Day ArchiveZgjedhjet në Malin e Zi/ Dalin rezultatet e para, Gjukanoviç dhe Milatoviç në raundin e dytë

Kandidati për president i DPS-së Milo Gjukanoviç fitoi 36.6 përqind sipas parashikimeve paraprake të rezultateve të CeMI bazuar në 46.2 përqind të mostrës së përpunuar.

Në zgjedhjet më të rëndësishme në vitet e fundit në Mal të Zi, sipas rezultateve të para, do të duhet edhe një raund i dytë pasi askush nuk ka arritur që të fitojë mbi 50% të votave.

Kandidati i Lëvizjes Evropa Tani Jakov Milatoviç fitoi 26,8 përqind, Fronti Demokratik Andrija Mandiç 20 përqind, Mali i Zi Demokratik Aleksa Beçiç 11,7 përqind.

Kandidatja e SDPA-së Draginja Vuksanović Stanković fitoi 2.8 përqind, kandidati për Malin e Zi të Bashkuar Goran Danilović 1.3 përqind dhe ndikuesi Jovan Radulović Jodžir 0.8 përqind.

E diela nuk shpëtoi pa aksident/ Përplasen dy automjete luksoze në Peshkopi

Një aksident është shënuar mesditën e sotme në Peshkopi, ku pas përplasjes së dy mjeteve, ka mbetur i plagosur një këmbësor.

Policia bën me dije se ngjarja ka ndodhur në vendin e quajtur “kryqëzimi i Bolonjës”, ku automjeti tip “Benz”, me drejtues shtetasin L.K ., është përplasur me një automjet tjetër tip “Benz”, me drejtues shtetasin Xh. Zh.

Si pasojë e përplasjes janë shkaktuar dëme materiale si dhe është lënduar lehtë shtetasi N.N,(këmbësor), i cili po merr ndihmë mjekësore në spital.

Dy drejtuesit e mjeteve janë shoqëruar në Komisariat ndërsa grupi hetimor po punon për zbardhjen e rrethanave të aksidentit.

Vendet më të ndotura në botë: Shqipëria në vendin e 73 nga 131 në total

Rreth 90% e popullsisë globale në vitin 2022 përjetoi cilësi të pashëndetshme të ajrit dhe vetëm gjashtë vende përmbushën rekomandimet e Organizatës Botërore të Shëndetësisë për nivele të sigurta të ndotësve të ajrit, sipas një raporti të ri nga kompania zvicerane e teknologjisë së cilësisë së ajrit IQAir.

IQAir mati nivelet e cilësisë së ajrit bazuar në përqendrimin e grimcave ajrore që dëmtojnë mushkëritë, të njohura si PM 2.5. Hulumtimet tregojnë se ekspozimi ndaj grimcave të tilla mund të çojë në sulme në zemër, sulme astme dhe vdekje të parakohshme. Studimet kanë lidhur gjithashtu ekspozimin afatgjatë ndaj PM 2.5 me shkallë më të lartë të vdekjeve nga Covid-19.

Kur OBSH publikoi për herë të parë udhëzimet për cilësinë e ajrit në 2005, tha se nivelet e pranueshme të ndotjes së ajrit ishin më pak se 10 mikrogramë për metër kub. Në vitin 2021, OBSH ndryshoi udhëzimet e saj standarde në nën 5 mikrogramë për metër kub.

Raporti zbuloi se pesë vendet më të ndotura në vitin 2022 ishin Çadi, Iraku, Pakistani, Bahreini dhe Bangladeshi. Qytetet më të ndotura globalisht ishin Lahore, Pakistan; Hotan, Kinë; Bhiuadi, Indi; Delhi, Indi; dhe Peshauar, Pakistan. Cilësia e ajrit në Lahore u përkeqësua në 97.4 mikrogramë grimca PM 2.5 për metër kub në vitin 2022 nga 86.5 një vit më parë, duke e bërë atë qytetin më të ndotur në botë.

Raporti tha gjithashtu se India dhe Pakistani kishin cilësinë më të keqe të ajrit në rajonin e Azisë Qendrore dhe Jugore, ku më shumë se gjysma e popullsisë banon në zona ku përqendrimi i grimcave PM 2.5 është rreth shtatë herë më i lartë se nivelet e sugjeruara të OBSH-së.

Vetëm gjashtë vende përmbushën kufijtë e përditësuar të OBSH-së: Australia, Estonia, Finlanda, Grenada, Islanda dhe Zelanda e Re, thuhet në raport. Raporti i vitit 2022 përdori të dhëna për cilësinë e ajrit nga më shumë se 30,000 stacione rregullatore të monitorimit të cilësisë së ajrit dhe sensorë të cilësisë së ajrit nga 7,323 qytete në 131 vende, rajone dhe territore.

Sipas Institutit të Politikave të Energjisë në Universitetin e Çikagos, ndotja e ajrit merr më shumë se dy vjet nga jetëgjatësia mesatare globale. 60 % e ndotjes së ajrit nga grimcat vjen nga djegia e karburanteve fosile.

Indeksi i cilësisë së ajrit (AQI) dhe ndotja e ajrit PM2.5 në Shqipëri

Përqendrimi mesatar i PM2.5 për vitin 2022 në Shqipëri është 2.9 herë më shumë se vlera e udhëzimit vjetor të cilësisë së ajrit të OBSH-së duke e renditur vendin tonë në vendin e 73 nga 131 vendet e listës së publikuar për vitin 2022.

Tyga i bën një super dhuratë Avril Lavigne, vlera e saj shkon deri në 80,000 dollarë

Tyga dhe Avrin Lavigne janë vetëm në fillim të lidhjes së tyre, por tashmë reperi është siguruar që t’i bëjë një dhuratë unike. Tyga nuk ka problem t’i shpenzojë paratë kur bëhet fjalë për Avril. E tashmë ai i ka dhuruar një gjerdan prej 80 mijë dollarësh me diamant.

Sipas një raporti të TMZ, Tyga iu ia kërkoi këtë argjendarit të famshëm Eric Mavani në Nju Jork, aty ku porositi një varëse sipas shijes së partneres së tij.

Zinxhiri mban inicialet e Avril Lavigne dhe është zbukuruar me 50 karat diamante bardh e zi, si dhe safirë rozë.

E provojnë sërish/Pas 20 vitesh, Ben dhe Jennifer bëhen bashkë për një film

Ben Affleck dhe Jennifer Lopez do të bashkohen sërish pas gati dy dekadash në filmin e ardhshëm ” Unstoppable “.

Filmi i prodhuar nga kompania e Affleck dhe Matt Damon, ‘Artists Equity’, sjell një dramë sportive që tregon historinë e vërtetë të Anthony Robles, mundësi që lindi me një këmbë dhe ende arriti të fitojë kampionatin kombëtar në Universitetin Shtetëror të Arizonës.

Edhe pse bashkëpunimi i tyre i mëparshëm, ‘Gigli’ i vitit 2003, nuk u prit mirë, Affleck është i emocionuar që do të punojë përsëri me gruan e tij , duke thënë se ajo është një aktore e shkëlqyer e se është gjithmonë emocionuese për të punuar me të. Bashkëpunimi i parë i dyshes ishte një mësim për ta dhe që nga ajo kohë janë rritur si aktorë, thonë ata.

Me regji të William Goldenberg, i cili po bën debutimin e tij regjisorial pas montimit të disa prej filmave të Affleck, duke përfshirë “Argo” dhe “Live by Night”, “Unstoppable” ende nuk ka ende një datë zyrtare të publikimit, por fansat mezi po e presin.

Rusia derdh grurin ukrainas mbi rrugën e daljes nga Mariupol(VIDEO)

Rusia derdhi grurin ukrainas nëpër një rrugë që të çon nga Mariupol, ka pohuar një zyrtar i qytetit.

Petro Andriushchenko, një këshilltar i kryetarit të bashkisë së qytetit të pushtuar, pohoi se “njëzet tonë” grurë ishin shpërndarë në rrugë në zonën e Novoazovsk në lindje të Mariupolit.

Në një postim në Telegram, z. Andriushchenko tha:“Rusia do të qajë për “urinë në botë”.
Pyes veten se kush e shkaktoi urinë në botë?”

Një video e postuar dje nga këshilltari supozohet se tregon makinat që duhet të kalojnë mbi grurin e hedhur.

https://

Russians scattered twenty tons of Ukrainian wheat at the exit from Mariupol at Novoazovsk directions.

Cars are driving over it now.

Russia continues its policy of food terrorism.

📹: Petro Andriushchenko pic.twitter.com/RduXdqw8BG

— Anton Gerashchenko (@Gerashchenko_en) March 19, 2023

Vladimir Putin ka vizituar Mariupolin – territor ukrainas i pushtuar që nga fillimi i luftës – në atë që media shtetërore e përshkruan si një “udhëtim pune”.

Putin mbërriti me një helikopter, udhëtoi nëpër disa rrethe të qytetit, bëri ndalesa dhe foli me banorët, sipas agjencisë shtetërore ruse të lajmeve TASS, e cila citon Kremlinin.

Takimi Kurti-Vuçiç në Ohër, BE publikon aneksin për të cilin u negociua mbi 10 orë

Pas përfundimit të bisedimeve mes Albin Kurtit dhe Aleksandar Vuçiç në Ohër, Bashkimi Europian ka publikuar tekstin e aneksit të zbatimit të Marrëveshjes me dy shteteve.

Përmbajtja:
Aneksi është një pjesë integrale e Marrëveshjes

Kosova dhe Serbia angazhohen plotësisht për t’i respektuar të gjitha nenet e Marrëveshjes dhe këtë Aneks, dhe për t’i zbatuar të gjitha detyrimet e tyre përkatëse – që rrjedhin nga Marrëveshja dhe Aneksi – në mënyrë të përshtatshme dhe në mirëbesim.

Palët e kanë parasysh se Marrëveshja dhe Aneksi i zbatimit bëhen pjesë integrale e proceseve përkatëse të anëtarësimit të Kosovës dhe Serbisë në BE. Palët e kanë parasysh se, menjëherë pas miratimit të Marrëveshjes dhe këtij Aneksi, ndërmjetësuesi i BE-së do të fillojë procesin për t’i ndryshuar standardet e Kapitullit 35 për Serbinë, për t’i konsideruar detyrimet e reja të Serbisë, që rrjedhin nga Marrëveshja dhe Aneksi

Palët pajtohen për të miratuar Deklaratën për Personat e Zhdukur, siç është negociuar në kuadër të dialogut të ndërmjetësuar nga BE-ja, si çështje urgjente

Për të zbatuar Nenin 7, Kosova nis menjëherë negociatat në kuadër të dialogut të ndërmjetësuar nga BE-ja, për përcaktimin e aranzhimeve dhe garancive specifike, që sigurojnë një nivel të duhur të vetëmenaxhimit për komunitetin serb në Kosovë, në përputhje me marrëveshjet e mëparshme përkatëse të dialogut, siç përcaktohet nga ndërmjetësuesi i BE-së

Palët bien dakord për të krijuar një Komitet të Përbashkët Monitorues, të kryesuar nga BE-ja, brenda 30 ditësh. Zbatimi i të gjitha dispozitave do të sigurohet dhe mbikëqyret nga Komiteti i Përbashkët Monitorues

Për të zbatuar Nenin 9, BE-ja do të organizojë një konferencë donatorësh brenda 150 ditësh, për të krijuar një paketë investimesh dhe ndihme financiare për Kosovën dhe Serbinë. Asnjë shpërndarje nuk do të ndodhë përpara se BE-ja të përcaktojë se të gjitha dispozitat e Marrëveshjes janë zbatuar plotësisht

Kosova dhe Serbia pajtohen që të gjitha nenet të zbatohen në mënyrë të pavarur nga njëra-tjetra

Rendi i paragrafëve të këtij Aneksi nuk e paragjykon rendin e zbatimit të tyre

Kosova dhe Serbia pajtohen që të mos e bllokojnë zbatimin e asnjë prej neneve

Të gjitha diskutimet në lidhje me zbatimin e Marrëveshjes do të zhvillohen në kuadër të dialogut të ndërmjetësuar nga BE-ja.

Partizani shpërthen kundër Kastriotit dhe rimerr kreun e Superiores, Vllaznia në krizë

Partizani është kthyer në kryesimin e Superiores, duke iu bashkuar Tiranës në vendin e parë pas fitores me shifrat 4-1 ndaj Kastriotit.

Një ndeshje e dominuar thuajse të gjithë kohën nga Partizani, që rigjen buzëqeshjen pas dy barazimesh në dy ndeshjet e mëparshme ndaj krutanëve.

Cara zhbllokoi takimin në minutën e 30′ dhe më pas nisi një breshëri golash që panë Matondon e Selmanin të shënonin për të kuqtë dhe Mihanën për Kastriotin para fundit të fraksionit të parë të lojës.

Në të dytën, ishte Kastrioti më ngulmues, por Partizani shfrytëzoi kundërsulmet për të gjetur edhe golin e katërt me Mba, i cili vulosi suksesin 4-1 që kthen të kuqtë në vendin e parë.

Në ndeshjet e tjera të së dielës Laçi fut në krizë të thellë Vllazninë duke fituar 2-0 në Kurbin, ndërkohë Egnatia dhe Teuta u ndalën në një barazim 1-1. /zoom.al/

Luizi ngre dyshimet: Pse nuk u diskutua në “Prime”ndarja e Kristit dhe Keisit

Banorët kanë pasur pikëpyetje për faktin se gjatë prime-t të djeshëm, nuk është diskutuar krisja e marrëdhënies mes Kristit dhe Keisit. Ata kanë diskutuar së bashku në verandë për këtë çështje, duke ngritur hipoteza të ndryshme. Teksa disa prej tyre mendojnë se mund të diskutohet të martën, Luizi ka ngritur dyshime.

Sipas tij, vëllai i madh dhe publiku di diçka që banorët aty brenda nuk e dinë dhe kjo ka bërë që të mos diskutohet.

Luizi: A ju bëri përshtypje që nuk u prek fare tema Kristi-Keisi?

Fotini: Them se do jetë javës tjetër

Kristi: Pse duhet?

Luizi: U prek ajo që u tha e pabesë e jo më e juaja.

Kristi: Në varësi të shpjegimit që dhamë e komunikimit që bëmë…Ju dilni në realitet, shihni një çift që ka probleme, nuk është normale.

Olta: Ajo e juaja ishte e rëndësishme

Luizi: Vëllai i Madh, kamerat mbase kanë e dëgjuar diçka që ne jo, e që nuk e konsiderojnë kaq të rëndësishme për Prime.

Kartolinat tronditëse të frymëzuara nga Andrew Tate ndezin polemika

Faqja e internetit Thortful ka qenë në qendër të kritikave pasi ka nxjerrë në shitje disa kartolina të Ditës së Nënës të frymëzuara nga Andrew Tate. Kartat përmbajnë disa vërejtje seksiste të bëra nga ndikuesi i mediave sociale. Njëra prej tyre lexon: “Mama, ti je një në një milion, por je ende një b****”, dhe një tjetër përmban mesazhin “Të dua, por gratë kanë të drejtë”.

“Disa nga citimet janë nga mizogjenët e famshëm si Donald Trump dhe Andrew Tate”, tha Eliza Hatch, e cila ka punuar në letrat, për The Telegraph.

“Unë kam pasur gjithashtu 100 parashtresa nga komuniteti im për ato që u janë thënë atyre, të cilat ishin mjaft tronditëse. Ne zgjodhëm ato që do të ishin më tronditëse për një kartolinë për Ditën e Nënës. Ekziston kjo ide se të ofendosh nënën e dikujt është forma më e lartë e fyerjes dhe të kesh atë kontrast të vërtetë duke i vendosur ato deklarata në kartën e Ditës së Nënës është e fuqishme.”

Pip Heywood, drejtor menaxhues i Thortful, shpjegoi pse faqja e internetit vendosi të nxjerrë në shitje kartat e diskutueshme.

“Ne kemi ndërmarrë një hap vërtet të guximshëm në vendosjen e frazave fyese të jetës reale për diçka që zakonisht blihet për Ditën e Nënës për të nxjerrë në pah atë që është një problem i vazhdueshëm për gratë,” tha Heywood.

“Ne jemi të kujdesshëm se si i tregtojmë kartat dhe ato madje kanë një vulë në to duke e bërë të qartë se janë pjesë e një fushate kundër mizogjinizmit.”

Ndërkohë, shefi ekzekutiv i agjencisë së markës CPB në Londër, Helen James, theksoi se qëllimi i tyre ishte të trajtonin maskulitetin toksik.

“Ne filluam me komente mizogjene në internet që ishin atje në botën reale nga njerëz si Andrew Tate,” vuri në dukje James.