes kursit në blerje dhe atij në shitje. Në rastet kur kursi lëviz me ritme shumë të shpejta, agjentët rrisin marzhet për të shmangur humbjet. Aktualisht, marzhet e tregtimit të euros nga agjentët e mëdhenj të këmbimit janë afër niveleve të zakonshme, fakt që tregon se në treg nuk duket të ketë panik të mirëfilltë.

Megjithatë, një forcim në këto përmasa i monedhës vendase po bëhet problem serioz për një pjesë të ekonomisë. Këtu përfshihen eksportuesit e mallrave, bizneset e sektorit turistik, familjet që përfitojnë remitanca, por edhe ata që kanë kursime në euro dhe që po zhvlerësohen shumë nga forcimi i lekut.

Ata që po përfitojnë më shumë në këtë situatë janë importuesit e mallrave dhe shërbimeve, qeveria dhe huamarrësit në valutë të huaj.

Importuesit e mallrave po shpenzojnë më pak për blerjen e mallrave, si rezultat i forcimit të lekut. Deri tani, kjo nuk ka sjellë ulje të çmimeve të konsumit. Mund të supozohet se në këto kushte importuesit kanë rritur fitimet, ose i kanë përdorur këto marzhe për të mbuluar rritjen e pagave dhe kostove të punës.

Leku i fortë e bën më të lirë turizmin e shqiptarëve jashtë vendit dhe mund të jetë shtysë që më shumë shqiptarë të udhëtojnë jashtë për pushime këtë vit.

Qeveria shqiptare po regjistron një ulje të fortë të borxhit publik në Euro, falë forcimit të Lekut në kursin e këmbimit. Përfitime të ngjashme po regjistrojnë edhe huamarrësit privatë, që kanë kredi në euro dhe të ardhura në lekë, në formën e uljes së barrës së borxhit dhe uljes së shpenzimeve për këstet mujore të kredisë./monitor

Surroi: Rama ka hyrë në mekanikën e gabuar të hapave negociatore

Publicisti Veton Surroi është shprehur se problemi që ka Kosova dhe Serbia nuk është mungesa e draft-statuteve, por respekti i ndërsjellë i dy palëve të përfshira.

I pyetur për propozimin e një drafti nga kryeministri Rama për Asocacionin e komunave me shumicë serbe në veri të Kosovës, Surroi tha se nuk ka “arbitër” në këtë situatë.

“U përpoqa ta kuptoja çka është. Thjesht nga perspektiva e mekanikës, nëse doni t’i ofroni një dokument pajtimi dikujt do të kishte qenë e udhës në një telefonatë a një takim me Kurtin. Nuk ekziston arbitri. Nëse një dokument i tillë i jepet president Macron dhe Scholz, zyrave të tyre, atëherë pos gjërave tjera ka hyrë në mekanikën e gabuar të hapave negociator.

Problemi nuk është mungesa e një draft-statute, problemi është pranimi i konceptit themelor franko-gjerman. Respekti i ndërsjellë i dy shteteve.  Në fund të fundit do e zgjidhin vet palët me ndërmjetësim.”–tha Veton Surroi.

Berisha: Dosja McGonigal detyroi Ramën të bënte draftin për Kosovën. I ka orët e numëruara

Sali Berisha është shprehur seë drafi i prezantuar sot nga kryeministri Edi Rama për Kosovën, është i hartuar nga Beogradi, madje ai shkon edhe më tej, duke bërë një lidhje mes këtij vendimi të kreut të qeverisë dhe dosjes së “McGonigal”.

Berisha tha se përfshirja e Ramës është një përpjekje e tij për të shpëtuar nga afera McGonigal. Kjo sepse sipas Berishës, dy dosjet e McGonigal, ajo në Nju Jork dhe Uashington janë bashkuar në një të vetme, duke rënduar pozitën e shefit të ekzekutivit.

“Ky është një propozim i ardhur nga Beogradi, i cili e nxori në një moment kritik për Kosovën, nxori letrën e tij dhe i tha tani “do lexosh këto”. Në këtë mes hyn dhe çështja McGonigal, ju garantoj që forcë në botë nuk ka që të mund ta shpëtojë Ramën për korruptimin e McGonigal, unë sipas miqve të mi në SHBA, as presidenti nuk paska autoritet për të falë gjatë procesit gjyqësor, përveç kësaj ka edhe një zhvillim dramatik në këtë proces.

Deri para 3 javësh, çështja shqiptare me çështjen ruse, ishin të ndara njëra në Nju Jork, tjetra në Uashington dhe pa lidhje me njëra tjetrën , por dolën të dhëna të tjera që treguan se çështjet nuk janë të ndara, Tirana një qendër në nivele kaq të larta, ka një lidhje kjo histori, McGonigal, Moska dhe Tirana, pse Tirana është me këto 2 metropole të mëdha, prandaj prokuroria e SHBA i kërkoi gjykatësit në Uashington të bashkojë çështjet, Rama është në një mobilizim të tmerrshëm, po mobilizon miq të tij kudo, edhe Soros. Rama nuk është më vetja e tij, i ka kohët e numëruara dhe është i aftë të bëjë çdo gjë për mbijetesë”, tha Berisha.

Romeo Veshaj flet për dasmën e Elgitit: E kisha zemrën shumë të dobët

Romeo Veshaj, miku i ngushtë i Elgit Dodës ka treguar më shumë për dasmën e këtij të fundit, me Klea Hutën, ku vetë Romeo ishte  edhe shoqërues i dhëndrit në altar.

“E kam zemrën shumë të dobët. Të gjithë mendojnë se jam i fortë, por unë jam më i dobët se Donaldi realisht. Më bëhet shumë qejfi për Elgitin që u kurorëzua sot. Pashë dhe veten si mund të isha dhëndër. Mua kur s’ më mbajnë këmbët shoqërues, imagjino dhëndër… Uroj të jenë të qeshur, të lumtur , të gëzuar gjithë jetës e pse jo me 2-3 fëmijë të tjerë që të mos e lënë Kridin vetëm“-tha Romeo i përlotur.

Bashkë me binjakun e Romeos, Donaldin, Eligiti ka pasur disa bashkëpunime muzikore mjaft të suksesshme.

Përplasje bandash/ Miku i Vis Martinajt nuk tregon autorët e atentatit ndaj Fatjon Muratit

“RE HX 112” është targa gjermane e cila mbante makina tip “BMW X5” e autorëve të atentatit të mbrëmjes së 12 Marsit ndaj lokalit të Fation Muratit në zonën e “Don Boskos” në kryeqytet, ku mbeti e vrarë aksidentalisht banakierja e lokalit Mimoza Paja. Automjeti tip “BMW X5”, së bashku me targat gjermane, është gjetur i djegur në fshatin Likmetaj, Manëz, Durrës.

Nga hetimet ka rezultuar se targa gjermane “RE HX 112” ka hyrë në territorin shqiptar përmes pikës kufitare të Morinës nga 28-vjeçari Nikoll Sherrniku nga nga Fushë Kuqe e Kurbinit, të cilit i është komunikuar masa e arrestit në lidhje me këtë krim në ambientet e burgut të Shënkollit në Lezhë, ku ai qëndron që për gushtit të vitit të kaluar, i akuzuar dhe në lidhje me dy krime të tjera.

Burime pranë grupit hetimor bëjnë me dije se targat gjermane janë targa provizore të cilat i janë dhënë nga shteti gjerman Nikoll Shërnikut, pasi ky i fundit ka blerë një automjet në Gjermani.

Dhënia e targave provizore është bërë në mënyrë që Sherniku t’i përdorte ato feri në momentin e transportimit të makinës në Shqipëri ku do i nxirrte makinës targa të reja shqiptare. Makina dhe targat provizore në emër të Nikoll Shërnikut, janë futur në Shqipëri nga Kosova duke u shënuar në sistemin TIMS.

Por, për grupin hetimor Nikoll Sherrniku ka deklaruar se nuk ka asnjë dijeni në lidhje me atentatin e “Don Boskos”, pasi ai ka qenë në burg në atë kohë. Shërniku, ka pretenduar se targat i ka lënë në ambjentet e Drejtorisë së Transporteve në Lezhë, vend ku kishte targuar me targa Shqiptare makinën e blerë në Gjermani.

Policia dyshon se sulmi me armë ishte pjesë e një zinxhiri përplasjesh mes dy grupeve kriminale rivale, një version ky që po përforcohet edhe pas zbulimit së të pronësisë së targave të mjetit të përdorur në atentat.

Dyshohet se targat gjermane “RE HX 112”, Nikoll Sherrniku ia ka hequr automjet të tij dhe ia ka dhënë anëtarëve të një grupi kriminal që vepron në zonën e Laçit dhe Lezhës.

Policia pretendon se pas mbarimit të afatit të përdorimit të këtyre targave Nikoll Shërniku, i ka hequr dhe ja ka dhënë anëtarëve të një grupi kriminal që vepron në zonën e Laçit dhe Lezhës. Ky grup besohet se ka financuar dhe organizuar atentatin ndaj njerëzve të Fatjon Muratit, në shënjë hakmarje për vrasjen e Briland Martinaj,Diklen Vatës dhe Besmir Hoxhës.

Nikoll Sherrniku u arrestua më 17 Gushtin e vitit të kaluar, pasi sipas Policisë, po tentonte të kryente një atentat. Ai u kap në automjetin e blindur tip “Toyota” të parkuar në afërsi të një pallati në Kune të Shëngjinit, bashkë me drejtuesen e mjetit 34-vjeçarja, Flutura Berisha dhe një i mitur 15 vjeç. Policia iu sekuestroi një automatik me fishekë në fole gati për qitje, dy krehëra me fishekë, 2 radio marrëse – dhënëse si të Policisë, si dhe automjeti i blinduar me të cilin lëviznin këta shtetas.

Por, ditën kur u arrestua, Nikoll Sherrniku theu dhe masën “arrest shtëpie” pasi akuzohej për një tjetër krim. Ai ndoedhej nën atë masë sigurie në lidhje me implikimin e tij në ngjarjen e ndodhur në dhjetor 2021, ku mbeti i vrarë me armë zjarri ish-punonjësi i Policisë, shtetasi Xhuliano Prela, ku akuzohet për veprën penale “Krijimi i kushteve për të kryer vrasje”. Për vrasjen e këtij të fundit është akuzuar dhe Brilant Martinaj, i cili kishte fituar lirinë, para se të vritej tek masakra e mbikalimit të Fushë Krujës.

Nikoll Sherrniku njihet si anëtar i grupit të Ervis Martinajt dhe shok i ngushtë i nipit të vrarë të këtij të fundit, Brilant Martinajt.

Investigimi i Wall Street Journal: Instagram po ndihmon përhapjen e një rrjeti pedofilësh

Instagram, rrjeti social që drejtohet nga META, po ndihmon promovimin dhe lidhjen e një rrjeti të gjerë të shit-blerjes së materialeve seksuale me të mitur, sipas një investigimi të Wall Street Journal dhe kërkuesve nga universiteti i Standfordit dhe Masaçusets.

Pedofilët kanë shfrytëzuar gjithmonë internetin, por ndryshe nga forumet apo shërbimet e dërgimit të materialeve ku rrjeti shpërndan përmbajtjet seksuale, Instagrami nuk ofron aktivitete të tilla. është algoritmi që e bën. Instagrami lidh pedofilët dhe i orienton ato tek shitësit sipas ssitemit të rekomandimeve që ka aplikacioni.

Edhe pse jo shumë të dukshme, llogaritë me përmbajtje seksuale në Instagram janë të shumta. Studiuesit gjetën se njerëzit mund të kërkojnë lehtësisht hashtagje të tilla si #pedowhore dhe #preteensex dhe i lidhin ato me përdoruesit e këtyre hashtagjeve për të shitur materiale seksuale të fëmijëve. Zakonisht thuhet se janë llogari që i drejtojnë vetë këta fëmijë dhe përdorin terma të njohur seksuale duke përfshirë fjalë të tilla si “little slut for you”.

Llogaritë e Instagramit që ofrojnë materiale të tilla nuk e tregojnë haptazi, por postojnë “menu” të tyre. Llogari të caktuara ftojnë blerësit të paguajnë akte specifike. Disa menu përfshijnë çmime për video të fëmijëve që dëmtojnë veten e tyre dhe pamje të të vegjëlve që performojnë akte seksuale me kafshë, sipas kërkuesëve të Standford. Për çmime të mira, fëmijët mund të nxirren në “takime” me pedofilët.

Ligji federal ashtu si edhe rregullorja e META-s, e ndalojnë ekspozimin seksual të të miturve. Kur kompania u kontaktua nga WSJ, tha se janë në dijeni të çështjesh dhe po mundohen të ngrejnë një task-forcë për ta ndaluar. “Shfrytëzimi i fëmijëve është një krim i tmerrshëm,” tha kompania, duke shtuar, “Ne po hetojmë vazhdimisht mënyra për t’u mbrojtur në mënyrë aktive kundër kësaj sjelljeje”.

META tha se në dy vitet e fundit ka godit 27 rrjete pedofilësh dhe po planifikon më shumë të tilla. Tha po ashtu se po punon edhe me sistemin e rekomandimeve që të ndalojë ndërlidhjen.

Alex Stamos, kreu i Observatorit të Internetit në Standord dhe kreu i sigurisë në META, tha se ndalimi i këtij abuzimi kërkon përpjekje të vazhdueshme.

“Fakti që një grup me tre akademikë dhe me akses të kufizuar në një rrjet gjigand online kanë gjetur këto të dhëna, duhet të jetë alarmuese për kompaninë. Shpresoj që kompania të investojë më shumë në mjete dhe njerëz që e ndalojnë këtë fenomen”, tha ai.

Pengesat teknike dhe ligjore e bëjnë të vështirë përcaktimin e shkallës së rrjetit për këdo jashtë kompanisë. Për shkak se ligjet rreth përmbajtjeve seksuale të fëmijëve janë jashtëzakonisht të gjera, hetimi i tij në një platformë publike është ligjërisht i ndjeshëm.

Në raportimin e saj, WSJ u konsultua me ekspertë akademikë për sigurinë e fëmijëve në internet. Observatori i Internetit i Stanford-it, një ndarje e Qendrës së Politikave Kibernetike të universitetit e fokusuar në abuzimin e mediave sociale, prodhoi një analizë sasiore të pavarur të veçorive të Instagramit që ndihmojnë përdoruesit të lidhen dhe të gjejnë përmbajtje.

Gazeta gjithashtu kontaktoi Laboratorin e Shpëtimit të UMass, i cili vlerësoi sesi pedofilët në Instagram përshtaten në botën më të madhe të shfrytëzimit të fëmijëve në internet. Duke përdorur metoda të ndryshme, të dy entitetet ishin në gjendje të identifikonin shpejt komunitetet në shkallë të gjerë që promovonin abuzim seksual kriminal.

Llogaritë që u krijuan vetëm për qëllime kërkimi, false,  shikuan një llogari të vetme në rrjet u goditën menjëherë me rekomandimet “të sugjeruara për ju” të shitësve dhe blerësve të supozuar të përmbajtjes seksuale të fëmijëve, si dhe llogari që lidhen me faqet e tregtimit të përmbajtjes jashtë platformës. Ndjekja e vetëm një grushti prej këtyre rekomandimeve ishte e mjaftueshme për të mbushur llogarinë false me përmbajtje që seksualizon fëmijët.

Observatori i Internetit i Stanford përdori hashtags të lidhur me seksin e të miturve për të gjetur 405 shitës të atyre që studiuesit e etiketuan materialin e seksit të fëmijëve  “që i krijonin vetë” duke thënë se ata ishin deri në moshën 12 vjeç. Sipas të dhënave të mbledhura nëpërmjet Maltego, një softuer i hartës së rrjetit, 112 prej këtyre llogarive të shitësve kishin së bashku 22.000 ndjekës unikë.

Krijuesit dhe blerësit e materialeve seksuale të të miturve janë vetëm një cep i një ekosistemi gjigand i përkushtuar vetëm përmbajtjeve me fëmijë. Llogari të tjera në komunitetin e pedofilëve krijojnë meme pro-pedofilisë.  Punonjësit aktualë dhe ish-punonjësit e META, të cilët kanë punuar në iniciativat për sigurinë e fëmijëve në Instagram, vlerësojnë se numri i llogarive që ekzistojnë kryesisht për të ndjekur një përmbajtje të tillë është në qindra mijëra, nëse jo miliona.

Një zëdhëns nga META tha se kompania po tenton t’i largojë këto përdorues dhe vetëm në janar ka fshirë 490 mijë llogari.

“Instagrami po bëhet nga ato vende në internet ku mund të gjesh lehtësisht materiale të abuzimit seksual të fëmijëve”, tha Brian Levine, drejtor i UMass, që bën kërkime online për abuzimin e fëmijëve.

Instagrami, i vlerësuar të ketë më shumë se 1.3 miliardë përdorues, është veçanërisht i popullarizuar tek adoleshentët. Studiuesit e Stanford gjetën disa aktivitete të ngjashme shfrytëzuese seksuale në platforma të tjera sociale më të vogla, por thanë se ata zbuluan se problemi në Instagram është veçanërisht i rëndë. “Platforma më e rëndësishme për këto rrjete blerësish dhe shitësish duket të jetë Instagrami”, shkruan ata në një raport të planifikuar për publikim më 7 qershor.

Instagram tha se statistikat e tij të brendshme tregojnë se përdoruesit shohin shfrytëzimin e fëmijëve në më pak se një në 10 mijë postime të shikuara.

Përpjekja e platformave të mediave sociale dhe zbatimit të ligjit për të luftuar përhapjen e pornografisë së fëmijëve në internet përqendrohet kryesisht në kërkimin e imazheve dhe videove të konfirmuara, të njohura si materiale të abuzimit seksual të fëmijëve ose CSAM, të cilat tashmë dihet se janë në qarkullim. Qendra Kombëtare për Fëmijët e Zhdukur dhe të Shfrytëzuar, një organizatë jofitimprurëse amerikane që punon me zbatimin e ligjit, mban një bazë të dhënash të gjurmëve të gishtërinjve digjitalë për imazhe dhe video të tilla dhe një platformë për ndarjen e të dhënave të tilla midis kompanive të internetit.

Algoritmet e kompanive të internetit kontrollojnë shenjat digjitale të gishtërinjve të imazheve të postuara në platformat e tyre në lidhje me atë listë dhe raportojnë përsëri në qendër kur i zbulojnë ato, siç kërkon ligji federal i SHBA. Në vitin 2022, qendra mori 31.9 milionë raporte të pornografisë së fëmijëve, kryesisht nga kompanitë e internetit – 47% më shumë se dy vjet më parë.

Meta, me më shumë se 3 miliardë përdorues në aplikacionet e saj, të cilat përfshijnë Instagram, Facebook dhe WhatsApp, është në gjendje të zbulojë këto lloj imazhesh të njohura nëse ato nuk janë të koduara. Meta përbënte 85% të raporteve të pornografisë së fëmijëve të depozituara në qendër, duke përfshirë rreth 5 milionë nga Instagram.

Ekzaminimi i automatizuar i Meta-s për përmbajtjen ekzistuese të shfrytëzimit të fëmijëve nuk mund të zbulojë imazhe të reja ose përpjekje për të reklamuar shitjen e tyre. Parandalimi dhe zbulimi i një aktiviteti të tillë kërkon jo vetëm rishikimin e raporteve të përdoruesve, por gjurmimin dhe ndërprerjen e rrjeteve të pedofilëve, thonë punonjësit aktualë dhe të mëparshëm, si dhe studiuesit e Stanford. Qëllimi është të vështirësohet për përdoruesit e tillë që të lidhen me njëri-tjetrin, të gjejnë përmbajtje dhe të rekrutojnë viktima.

Meta ka luftuar me këto përpjekje më shumë se platformat e tjera si për shkak të zbatimit të dobët dhe veçorive të dizajnit që nxisin zbulimin e përmbajtjes së materialeve legale dhe të paligjshme, zbuloi Stanford.

Ekipi i Stanford gjeti 128 llogari që ofronin për të shitur materiale për abuzim seksual me fëmijët në Tëitter, më pak se një e treta e numrit që gjetën në Instagram, i cili ka një bazë përdoruesish shumë më të madhe se Twitter. Twitter nuk rekomandoi llogari të tilla në të njëjtën shkallë si Instagram dhe i hoqi ato shumë më shpejt, zbuloi ekipi.

Ndër platformat e tjera të njohura për të rinjtë, Snapchat përdoret kryesisht për mesazhet e tij direkte, kështu që nuk ndihmon në krijimin e rrjeteve. Dhe platforma e TikTok është ajo ku “kjo lloj përmbajtjeje nuk duket se po përhapet”, thuhet në raportin e Stanford.

Tëitter nuk iu përgjigj kërkesave për koment. TikTok dhe Snapchat nuk pranuan të komentojnë.

David Thiel, drejtues i teknologjisë në Stanford tha “problemi i Instagram është se mbështetet shumë në lidhjet e llogarive dhe interesave të tyre. Duhet të vendosësh gardh që diçka me rritje intensive të jetë sigurt, dhe Instagrami nuk e ka bërë këtë.”

Platforma ka dështuar në një teknologji bazike: fjalët kyçe. Hashtagjet janë pjesë kryesore e përmbajtjes në Instagram, duke i lejuar përdoruesit të gjejnë postime të lidhura me interesat e tyre, nga #fashion #nba etj.

Pedofilët kanë hashtagjet e tyre. Termat e kërkimit si #pedobait dhe variacionet në #mnsfë (“të vegjlit jo të sigurt për punë”) ishin përdorur për të etiketuar mijëra postime të dedikuara për reklamimin e përmbajtjeve seksuale që shfaqin fëmijë, duke i bërë ato lehtësisht të gjetshme nga blerësit, zbuluan studiuesit akademikë. Pas pyetjeve të Gazetës, META tha se është në proces ndalimi të termave të tillë.

Në shumë raste, Instagram i lejo përdoruesit të bëjnë kërkime mbi terma që edhe vetë algoritmi e di se janë të paligjshme. Në raste të tilla, një njoftim shfaqet për përdoruesit në ekran dhe paralajmëron se “Këto rezultate mund të përmbajnë imazhe të abuzimit seksual të fëmijëve” dhe vë në dukje se prodhimi dhe konsumimi i një materiali të tillë shkakton “dëm ekstrem” për fëmijët. Ekrani ofron  dy opsione për përdoruesit: “Informohu dhe “Shiko rezultatet gjithsesi”.

Në përgjigje të pyetjeve nga WSJ, Instagram hoqi opsionin që përdoruesit të shikonin rezultatet e kërkimit për termat që mund të prodhonin imazhe të paligjshme. Kompania nuk pranoi të thoshte pse e kishte ofruar këtë opsion.

Llogaritë e pedofilive në Instagram përziejnë pafytyrësinë me përpjekjet sipërfaqësore për të mbuluar aktivitetin e tyre, zbuluan studiuesit. Disa emoji funksionojnë si një lloj kodi, siç është një imazh i një harte – shkurtimisht për “person i tërhequr nga të miturit” – ose një i “picës me djathë”, i cili ndan inicialet e tij me “pornografinë e fëmijëve”, sipas Levine nga UMass. Shumë e deklarojnë veten “dashamirës të gjërave të vogla në jetë”.

Llogaritë e identifikojnë veten si “shitës” ose “s3ller” dhe shumë prej tyre deklarojnë formën e tyre të preferuar të pagesës në bio. Këto llogari shitësi shpesh përcjellin moshën e supozuar të fëmijës duke thënë se janë “në kapitullin 14” ose “mosha 31” e ndjekur nga një emoji e një shigjete mbrapa.

Disa nga rrëfimet mbanin indikacione për trafikim seksual, tha Levine nga UMass, si për shembull, një adoleshente me fjalën WHORE të skalitur në fytyrë.

Disa përdorues që pretendojnë se shesin përmbajtje seksuale të prodhuara vetë thonë se janë “pa fytyrë” – duke ofruar imazhe vetëm nga qafa e poshtë – për shkak të përvojave të kaluara në të cilat klientët i kanë ndjekur ose shantazhuar. Të tjerët marrin rrezikun, duke paguar një çmim për imazhet dhe videot që mund të zbulojnë identitetin e tyre duke treguar fytyrën e tyre.

Shumë prej llogarive tregojnë përdoruesit me plagë të prera në brendësi të krahëve ose kofshëve të tyre, dhe një numër prej tyre citojnë abuzime seksuale në të kaluarën.

Edhe shikimi i kontaktit me një llogari në komunitetin e pedofilëve të Instagramit mund të shkaktojë që platforma të fillojë të rekomandojë që përdoruesit t’i bashkohen.

Sarah Adams, një nënë kanadeze e dy fëmijëve, ka krijuar një audiencë në Instagram duke diskutuar mbi shfrytëzimin e fëmijëve dhe rreziqet e shpërndarjes së tepërt në mediat sociale. Duke pasur parasysh fokusin e saj, ndjekësit e Adams ndonjëherë i dërgojnë asaj gjëra shqetësuese që kanë hasur në platformë. Në shkurt, tha ajo, një i dërgoi asaj një mesazh të quajtur me termin “të vegjëlit e incestit”.

Adams tha se ajo hyri në llogarinë – një koleksion memesh pro incestit me më shumë se 10,000 ndjekës – vetëm për disa sekonda që u deshën për të raportuar në Instagram, më pas u përpoq ta harronte atë. Por gjatë ditëve në vijim, ajo filloi të dëgjonte nga prindërit e tmerruar. Kur ata shikuan profilin e Adams në Instagram, ajo tha se atyre u rekomandohej “vegjël e incestit” si rezultat i kontaktit të Adams me llogarinë.

Një zëdhënës i Metës tha se “fëmijët e vegjël të incestit” shkelën rregullat e tij dhe se Instagram kishte gabuar në zbatimin e tij. Kompania tha se planifikon të adresojë rekomandime të tilla të papërshtatshme si pjesë e grupit të saj të ri të punës për sigurinë e fëmijëve.

Ashtu si me shumicën e platformave të mediave sociale, thelbi i rekomandimeve të Instagramit bazohet në modele të sjelljes, jo duke i përshtatur interesat e një përdoruesi me subjekte specifike. Kjo qasje është efikase në rritjen e rëndësisë së rekomandimeve dhe funksionon në mënyrë më të besueshme për komunitetet që ndajnë një grup të ngushtë interesash.

Teorikisht, e njëjta ngushtësi e komunitetit të pedofilëve në Instagram duhet ta bëjë më të lehtë për Instagram që të hartojë rrjetin dhe të marrë hapa për ta luftuar atë. Dokumentet e shqyrtuara më parë nga Gazeta tregojnë se Meta ka bërë këtë lloj pune në të kaluarën për të shtypur rrjetet e llogarive që i konsideron të dëmshme, si për shembull me llogaritë që promovojnë delegjitimimin e zgjedhjeve në SHBA pas trazirave të Kapitolit të 6 janarit.

Ashtu si platformat e tjera, Instagram thotë se angazhon përdoruesit e tij për të ndihmuar në zbulimin e llogarive që shkelin rregullat. Por këto përpjekje nuk kanë qenë gjithmonë efektive.

Ndonjëherë raportet e përdoruesve për lakuriqësinë që përfshinte një fëmijë mbetën pa përgjigje për muaj të tërë, sipas një rishikimi të shumë raporteve të paraqitura gjatë vitit të kaluar nga shumë avokatë të sigurisë së fëmijëve..

Në fillim të këtij viti, një aktivist anti-pedofil zbuloi një llogari në Instagram që pretendonte se i përkiste një vajze që shiste përmbajtje seksuale për të mitur, duke përfshirë një postim ku deklarohej: “Ky adoleshent është gati për ju të gjithë”. Kur aktivisti raportoi llogarinë, Instagram u përgjigj me një mesazh të automatizuar duke thënë: “Për shkak të vëllimit të lartë të raporteve që marrim, ekipi ynë nuk ka qenë në gjendje ta rishikojë këtë postim”.

Pasi i njëjti aktivist raportoi një postim tjetër, ky i një vajze të re të veshur paksa me një mbishkrim grafikisht seksual, Instagram u përgjigj: “Ekipi ynë i rishikimit ka zbuluar se postimi [e llogarisë] nuk bie ndesh me Udhëzimet tona të Komunitetit”. Përgjigja sugjeroi që përdoruesi të fshihte llogarinë për të shmangur shikimin e përmbajtjes së saj.

Një zëdhënës i META pranoi se kishte marrë raporte dhe nuk kishte vepruar sipas tyre. Një rishikim i mënyrës se si kompania trajtoi raportet e abuzimit seksual të fëmijëve zbuloi se një defekt në softuer po parandalonte përpunimin e një pjese të konsiderueshme të raporteve të përdoruesve dhe se stafi i moderimit të kompanisë nuk po zbatonte siç duhet rregullat e platformës, tha zëdhënësi. Kompania tha se që atëherë e ka rregulluar gabimin në sistemin e saj të raportimit dhe po ofron trajnime të reja për moderatorët e përmbajtjes së saj.

Edhe kur Instagram fshin llogaritë që shesin përmbajtje seksuale për të mitur, ato nuk qëndrojnë gjithmonë të zhdukura.

Sipas udhëzimeve të brendshme të platformës, gjobat për shkeljen e standardeve të komunitetit të saj zakonisht vendosen në llogari, jo në përdorues ose pajisje. Për shkak se Instagram i lejon përdoruesit të ekzekutojnë llogari të shumta të lidhura, sistemi e bën të lehtë shmangien e zbatimit kuptimplotë. Përdoruesit renditin rregullisht dorezat e llogarive “rezervë” në bio-n e tyre, duke i lejuar ata thjesht të rifillojnë postimin tek i njëjti grup ndjekësish nëse Instagrami i heq ato.

Në disa raste, sistemet e rekomandimeve të Instagram zvogëlojnë drejtpërdrejt përpjekjet e stafit të tij të sigurisë. Pasi kompania vendosi të godasë lidhjet nga një shërbim specifik i koduar i transferimit të skedarëve, i njohur për transmetimin e përmbajtjes së seksit të fëmijëve, Instagram bllokoi kërkimet për emrin e tij.

Sugjerimet e hashtagjeve të drejtuara nga AI i Instagram nuk e morën mesazhin. Pavarësisht refuzimit të shfaqjes së rezultateve për emrin e shërbimit, veçoria e plotësimit automatik të platformës rekomandoi që përdoruesit të provonin variacionet e emrit me fjalët “djem” dhe “CP” të shtuara në fund.

Kompania u përpoq t’i çaktivizonte ato hashtags mes përgjigjes së saj ndaj pyetjeve nga Journal. Por brenda pak ditësh Instagram po rekomandonte sërish variacione të reja të emrit të shërbimit që çuan gjithashtu në llogaritë që shisnin përmbajtje të supozuar për seks të mitur.

Pas fshirjes fillestare të llogarive të kompanisë të sjellë në vëmendjen e saj nga Stanford dhe Journal, Levine i UMass kontrolloi disa nga llogaritë e mbetura të shitësve të mitur në Instagram. Si më parë, shikimi i njërës prej tyre bëri që Instagram të rekomandonte të reja. Sugjerimet e Instagram po ndihmonin për të rindërtuar rrjetin që stafi i sigurisë së platformës ishte në mes të përpjekjeve për ta çmontuar.

Një zëdhënës i Meta tha se sistemet e tij për të parandaluar rekomandime të tilla janë duke u ndërtuar aktualisht. Levine e quajti të papranueshëm rolin e Instagramit në promovimin e përmbajtjeve dhe llogarive pedofilike.

“Tërhiqni frenën e urgjencës,” tha ai. “A ia vlejnë përfitimet ekonomike nga dëmet e këtyre fëmijëve?”/WallStreetJournal

Flet nëna e Siborës, që u vra nga i dashuri italian: Do kryeja vrasjen më të tmerrshme…

Trupi i Sibora Gaganit, 22-vjeçares shqiptare, u gjet në një apartament në Torremolinos (Málaga) në Spanjë. Vajza jetonte atje me Marcus Gaius Romeo. Të dy së bashku ishin larguar në vitin e 2014 dhe që prej asaj kohe Sibora u zhduk. Pas rreth 9 vitesh nga vrasja e shqiptares Sibora Gagani në vitin 2014 në Spanjë, autoritetet kanë arriturtë gjejnë eshtrat e sajpasi u ekzekutua nga i dashuri i saj Marcus.

Nëna e Siborës, Betta Shahini ka dhënë një intervistë për ‘Repubblica’ duke thënë se ka shpresa që vajza do të kthehet në shtëpi.

“Derisa të më thonë që trupi i pajetë është i Siborës time, shpresoj që të më vijë në shtëpi”, tha Shahini, e cila e zemëruar dhe me lot në sy nuk dëshiron të besojë se nuk i përkasin të bijës eshtrat e gjetura në një qese plastike brenda një muri në banesën në Malaga ku banonte çifti. Dyshimi është se Marcus, i cili u arrestua në muajin maj, është vrasës serial pasi akuzohet se ka vrarë edhe një grua tjetër të quajtur Paula.

Në dëshminë e tij, Marcus zbuloi se kishte vrarë edhe Siborën ndaj nisën sërish hetimet e u gjetën ehstrat. Por nëna tregon se ai e ka mohuar këtë gjë duke e parë në sy.

Pjesë nga intervista për ‘Reppublica’

Betta: “Ai gjithmonë e mohonte, unë vetë ia bëra pyetjen vite më parë dhe ai më mohoi teksa më shihte në sy. Gjithmonë thoshte se nuk e lëndoi vajzën time. Më kujtohen sytë e tij para 9 vitesh, ai kishte një fytyrë të qetë. Një fytyrë e cila më kujton një tjetër vrasës, Alessandro Impagnetiello”.

Si e morët vesh për viktimën e dytë nga Marcus Romeo?

Betta: “Më paralajmëruan dje në mbrëmje (6 qershor). Tani duhet të presim rezultatin e ADN-së, do të dërgoj timin. Jam shkatërruar, ai njeri po më lëndon aq shumë sa s’mund të përshkruhet. Ai është një përbindësh. Këtë fytyrë të qetë e ka pasur edhe ditën e arrestimit”.

Kur ishte hera e fundit që patë vajzën tuaj?

Betta: “Mbaj mend që një muaj para se të largohej vajza ime donte ta linte, në fakt ajo e kishte shtyrë vërtet dhe më tha se donte që ai të zhdukej. Më pas, megjithatë, si një grua e dashuruar vendosi të shkonte pas tij. Ajo shpresonte të martohej me të, të krijonin së bashku familje. Më përqafoi dhe nuk e kam parë më që atëherë”.

A nuk ju kishte thënë ndonjëherë për qëndrime të dhunshme nga partneri i saj?

Betta: “Jo, jo mua. Miqve të saj, nga ana tjetër, po. Ajo u tha në një telefonatë para se të nisej për në Spanjë. Por ata folën vetëm tani, 13 vjet pas fillimit të kësaj historie të mallkuar”.

Që kur u largua për në Spanjë, vajza e saj nuk e telefonoi më kurrë.

Betta: “Ra heshtja. Menjëherë mendova se më kishte vrarë vajzën, bëra denoncim në policinë spanjolle. Ata shkuan në shtëpinë e tij dhe gjetën një krehër, një palë mbathje dhe rrobat e vajzës sime. Por ata nuk bënë asgjë. Unë jam e acaruar me ata policë.”

Pse?

Betta: “Sepse ata ndaluan derisa ai përbindësh vrau Paulën. Në vend të kësaj ata mund të kishin shpëtuar gra të tjera. Ndoshta edhe vajzën time. Jeta ime ka qenë një mundim për 9 vjet, vazhdoj të punoj dhe jetoj në Nettuno. Sibora ishte vajza ime e vetme, ajo ishte gëzimi im dhe i të gjithë atyre që e njohën”.

Paula ishte shumë e ngjashme me Siborën.

Betta: “Po, vajzat që ai zgjedh janë të gjitha njësoj: të gjata, të holla, flokë të zeza. Paula dukej si motra e vajzës sime. Ai i zgjedh për karakteristikat e tyre fizike. Të gjitha vajza të bukura dhe me tipare të errëta”.

A fole sërish me të?

Betta: “Ai është vrasës, e bën me ndërgjegje. Po ta kisha përballë mund të bëja vrasjen më të tmerrshme. Dhe do ta bëja të vuante. Siç po bën me mua, më ka dhënë një goditje të tmerrshme. Kam zemërim brenda meje.Unë jam një grua që ka mbetur pa asgjë”.

Mendon se ka vrarë gra të tjera?

Betta: “Absolutisht që po, nëse hetuesit vazhdojnë do të zbulojnë trupa të tjerë, ai është i aftë për çdo gjë. Paulën e vrau me 14 plagë me thikë. Trupi tjetër është brenda një muri. Si mund të mendoni se ky është një burrë?”.

Sibora ishte 22 vjeç kur u zhduk. Çfarë ëndrrash kishte?

Betta: “Ajo donte të bëhej mësuese dhe ishte modele. E quanin flutura e vogël sepse ishte gjithmonë e buzëqeshur. Këto 9 vite errësirë ​​kanë fshirë gjithçka rreth saj, madje edhe rrjetet e saj sociale. Dhe ai e bëri atë, padyshim. Ai fshiu vajzën time”.

 

VOA për asociacionin e komunave: E paqartë nëse dokumentin e ka hartuar qeveria apo i është ofruar

Në Shqipëri kryeministri Edi Rama njoftoi sot se i ka dorëzuar presidentit frncez Emmanuel Macron dhe kancelarit gjerman Olaf Scholz një draft për krijimin e asociacionit të komunave serbe, i hartuar siç tha, nga ekspertë të nivelit më të lartë europian dhe amerikan.

Kryeministri Rama deklaroi se bëhet fjalë për një dokument konfidencial, i cili merr në merr në konsideratë që asociacioni është pjesë e organizimit të jetës në Republikën e Kosovës duke adresuar të gjithë rekomandimet apo konkluzionet e Gjykatës Kushtetuese të Kosovës.

“Dje i kam përcjellë presidentit Macron dhe kancelarit Scholz, që janë dy kumbarët e propozimit franko-gjerman një draft të asociacionit, për të cilën kam vënë në dijeni edhe Presidentin e Këshillit Europian, Charles Michel, si dhe palën amerikane”, deklaroi kryeministri Rama, duke bërë të ditur se dokumenti është hartuar “nga ekspertë të nivelit më të lartë amerikan dhe europian prej kohësh”, pa shpjeguar se kur ka ndodhur, por duke theksuar se: “është bërë pikërisht në rast se do të vinte kjo ditë, kjo ditë kur palët dhe në këtë rast, për mua i pakuptueshëm është pozicioni i Kosovës dhe jo i Serbisë që e përsëris, bën atë që ka bërë dhe herë të tjera, palët nuk po merren dot vesh as se kush duhet ta shkruajë këtë tekst e jo më të merret vesh se çfarë duhet të ketë teksti”.

Mbetet po ashtu e paqartë nëse ka qenë qeveria shqiptare e cila ka kërkuar hartimin e këtij dokumenti, apo ai i është ofruar asaj. Zoti Rama tha se ekspertët kanë dhënë një kontribut dhe se ai thjesht ka bërë që ky kontribut të kthehet në një mundësi për dialog duke theksuar se nuk ka dalë vullnetar për të bërë asnjë marrëveshje, “unë thjesht kam marrë përsipër të kontribuoj për tryezën e dialogut nëpërmjet kumbarëve të procesit, që janë presidenti i Francës dhe kancelari i Gjermanisë. I takon atyre të bëjnë atë që dëshirojnë me këtë kontribut sepse tani ishte gati për tu bërë dhe tani janë kushtet për tu bërë, duke parë që në vend se të ulen në tryezë njëri çon policinë në godina bosh, tjetri çon ushtrinë për të kënduar këngë në kufij me Kosovën”.

Javën e shkuar kryeministri Rama pati një takim të veçantë me presidenti francez Macron, gjatë Konferencës së sigurisë në Bratislavë, ku zoti Macron foli me tone të ashpra ndaj autoriteteve të Kosovës duke i konsideruar ato përgjegjëse për situatën e krijuar në veri.

Një situatë që sipas kryeministri Rama “po merr përmasat e një tragjedie politike për Republikën e Kosovës” e cila shtoi ai, “si kurrë më pare, po fajësohet botërisht nga të gjithë aleatët strategjikë të kombit shqiptar”, të cilët i cilësoi si “zotët e shtëpisë në Kosovë”.

Ndërsa e cilësoi dokumentin e ofruar prej tij si konfidencial e për të cilin nuk është konsultuar me kryeministrin Albin Kurti, zoti Rama u mjaftua të shpjegojë se “unë mendoj që një asociacion që është brenda kornizës kushtetuese të Kosovës , që është në sinkron me të gjithë pritshmëritë e komunitetit demokratik, që i jep vetë administrim, vetë menaxhim, quheni si te doni, atyre që e përbëjnë, pa e venë në pikëpyetje asnjëherë autoritetin e insitucioneve të Republikës së Kosovës; që i jep mundësi t’i bëjnë ato që duhet të bëjnë për arsimin dhe për shëndetësinë dhe që patjetër gjen miratimin e Gjykatës Kushtetuese të Kosovës, është gjëja që i duhet sot Kosovës”, nënvizoi ai./VOA

Deputeti i LVV nxjerr bllof Ramën: A u ke dërguar ndërkombëtarëve drafte për Luginën e Preshevës?

Deputeti i Lëvizjes Vetëvendosje Dimal Basha reagoi pasi kryeministri Rama tha se u kishte dërguar një draft presidentit Macron dhe kancelarit Scholz për të zgjidhur çështjen e Asociacionit të komunave serbe në Kosovë.

Duke i kujtuar Ramës se për Kosovën ka se kush shqetësohet, deputeti i LVV pyet kryeministrin e Shqipërisë nëse ka propozuar ndonjëherë ndonjë draft për Asociacion për Luginën e Preshevës.

“Qenka shqetësu Kryeministri Edi Rama për shqetësimin e mikut të tij, e që është Asociacioni. Bile e paska marrë mundin me draftu një statut!

Z. Rama, a keni dërguar tek bashkësia ndërkombëtare ndonjë statut për ndonjë Asociacion për shqiptarët e Luginës?

I dashur Kryeministër Rama, e di që në të kaluarën politikanë tanë në Kosovë të kanë ngarkuar me shqetësime të ndryshme, mirëpo kanë ndërruar kohërat dhe personalisht të liroj nga ky shqetësim, sepse Kosova tani ka mjaft njerëz që kujdesen dhe shqetësohen për Kosovën” – shkruan deputeti i LVV.