Day ArchivePër cilin nga djemtë keni tërheqje seksuale? Jori dhe Dea nuk i kursejnë përgjigjet pikante

Ditën e sotme në Big Brother Vip është zhvilluar emisoni radiofonik, moderatorë ishin Ronaldo dhe Kristi, dhe të ftuara Dea Mishel dhe Jori.

Ata kanë zgjedhur një temë interesante dhe pikante. Shumë prej banorëve kanë shumë ditë brenda shtëpisë dhe pa kryer marrëdhënie seksuale, por si po e menaxhojnë ata këtë mungesë.

Jori dhe Dea janë pyetur se për cilin prej djemve kanë tërheqje seksuale dhe vajzat me të qeshur kanë thënë nga një emër.

Dea: Po sa herë më afrohet Kristi, me rrobdishanin blu, që aman nuk e di, na sillni ndonjë ngjyrë tjetër se do na dali në ëndërr…

Jori: Mua më pëlqen një djalë shumë i lezetshëm, që është Ronaldo është simpatik, ka humor…

Ronaldo: Jori po flasim për seks…

Jori: Pse e ul veten po flas për ty…

Ronaldo: Mirë çfarë të pëlqen?

Jori: Flokët më pëlqejnë dhe fytyra…

Tani që po i mendojmë do krijoheshin dy çifte mjaft interesantë, dhe të nevojshëm në këtë situatë të mbingarkuar informacioni për Luizin dhe Kiarën.

Çfarë e lidh punën gjatë natës me kancerin e gjirit?

Turni i natës në punë njihet në Francë si faktor rreziku për kancerin e gjirit.

Studimi i kryer së fundmi, ka të bëje me një ish-infermiere, tashmë në pension, e cila punonte në Hôpital de Sarreguemines, në Rajonin Grand Est.

Në mbi 28 vitet e kaluara midis departamenteve të gjinekologjisë dhe kardiologjisë, gruaja numëroi 873 shërbime të natës, të alternuara me turne të mëngjesit ose të pasdites deri në moshën 48 vjeç, kur kaloi vetëm në turne të ditës.

Menjëherë më pas, sipas shtypit francez, ajo u diagnostikua me kancer në gji. 14 vjet më vonë, dhe pas një procesi sindikatash të kryer për më shumë se 5 vjet, kanceri i saj u njoh si një sëmundje e lidhur me profesionin, gjatë punës së natës.

Për të ndihmuar ish-infermieren ishin sindikalistët Josiane Clavelin dhe Brigitte Clément, të cilët bashkuan provat shkencore që më pas çuan në këtë vendim të cilësuar si “të paprecedentë”.

Importet “mbysin” produktet shqiptare

Pesha e prodhimit vendas në treg prej muajsh është ulur ndjeshëm, ku disa produkte vendase po zëvendësohen me shpejtësi nga importet, për shkak të çmimit më të lartë të shitjes.

Efektet e kostove të shtuara e kanë rënduar situatën e vështirë ku ndodhen prej muajsh përpunuesit e qumështit dhe prodhuesit e birrës. Fuqia blerëse ka rënë dhe presioni i produkteve të importit rritet përditë.

Shoqatat përsërisin shqetësimin se këta sektorë do të shkojnë drejt një rënie pa kthim dhe zhdukje të tyre. Sipas tyre, dy janë arsyet e humbjes së konkurrueshmërisë së prodhimit vendas, kostot e larta nga çmimi i energjisë, lëndëve të para, rritja e taksave dhe mungesa e subvencioneve.

Sektori i qumështit ka rritje të kostove që nga 1 janari 2022 kur nisi zbatimin heqja e skemës së TVSH-së së kreditueshme, akciza e gazit që ka filluar të aplikohet nga 1 korrik 2022 dhe subvencionet e ulëta për blegtorët krahasuar me rajonin që po jepen nëpërmjet skemës kombëtare.

Ndërsa për prodhuesit e birrës, dyfishimi i akcizës nga 1 janari 2023 jo vetëm ka zëvendësuar prodhimin shqiptar me importet, por ka shtuar rrezikun e falimentimit të industrisë.

Produktet e bulmetit vendas kundrejt atyre të importit

Shoqata e Industrisë së Përpunimit të Qumështit ngre shqetësimin se produktet e importit në sektorin e qumështit dhe nënprodukteve të tij janë shtuar së fundi dhe janë më të pranishme në raftet e marketeve dhe supermarketeve.

Në muajt janar dhe shkurt 2023, importet u rritën 9% më shumë krahasuar me të njëjtën periudhë të vitit të kaluar, sipas të dhënave të Doganave. Në muajt janar-shkurt, 46% të importeve të qumështit kryesohen nga Italia, 30% nga Serbia, 10% nga Kosova dhe pjesa e mbetur nga shtete të tjera.

Tendenca rritëse e importeve nisi që në vitin 2022. Totali i importeve të 2022 u rrit rreth 2% më shumë se në vitin 2021.

Drejtori ekzekutiv i shoqatës, z. Donjaldo Hoxha, pohoi për “Monitor” se humbja e konkurrueshmërisë së produkteve vendase kundrejt atyre të importeve ka ardhur nga kostot e larta të sektorit. Hoxha thekson se krahasuar me rajonin apo vendet e BE-së, çmimi i qumështit si lëndë e parë është 45% më i lartë, për shkak të mungesës së subvencioneve ndaj fermerit.

Kostot e larta gjithashtu janë ndikuar edhe nga çmimi i lartë i lëndëve djegëse dhe informaliteti.

“Aktualisht, sektori i përpunimit të qumështit e ka shumë të vështirë dhe gati të pamundur që të jetë konkurrues me produktet e importit, të cilat së fundmi kanë një prani të shtuar në raftet e marketeve dhe supermarketeve të vendit. Për fat të keq, kostot e sektorit të përpunimit të qumështit në vendin tonë janë shumë më të larta, sesa kostot e prodhimit të produkteve që vijnë nga importi dhe kryesisht nga rajoni.

Konkretisht, nëse bëjmë një analizë përkatëse rezulton se së pari, vendi ynë ka çmimin më të lartë të qumështit të freskët që blihet nga blegtorët për t’u përpunuar. Aktualisht, çmimi është 35-45% më i lartë krahasuar me çmimin e qumështit që blihet nga blegtorët në rajon dhe BE.

Së dyti, vendi ynë ka subvencionim më të ulët në rajon në lidhje me blegtorët. Kjo bën që kostot e blegtorëve të rajonit/BE të jenë më të ulëta dhe automatikisht, produktet e qumështit dhe nënproduktet e qumështit që prodhohen në rajon dhe vendet e BE-së të kenë kosto prodhimi shumë herë më të ulët se prodhimi i sektorit të përpunimit të qumështit në vendin tonë.

Së treti, gjithashtu sektori i përpunimit të qumështit ka kosto më të lartë edhe në: a. çmimin e naftës b. çmimin e energjisë elektrike c. çmimin e gazit.

Së katërti, një tjetër element që dëmton sektorin e përpunimit të qumështit vendas në raport me produktet e importit është edhe informaliteti shumë i lartë në këtë sektor në vendin tonë”.

Hoxha thotë se produktet e importit janë të avantazhuara mbi të gjitha për shkak të kostove shumë më të ulëta që kanë në sektorin e përpunimit të qumështit, sepse kanë çmimin e qumështit të freskët që blihet nga blegtorët 35-45% më të lirë sesa në vendin tonë. Kanë subvencione shumë herë më të larta sesa blegtorët shqiptarë. Kanë çmime më të mira të naftës, energjisë elektrike dhe gazit.

“Nëse situata vazhdon në të njëjtën formë, atëherë këto produkte të importit do të jenë edhe më të pranishme në tregun tonë, duke nxjerrë jashtë tregut produktet vendase, të cilat nuk do të jenë më të preferueshme nga konsumatori dhe kompanitë prodhuese shqiptare detyrimisht do të shkojnë drejt një falimenti të sigurt.

Nëse nga qeveria shqiptare nuk do të shtohen subvencionet e duhura për blegtorët, në mënyrë që të kenë kosto më të ulëta për prodhimin e qumështit, gjë që do të sillte çmim të qumështit të blegtorëve shqiptarë të njëjtë ose shumë të përafërt me çmimin e qumështit të freskët nga blegtorët e rajonit dhe BE-së dhe nëse nuk do të ketë çmime të njëjta për naftën, energjinë elektrike, gazin, sektori i përpunimit të qumështit do të ketë më shumë vështirësi dhe produktet e importit do të jenë dominuese dhe të pranishme çdo ditë dhe më tepër në raftet e marketeve, supermarketeve dhe në tavolinat e konsumatorëve shqiptarë”.

Fabrikat përpunuese shtojnë se rritja e kostove është ndikuar edhe nga heqja e skemës së TVSH-së së kreditueshme nga 1 janari 2022.

Kompanitë thanë se me zerimin e saj janë ngarkuar grumbulluesit dhe për pasojë e shkarkojnë ngarkesën fiskale te konsumatori. Edhe me formulën e mëparshme, grumbulluesit penalizoheshin me 14% të çmimit, pasi TVSH-ja që paguanin fermerët dhe blegtorët ishte 6%.

Ekspertët rekomanduan më herët se skema që do të ishte e drejtë dhe do të ndihmonte si fermerët, si grumbulluesit do të ishte njehsimi i TVSH-së. Pra të kenë TVSH të njëjtë, si në hyrje dhe në dalje në nivelin 6%.

Pse është rritur çmimi i qumështit nga blegtorët?

Me fillimin e sezonit të pranverës, qumështi i deles po shitet nga blegtorët me çmim 150 deri në 160 lekë për litër nga 140 lekë më parë (7 deri në 14% më shtrenjtë se më parë). Kompanitë parashikojnë që çmimi i qumështit të deles të shitet mbi këtë nivel.

Taulant Pupa, administrator i fabrikës përpunuese “Vita 2000” thotë se sasia e qumështit të prodhuar është më e ulët se vitet e kaluara. Pupa shton se për shkak të rritjes së çmimit nga fermerët aktualë ka interes për shtimin e prodhimit. Sipas tij, shtrenjtimi i çmimit të qumështit nga blegtorët ka ardhur nga kostot e larta për mbajtjen e bagëtive dhe rënia e numrit të fermave të vogla, për shkak të emigrimit.

Kompani të tjera përpunuese shtojnë se çmimi mesatar i qumështit të lopës nga fermerët është 25% më i shtrenjtë se në Itali, Francë dhe Gjermani (çmimi i qumështit të lopës në këto shtete është ulur nga 68 cent në 58 cent për litër (58,6 lekë për litër), ndërsa çmimi mesatar i shitjes së qumështit të lopës nga fermeri vendas është 75 lekë për litër) e ndikuar nga kërkesa e lartë, në një kohë kur prodhimi është i ulët.

“Kërkesa për qumësht është e lartë, pasi të gjithë përpunuesit janë bosh, nuk kanë stok të magazinuar. Stabilizimi i prodhimit të qumështit të lopës shfaqet i ngadaltë, por vijon presioni për rritje të çmimit, kur në shumë shtete çmimi është ulur. Kjo situatë na detyron të dalim në import. Jo sepse jashtë, çmimi i qumështit është më i lirë, pasi tarifat e larta të transportit e shtrenjtojnë shumë çmimin, por nuk ka prodhim vendi”, pohoi për “Monitor” një nga kompanitë përpunuese.

Edhe informaliteti i lartë i sektorit mbetet shqetësues. Një nga kompanitë nënvizoi se pranë fabrikës përpunuese në lumin e Vlorës numërohen rreth 25 baxho që operojnë në informalitet, pra që nuk paguajnë TVSH dhe të tjera detyrime, duke i konkurruar në mënyrë të padrejtë. “25 subjektet marrin mesatarisht nga 10 kv qumësht në ditë.

Ka edhe nga ato baxho që përpunojnë edhe 30 kv qumësht në ditë. Në total llogariten 250 kv qumësht në ditë që shkon te përpunuesit informalë. Fabrikës sonë i mbeten vetëm 10 kv qumësht në ditë. Kjo po dëmton përpunuesit e rregullt, madje duke rrezikuar daljen nga tregu”.

Për formalizimin e tregut dhe rritjen e prodhimit vendas kompanitë rekomandojnë si zgjidhje vetëm ndryshimin e skemës së subvencionimit të qumështit, duke zbatuar subvencionim për litër që fermeri të detyrohet të lëshojë/kërkojë faturë dhe të gjithë do të formalizohen.

Ndërkohë skema kombëtare e bujqësisë për vitin 2023 do të vijojë të mbështesë fermat me subvencione për krerë, jo për sasinë e qumështit të prodhuar, një kërkese e vazhdueshme e industrisë.

Prodhuesit e birrës vijojnë të mbajnë fabrikat e fikura

Dyfishimi i akcizës së birrës nga 1 janari 2023 vijon të japë efekte negative për fabrikat e birrës. Për shkak të çmimit të lartë nga kostot e shtrenjtuara, birra shqiptare ka humbur konkurrueshmërinë, ndërsa importet janë shtuar në tregun shqiptar.

Sipas të dhënave të doganave për muajt janar-shkurt 2023, prodhimi i birrës është ulur 12% krahasuar me të njëjtën periudhë të 2022-t. Importet e periudhës janar-shkurt 2023 janë rritur 50% krahasuar me vitin paraardhës. Në këtë periudhë janë importuar 5,1 milionë litra birrë, sasia më e larta e shënuar në 10 vitet e fundit.

Kryetari i Shoqatës së Prodhuesve të Birrës, Stefan Pinguli, pohoi për “Monitor” se situata në sektorin prodhues vijon të jetë e rënduar. Pinguli tha se birra e importit po shitet me çmim nën nivelin e birrës shqiptare.

“Gjendja në sektorin e prodhimit të birrës është përkeqësuar. Nga rritja e akcizës, kostoja prodhuese e birrës u shtua 18 lekë për litër. Në këto nivele u rrit edhe çmimi i birrës. Por birrat e importit po shiten me çmim më të lirë se ato vendase. Birra shqiptare po humbet konkurrueshmërinë, madje rrezikon të zhduket. Për këto arsye fabrikat vijojnë të qëndrojnë të mbyllura edhe për muajin mars”, pohoi ai.

Përveç rritjes së akcizës, nga 1 janari prodhuesit u goditën edhe nga rritja e çmimit të birrës malto të importit. Më 1 janar 2022, çmimi i birrës malto të importuar ishte 420 euro/ton, ndërsa nga 1 janari 2023, po shitet dyfish më shtrenjtë (duke përfshirë edhe rritjen e çmimit pas fillimit të luftës Ukrainë-Rusi).

Çmimi i lartë i energjisë që paguajnë fabrikat (para 2022, çmimi i energjisë ishte 11 lekë për kWh, dhe tani është 22 lekë për kWh, janë kosto ekstra të cilat detyruan, disa prodhues të fikin fabrikat për muajt janar-shkurt. Të tjera vazhduan prodhimin, por me fitime të reduktuara.

Disa kompani shqiptare të goditura nga kostoja e shtuar nga akciza dhe lëndët e para po shqyrtojnë mundësinë e transferimit të fabrikave të tyre në Serbi.

Prodhimi i vendit para ndryshimeve fiskale ka qenë i tarifuar me 360 lekë/HL për prodhuesit nën 200,000 Hl, ndërsa për prodhimin mbi këtë nivel akciza ishte 710 lekë. Pas miratimit të ndryshimeve në ligjin “Për akcizat në Republikën e Shqipërisë”, taksa u unifikua në 710 lekë të prodhuesve nën dhe mbi 200,000 Hl, si vendas dhe të huaj.

Ndryshimet e ligjit të akcizës u shoqëruan me debate të forta nga grupet interesit. Shoqata e Prodhuesve të Birrës Vendase bëri disa herë thirrje në seancat dëgjimore të komisioneve parlamentare se masa e re fiskale do të falimentonte sektorin dhe rrezikon të nxjerrë 1,000 persona të papunë.

Sipas të dhënave të Doganave, në vitin 2022, prodhimi i birrës vendase u ul lehtë 2% në krahasim me 2021, ndërsa importet u rritën 4%. Pesha e importeve në konsumin e birrës në vitin 2022 është 56% nga 44% që ishte rreth një dekadë më parë.

Edhe prodhuesit e pijeve alkoolike vuajnë kostot e larta

Shtrenjtimin e kostove nga lëndët e para dhe rritja e taksave po e vuajnë edhe prodhuesit e pijeve alkoolike.

Nga 1 janari 2023 ka nisur zbatimin unifikimi i nivelit të akcizës për të dy nivelet e prodhimit deri në dhe mbi 20,000 HL, me nivel akcize 84,500 lekë për HL alkool.

Akciza për pije alkoolike nga prodhues vendas e të huaj, të përfituara nga distilimi i verës së rrushit apo të përbërësve të rrushit, për pije alkoolike, si: uiski, rum dhe të tjera pije të përfituara nga distilimi i produkteve të fermentuara nga kallami i sheqerit, si xhin dhe xheneva, vodka, likere tonike dhe uzo para 2023 ishte e ndarë në dy fasha.

Për prodhuesit vendas dhe të huaj deri në 20,000 hl/vit akciza është 65,000 lekë për Hl. Për fashën prodhuese mbi 20,000 hl/vit, akciza është 84,500 lekë për Hl.

Përfaqësues të kompanive prodhuese të pijeve alkoolike në vend pohuan më herët për “Monitor” se miratimi i këtyre ndryshimeve do të shkatërronte prodhimin vendas.

“Heqja e fashës dhe unifikimi i akcizës do të favorizojë shitjen e pijeve nga importi. Vodka e prodhuar në vend ka çmim më të lirë se ajo që importohet nga Polonia.

Nëse çmimi i vodkës shqiptare do të rritet për shkak të shtimit të akcizës, konsumatori nuk do të blejë prodhimin vendas, por do të blejë vodkën polake. Miratimi i këtyre ndryshimeve do të kenë efekte shkatërruese për prodhimin vendas. Industria rrezikon falimentimin”, pohoi një nga prodhuesit.

Për prodhuesit, shqetësim është kostoja e lartë nga materialet e importit dhe çmimit të energjisë dhe naftës.

“Prej dy vitesh, kostot e prodhimit kanë shënuar tendencë të fortë rritëse të ndikuar veçanërisht nga çmimi i energjisë, nafta dhe materialet e ambalazhimit, siç janë shishet e qelqit, tapat dhe etiketat. Çmimi i energjisë nga 15 lekë me TVSH ka arritur 41 lekë me TVSH, gati 3 herë më i lartë”, tha më herët drejtori i kantinës “Gjergj Kastrioti Skënderbeu”, Denis Zhilla.

Sasia e pijeve të forta alkoolike të prodhuara në Shqipëri, sipas të dhënave të Doganave, deri në 2018 ka qenë më e lartë se ajo e importuar. Në periudhën 2019-2021, importet kanë zëvendësuar prodhimin vendas. Në 2018-n, prodhimi vendas zinte 52,5% të konsumit të pijeve alkoolike.

Në vitin 2019, pesha e prodhimit vendas në konsum u zvogëlua, pasi u rrit pesha e importeve. Prodhimi zinte 42% të konsumit. Në 2020-n, pesha e prodhimit te konsumi ishte 39% dhe në vitin 2021 ra në 35%.

Vdes shqiptari në burgun e Korfuzit

Një shqiptar ka ndërruar jetë në burgun e Korfuzit. Ngjarja mendohet se ka ndodhur disa ditë më parë dhe viktima është i riu, 35-vjeçari, i idenfikuar me iniciale L.B. nga Kurbini.

Detaje të tjera për ngjarjen ka dalë në dritë, ndërsa tregohet se ngjarja nuk është bërë e ditur.

“Kjo ngjarje ka ndodhur 4 ditë më parë në burgun e Korfuzit. Shqiptari 35 vjeçar është varrosur në Shqipëri. Familjarët nuk kanë dashur të japin më shumë informacion. Ngjarja e fundit nuk është raportuar në mediat vendase. Në mediat greke nuk është përmendur, vetëm në një portal. Megjithatë kushtet në burgjet greke janë përmirësuar. Por institucionet shqiptare duhet të jenë më në lartësinë e duhur. Në vitin 2018 kanë vdekur 24 shqiptarë, nga 2 në muaj dhe institucionet shqiptare kanë heshtur, por kjo nuk është punë e ambasadës,”- tha gazetari.

Ndërkohë që 27 të vdekur janë shënuar në 29 muajt në burgjet në Greqi, por deri më tani nga ana e autoriteteve shqiptare ka vetëm heshtje.

Edhe më rastin më të fundit, kur një i ri shqiptar u dhunua rëndë nga rojet e burgut teksa po transferohej nga një burg në tjetër, rasti as që u komentua nga Ambasada shqiptare në Greqi, apo dhe nga Ministria e Jashtme.

Kiara-Efi mike dhe rivale/ Luizi ua thotë troç dhe ka dy fjalë për vajzat: Nuk ju mbroj më

Që prej spektaklit të kaluar, Luizi ka vënë në pikëpytje qëndrimin që ai do mbajë me Kiarën dhe Efin, pasi opinionistët thanë se vajzat ndryshuan sjellje ndaj Luizit kur panë famën e tij jashtë.

Për këtë arsye, ai i tha Kiarës dhe Efit që as nuk do i mbrojë dhe as nuk do i dalë kundër atyre, me argumentin se ai ndodhet brenda në shtëpi dhe nuk e di se çfarë bëhet jashtë.

Luizi shtoi se sa herë ato të kenë debate me Arbrin dhe Zhaklinën, nuk do reagojë më, përveç rasteve kur përmendet emri i tij.

Efi u shpreh se vendimi i tij është mëse i drejtë, ndërsa Kiara tha se ajo nuk do flasë më fare.

As Bill Gates dhe as Elon Musk, kush qëndron në krye të listës që po “streson” miliarderët e tjerë

Pak ditë më parë, revista e famshme Forbes ka publikuar listën e përditësuar të miliarderëve të botës.

Në krye të kësaj liste, me 223,1 miliardë dollarë, qëndron Bernard Arnault, i cili ka lënë pas, madje me një diferencë të madhe, emra që prej vitesh kanë qenë në krye të listës së Forbes duke ndërruar shpesh vendin me njëri-tjetrin.

Megjithatë, tashmë Elon Musk, e sheh veten 37 miliardë dollarë larg nga vendi i parë, edhe pse renditet i dyti. I treti renditet Jeff Bezos, themeluesi i Amazon, por me një diferencë të madhe.

Aktualisht, pasuria e tij llogaritet në 125,1 milionë dollarë, shumë larg nga vendi i parë apo edhe nga Musk që është i dyti. Një ndër personat më të zëshëm është Billa Gates, pasuria e të cilit vlerësohet në 109,9 miliardë dollarë, por ai mban vendin e pestë.

Por kush është Bernard Arnault?

Ai ka në zotërim grupin e produkteve dhe shërbimeve të luksit LVMH Moet Hennessy, është pronar i shtëpive të modës Louis Vuitton, Chanel, Fendi dhe Christian Dior, si dhe i mbi 70 bizneseve të tjera të bizhuterive, parfumeve e kozmetikës, apo edhe shërbimeve të hotelerisë, duke pasur një portofol shumë të diversifikuar.

Kështu, njeriu në krye të konglomeratit më të madh të luksit kanë një gjurmë të pashlyeshme në industrinë e modës dhe ka shkruar histori me sukseset e tij.

Bernard Arnault lindi në Roubaix më 5 mars 1949. Arnault u diplomua në Institut Supérieur de Commerce në Neuilly, ku studioi inxhinieri ekonomike. Karriera e tij nisi në kompaninë e babait të tij, Jean Leon Arnault. Më vonë, ai bleu Christian Dior në vitin 1985 dhe filloi të ndërtojë së bashku me Mark Jacobs brendin e ri, Dior Homme.

Në vitin 1987, ai krioi LVMH, një grup kompanish që përfshin disa nga markat më të njohura luksoze në botë, si Dior, Louis Vuitton, Fendi, Bulgari, Givenchy, Sephora. Në vitet 1990, Arnault u bë personi me të ardhura më të mëdha në Francë, duke bërë fushatën e tij për të bërë LVMH një lider botëror në tregun e produkteve luksore.

Ai është i njohur si një inovator në tregun e modës dhe ka bërë shumë për të ndërtuar një imazh të markës së tij si një simbol i elegancës dhe stilit.

Vrasja në Shkozë, zbardhet dëshmia e nënës së autorit: Migena kishte ditëlindjen në 13 Prill

Ikbale Sinani, e ëma e Roland Sinanit, 43-vjeçarit që vrau kunatën e më pas dhe veten, ka treguar një detaj lidhur me viktimën e ngjarjes të së shtunës.

Në një intervistë, ajo tha ditën e djeshme kishin planifikuar të dilnin të blinin ushqime për të festuar ditëlindjen e bashkëshortit të Migenës, Erjonit që e kishte me datë 11 dhe të 37-vjeçares që e kishte me datë 13 prill. Ndaj dhe dy ditëlindjet i festonin bashkë.

“U çova në tre të natës kur hapa derën pashë Landin gjumë. I thashë ça ke, më tha që nuk kishte gjumë. I thashë të shtrihet gjumë dhe të çohet nesër të blemë ca pula se kishte Erjoni dhe Migena ditëlindjen e ti festonim të dy ditëlindjet së bashku. Mirë tha Rolandi. 11 e kishte Erjoni me 13 e kishte Migena. Sapo u shtriva, nuk zgjati gjysmë ore, dhe dëgjova një krismë. U çova shkova te dhoma e Migenës, po qante goca, Landi ishte në korridor. Nuk pashë as gjak as asgjë. Ma tha çuni me gojën e vet se e ka vrarë Migenën,”- tha ajo.

Migena Sinani u vra rreth orës 04:00 teksa flinte me vajzën e saj vetëm dy vjeçe. Roland Sinani e qëlloi për vdekje në shtrat, ndërsa më pas doli në oborr dhe u vetëvra.

37-vjeçarja ishte nëna e dy fëmijëve të mitur, por djali në momentin që ndodhi krimi, po flinte me gjyshërit në dhomën tjetër.

Bashkëshorti i 37-vjeçares punonte turn i tretë si taksist dhe në momentin që ndodhi ngjarja nuk ishte në banesë.

Francë/ Tragjedi në ditë Pashkësh, shpërthimi i fuqishëm shemb shtëpitë

Pas atij në Hamburg të Gjermanisë, në një fabrikë, një shpërthim i fuqishëm ka ndodhur në Marsejë të Francës. Disa shtëpi janë shembull. 30 persona arritën të dalin pa lëndime. 5 persona janë lënduar. 10 të tjerë mendohet se kanë mbetur nën rrënoja.

Shpërthimi ndodhi rreth orës 12:40 të kësaj të diele Pashkësh.

“Duhet të jemi të përgatitur që mund të kemi viktima në këtë tragjedi të tmerrshme”, tha për gazetarët kryebashkiaku i Marsejës, Benoit Payan.

“Ne nuk e dimë nëse ata janë gjallë apo të vdekur dhe nuk dimë endee as shkakun e shpërthimit të fuqishëm”, tha ministri i Brendshëm.

Foto/ Historia e çiftit Salgado që rindërtuan pyllin e shkatërruar prej 1.500 hektarësh

Fotoreporteri i vlerësuar me shumë çmime Sebastião Salgado dhe gruaja e tij, arkitektja Lélia Deluiz Wanick, vendosën t’i tregojnë botës se çfarë mund të bëjë një grup i vogël njerëzish me besim në Tokën, ku jetojnë dhe me besimin si qenie njerëzore.

Ata ripyllëzuan në Aimorés, Minas Gerais, Brazil, një pyll të shkatërruar prej 1.500 hektarësh, i cili ishte shtëpi për më shumë se 500 specie bimore dhe shtazore të rrezikuara, bazuar në aftësinë e tokës për t’u rigjeneruar në kushtet e duhura.

Ata vendosën të mbjellin 2 milionë pemë në 20 vjet për të rindërtuar një pyll të shkatërruar në Brazil. Edhe jeta e egër është kthyer, rreth 172 lloje shpendësh janë kthyer, si dhe 33 lloje gjitarësh, një ekosistem i tërë i rindërtuar./ Zoom.al

Rudina e mban larg fëmijës? Flet ish-partneri: Kam një vit pa puthur vajzën

Aleksandër Varfaj, i njohur nga publiku si ish-partneri i Rudina Dembacajt duket se nuk ka fare kontakt me vajzën e tyre, Viktorian.

Që pas ndarjes së prindërve disa vite më parë, vogëlushja jeton me aktoren dhe familjen e saj të re. Së fundmi, në një postim në Instagram, Aleksi ka lënë të kuptojmë që Rudina nuk e lejon ta takojë Viktorian dhe se ka një vit pa e parë nga afër.

“Një vit pa të puthur. Do të rritesh e do të sqaroj gjëra që nuk ia uroj askujt. Më ka marrë malli,”-shkruan ish-partneri i Rudinës, krahas një fotoje me të bijën.

Më herët në ditën e lindjes së Viktorias, edhe partnerja e re e Aleksandrit, Marisa bëri një urim për vogëlushen në rrjetet sociale, duke e forcuar idenë e mallit dhe duke shkruar:

“Gëzuar ditëlindjen dashuria jonë. Sa keq më vjen që me muaj po humbim kaq shumë kujtime. 09.04.2022. Më ka marrë malli të përqafoj. Të duam”.

Nga ana tjetër, Rudina Dembacaj është martuar me Mark Frrokun./ Zoom.al