Day ArchiveMbappe hyn në histori, thyen rekordin e golave të PSG-së në fitoren ndaj Nantes

Kylian Mbappe u bë golashënuesi më i mirë i të gjitha kohërave të Paris Saint-Germain me golin e tij të 201-të për klubin në fitoren e tyre 4-2 ndaj Nantes në Ligue 1 këtë të shtunë.

Superylli francez kishte barazuar rekordin e mëparshëm të Edinson Cavanit prej 200 golash me një dopietë në fitoren e javës së kaluar në Marsejë dhe sot në Parc des Princes hyri në histori.

PSG kaloi në epërsi me Messin dhe një autogol i Jaouen Hadjam i dërgoi shifrat në 2-0 brenda 17 minutave.

Nantes luftoi për të barazuar brenda pjesës së parë dhe Ludovic Blas rihapi takimin ndërsa Ignatius Ganago vendosi barazimin në 2-2 në minutën e 38’.

Në pjesën e dytë Mbappe shërbeu për Danilo Pereira për ta vendosur PSG-në në avantazh dhe më pas arriti të shënoj golin e tij rekord në minutën e 91’.

Mbappe arriti rekordin në vetëm 247 paraqitje që kur nënshkroi nga Monaco në moshën 18-vjeçare në vitin 2017.

Rezultati e sheh PSG-në ta dërgojë epërsinë prej 11 pikësh në krye të Ligue 1 përpara se rivalët më të afërt Marseille të luajnë të dielën. /zoom.al/

Kush është Jori Delli, 27-vjeçarja që iu bashkua sonte BBV-së

Jori Delli është banorja më e re e Big Brother VIP. Ajo u prezantua për banorët dhe publikun përmes një kërcimi sensual me trupën e baletit të Top Channel.

Tre muaj më parë, e ftuar në emisionin “Top Arena”, Delli shprehu dëshirën për të qenë pjesë e formatit të Big Brother-it.

View this post on Instagram

A post shared by Jori (@joridelli)

27-vjeçarja ushtron profesionin e modelingut mes Italisë dhe Shqipërisë. Aktive në rrjetet sociale, modelja njihet për shoqërinë me Beniada Nishanin.

Zbulohen emrat, këta janë VIP-at që përfliten t’i bashkohen sonte Big-ut

“Sot do të futen gjashtë banorë të rinj,”- kështu u shpreh Arbana Osmani në nisje të spektaklit të sotëm të Big Brother VIP-it.

Teksa dy prej tyre iu bashkuan tanimë shtëpisë, saktësisht Antoneta Koçi dhe Sabiani, emrat e katër të tjerëve nuk janë më sekret.

Krahas Evis Pupës, hyrja e të cilit u konfirmua nga vetë ai javën e shkuar, Zoom.al mëson se VIP-at që përfliten të futen sonte janë: Qetësor Ferrunaj, një prej fituesve të formatit televiziv, Erjola Doci ose Shqipja e “Për’puthen” dhe Fotinija, një tjetër fituese e Big-ut./ Zoom.al

Si do ndikojë në lojën e të bijës? Sabiani, konkurrenti më i ri i Big Brother VIP

Shtëpisë së Big Brother VIP i është bashkuar një konkurrent i ri dhe ai është Sabiani.

U duk se këngëtari erdhi për t’u ballafaquar me të bijën sa i takon romancës së saj me Kristin, por pas bisedës me Kejsin, u bë me dije se ai do t’i ribashkohet formatit.

Situata shkaktoi të qeshura, teksa mbetet për t’u parë se si do të ndikojë prania e tij në dyshen Kejsi-Kristi. Kjo është hera e dytë që artisti garon në këtë reality show, pas eksperiencës së vjetshme./ Zoom.l

Ish-banori i Big Brother VIP: Në shtëpi ka më shumë se 3 banorë të komunitetit LGBT

Gjon Karrica është ndër ish-banorët më të njohur të Big Brother Vip Kosova. Pas daljes nga loja, për shkak të gjendjes së tij shëndetësore, ai ka qenë shumë aktiv në media, duke bërë disa herë edhe deklarata të forta.

Ndër tjera, Karrica ka komentuar edhe deklaratën e ish-banorit tjetër, Edon Shileku i cili pas daljes nga shtëpia e famshme tha se dyshon se ka edhe banorë të tjerë që i përkasin komunitetit LGTB+.I pyetur për këtë, Gjoni tha se ai mendon se ka edhe më shumë, sipas tij janë tre banorë të këtij komuniteti.

“Pajtona se ka persona të LGBT+, unë kam patur dyshimet e mia, mendoj që janë më shumë, mendoj që janë tre”, ka thënë Gjoni.

Ndikimi i pasojave të tërmeteve tek zgjedhjet në Turqi, Erdogan përballet me zemërimin e qytetarëve

Presidenti turk Rexhep Tajip Erdogan përballet me zgjedhjet e ardhshme mes zemërimit në rritje për reagimin e ngadaltë të qeverisë së tij ndaj tërmeteve të fuqishme që kanë goditur së fundmi Turqinë. Udhëheqësi turk, i cili ka qenë në pushtet për një kohë të gjatë, po bën thirrje për unitet dhe ka premtuar një plan të madh strehimi për banorët e zonave të goditura nga tërmeti, një çështje që pritet të dominojë fushatën për zgjedhjet e 14 majit.

Dhjetëra mijëra tifozë bënë thirrje për dorëheqjen e qeverisë në në një ndeshje futbolli të ligës së parë në Stamboll. Thirrje të ngjashme janë bërë edhe në ndeshjet e zhvilluara në qytete të tjera të vendit.

Kjo është një shprehje e zemërimit për pretendimet se qeveria reagoi shumë ngadalë ndaj tërmeteve vdekjeprurëse të shkurtit.

“Ishte një gjendje kaotike. Ka ende zona, ku njerëzit kanë nevojë për tenda. Ka njerëz që janë ende në rrugë. Dhe kjo nuk është vetëm një fatkeqësi natyrore. Kjo është një fatkeqësi e shkaktuar pjesërisht nga mungesa e përgjegjësisë, korrupsioni dhe mënyra se si janë ndërtuar këto ndërtesa”, thotë Zeynep Alemdag nga Universiteti i Okanit.

Ndërsa qeveria po përballet me kritika në rritje për reagimin e saj të ngadaltë, në Stamboll, njerëzit u mobilizuan për të mbledhur ushqime, ujë dhe rroba, që u dërguan në rajonin e goditur nga tërmetet brenda pesë ditëve të para të tij.
Partia kryesore opozitare CHP, nëpërmjet kryebashkiakëve të saj në qytetet më të mëdha të Turqisë si Stambolli, koordinoi operacionin dhe dërgoi ekipe kërkim-shpëtimi në zonat e goditura nga tërmeti.

“Ata dukej se ishin kompetentë, efikas dhe të aftë për të mobilizuar burimet e tyre shumë më shpejt. Kjo tregon se nëse e merrni seriozisht çështjen e tërmeteve, nëse i bëni përgatitjet e duhura dhe investoni në aftësitë për të reaguar në rast të një tërmeti, në fakt ju mund të jeni shumë të efektshëm. Kjo gjithashtu tregon se opozita është e aftë të bëjë gjëra që qeveria pretendon se ajo nuk mund t’i bëjë”, thotë Soli Ozel nga Universiteti Kadir Has.

Presidenti Erdogan, gjatë vizitës së tij të parë në rajonin e goditur nga tërmeti, goditi kritikët, duke i quajtur mosmirënjohës dhe të paturpshëm.

Por në vizitën e tij të fundit në qytetin e Adiyamanit, të goditur nga tërmeti, udhëheqësi turk kërkoi falje dhe u bëri thirrje njerëzve të ecin përpara në unitet.

“Për shkak të efektit shkatërrues të lëkundjeve dhe motit të keq, ne nuk ishim në gjendje të punonim ashtu siç dëshironim në Adiyaman në ditët e para të tërmetit. Kërkoj falje për këtë”, tha ai.

Presidenti Erdogan përballet me fushatën elektorale për të marrë një mandat tjetër në zgjedhjet e majit dhe është zotuar se brenda një viti qeveria e tij do të ndërtojë qindra mijëra shtëpi për të mbijetuarit e tërmetit.

Por opozita po vë në dyshim aftësinë e qeverisë për të ndërtuar shtëpi për të mbijetuarit e tërmetit. Analistët thonë se pasojat e tërmeteve e kanë vendosur Turqinë në një udhëkryq.
“Është një tronditje e madhe për të gjithë. Është në të vërtetë si një pasqyrë ku shihni pjesët e tmerrshme të fytyrës tuaj. Nuk mund të vazhdohet më kështu”, thotë Sezin Oney nga portali “Politikyol”.

Presidenti Erdogan po bën thirrje për unitet, duke pretenduar se vetëm përvoja e tij mund të përballojë sfidën me të cilën po ndeshet Turqia. Sipas opozitës, fatkeqësia u zmadhua nga keqmenaxhimi dhe korrupsioni njëzetvjeçar i Erdoganit. Turqia është e njohur për debatet dhe polemikat e ashpra gjatë fushatave elektorale, por analistët këtë vit parashikojnë zgjedhje jashtëzakonisht polarizuese. VOA

50 shtetet me njerëzit më të bukur në botë/ Në cilin vend renditet Shqipëria

Janë zbuluar 50 kombësitë më tërheqëse në botë, me Indinë që kryeson listën me njerëzit më të bukur.

Pas saj në listë vjen SHBA-ja, e cila mundi Suedinë në vendin e dytë. Kjo renditje erdhi pas një studimi të kryer nga marka e rrobave të banjës “Pour Moi”, e cila analizoi mijëra postime në Reddit.

Sipas studimit, japonezët janë në vendin e katërt si më tërheqës, kanadezët në vendin e pestë me pamjen më të mirë dhe brazilianët të gjashtët.

Pjesa tjetër e dhjetëshes së parë përbëhet nga Franca (e shtata), Italia (e teta), Ukraina (e nënta) dhe Danimarka (e 10-ta).

Mbretëria e Bashkuar nuk bën pjesë në 10-n2 e parë, pasi ajo vjen e 12-ta. Por studimi zbuloi se në fakt meshkujt britanikë mendohen si më tërheqësit në botë.

Renditja e plotë:
1. India
2. Shtetet e Bashkuara të Amerikës
3. Suedia
4. Japonia
5. Kanadaja
6. Brazili
7. Franca
8. Italia
9. Ukraina
10. Danimarka
11. Polonia
12. Mbretëria e Bashkuar
13. Gjermania
14. Spanja
15. Meksika
16. Kina
17. Irlanda
18. Israeli
19. Hollanda
20. Kolumbia
21. Norvegjia
22. Turqia
23. Australia
24. Zelanda e Re
25. Libani
26. Romania
27. Pakistani
28. Republika Çeke
29. Finlanda
30. Greqia
31. Venezuela
32. Etiopia
33. Filipinet
34. Tailanda
35. Portugalia
36. Vietnami
37. Islanda
38. Hungaria
39. Somalia
40. Armenia
41. Belgjika
42. Kroacia
43. Arabia Saudite
44. Egjipti
45. Kili
46. Kuba
47. Shqipëria
48. Letonia
49. Indonezia
50. Zvicra

E RËNDË/ 17 të VDEKUR pas shpërthimit të depos së karburanteve

Rezidentët e kryeqytetit indonezian Xhakarta kërkonin sot mbetjet e shkrumbuara të shtëpive të tyre pasi një zjarr monstruoz në një depo karburantesh ka lënë 17 njerëz të vrarë, mes të cilëve dy fëmijë.

Tre njerëz kanë mbetur ende të humbur pas katastrofës së të premtes mbrëma në impjantin e kompanisë energjitike shtetërore PT Pertamina në veri të Xhakarta, teksa zyrtarët nuk dinë nëse ishte një atentat apo degradim i infrastrukturës së karburanteve.

Gjashtëdhjetë njerëz raportohen të plagosur nga tmerri, disa prej të cilëve me djegie të rënda, ndërsa qindra rezidentë të banesave pranë depove u detyruan të evakuoheshin.

“Nisi me një erë të fortë që të zinte frymën, njerëzit nisën të largoheshin kur pak më vonë dëgjuam shpërthimin shkatërrimtar”, tha dëshmitari Sastono Axhi.

Presidenti indonezian Ma’ruf Amin vizitoi dhe vendngjarjen dhe konfirmoi numrin e viktimave dhe të të plagosurve.

Kreu i policisë vendase Listyo Sigit, duke folur gjithashtu nga vendngjarja tha se të paktën tre persona mbeten të humbur.

“Kemi pasur disa zjarre të tilla … është e qartë se kemi nevojë për një auditim të këtyre impjanteve, veçanërisht për depozitat dhe rafineritë”, tha Sugeng Supavoto, kreu i komisionit parlamentar të energjisë.

Edhe në vitin 2021, nje zjarr gjigant përfshiu rafinerinë shtetërore Balongan në ishullin Xhava, që përfshiu disa shtëpi në rrethina, por pa viktima.

“Ishte si një bombë si një apokalips,” tha dëshmitari vendas Jamilul Asror duke shtuar se njerëzit vraponin duke ulëritur për t’i shpëtuar flakëve të tmerrshme në qiell.

Nga Elon Musk te Kardashians, të gjithë janë të çmendur pas këtij ilaçi për dobësim

Semaglutìde përdoret për trajtimin e diabetit, por në Shtetet e Bashkuara përdoret gjithnjë e më shumë nga VIP-at që duan të humbin peshë shpejt pa u munduar.

Në farmacitë amerikane është pothuajse e pamundur të gjendet dhe jo sepse rastet e diabetit 2 janë në rritje. Në realitet , semaglutìde , ilaçi që përdoret më së shpeshti për trajtimin e diabetikëve, i patentuar nga kompania farmaceutike daneze Novo Nordisk, është e tëra në mesin e të famshëmve jashtë shtetit , sepse ju lejon të humbni peshë shpejt pa asnjë përpjekje.

Elon Musk ka pranuar se e ka përdorur atë për të humbur peshë kohët e fundit, ndërsa personazhe të tjerë si Kim dhe Khloé Kardashian fshihen pas një “no comment”, por ndërkohë do të përdornin kafshimet e semaglutìde për t’u dobësuar shpejt.

Si funksionon semaglutide?

Semaglutide ishte një nga medikamentet më të përshkruara në Shtetet e Bashkuara vitin e kaluar me më shumë se katër milionë pacientë, por jo të gjithë kishin nevojë për të për të trajtuar diabetin e tipit 2 .

Po, sepse disa mjekë – të mbështetur nga disa studime shkencore në vazhdim – po e përdorin gjithashtu për të luftuar format e rënda të obezitetit , duke qenë se përmirëson kontrollin e glicemisë , bllokon urinë dhe vonon zbrazjen e stomakut, duke çuar në humbje më të shpejtë të peshës.

Të dhënat flasin për një rënie në peshë deri në 15-20% në varësi të subjektit. Por si funksionon? Semaglutidi administrohet me shpime nënlëkurore në dhjamin e barkuttë cilat, duke shfrytëzuar receptorin glp-1 (hormoni i zorrëve që stimulon prodhimin e insulinës), çojnë në humbjen e peshës shpejt dhe pa përpjekje dietike ose fizike.

Krioterapia, moda e re VIP, mania e të famshmëve amerikanë

Në vendin tonë ky medikament mund të blihet vetëm me recetë nga një diabetolog dhe duhet të merret nën mbikëqyrje të rreptë mjekësore. Por në Shtetet e Bashkuara është një botë krejt tjetër dhe një mani e vërtetë është përhapur mes fytyrave të njohura me gjuetinë e gjilpërës magjike, të cilën ndërkohë kompanitë e tjera farmaceutike e kanë vënë në prodhim.

Mes të famshmëve amerikanë që e përdorin, do të ishin motrat Kardashian , të cilat preferojnë Ozempic, ndërsa manjati Elon Musk – në një twitter – pranoi se duhej të falënderonte agjërimin me ndërprerje dhe Wegovy ., një tjetër markë semaglutide.

Në mesin e të dashuruarve të gjembave që të bëjnë të humbasësh peshë pa mundim do të ishin edhe këngëtaret amerikane Cardi B dhe Nicki Minaj e shumë të tjera, të cilat megjithatë do ta ruanin sekretin. Ndërkohë, në Tik Tok hashtagu #ozempic ka 433.5 milionë shikime dhe po kaq ndërveprime, shenjë e një fenomeni të rëndësishëm.

UEFA përjashton 6 ekipe europiane nga kompeticionet e saj

Autoritetet disiplinore të UEFA-s vendosën të ndëshkojnë ashpër 11 klube, gjashtë prej të cilave u përjashtuan nga Evropa, siç shkruhet në faqen zyrtare të UEFA-s.

Ekipi rumun Cluj dhe kroati Osijek u përjashtuan me kusht nga Evropa për dy vjet, dhe Aris (Greqi), Astana (Kazakistan), Olimpija (Slloveni) dhe Rijeka (Kroaci) për një vit për shkak të problemeve të tyre në lidhje me anën financiare.

Në momentin që do të arrijnë të plotësojnë kërkesat e UEFA-s, atëherë këto ekipe mund të kthehen sërish pjesë e kompeticionit të Europës. /zoom.al/