Day ArchiveE akuzuan se është xheloze për raportin Keisi-Kristi, reagon Olta: “Unë jam e martuar…”!

Fenomeni më i diskutuar momentalisht është shtëpia më e famshme në Shqipëri dhe padyshim që ngjarjet e krijuara në shtëpinë e Big Brother Vip Albania janë në qendër të vëmendjes. Banorët e BBV2 dhe hyrjet e reja po përfliten kudo në rrjet, duke u kthyer në protagonistët e përditshmërisë sonë, duke transmetuar shumë emocione të forta teksa rrëfejnë historitë e tyre.

Që nga data e nisjes dhe deri më tani polemikat që krijohen nga banorët e “BBV” kanë transmetuar emocione të forta, ku secili banor me historitë dhe personalitetin e tij, është kthyer në protagonist të përditshmërisë sonë, duke na tërhequr edhe me raportet që krijojnë me njëri-tjetrin, por edhe me konfliktet që mbizotërojnë brenda në shtëpi.

Një nga raportet e krijuara ditët e fundit në shtëpinë e “BBV”, pikërisht ai mes Keisit dhe Kristit po komentohet masivisht edhe nga banorët e tjerë. Nga shumë, Olta është akuzuar se ndjehet xheloze ndaj këtij raporti, pasi siç shpeshherë kanë thënë ‘Keisi i mori Kristin’. Lidhur me këto akuza, ja si shprehet Olta.

“Këto janë budallalluqe, idiotësira. Kërkojnë të bëjnë imazhin tim pis. Unë jam e martuar, kam fëmijë, e dashuruar, e lumtur. Unë e di që thotë bëhet xheloze në miqësi, por nuk jam bërë, thjesht unë jam tërhequr totalisht.”

Pamje të frikshme nga tërmeti i dytë i fuqishëm në Turqi,evakuohen spitalet(VIDEO)

Një tërmet i fortë me magnitudë 6.4 ballë të shkallës Rihter ka goditur Turqinë, më konkretisht zonën e Hatajit.

Sipas EMSC, epiqendra e tërmetit ishte 14 kilometra në jugperëndim të Antakias, në një thellësi prej 10 kilometrash.

Menjëherë pas kësaj, pasoi një tërmet i dytë pasues me magnitudë 5.8 ballë të shkallës Rihter
https://

Panic in Turkey as two new earthquakes hit the Turkey-Syria border.

A 6.4 magnitude tremor followed by a 5.8, again in the Hatay area in the south of Turkey around 30 minutes ago.pic.twitter.com/HWWSn5qwou

— Citizen Free Press (@CitizenFreePres) February 20, 2023

Mediat turke raportojnë se kanë ndodhur tërmete të forta dhe se ka panik tek qytetarët.

Ndërkohë, janë publikuar video të tjera të tërmetit të fuqishëm që goditi Turqinë dhe Sirinë më herët gjatë ditës së sotme.

Në njoftimet thuhet se në veri të Sirisë janë shembur ndërtesa si pasojë e këtyre tërmeteve, si dhe se ka viktima.

https://

Hatay'daki 6.4 büyüklüğünde deprem, güvenlik kamerasına yansıdı. pic.twitter.com/VN92D1Z6FP

— milliyet.com.tr (@milliyet) February 20, 2023

Një reportere e tmerruar e CNN Turkey shpërtheu në lot gjatë një transmetimi të drejtpërdrejtë teksa përshkruante se çfarë po ndodhte në rrugët e Turqisë.

“Toka na rrëshqiti nën këmbë, ishte një tërmet tepër i fuqishëm. Gjithçka është plot tym tani dhe më shumë ndërtesa janë shembur, raportoi gazetari i CNN, Turk Buse Deviren.https://

Hatay’ın Defne ilçesinde saat 20.04’de 6.4 büyüklüğünde deprem meydana geldi. Depremin yerin 16.7 kilometre derinliğinde meydana geldiği açıklandı. pic.twitter.com/cj2Q1FJ7Ri

— milliyet.com.tr (@milliyet) February 20, 2023

Mediat raportojnë se është dhënë urdhër që spitalet të evakuohen ndërsa pacientët janë nxjerrë në oborr pasi nuk ka siguri. Në pamjet e para të publikuara në rrjetet sociale shihen shumë pacientë në krevate teksa qëndrojnë në oborrin e një spitali në Hatay.

https://

📌 Hospitals are being evacuated after the 6.4 #earthquake in #Hatay #Turkey. Patients are carried outside on stretchers.

Hatay'da 6.4 şiddetindeki deprem sonrası hastaneler boşaltılıyor. Hastalar sedyeler ile dışarıya taşınıyor. #SonDakika #Turkiye #TurkeyEarthquake pic.twitter.com/HqdeCGnNyp

— Md Annu (@MdAnnuLala) February 20, 2023

Romancë e re në BBV, Kristi i shpreh hapur pëlqimin Kejsit: Më pëlqen era e trupit tënd…

Brenda shtëpisë së Big Brother duket se po krijohet një çift i ri. Kristi dhe Keisi prej ditësh po ngacmohen bashkë. Fjalët e ëmbla, ledhatimet dhe prekjet, nuk kanë munguar mes dyshes.

Keisi në fakt nuk ka shumë ditë që është bërë pjesë e shtëpisë, por që prej hyrjes së saj, banorët nisën ngacmimet për të dhe Kristin, pasi duan t’i shohin si çift.

Sot ato kanë kaluar kohë veçmas, ku nuk kanë munguar fjalët e bukura dhe puthjet e shpeshta.

Ndryshe nga herët e tjera, ky takim romantik nxorri në pah anën tjetër të Kristit. Ai habiti me deklaratat e shumta për të:

‘Më pëlqen aroma e trupit tënd’, ‘më fal qetësi’, ‘sa te bukur e ke qafën’.

Kristi madje realizoi edhe një pikturë për Keisin.

E gjitha është shumë bukur dhe romantike por mos Kristi po harron diçka? Të dashurën, me të cilën ka 6 muaj lidhje?

Turizmi në dhjetor, italianët tejkaluan shqiptarët e Kosovës në hotele

Italianët kanë qenë ata që kanë kryesuar grupin e vizitorëve në muajin dhjetor 2022 në strukturat akomoduese shqiptare.

Të dhënat e fundit të Institutit të Statistikave treguan se 8.9% e net-qëndrimeve ishin nga ky grup duke lënë pas shqiptarët e Kosovës ku net-qëndrimet e tyre ishin 8.7% e totalit. Turqia renditet e treta 2.5% të net-qëndimeve dhe më pas vijnë Gjermania dhe Anglia.

INSTAT vlerëson se Numri i vizitorëve gjithsej në dhjetor 2022 është rritur me 11,1%, në krahasim me Dhjetor 2021. Të njëjtën ecuri ndjekin edhe dy treguesit e tjerë ku numri i vizitorëve rezident është rritur me 3,2% dhe numri i vizitorëve jo-rezident është rritur me 22,6%.

Numri i netë qëndrimeve gjithsej ka rënë me 1,0%, në krahasim me Dhjetor 2021. Treguesit e tjerë paraqiten si më poshtë numri i netë qëndrimeve nga rezident është rritur me 1,1% numri i netë qëndrimeve nga jo-rezident ka rënë me 3,1%”, thuhet në publikim.

Rënia me 1% e netqëndrimeve në dhjetor 2022 krahasuar me të njëjtën periudhë të një viti më parë reflekton heqjen e plotë të kufizimeve nga pandemia që në vitin 2021 ishin ende në fuqi në shtete të ndryshme duke sjellë edhe një lloj tendence të ndryshme në destinacionet që përzgjidheshin për udhëtime.

Vizitorë

INSTAT vlerëson se gjatë muajit Dhjetor 2022, është shënuar rritje e numrit të vizitorëve gjithsej me 11,1%, krahasuar me Dhjetor 2021.
“Numri i vizitorëve rezident të cilët janë akomoduar në Rajonin Qendër ka shënuar rritjen më të lartë me 19,6%. Në Zonat Jo-bregdetare ky tregues është rritur me 8,6%, krahasuar me të
njëjtën periudhë të vitit të mëparshëm.

Numri i vizitorëve rezident të cilët janë akomoduar në “Hotele dhe akomodime të ngjashme”, ka shënuar rritjen më të lartë me 4,0%. Në muajin Dhjetor 2022, numri më i lartë i vizitorëve rezulton: sipas rajoneve në “Rajonin Qendër“ (49,8%); sipas zonave të afërsisë me bregdetin në “Zonat Jo-bregdetare” (67,0%); sipas llojit të strukturave akomoduese në “Hotele dhe akomodime të ngjashme” (97,4%)” thuhet në publikim.

Netë qëndrimet, më i preferuar rajoni Qendër

“Gjatë muajit Dhjetor 2022, numri i netë
qëndrimeve gjithsej ka rënë me 1,0%, në krahasim me muajin Dhjetor 2021. Numri i netë qëndrimeve të vizitorëve rezident të cilët janë akomoduar në Rajonin Qendër ka shënuar rritjen më të lartë me 7,6%.

Në Zonat Jobregdetare ky tregues është rritur me 14,2%, krahasuar me të njëjtën periudhë të vitit të mëparshëm. Numri i netë qëndrimeve të vizitorëve rezident të cilët janë akomoduar në “Hotele dhe akomodime të ngjashme” ka shënuar rritjen më të lartë me 2,0%.

Në muajin dhjetor 2022, numri më i lartë i netë qëndrimeve është realizuar: sipas rajoneve në “Rajonin Qendër“ (52,1%); sipas zonave të afërsisë me bregdetin në “Zonat Jo-bregdetare” (57,4%); sipas llojit të strukturave akomoduese në “Hotele dhe akomodime të ngjashme” (97,6%)”, nënvizion INSTAT.

Bie norma neto e shfrytëzimit

“Normat neto të shfrytëzimit, të dhomave dhe të shtretërve, janë dy tregues të cilët masin përqindjen e shfrytëzimit të kapaciteteve akomoduese, dhoma e shtretër të disponueshëm për vizitorë.

Gjatë këtij muaji, norma e shfrytëzimit të dhomave të “Hoteleve dhe akomodimeve të ngjashme” është 9,9%, kundrejt 10,4% që ishte në muajin Dhjetor 2021. Norma e shfrytëzimit të shtretërve të “Hoteleve dhe akomodimeve të ngjashme” është 8,5%, kundrejt 9,0% që ishte në muajin Dhjetor 2021” thuhet në publikim./Monitor

Dy tërmetet e tjera në Turqi, konfirmohen 3 të vdekur dhe 213 të plagosur në Hatay

Ministri turk i Punëve të Brendshme, Süleyman Soylu, ka bërë të ditur se të paktën tre persona kanë humbur jetën dhe 213 të plagosur pas dy tërmeteve të reja në provincën jugore Hatay, raporton Anadolu.

Soylu njoftoi se përpjekjet e kërkim-shpëtimit janë duke u zhvilluar në tre vende pas tërmeteve të reja në provincën jugore Hatay.

Zv.presidenti turk, Fuat Oktay, njoftoi se të plagosurit janë dërguar në spital për mjekim.

Oktay tha se po vazhdojnë dridhjet pas dy tërmeteve, me të paktën 20 të regjistruara deri më tani. Ai u bëri thirrje qytetarëve që të qëndrojnë larg ndërtesave të dëmtuara.

Ai po ashtu njoftoi se Agjencia e Menaxhimit të Fatkeqësive dhe Emergjencave (AFAD), Observatori Kandilli me bazë në Stamboll dhe Instituti i Kërkimeve të Tërmeteve kanë hequr paralajmërimin për një rritje të mundshme të nivelit të detit.

Sipas Autoritetit të Menaxhimit të Fatkeqësive dhe Emergjencave (AFAD), lëkundja me magnitudë 6.4 ka ndodhur rreth orës 20:04 sipas kohës lokale në rrethin Defne të provincës Hatay, ndërsa tjetri me magnitudë 5.8 ka ndodhur tre minuta më vonë me epiqendër në Samandağ po ashtu në provincën Hatay.

Tërmetet e dy javëve më parë, megjithëse ishin me qendër në Kahramanmaraş, 100 kilometra ose më shumë nga provinca Hatay, shkaktuan dëme të mëdha edhe në këtë provincë.

Më 6 shkurt, dy tërmete me magnitudë 7.7 dhe 7.6 me epiqendër në Kahramanmaraş goditën edhe dhjetë provinca të tjera, respektivisht provincat Hatay, Gaziantep, Malatya, Şanlıurfa, Adana, Adımayan, Diyarbakır, Kilis, Osmaniye dhe Elaziğ. Nga këto dy tërmete shkatërruese u prekën mbi 13 milionë njerëz.

Sipas shifrave të fundit zyrtare, të paktën 41 mijë persona humbën jetën nga tërmetet në Türkiye. Mijëra të tjerë u plagosën.

“Kushti“ i moshës apo romanca të reja, pse u ndanë Gigi Hadid dhe Leonardo DiCaprio?

Aktori Leonardo DiCaprio dhe modelja Gigi Hadid i kanë dhënë fund romancës së tyre pas disa muajsh.

“Gigi dhe Leo nuk janë më në lidhje. Gjërat thjeshtë u zvogëluan në mënyrë “organike” mes tyre”– tha një burim i brendshëm për “Us Weekly.”

Burimi shtoi se nuk kishte ndonjë arsye dramatike për ndarjen, megjithëse kohët e fundit është raportuar se Leonardo DiCaprio po nis një romancë me një modele 19-vjeçare. “Leo dhe Gigi ishin në momente të ndryshme të jetës së tyre dhe thjesht nuk funksionoi mes tyre”– raporton po e njëjta media, duke cituar burime të afërta me dyshen.

Një burim i dytë shtoi se romanca e të dyve nuk ishte “kurrë aq serioze”, pjesërisht për shkak të orarit të tyre të ngjeshur.

“Ata të dy kanë karriera dhe jetë tepër të zënë, dhe megjithëse u përpoqën të gjenin kohë për njëri-tjetrin, në të vërtetë nuk ishte e mjaftueshme. Gigi nuk ka ndjenja të vështira ndaj Leos dhe ajo mendon se ai është një djalë i jashtëzakonshëm. Koha e tyre thjesht nuk mund të përputhej dhe ata kanë vendosur të shkojnë në rrugët e tyre”-shpjegoi burimi “Us Weekly”.

Modelja dhe aktori u lidhën për herë të parë në shtator 2022 kur u panë duke u shoqëruar gjatë Javës së Modës në New York. Në fillim të atij muaji, një burim i tha ”Us” se DiCaprio kishte “vështrimet e tij te Gigi” pas ndarjes së tij nga Camila Morrone.

Në tetor 2022, një burim i brendshëm zbuloi se nuk ishte “rastësi” që aktori në Francë gjatë Javës së Modës në Paris, ndërsa Hadid ishte duke punuar. “Ata kanë pasur takime të fshehta dhe kanë kaluar kohë së bashku privatisht”, zbuloi burimi, duke shtuar se dyshja ishin “jo seriozë” në atë kohë: “Ata janë shumë të lidhur me njëri-tjetrin dhe po shohin se ku shkojnë gjërat.”

A është stresi ngjitës? Shkencëtarët tashmë e kanë një përgjigje

Ankthi, është një gjendje që shkakton stres fizik, psikologjik ose emocional, është diçka që shumica e njerëzve e përjetojnë në një moment të jetës së tyre.

Megjithatë, a është “ngjitëse”? A mund të transmetohet nga një person tek tjetri?

Ankthi mund të jetë ngjitës, sipas një studimi të vitit 2014 i publikuar në revistën Psychoneuroendocrinology

Shkencëtarët e atij studimi arritën në përfundimin se të shohësh një njeri tjetër në gjendje stresi mund të shkaktojë çlirimin e kortizolit, i njohur edhe si “hormoni i stresit”, si një reagim i trupit. Ky fenomen, i quajtur “stresi empatik”, priret të jetë i zakonshëm në rastet e njerëzve të dashur në gjendje stresi, por mund të shfaqet edhe në rastin e një të huaji që vuan.

Sipas një analize të vitit 2013 në Current Biology, emocionet mund të transferohen nga një person tek tjetri përmes të ashtuquajturave “neurone pasqyrë”, qelizat e trurit që aktivizohen kur shohim dikë të bëjë diçka specifike. Praktikisht, kjo do të thotë që nëse, për shembull, dikush e sheh personin përballë tij të lodhur, ai mund të fillojë të ndihet i lodhur vetë. E njëjta gjë vlen edhe për ankthin, pasi gjendja e të sëmurit adoptohet në mënyrë të pavullnetshme.

“Nëse dikush i zë paniku, ai është në gjendje stresi. Paniku mund të transmetohet në komunitet, ashtu si frika apo ankthi, pavarësisht nëse ka një arsye për të”, shpjegon Joe Herbert, profesor i neuroshkencës në Universitetin e Kembrixhit.

Stresi si mjet mbijetese

Siç thotë ai, transmetimi i emocioneve është një mekanizëm i rëndësishëm mbijetese. “Aktivizon një përgjigje te të tjerët që mund të ndihmojë në zgjidhjen jo vetëm të një problemi personal, por të një të përgjithshëm,” vëren ai.

Ky transmetim i ndjenjave është një energji e nënndërgjegjeshme, sipas Perot, dhe nuk është një karakteristikë ekskluzive njerëzore. “Kafshët e tjera mund të perceptojnë emocionet e individëve të llojit të tyre. Për shembull, minjtë që shohin minjtë e tjerë duke kaluar një përvojë stresuese tregojnë një rritje të niveleve të hormoneve të stresit, edhe nëse nuk e përjetojnë drejtpërdrejt përvojën,” thotë ai.

Hulumtimi i vitit 2014 tregoi se stresi mund të jetë ngjitës. Nga ana e tij, Herbert konsideron se “çelësi” është të shihet stresi i ndarë në dysh: Stresi është i jashtëm ose i brendshëm. Për shembull, një problem financiar ose një sëmundje. Reagimi ndaj stresit është se si çdo person reagon, emocionalisht, por edhe fiziologjikisht (hormonet, presioni, etj.).

(VIDEO)Shkëputen pjesë nga pallati dhe njerëz në panik, pamje nga tërmeti sot në Turqi

Dy pasgoditje të reja të fuqishme goditën Turqinë dhe Sirinë, të dyja vendet ende të tronditur nga tërmetet shkatërruese të 6 shkurtit që vranë të paktën 47,000 njerëz. Një lëkundje me magnitudë 6.4 goditi rajonin kufitar Turqi-Siri në një thellësi prej vetëm 2 km, goditje e cila u pasua nga një tjetër 5.8.

Në këtë video shikoni momentet kur ra tërmeti 6.4 ballë në Turqi në zonën e Hatajit. Njerëzit janë të shokuar dhe duket se tërmeti ka qenë shumë i fuqishëm ndërkohë që pjesë të pallatit shkëputen.

https://

Hatay'da 6,4 ve 5,8 büyüklüğünde meydana gelen deprem sırasında çekilen video: (AA)

pic.twitter.com/QdwFU23r1a

— ibrahim Haskoloğlu (@haskologlu) February 20, 2023

Nga ana tjetër një problem që ka trembur agjencitë turke të menaxhimit të fatkeqësie është fakti që mund të rritet niveli i ujit në brigjet e Mesdheut. Agjencia turke e menaxhimit të fatkeqësive po u kërkon banorëve të qëndrojnë larg brigjeve të Mesdheut, duke paralajmëruar se ujërat mund të rriten 50 cm (20 inç) për shkak të tërmeteve. U tha gjithashtu se ekipet e shpëtimit dhe të menaxhimit të fatkeqësive janë në terren në gatishmëri të plotë dhe u përgjigjen thirrjeve të urgjencës.

Situatë shqetësuese në Turqi, kryebashkiaku i Hatajit: Ka raportime për njerëz nën rrënoja

Pas tërmeteve të radhës në kufirin Turqi-Siri, në të njëjtin vend ku dy tërmete të fuqishme shkaktuan mbi 47 000 viktima, mendohet se ka të tjerë viktima nga lëkundjet me magnitudë 6,4 dhe 5,8.

Kryetari i Bashkisë së Hatajit, Lütfü Savaş, tha për mediat lokale se “ka raportime për ndërtesa të shkatërruara dhe ka njerëz nën rrënoja”.

Raportime për ndërtesa të shembura ka edhe në Siri.

Presidenti i AFAD-it, Yunus Sezer, në një konferencë për shtyp deklaroi se pasgoditjet kanë vazhduar që nga 6 shkurti: “Deri më tani kanë qenë 6414 pasgoditje. Dua t’ju kujtoj edhe një herë se qytetarët ndalohet të hyjnë në ndërtesa të rrezikshme”, tha ai.

Ndërkohë njerëzit po qëndrojnë jashtë banesave nga frika e një pasgoditjeje.

Njerëzit po kërkojnë strehim jashtë pas tërmetit duke lënë edhe fëmijët jashtë ndërtesave, në kushte të papërshtatshme dhe duke “luftuar” me temperaturart e ulëta, për shkak të frikës së pasgoditjeve.

“Ka ndërtesa që janë në këmbë, por janë dëmtuar. Frika është nëse do të ketë më shumë pasgoditje si kjo, mund të rrëzojë ato ndërtesa, duke kërcënuar jetë”, shkruhet në një artikull të Medias arabe Al Jazeera-s.

Muna al-Omar, një banore e zonës ka thënë se ishte në një tendë në një park në Antakia qendrore kur ra tërmeti, teksa përshkroi ndjesitë e frikës dhe ankthit se toka do të çahej sërish në dysh, shkruajnë mediat e huaja.

“Mendova se toka do të çahej nën këmbët e mia,” tha ajo, duke qarë ndërsa mbante në krahë djalin e saj 7-vjeçar.

“A do të ketë një tjetër pasgoditje?”, pyeti ajo.

Dy javë nga tërmeti në Turqi e Siri, numri i viktimave kap shifrën e 47 mijë viktimave. Në pjesën më të madhe të zonave të goditura kërkimet janë mbyllur, ndërsa vijojnë vetëm në 15 ndërtesa të Hatayit.

Hakerat iranianë nxjerrin të dhënat e Metës dhe 10 ish-këshilltarëve: S’mbulohet dielli me shoshë

Hakerat iranianë të grupit “Homeland Justice” kanë sulmuar edhe serverat e Presidencës shqiptare.

Rreth 2 GB të dhëna që besohet të jenë vjedhur nga databaza e faqes së Presidencës janë publikuar prej hakerave në kanalin “Telegram”.

Mes të dhënave janë dhjetra e-maile të marra nga posta elektronike, jo vetëm e ish-presidentit Ilir Meta, por edhe këshilltarëve të tij si Anna Maria Vasili, Jetmir Hyseni, Andi Hasani, Flamur Gashi, Ylli Asllani, Ilda Zhulali, Anjeza Burnazi, Arben Çiçi, Bledar Dervishaj dhe Albana Veizi.

Një pjesë e madhe e këtij informacioni ka të bëjë me organizime eventesh të ndryshme, ftesa dhe njoftime.

Dokumentat e publikuar hakerat i kanë shoqëruar edhe me një mesazh lidhur me korrupsionin dhe sjelljen e pushtetarëve me qytetarët në vendin tonë.

“Nuk mbulohet dielli me shoshë! Ha me ujqërit dhe qan me delet. Njerëzit nuk tallen më nga socializmi demokratik. Boll me korrupsionin!,”-shkruhet në mesazhin anglisht.

Nuk dihet se në cilën kohë është realizuar ky sulm, duke marrë parasysh se Meta ka disa muaj tashmë që nuk është më në krye të shtetit./ Zoom.al