Day Archive“Rrëmbime e dhunë…” Daily Mail zbulon çfarë ndodh në “shtëpitë e barit”: Gangsterët shqiptarë…

“Tik Tok” është kthyer në lidhjen e shqiptarëve për të lëvizur drejt vendeve të BE. Së fundmi Daily mail ka publikuar një artikull ku tregon se si shqiptarët përveçse i përdorin këto rrjete për të gjetur mënyra se si të ikin në Britani. Por duket se nuk janë mjaftuar me kaq, pasi në artikullin e publikuar nga media britanike tregohet se si ata publikojnë video në rrjete social ku promovojnë dhunë brutale, si edhe rrëmbime.

“Pamjet e tmerrshme të TikTok të zbuluara nga Mail tregojnë bosët e bandave duke përdorur rrëmbime, burgime të rreme dhe rrahje brutale për të vulosur autoritetin e tyre në rrjetin e fabrikave të drogës të fshehura në shtëpi banimi në të gjithë vendin.

Videot, disa me mbi 10,000 shikime, paraqesin viktima të rrahura keq që rënkojnë nga dhimbja ose luten për ndihmë për të vepruar si një paralajmërim i ashpër për atë që ndodh me ata që përpiqen t’i kalojnë ato”, shkruan media britanike.

Më tej theksohet se kriminologët kanë theksuar se bandat drejtonin fushatën e përgjakshme të mediave sociale të orkestruar me kujdes për të reklamuar forcën e tyre mbi rrjetet kriminale rivale dhe për të provuar të joshin rekrutë të rinj.

Ndërsa në fotot e publikuara bëhen të ditur edhe emrat e shqiptarëve, bëhet fjalë për 28-vjeçarin Redjon Murati, Glen Xhaferri 26-vjeç dhe Anis Plaku 29-vjeç., ku thuhet se u burgosën muajin e kaluar.

Me gomone drejt Londrës/ Ambasada britanike thirrje shqiptarëve: Mos rrezikoni jetën…

Nisur nga numri i lartë i qytetarëve shqiptar, të cilët duke u përpjekur të largohen nga vendi, zgjedhin rrugë të rrezikshme siç është udhëtimi me gomone, ambasada Britanike në Tiranë u bën thirrje qytetarëve që mos të largohen nga vendi. Në mesazhin e ambasadës thuhet se ndërsa përpiqen të largohen nga Shqipëria, qytetarët mund të humbasin edhe jetën si pasojë e kushteve të motit.

“Duke u përpjekur për t’u larguar nga Shqipëria për në Mbretërinë e Bashkuar mund të humbësh edhe jetën nga kushtet e rrezikshme të motit. Mos rreziko!”, shkruan ambasada.
Në faqen zyrtare, ambasada e Mbretërisë së Bashkuar ka bërë një sqarim të zgjeruar në lidhje me rreziqet që mund të hasin emigrantët e paligjshëm si dhe çfarë i pret emigrantët që shkojnë në Britaninë e Madhe.

Po ashtu sqarohen edhe disa mënyra të sigurta dhe të ligjshme për të hyrë në MB, ku shtohet se kontrabandistët e njerëzve nuk mund të garantojnë sigurinë ose që do i lejojnë emigrantët të rrinë në MB. Ky paralajmërim vjen ndërsa në mediat britanike raportohen raste të shqiptarëve që mbërrijnë ilegalisht në vend, e kryesisht nëpërmjet gomoneve nga kanali i La Manshit.

Del HARTA/ Nëse Putin shtyp butonin bërthamor, 34 milionë njerëz do të vdesin brenda pesë orëve

Një hartë simuluese tregon se si një luftë bërthamore midis Rusisë dhe NATO-s mund të çojë potencialisht në vdekjen e miliona njerëzve në mbarë botën.

Materiali audio-vizual katër minutësh quhet “Plani A” dhe është zhvilluar nga studiues të lidhur me Programin e Shkencës dhe Sigurisë Globale të Universitetit Princeton.

Edhe pse është e paqartë nëse Presidenti rus Vladimir Putin do të shkonte ndonjëherë aq larg sa të përdorte armë bërthamore, përshkallëzimi i konfliktit në Ukrainë ka nxitur bisedat për një luftë të mundshme bërthamore.

Alex Glaser, një nga krijuesit e “Planit A”, foli për Newsweek dhe theksoi se “kjo është kriza më serioze me një dimension të mundshëm bërthamor që përfshin Rusinë dheShtetet e Bashkuara/NATO  që nga fundi i Luftës së Ftohtë. Edhe nëse rreziku i një lufte bërthamore konsiderohet ende “i vogël”, siç do të argumentonin shumë analistë.”

Glaser theksoi më tej se “një krizë si ajo me të cilën po përballemi tani shpesh çon në keqkomunikim midis palëve, i cili përkeqësohet nga fakti se shumë pak linja komunikimi aktive mbeten midis Rusisë dhe SHBA-së/NATO-s.”

Ndërkohë, Rusia dhe SHBA, megjithëse kishin braktisur traktatet e tyre të vjetra të kontrollit të armëve bërthamore, filluan të zhvillonin lloje të reja të armëve bërthamore dhe zgjeruan gamën e rrethanave në të cilat këto armë mund të përdoreshin.

“Plani A” u përgatit për një ekspozitë të mbajtur në vitin 2017 në Galerinë Bernstein të Princeton dhe në vitin 2019 u vu në dispozicion të publikut si një video në YouTube.

Ai synon të nxjerrë në pah pasojat “potencialisht katastrofike” të një lufte bërthamore midis Rusisë dhe NATO-s. Edhe pse pati një shpërthim interesi për përmbajtjen e videos, numri i shikimeve kaloi një milion menjëherë pas pushtimit rus të Ukrainës.

“Plani A” shkon aq larg sa parashikon që 34.1 milionë njerëz nga e gjithë bota do të vdesin brenda pak orësh. Në të njëjtën kohë, konflikti bërthamor do të plagosë 55.9 milionë njerëz. Megjithatë, shifrat nuk përfshijnë vdekjet e mëvonshme nga pasojat bërthamore dhe efekte të tjera.

Simulatorët e luftës bërthamore mund të duken të frikshëm, por ato mund të përdoren nga qeveritë për të zhvilluar plane emergjence dhe për të trajnuar publikun se si të mbijetojë në rast të një sulmi.

Ky simulim fillon në kontekstin e një konflikti konvencional, jo bërthamor. Sipas modelit, Rusia lëshon të shtëna paralajmëruese nga një bazë afër Kaliningradit në Detin e Zi për të ndaluar një përparim SHBA-NATO përpara se pala tjetër të përgjigjet me një sulm ajror të vetëm taktik.

Rusia më pas dërgon 300 koka bërthamore, me raketa me rreze të shkurtër veprimi, në bazat e NATO-s dhe trupat në Evropë.

Në një rast të tillë, Aleanca do të përgjigjej me 180 avionë bërthamorë. Në këtë fazë, viktimat pritet të arrijnë rreth 2.6 milionë njerëz brenda tre orëve dhe Evropa është pothuajse e shkatërruar.

NATO më pas do të veprojë përmes flotës amerikane dhe nëndetëseve bërthamore duke filluar me një sulm bërthamor strategjik me 600 koka luftarake. Përpara se të shkatërrohen sistemet e saj të armëve, Rusia do të lëshojë armë bërthamore nga siloset e raketave dhe nëndetëset. Në këtë rast Plani parashikon që faza e luftës do të zgjasë 45 minuta dhe të paktën 3.4 milionë njerëz do të humbin jetën.

Kur konflikti të hyjë në fazën e tij përfundimtare, të dy palët do të synojnë 30 zonat më të populluara dhe qendrat ekonomike të njëra-tjetrës duke vendosur nga pesë deri në dhjetë armë bërthamore secila për të parandaluar që secila palë të rimëkëmbet nga lufta. Në një rast të tillë, të paktën 85.3 milionë njerëz do të vdesin brenda 45 minutave.

U gjet i pajetë në një kanal në Fushë-Krujë, flet nëna e Indrit Ndojit: Çfarë më tha në telefon

Detaje të reja janë zbuluar në lidhje me 34- vjeçarin Indrit Ndoj që u gjet i vdekur në lagjen “Bakishe Visha” në Fushë-Krujë.

Personi i fundit që ka komunikuar me 34-vjeçarin ka qenë nëna e tij, e cila tha për oficerët e policisë se ka folur me të birin pasditen e djeshme.

Mësohet se nëna ka deklaruar se ka qenë e fundit që ka komunikuar me të birin dhe se e ka pyetur nëse do të shkonte në shtëpi në mënyrë që t’i bënte bukën, dhe 34-vjeçari i ka thënë se do të shkojë.

Sipas BallkanWeb, nëna tha gjithashtu për oficerët e policisë se familja e tyre nuk ka asnjë konflikt, as në lagje dhe me askënd tjetër.

Grupi hetimor bën me dije se nga kompanitë telefonike janë kërkuar gjithashtu tabulatet në mënyrë që zbulohen personat me të cilët i riu ka kontaktuar para se të ekzekutohej.

Protesta për Lear Kurtin/ Turma marshon drejt Kryeministrisë

Protestuesit për vdekjen e Lear Kurtit janë zhvendosur nga Ministria e Brendshme në drejtim të Kryeministrisë.

 

View this post on Instagram

 

A post shared by zoom.al (@zoom.al)

Qytetarë dhe aktivistë të shoqërisë civile, kërkojnë dorëheqjen e Bledi Çuçit.

Në shenjë demonstrate, ata kanë ndezur dritat e telefonit, për të vijuar tubimin e tyre.

Vendet e Ballkanit Perëndimor bien dakord për lëvizjen e lirë mes tyre

Ministrat e gjashtë vendeve të Ballkanit Perëndimor pajtohen për udhëtimin pa viza midis tyre dhe për njohjen e ndërsjellë të diplomave universitare dhe kualifikimeve profesionale, duke hedhur një hap drejt anëtarësimit në Bashkimin Evropian.

Kjo u bë e ditur nga ministrja gjermane e Punëve të Jashtme, Annalina Berbok Baerbock, gjatë takimit të ministrave të jashtëm të vendeve të përfshira në Procesin e Berlinit, e cila theksoi se këta janë hapa historikë, që ndryshojnë jetën e njerëzve.

“Kjo do të thotë që studentët nga Shqipëria mund të përdorin diplomën e tyre për të vazhduar studimet në Maqedoninë e Veriut dhe se një arkitekt nga Serbia mund të shkojë dhe të punojë në Mal të Zi. Fundja kjo është gjithçka me të cilën ka të bëjë tregu i brendshëm evropian”, tha zonja Baerbock.

Në takim u tha se përfitimin më të madh nga kjo marrëveshje do ta kenë qytetarët nga Kosova dhe Bosnja e Hercegovina, të cilët nuk mund të udhëtojnë pa viza.

Dokumenti përfundimtar pritet të nënshkruhet me 3 nëntori në Berlin, ku pritet të mbahet takimi i udhëheqësve të Ballkanit Perëndimor dhe të dhjetë vendeve të tjera pjesëmarrëse të Procesit të Berlinit, si dhe përfaqësuesve të Këshillit dhe Komisionit Evropian.

“Duke nënshkruar të marrëveshjet në takimin e ardhshëm në nëntor, ju po bëni një hap të rëndësishëm përpara në procesin e anëtarësimit në Bashkimin Evropian. Ju po e bëni jetën e qytetarëve tuaj më të lehtë dhe po ndihmoni kompanitë tuaja të nxisin tregtinë dhe rritjen ekonomike në të gjithë rajonin”, tha ajo.

Udhëheqësit e Kosovës kanë theksuar se procesi i Berlinit është një nismë gjithëpërfshirëse ku të gjitha shtetet janë të barabarta dhe kanë kundërshtuar cdo nismë që sipas tyre mund të shfaqet si alternative ndaj këtij procesi, përfshirë nismën Ballkani i Hapur që u hodh nga Shqipëria, Serbia dhe Maqedonia e Veriut.

Shtetet e Bashkuara e mbështesin nismën për Ballkanin e Hapur dhe i kanë bërë thirrje Kosovës të bëhet pjesë e saj, por i dërguari për Ballkanin Perëndimor Gabriel Escobar ka theksuar se ajo është një nismë ekonomike që mund të ketë sukses vetëm nëse do të përfshijë të gjashtë shtetet e Ballkanit Perëndimor si të barabarta.

Ministrja e Jashtme e Kosovës, Donika Gërvalla tha të premten në Berlin se “nga Procesi i Berlinit, padyshim që presim një bashkëpunim të thelluar në rajonin tonë. Ne gjithashtu presim që Procesi i Berlinit të marrë një vrull dhe dëshirojmë t’i shprehim mirënjohjen tonë qeverisë gjermane për rifillimin e procesit. Integrimi i rajonit në BE dhe integrimi evropian-atlantik është shumë i rëndësishëm”, tha ajo.

Procesi i Berlinit i cili u ringjall nga kancelari gjerman Olaf Scholz, u hodh në vitin 2014 nga ish kancelaria gjermane Angela Merkel me synim thellimin e bashkërendimit ndërmjet vendeve të Ballkanit Perëndimor si dhe mbështetjen e procesit të anëtarësimit të këtij rajoni në Bashkimin Evropian.

Durimi i disa vendeve të Ballkanit Perëndimor që janë në pritje të anëtarësimit po mbaron dhe kritikët e ritmit të ngadaltë të zgjerimit të bllokut thonë se kjo u lë hapësirë Rusisë dhe Kinës për të zgjeruar ndikimin e tyre në rajon.

Ministrja e jashtme gjermane tha është përparësi e qeverisë së saj që të përfshijë vendet e Ballkanit Perëndimor në bllok për të siguruar qëndrueshmëri dhe përparim ekonomik, ndërsa bëri thirrje për përshpejtimin e reformave në vendet e rajonit.

Ministrja Baerbock, shprehu dëshirën e saj për normalizimin e “situatës së pazgjidhur” mes Kosovës dhe Serbisë, e cila tha ajo është “shkak i vazhdueshëm i tensioneve”.

Shefja e diplomacisë gjermane i bëri thirrje Serbisë “që të rrisë harmonizimin me politikën e përbashkët dhe të sigurisë të BE-së. Kjo ka të bëjë me sanksionet kundër Rusisë në veçanti; dhe ne presim hapa konkretë të Serbisë për të harmonizuar politikën e saj të vizave. Kontrabanda e njerëzve kërcënon jetën dhe sigurinë e njerëzve dhe marrjen e masave kundër është një qëllim që na bashkon të gjithëve”, tha ajo./voa

Protestuesit, një minutë heshtje për Lear Kurtin/ Ndizen qirinj para Kryeministrisë

Protestuesit kanë mbajtur një minutë heshtje para Kryeministrisë për vdekjen e Lear Kurtit, pas shoqërimit të tij në ambientet e policisë.

Ata kanë ndezur qirinj në shkallët e Kryeministrisë, ku edhe paralajmëruan se do të vijojnë të mbajnë protesta të tjera.

Qytetarët thanë se data për mbajtjen e protestës së radhës do të njoftohet në rrjetet sociale. Pas kësaj, qytetarët filluan të largohen.

Ata kërkuan të zbardhet e vërteta për vdekjen e Lear Kurtit, për të cilin bëjnë përgjegjës policinë.

Ndërkohë, kryeministri Edi Rama tha sot nga Elbasani se rasti i Lear Kurtit po keqpërdoret për të nxjerrë njerëzit në rrugë si në rastin e Klodian Rashës.

Nis protesta para Ministrisë së Brendshme/ Qytetarët kërkojnë transparencë për vdekjen e të riut

Ka nisur protesta e thirrur nga qytetarët dhe aktivistët e shoqërisë civile para Ministrisë së Brendshme për vdekjen e 32 vjeçarit Lear Kurti.

Qytetarët, të cilët akuzojnë policinë se ka vrarë të riun, kërkojnë drejtësi për rastin në fjalë.

Ata shprehen se Leari mund të ishte secili nga të rinjtë e vendit tonë, ndërsa kërkojnë transparencë për 32 vjeçarin sepse sipas tyre e kanë detyrim.

Një nga qytetarët, i cili mbante një pankartë ku lexohej “Kë therret kur policia vret”, ka deklaruar se ky është një rast i përsëritur.

“Janë kaq shumë problemet për të cilat duhet të protestojmë sa

Nisur nga rritja e çmimeve e deri kur vret. Kujt do ti kërkojmë ndihmë. E vetmja rrugë është largimi i kësaj qeverie. Besimi është zero. Nuk është rast i parë është rast i përsëritur. veçse vrasin edhe poshtërojnë viktimën çnuk thonë për të”, tha qytetari.

Kokaina kolumbiane do të përmbysë globin. Rekord prodhimi në 2022

Bota po përmbytet me sasi rekord kokaine pasi prodhimi i drogës në Kolumbi u rrit në maksimumin që ka ndodhur vitin e kaluar.

Sipas një raporti të OKB-së, sasia e tokës së mbjellë me koka, lënda e parë për prodhimin e kokainës, u rrit 43% në 204,000 hektarë vitin e kaluar. Meqenëse shkurret e sapo mbjella të kokasë duhen vite për t’u pjekur, prodhimi i mundshëm i kokainës u rrit më pak – por ende me rreth 14%, në 1,400 ton.

Rritja e prodhimit të drogës është një dhimbje koke për presidentin Gustavo Petro, pasi ajo nxit dhunën dhe paqëndrueshmërinë në vend. Por gjithashtu forcon argumentin e tij se “lufta kundër drogës” e ndjekur prej vitesh nga qeveritë kolumbiane dhe amerikane nuk ka arritur të shkurtojë konsumin.

Në një raport të përgatitur nga Kombet e Bashkuara (OKB) thuhet se vitin e kaluar në Kolumbi, mbjellja e bimës koka, përbërësi kryesor i kokainës është rritur më 43 për qind.

Sipas lajmit të BBC-së, raporti i Zyrës së OKB-së për Drogën dhe Krimin thekson se Kolumbia prodhuesi më i madh në botë i kokainës theu rekord të prodhimit të kokainës vitin e kaluar.

Sipërfaqja e mbjelljes së kokas është rritur me 43 për qind duke arritur në 204 mijë hektarë në vitin 2021. Kjo është rritja më e lartë në mesin e të dhënave të përpiluara nga OKB-ja që nga viti 2001.

Në raport thuhet se mbjellja më intensive e kokas është kryer në Santanderin Verior në verilindje të vendit dhe në Narino dhe Putumayo në kufi me Ekuadorin.

Bashkia Tibu në Santanderin Verior me 22 mijë hektarë ka sipërfaqen më të madhe të kultivimit të kokas në mesin e të gjitha bashkive të vendit.

Në raport vihet në dukje se kultivimi zhvillohet kryesisht në rajone pranë kufijve ose me qasje të lehtë në det dhe se në këto rajone punojnë së bashku banda të armatosura, kontrabandistë dhe prodhues të drogës.

Kultivimi i kokas thuhet se është një kërcënim i madh për biodiversitetin dhe bashkë sjell edhe shpyllëzimin.

Një pjesë e madhe e kokas që prodhohet në Kolumbi shkon në Evropë dhe SHBA ku konsumi i drogave të paligjshme është më i larti në botë.

Kolumbia ka luftuar prej vitesh për t‘i larguar fermerët nga prodhimi i kokas, por premtimet për inkurajim dhe subvencione nuk janë realizuar.

Partizani mbyt “Djemtë e Detit”, Vllaznia buzëqesh në Shkodër

Partizani ka arritur që të fitojë thellë ndaj Teutës së Shkëmbit me shifrat 4-1 në stadiumin “Niko Dovana” në Durrës.

Të kuqtë kaluan të parët në avantazh nëpërmjet Hotit, pas 2 minutash loje, teksa gjithçka u barazua me anë të Grudës.

Më pas ishte Da Silva, sërish Hoti dhe Skuka që vendosën historinë e takimit. Kështu kryeqytetasit dalin nga një moment jo i mirë, ndërsa “djemtë e detit” fundosen sërish.

Në krahun tjetër Vllaznia mundi 2-1 Bylisin, në “Loro Boriçi”.

Shkodranët ishin cinik duke fituar me shifrat 2-1 falë golave të Markut dhe Jonuzit.

Damcevski do të shkurtonte diferencat në të 82, por kjo nuk mjaftoi që ekipi i tij të dilte me pikë.

Perla e Jonuzit do t’i godiste ballshiotët në momentin e tyre më të mirë ku kërkohej barazimi, teksa e ngritën jo pak nivelin në pjesën e dytë.

Në fund Qardaku humbi dy raste të pabesueshme i gjendur para portierit të Vllaznisë, ku në një prej tyre kërkohej penallti.

Shumë polemika në drejtim të arbitrit nga ballshiotët në fundin e takimit, teksa vërshëllima e trefishtë i hoqi aksionin e fundit nga goditja e këndit Bylisit. /zoom.al/