Day ArchiveRaporti i inteligjencës daneze: Elita ruse kërkon një lider të ri!

Shumë sundimtarë kanë ëndërruar të zgjasin jetën e tyre, si fizikisht ashtu edhe politikisht.

Por rezultati ishte gjithmonë i njëjtë.

Në vitet 1920, një nga udhëheqësit e bolshevikëve, Aleksandër Bogdanov, gjithashtu një mjek dhe filozof, krijoi teorinë e “kolektivizmit fiziologjik”. Supozohej se bolshevikët e vjetër do t’ua transmetonin besimet e tyre të rinjve nëpërmjet transfuzionit të gjakut, duke u rinovuar.

Eksperimentet me gjakun e Maria Ulyanova dhe Leonid Krasin e bindën Joseph Stalin, i cili nuk kuptonte asgjë për shkencën, t’i jepte Bogdanov ndërtesën e famshme të tregtarit Igumnov në rrugën Yakimanka në Moskë – Instituti i Transfuzionit të Gjakut u krijua atje.

Sidoqoftë, instituti ‘doli shpejt nga loja’ pasi Bogdanov vdiq gjatë një shkëmbimi gjaku me një student të ri. Trupi i bolshevikut të vjetër nuk e pranoi gjakun e ri, duke varrosur kështu edhe teorinë e kolektivizmit fiziologjik. Megjithatë, bolshevikët, të magjepsur nga idetë e reja mjekësore, e hoqën trurin e Bogdanovit dhe ia dhanë, së bashku me atë të ish-shokut të tij të Partisë, Vladimir Lenin; për studim në Institutin e Trurit.

Për një ironi të keqe, instituti u vendos në të njëjtën rezidencë të Igumnovit. Pas disa vitesh kërkimesh të pasuksesshme për shenja fiziologjike të gjeniut në trurin e liderit të proletariatit botëror, autoritetet e braktisën edhe këtë nismë. Instituti i trurit u dëbua nga rezidenca dhe truri i Leninit, Bogdanovit dhe revolucionarëve të tjerë u pre dhe u fsheh.

Kush e shoqëroi Putinin gjatë takimit të tij me Lukashenkon

Kirurgu onkolog Evgeny Selivanov është një nga mjekët më të shpeshtë të Putinit. Gjatë katër viteve, mjeku ka fluturuar tek ai 35 herë dhe ka kaluar gjithsej 166 ditë me kreun e shtetit. Ai ishte i pranishëm pranë Putinit, si gjatë qëndrimit të tij zyrtar në Soçi ashtu edhe gjatë “zhdukjeve” të kreut të shtetit. Në gusht 2017, Putin u zhduk nga sytë e publikut për një kohë të gjatë, nga 8 deri më 16 gusht. Gjatë gjithë kësaj kohe gjashtë mjekë ishin në Soçi, duke përfshirë otolaringologun Shcheglov dhe kirurgun onkologjik Selivanov.

Sëmundjet e tiroides, duke përfshirë kancerin, zakonisht diagnostikohen fillimisht nga një otolaringolog, pas së cilës një onkolog dhe një kirurg përfshihen në trajtim, shpjegoi mjeku izraelit Michael Fremderman për “The Project”. Recepsionisti i Spitalit Klinik Qendror konfirmoi se Dr. Selivanov është i disponueshëm në spital – por që ai vetë nuk ka dalë kurrë në telefon. Putini ka treguar publikisht një interes për problemin e kancerit të tiroides. Në korrik 2020, ai u takua me kreun e Qendrës Kombëtare të Kërkimeve Mjekësore për Endokrinologjinë, Ivan Dedov – ai është shefi i vajzës së madhe të Putinit, Maria. Dedov i tha Presidentit për prevalencën e lartë të kancerit të tiroides dhe i tregoi një ilaç të ri hormonal, Tirojin, i cili lufton metastazat pas operacionit.

Në fillim të vjeshtës së kaluar, Putini po sillej çuditshëm. Pas një kohe të gjatë në izolim për shkak të pandemisë COVID-19, kreu i shtetit më në fund filloi të dilte në publik. Më 13 shtator, ai u takua me atletët paraolimpikë. Pastaj Putini papritmas njoftoi se duhej të shkonte në izolim sepse shumë njerëz rreth tij ishin të sëmurë me koronavirus. Sekretari i tij i shtypit fillimisht u hutua dhe i mohoi fjalët e shefit – gjoja, presidenti po fliste “figurativisht” për izolimin. Megjithatë, Putin u izolua të nesërmen.

Edhe konferenca e madhe për shtyp e Putinit në vitin 2020 u mbajt në një format të pazakontë. Putin, Peskov dhe gazetarë të përzgjedhur do të uleshin në një dhomë të vogël, ndërsa pjesa tjetër e turmës do të uleshin në një dhomë të madhe, nga ku gazetarët bënin pyetje përmes video-call. Natyrisht, të gjithë ata që supozohej të uleshin në të njëjtën dhomë me Putinin, përfshirë sekretarin e shtypit presidencial, u karantinuan për dy javë dhe më pas u detyruan të bënin një test për COVID.

Testi i Peskov rezultoi pozitiv. Natyrisht, Peskov nuk u lejua pranë presidentit. Por ai nuk u pengua të ulej në sallën kryesore, ku në atë kohë kishte mbi 700 njerëz.

Zhdukjet më të spikatura të Putinit

Nëntor 2012- Të gjitha udhëtimet e biznesit, fluturimet në distanca të gjata dhe ngjarjet në Kremlin dhe Novo-Ogaryovo u anuluan, disa takime u regjistruan paraprakisht

5-15 mars 2015- Putini nuk shfaqet në publik, të gjitha takimet janë të regjistruara paraprakisht

9-16 gusht 2017- Presidenti viziton Abkhazinë dhe Soçin me gazetarë, dhe më pas Kremlini publikon “pamjet e konservuara” për të gjithë javën e ardhshme

shkurt 2018- Në mes të fushatës elektorale, presidenti anulon të gjitha ngjarjet publike në datat 12-14 shkurt. Peskov pranon se kreu i shtetit “u ftoh”

13-29 shtator 2021- “Vetëizolim”

Kënga “Pyes Lotin” hiqet nga YouTube pas revoltimit të kompozitorit Valentin Veizi

Kënga e interpertuar nga Elsa Lila dhe Capital T, “Pyes Lotin” është hequr nga YouTube.

“Pyes Lotin” me autor Valentin Veizin erdhi në një version tjetër nga Elsa Lila dhe reperi Capital T, por kjo solli reagimin e menjëhershëm të kompozitorit shqiptar, i cili kërkonte që kënga e tij të mos bëhej pis.

“Pyes Lotin” me autor Veizin dhe tekst të poetes Enrieta Sina, erdhi në një version komplet ndryshe në Festivalin e 60-të të Këngës në RTSh.

Kompozitori Veizi në një intervistë u shpreh se nuk ka folur me Elsa Lilën, ndërkohë që ka ndjerë dhimbje kur ka parë këngën e tij të deformuar.

“Unë kam thënë mos ma bëni pis, në fakt është më tepër, është dhimbje. Më mirë të mos e kisha dëgjuar në fakt, aq keq jam ndjerë kur kam dëgjuar atë këngë në atë variant që u soll”, u shpreh ai.

Pas kësaj ankese të bërë nga Veizi, YouTube mesa duket i ka dhënë të drejtë këtij të fundit duke fshirë këngën e versionit të ri.

 

 

Dështon Liverpool, skuadra e Klopp mundet në transfertën e Brentford

Liverpool bie në fushën e Brentford në një humbje shumë të rëndë për shpresat e skuadrës së Jurgen Klopp në garë për një biletë të zonës Champions League këtë sezon.

3-1 fituan vendasit në një ndeshje pa shumë histori pasi ishin tre golat e Konate, Wisa dhe Mbeumo që zhvlerësuan rrjetën e Chamberlain.

Në krahun tjezër, zhgënjimi më i madh i “The Reds” vazhdon të jetë Darwin Nunez, sulmuesi që u ble për 100 milionë euro por nuk arrin të gjejë rrugën e rrjetës në vazhdimësi, madje gabon edhe gola pothuajse të sigurt.

28 pikë pas 17 javëve të para për nënkampionët e Anglisë janë shumë pak në betejën për një nga katër vendet e para ku Manchester United mban pozicionin e katërt me 32 pikë dhe një ndeshje më pak.

Makina del nga rruga dhe përfundon në kanal, shpëton për mrekulli çifti i moshuar

Një aksident ka ndodhur në aksin nacional Dimal-Lushnje, në fshatin Gajdë.

Një automjet tip Mercedez Benz, me targa AA 795 OF, ka dalë nga rruga dhe ka përfunduar në kanal.

Mësohet se 75-vjeçari Lefter Ndrio, udhëtontë në drejtim të qytetit të Beratit dhe sapo ka dalë nga kthesa e Urës së Kuçit ka humbur kontrollin e makinës.
Ai dhe bashkëshortja e tij janë nxjerrë nga mjeti pa lëndime, me ndihmën e banorëve të zonës. Në vendngjarje kanë shkuar efektivë të policisë së qarkullimit rrugor, që po kryejnë edhe kqyrjen e vendit të aksidentit.
Sipas policisë, mendohet se 75-vjeçari ka humbur kontrollin e mjetit pasi është verbuar nga dritat e makinave përballë.
Duhet theksuar se ky aks nacional, ashtu si dhe aksi nacional Dimal-Fier është i gjithi pa ndriçim, çka e bën edhe më të vështirë qarkullimin në këtë aks, që deri në fshatin Fiershegan është i gjithi me kthesa të forta.

 

Deputetët abuzime me lekët e shqiptarëve, 600 mijë lekë rimbursime për telefonin dhe karburantin

Deputetët e parlamentit shqiptar kanë harxhuar rreth 20 mijë lekë të reja në muaj vetëm për shpenzime telefonike, kur oferta më e shtrenjtë që kompanitë ofrojnë për qytetarët e thjeshtë nuk kushtojnë më shumë se 2200 lekë. Përveç kësaj, deputetët kanë përfituar çdo muaj shuma që variojnë deri në 40 mijë lekë të reja në muaj për karburant, sa janë të ardhurat e punës mujore të qytetarëve të thjeshtë bazuar në pagën minimale në Shqipëri.

Oferta më e shtrenjtë mujore që ofrojnë kompanitë telefonike në Shqipëri kushton jo më shumë se 2200 lekë të reja, ndërkohë që deputetët e Kuvendit të Shqipërisë harxhojnë afro 10-fishin vetëm në një muaj.

Vetëm rimbursimet për ofertat telefonike të deputetëve të parlamentit fillojnë nga 17 mijë lekë të reja deri në 20 mijë lekë të reja.

Kreu i grupit të Partisë Socialiste,Taulant Balla, deputeti Arben Pëllumbi, kryetarja e Komisionit të ligjeve Klotilda Bushka si dhe deputetët opozitarë Jorida Tabaku, Flutura Açka dhe ish-deputetja Grida Duma, janë rimbursuar me 20 mijë lekë të reja për pagesat telefonike gjatë muajit tetor të vitit 2022.

Rimbursimet për ofertat e telefonit

-Balla, Arben Pëllumbi, Klotilda Bushka, Ermonela Felaj, Jorida Tabaku, Flutura Açka, Grida Duma me 20 mijë lekë të reja

-Antoneta Dhima, Blerina Gjylameti, Xhemal Qefalia, Rrahman Rraja, Fatmir Xhafaj, Damian Gjiknuri, Belind Këlliçi me 17 mijë lekë të reja

Ndërkaq edhe rimbursimet për karburant, fillojnë nga 33 mijë lekë të reja deri në 40 mijë lekë të reja në muaj, sa rroga minimale në vend me të cilën paguhet për punën e një muaji një qytetar i thjeshtë.

Pjesa më e madhe e parlamentarëve shqiptarë, gjatë muajit tetor janë rimbursuar me shumën më të lartë, pra atë të 40 mijë lekë të reja.

Rimbursimet për karburant

-Paulin Sterkaj, Damian Gjiknuri, Bujar Leskaj, Zef Hila, Bledjon Nallbati, Helidon Bushati, Ilda Dhori, Ina Zhupa me 40 mijë lekë të reja

-Taulant Balla, Arben Pëllumbi, Klotilda Bushka, Mimi Kodheli, Dashamir Shehi, Belind Këlliçi, Dashnor Sula me 30 mijë lekë të reja.

Rimbursimi nga buxheti i shtetit duket se i ka lënë deputetët të pa prekur edhe nga rritja e çmimit të karburanteve.

Lajme të mira! 2023 viti i mundësive të dyta, Meri Shehu: Dy breza do marrin mësime të mëdha

Viti i ri që sapo është futur,  2023  parashikohet të jetë një vit i veçantë.

Astrologia Meri Shehu përshkruan panoramën e yjeve përgjatë vitit që po troket, ku do të ndiejmë shumë aspektin ekonomik. Dy planetë do ndryshojnë vendosjen e tyre dhe përsëritet një cikël 28-vjeçar i cili do të prekë dy breza. Kjo do të përsërisë historinë, por do të vendosë shenjat përballë zgjedhjeve për të mos bërë gabimet e së kaluarës.

Meri Shehu: Kam kënaqësinë që jam kaq vite me ty dhe më pëlqen që do them edhe për 2023-in gjërat që duhen thënë. 2023 është një vit shumë i veçantë sepse kemi një pozicionim të Jupiterit në dy shenja, në shenjën e Dashit dhe në shenjën e Demit dhe ne shijen e Dashit e kemi ndierë në verën e 2022-it, do ta ndiejmë tashmë deri në Maj 2023 dhe pastaj Jupiteri do kalojë në shenjën e Demit, do merremi shumë fort me ekonominë. Jupiteri në Dem takon Uranin dhe çështjet ekonomike pas Majit do jenë shumë të çuditshme, njëherë poshtë, njëherë lart, do kemi destabilizim, por do flasim më konkretisht.

Ajo që më pëlqen të theksoj për këtë vit është pozicioni i Saturnit dhe i Plutonit. Këta dy planetë të fuqishëm do ndryshojnë shenjë. Saturni pas 2 vitesh e gjysmë futet tashmë në shenjën e Peshqve në Mars dhe prek të gjithë plejadën e njerëzve që janë 28-30 vjeç. Të gjithë këta, para 28 vjetësh kanë lindur me Saturn në Peshk, kjo do të thotë që do të jetë një vit shumë i rëndësishëm për këtë brez, por edhe për një brez tjetër që janë 53-55 vjeç, të cilëve u rikthehet dhe njëherë Saturni në Peshk pas dy cikleve. Kjo do të thotë që dhe ata do kenë një vit shumë të fuqishëm, shumë dominant, do marrin disa mësime të mëdha, unë mendoj që jeta gjithmonë përsëritet në disa aspekte dhe ata do shikojnë çfarë do iu përsëritet ose çfarë gjërash nuk kanë bërë në vitet e 30-ta, do ta shikojnë çfarë mos ta bëjnë gabim tashmë edhe njëherë.

Çfarë tha para se “të mbyllte sytë”? Zbulohen fjalët e fundit të Papa Benediktit të XVI

Fjalët e fundit të Papa Emeritus Benedikt XVI, përpara se të ndërronte jetë, ishin “Zot, të dua”.

Kryepeshkopi Georg Gaensëein, një prelat gjerman i cili jetonte në manastirin e Vatikanit ku Benedikti u vendos pas daljes në pension të tij në vitin 2013, tha se infermierja tregoi se kishte dëgjuar Benediktin duke thënë ato fjalë rreth orës 3 të mëngjesit të së shtunës. Papa në pension vdiq pak orë më vonë atë mëngjes.

“Benedikti XVI, me një zë të dobët, por në një mënyrë shumë të dallueshme, tha në italisht, ‘Zot, të dua’”, tha Gaensëein për mediat zyrtare të Vatikanit, duke shtuar se kjo ndodhi kur ndihmësit që kujdeseshin për Benediktin po ndryshonin turne.
“Nuk isha aty në atë moment, por infermierja e tregoi pak më vonë. Ishin fjalët e tij të fundit të kuptueshme, sepse më pas ai nuk mundi të shprehej më”, tha kryepeshkopi.

Më herët, Vatikani tha se Papa Françesku shkoi për të nderuar menjëherë pasi Gaensëein i telefonoi për ta informuar për vdekjen e Benediktit, pak pas orës 9:30 të mëngjesit të së shtunës.

“Mbështesim luftën tuaj heroike”, Von der Leyen: BE-ja do të qëndrojë gjithmonë krah Ukrainës!

Presidentja e Komisionit Evropian Ursula von der Leyen më 2 janar përsëriti mbështetjen e theksuar të Bashkimit Evropian për ukrainasit “për aq kohë sa duhet” për të penguar pushtimin 10-mujor të Rusisë.

Ajo bëri të ditur se e ka pasur telefonatën e parë për këtë vit me presidentin ukrainas, Volodymyr Zelensky.

“Unë i kam përcjellë popullit ukrainas mbështetjen time me gjithë zemër dhe urimet më të mira për vitin 2023”, shkroi von der Leyen në Twitter.

“BE qëndron pranë jush për aq kohë sa duhet”, shtoi ajo.

Ajo përmendi gjithashtu “ndihmë të fortë financiare” të vazhdueshme për Ukrainën dhe tha se shpërndarja e një pakete mbështetjeje prej 18 miliardë euro do të fillojë “së shpejti”.

Në një deklaratë pas thirrjes, Zelenskiy tha se Ukraina po priste të merrte këstin e parë më 2023 të ndihmës makrofinanciare të BE-së këtë muaj.

“Ne ndiejmë mbështetje dhe do të fitojmë së bashku”, shkroi ai në Twitter.

Von der Leyen ka bërë vizita të shumta në Kiev që kur dhjetëra mijëra trupa ruse u derdhën përtej kufirit ukrainas nga Rusia dhe Bjellorusia në fund të shkurtit në pushtimin më të madh në Evropë që nga Lufta e Dytë Botërore.

Sulmi ka hasur në mbrojtjen e vendosur ukrainase të territorit të saj dhe sanksione të pashembullta ndërkombëtare ndaj Moskës.

“Ne mbështesim luftën tuaj heroike”, shkroi von der Leyen, duke e përshkruar atë si një “luftë për liri dhe kundër agresionit brutal”.

Ajo tha gjithashtu se përpjekjet humanitare këtë dimër do të përfshijnë “gjeneratorë, llamba, strehimore, [dhe] autobusë shkollorë”.

Von der Leyen tha se mezi pret të takohet sërish me Zelenskyn “në Ukrainë së shpejti”./REL/

“T’u u puth si adoleshentë në lokale”/ Olta Gixhari në momente intime me partnerin (video)

Aktorja Olta Gixhari, një nga banoret e “Big Brother VIP”, eshte treguar gjithmonë shumë e rezervuar për partnerin, me të cilin ka dhe një djalë të quajtur Amar.

Identiteti i personit që i ka marrë zemrën Oltës vazhdon të mbetet një mister, mirëpo rreth një vit më parë ka publikuar një video pranë tij. Ajo shihet e ulur mbi prehërin e partnerit, duke kërcyer dhe duke u puthur.

“Abababababa t’u u puth si adoleshentë nëpër lokale”, ka shkruar ajo.

 

View this post on Instagram

A post shared by Olta Gixhari (@oltagixhari)

Drejt ndarjes? Çfarë po ndodh mes Ronaldos dhe Georgina Rodriguez, çifti shtyn papritur dasmën

Pas Rolls Royce ultra luksoze , me vlerë më shumë se 280 mijë euro, që Georgina Rodriguez i bëri dhuratë të dashurit të saj Cristiano Ronaldo , shumë besuan se ky është një nga çiftet më të dashuruar në botën e shpwbizz. Mirëpo, “retë e zeza” duket po mbulojnë lidhjen e tyre, ndërkohë që disa media po flasin edhe për një “marrëdhënie virtuale”.

Sipas raportimeve, të cilat kanë përfshirë internetin orët e fundit. Dhe duke shkaktuar habinë e fansave të asit portugez, marrëdhënia e tij me të dashurin e tij Rodríguez, duket se po kalon një provë, në momentin që ai mori një “transferim të artë” te Arabia Saudite Al Nasr.

Siç raporton emisioni “Socialite”, ajo që ka ndezur zërat për një krizë të mundshme është videoja që modelja ka postuar pak ditë më parë, kur i ka bërë dhuratë futbollistit Rolls Royce luksoz.

Më konkretisht, ajo që çoi në spekulimet e mësipërme, duket se nuk ka qenë makina mbresëlënëse, por kimia thuajse inekzistente mes dyshes. Në fakt, interesant është edhe informacioni se çifti ndan një dashuri virtuale në rrjetet sociale, duket se e bëjnë për të kënaqur fansat e tyre, pa momente dhe fjalë të ëmbla, pas dyerve të mbyllura.

Ronaldo dhe Rodriguez, sipas raportimeve që qarkullojnë në Argjentinë, ndajnë lidhjen e tyre të dashurisë vetëm sepse është fitimprurëse dhe plotëson nevojat e kompanive reklamuese.

“Sa herë ftohtësia mes të dyve del gjithnjë e më shumë, për shembull në videon e fundit që kanë publikuar… Në Amerikën Latine thuhet se çifti mund të jetë ende bashkë për famë, sepse lidhja e tyre u sjell kontrata të mëdha reklamash. dhe një jetë të rehatshme ”, tha Laura Roigé në emisionin Telecinco.

Shkaku i krizës në marrëdhënien

Karriera e futbollistit është ndoshta ajo që ka ndikuar në ekuilibrin në marrëdhënien e tij me influencuesen.

Gazetari Gonzalo Vasquez theksoi në emisionin “Socialite”: Zhgënjimi i fundit i lojtarit në Botërorin e Katarit me kombëtaren portugeze mund të ketë shkaktuar krizën dhe dasma që ata kishin planifikuar për vitin 2023 është në “pritje”. Duke theksuar se shtyrja e dasmës së tyre është e pacaktuar, me rrezikun që Georgina Rodíguez dhe i dashuri i saj të mos ngjiten fare shkallët e kishës.

Për momentin asnjëri prej të dyve nuk është përgjigjur apo komentuar për atë që po dëgjohet për dashurinë e tyre, ndërsa fansat presin me padurim për të mësuar për të ardhmen e marrëdhënies mes asit portugez dhe të dashurës të tij.

Intervista e Georgina Rodriguez

Intervista e fundit që Georgina Rodriguez dha për Elle, në të cilën ajo bëri një përmbledhje të vitit, nuk e përshkruajti në asnjë mënyrë si një lidhje me kriza.

Rodíguez, sipas fjalëve të saj, po “pikonte mjaltë” për futbollistin e saj të preferuar, me të cilin tregoi se u dashurua çmendurisht dhe në çast: Unë dhe Cristiano u dashuruam me shikim të parë, kur e pashë për herë të parë ndjeu se koha ndaloi. Nuk kam parë kurrë një burrë kaq të pashëm, kaq të vëmendshëm. Ai është mashkulli më i pashëm që sytë e mi kanë parë ndonjëherë. Dhe po, unë jam e dashura e futbollistit më të mirë në botë, por nuk është e nevojshme që njerëzit, dhe shumë gra, ta përdorin këtë në mënyrë nënçmuese.

Çifti u takua kur Ronaldo po luante për Real Madridin dhe Rodriguez ishte një shitëse dyqani në një butik në kryeqytetin spanjoll. Siç e ka pranuar 28-vjeçarja, kjo lidhje i ndryshoi jetën: Është e qartë se marrëdhënia ime me të më lejoi të realizoja shumë nga ëndrrat e mia, por gjithmonë, para dhe pas takimit, kam të njëjtin pasion për gjithçka kam punuar si modele, si pastruese dhe si shitëse.

Çifti humbi një fëmijë në prill. Georgina ishte shtatzënë me binjakë, por vetëm vajza e saj, Bella Esmeralda (tetë muajshe) i mbijetoi lindjes, ndërsa vëllai i saj binjak jo.

“Ky vit ka qenë më i komplikuari i jetës sime. Momenti më i lumtur u bë edhe më i trishtuari në të njëjtën kohë. Kjo është diçka që do të më qëndrojë gjithë jetën dhe nuk do ta harrojmë kurrë”, tha ajo për humbjen e fëmijës së saj në të njëjtën intervistë.

Rodriguez ka dy vajza me Ronaldon, ndërsa modelja po rrit edhe tre fëmijë të tjerë që ka CR7. “Fëmijët e mi janë gjëja më e rëndësishme që kam dhe çdo hap që bëj shënohet prej tyre. Unë jam një nënë e kudondodhur”, tha Georgina për Elle