Day ArchiveBasha kthehet në Shqipëri për të firmosur shkresat në KQZ?

Lulzim Basha është fotografuar mbrëmjen e sotme në një prej rrugëve të kryeqytetit.

Në pamjet e siguruara prej Zoom.al, Basha shihet teksa futet brenda një automjeti.

Komisioni Qendror i Zgjedhjeve, i la një afat kohor prej 48 orësh Partisë Demokratike për të plotësuar dokumentacionet për regjistrimin në zgjedhje.

Sipas KQZ-së, në krye të PD-së, ligjërisht figuron Lulzim Basha, ndaj duhet firma e tij në një prej dokumenteve të dorëzuara nga përfaqësuesit ligjor të demokratëve. Nëse Basha jep firmën në KQZ, do të konfirmojë ligjërisht se është kryetar i Partisë Demokratike.

Nuk dihet nëse ardhja e tij në Shqipëri lidhet pikërisht me këtë.

Luiz Ejlli: “Big Brother-in” do ta fitojë Kiara, arsyeja pse nuk e fitoj unë

Luizi e ka shprehur disa herë brenda “BBV” se fitorja e këtij formati ishte qëllimi i tij kryesor, por gjithçka ndryshoi kur ai u njoh me Kiarën.

Pyetja e të gjithëve ishte se kush është më e rëndësishme për Luizin, Kiara apo loja dhe këngëtari ka krijuar konfuzion me përgjigjet e tij.
Ai ka deklaruar se “Kiara është fitorja e tij”, ndërsa në një moment Luizi zgjodhi lojën përpara moderatores. Disa javë më parë, kur situata mes çiftit ishte e tensionuar, për shkak të situatës së shumëkomentuar në lidhje me “dhunën” e Luizit ndaj Kiarës, këngëtari shprehu se mes lojës dhe Kiarës, ai zgjedh fitoren.

Por, në një bisedë të fundit, Luizi i tha Kiarës me bindje se ata të dy do të jenë finalistë në “Big Brother Vip”, madje shprehu “dëshirën” që fituese të jetë partnerja e tij.

“Unë dhe ti jemi në finale dhe e fiton ti. Dua të ta jap ty “Big Brother-in” se të dua, e meriton. E di pse nuk e fitoj unë? Sepse nuk jam imazhi i duhur që i duhet shqiptarëve. Shqipëria ka nevojë për brishtësi, dashuri, ëmbëlsi, nuk jam unë për këtë punë”-tha Luizi.

Kiara u përgjigj duke buzëqeshur, teksa iu drejtua Luizit me fjalët: “Çfarë pate more?”, duke lënë të kuptohet se e mori më shumë si batutë atë që tha Luizi sesa diçka serioze.

LAJM I FUNDIT/ Aksidenti në Tiranë, humb jetën edhe shoferi 20-vjeçar. Shkon në 3 numri i viktimave

Ka shkuar në tre numri i viktimave të aksidentit që ndodhi në mbikalimin e Saukut.

Mësohet se ka humbur jetën edhe shoferi 20-vjeçar i Audi-t që çau barrierat, fluturoi dhe ra mbi një tjetër mjet.

Bëhet fjalë për të riun Klevis Ruçaj. Më herët u raportua se nga aksidenti humbën jetën edhe dy shtetase. Ndërkohë aktualisht dy të tjerë ndodhen të plagosur.

Njoftimi i policisë:

Në vijim të aksidentit të dhënë më parë, të ndodhur në afërsi të rrethrrotullimit të TEG-ut, ku humbën jetën dy shtetase, ju informojmë se:

Si pasojë e dëmtimeve të marra ka ndërruar jetë në spital shtetasi K. R., 20 vjeç, drejtuesi i automjetit tip “Audi”.

Çel Kumbulla! Mbrojtësi shënon gol me peshë, Roma ”prek“ kualifikimin

Marash Kumbulla ka shënuar sot golin që hipotekoi fitoren e Romës kundër Real Sociedad.

Verdhekqutë triumfuan me shifrat 2-0 në ndeshjen e parë të fazës së 1/8-ve të Europa League.

El Shaarawy zhbllokoi ndeshjen në minutën e 12-të, ndërsa në të 87-n ishte Kumbulla ai që tundi rrjetën.

Mbrojtësi shqiptar shfrytëzoi një top të krosuar në zonë nga goditja e këndit dhe me kokë e çoi në rrjetën kundërshtare.

Kumbulla hyri në lojë nga stoli në pjesën e dytë të takimit, pas shqetësimeve të ndjera nga Llorente.

Futbollisti shqiptar ka përfunduar në zgjedhje të pestë në hierarkinë e trajnerit Mourinho dhe me golin e sotëm i ka dhënë një mesazh se meriton më tepër hapësirë në ekip. /zoom.al/

Zhaklin Lekatari: Dua një burrë të huaj, jam e zhgënjyer nga shoqëria shqiptare

Mes burrave shqiptarë dhe të huaj, Zhaklin Lekatari zgjedh këta të fundit. Ajo deklaroi se është zhgënjyer shumë nga shoqëria shqiptare e nuk beson se një burrë shqiptar do donte të ishte në krah me një grua që merr komente të tilla.

“Një burrë modern. Ndoshta një të huaj. Jam zhgënjyer shumë nga shoqëria shqiptare se të merr të hedh, si t’i dojë qejfi asaj. Frustrimi kulturor që ne kemi në këtë moment është shumë i tmerrshëm. Jam shumë e shqetësuar për të ardhmen e vendit. Ne kemi nevojë për një dorë të hekurt më të madhe, që të na mbështesë dhe të shkojmë aty ku ne nuk shkojmë dot.

Nuk më kanë prishur punë komentet në një lidhje tani, se nuk ka lidhje aktuale. Po janë shumë problem kur ti bën një punë të tillë. Se ai personi që do jetë partneri yt, do marrë pjesë në këtë gjë e nuk e di nëse ai do të marrë pjesë në këtë gjë. Është shumë e vështirë të gjesh dikë që mund të jetë me ty,”- tha ajo për “Ftesë në 5”.

Qëndrimi i Zhaklinës për situatën e Luizit dhe Kiarës te lavamani dhe rastin e Kristit me të dashurën e tij jashtë, nga një pjesë e madhe e publikut është konsideruar si standard i dyfishtë./ Zoom.al

Çfarë u gjet tjetër në shtëpinë e ish-gruas së Ahmetajt

Ditën e sotme, Byroja Kombëtare e Hetimit ka nisur kontrollin në shtëpinë e ish- gruas dhe partneres aktuale të ish-kryeministrit Arben Ahmetaj.

Kontrolli i parë është ushtruar në një vilë në zonën e Hamallajt, në vilën e partneres së tij, ku janë sekuestruar 30 mijë euro dhe një sërë dokumentesh që lidhen me këtë vilë.

Ndërkohë në shtëpinë e ish-bashkëshortes, që ka filluar në orën 14:40 dhe ka përfunduar në orën 15:20 minuta, rezulton se nuk janë gjetur para, por se janë marrë disa dokumente që vlerësohen të rëndësishme për hetimet.

Gazetarja Klodiana Lala ka siguruar detaje në lidhje me dokumentacionin e administruar nga Byroja Kombëtare e Hetimit.

Dokumentet të cilat u administruan:

I- Kopje e Projektit teknik për Vilën ne periferi te Tiranes.
2- Kopje Projekt Konceptit, për objektin “Vila 22” në ngarkim të shtetases E.H si dhe planvendosja e objektit.
3- Kopje e Projektit teknik për Apartamentin, Interior Design, porositur nga shtetasja E.H.
4- Kopje e Projekt Idesë për nje vilë.
5- Kopje e dokumentacionit të ndodhur në folderin me emër 1097 AP, mbi projektimin koncept ide të banesës ekzistuese të shtetases A. M. Ky objekt ndodhet në zonën e Bllokut, Tiranë.
6- Foto që tregojnë se kur janë punuar projektet: vila dhe apartamenti.
7- Ofertë lëshuar nga B…sh.p.k., me blerës klientin A. M.
8- Plani i organizimit personal për apartamentin në pronësi të A.M.
Këqyrja filloi në orën 14:40 dhe përfundoi në orën 15:20.

Aksidenti me dy viktima në Sauk, si është gjendja e të plagosurve

Mbrëmjen e kësaj të enjteje, në afërsi të TEG-ut, një automjet që vinte nga Shkoza ka rënë nga mbikalimi duke rënë mbi kofanon e një automjeti tjetër.

Zoom.al mëson se shoferi me iniciale K.R ndodhet në gjendje të komplikuar, teksa tre të plagosurit O.K, A.K dhe Q.K ndodhen jashtë rrezikut për jetën.

Si ndodhi aksidenti?

Automjeti tip “Audi” ka thyer barrierat rrethuese te mbikalimit dhe për shkak të shpejtësisë ka përfunduar në korsinë tjetër të autostradës Tiranë-Elbasan. Për pasojë është aksidentuar automjeti tjetër tip “Honda”.

Nga aksidenti kanë humbur jetën dy vajza, që ishin pasagjere në makinën “Audi”.

Largohet nga detyra Artan Lame, në krye të Kadastrës pritet të vijë Dallëndyshe Bici

Artan Lame largohet si drejtues i Kadastrës.

Ai do të zëvendësohet nga Dallëndyshe Bici, aktualisht drejtuese e Inspektoratit Kombëtar të Mbrojtjes së Territorit.

Ditën e nesërme, Dallëndyshe Bici pritet të prezantohet si drejtuesja e re e Kadastrës.

Kontrolli në shtëpinë e partneres së Ahmetajt, BKH gjen 30 mijë euro

Mbrëmjen e sotme, Byroja Kombëtare e Hetimit ka zbarkuar në banesën e partneres së ish-zëvendëskryeministrit Arben Ahmetaj në Hamallaj.

Zoom.al mëson se në shtëpinë e partneres është gjetur një shumë parash prej 30 mijë eurosh.

Kontrolle gjithashtu janë kryer edhe në shtëpinë e ish-bashkëshortes së Ahmetajt.

Ish-ministri po hetohet nga SPAK në lidhje me përfshirjen e tij në aferën e inceneratorëve.

LAJM I FUNDIT/ BKH zbarkon në shtëpinë e Arben Ahmetajt

Byroja Kombëtare e Hetimit ka zbarkuar mbrëmjen e sotme në banesën e ish-zv.kryeministrit Arben Ahmetaj.

Zoom.al mëson se është kontrolluar edhe shtëpia e ish-bashkëshortes së Ahmetajt.

Në kontrollin e kryer në shtëpinë e kësaj të fundit nuk është gjetur asgjë e paligjshme.