Day ArchiveArsenal impresionon në premierë, “Topçinjtë” mposhtën Crystal Palace

Arsenali e nisi fushatën e Premier League në mënyrë të përsosur, pasi skuadra e Mikel Artetës mundi Crystal Palace 2-0 në një ndeshje argëtuese në Selhurst Park.

Topçinjtë ruajtën formën e tyre mbresëlënëse para-sezonale me një paraqitje energjike që u shpërblye kur Gabriel Martinelli tundi me kokë rrjetën në minutën e 20-të pas asistit nga nënshkrimi i ri Oleksandr Zinchenko.

Ekipit të Palace iu desh pjesa më e madhe e pjesës së parë për t’u përshtatur me ritmin e mysafirëve, por sapo e bëri Odsonne Edouard e detyroi Aaron Ramsdale të priste pasi goditja me kokë e Joachim Andersen e gjeti atë në zonë.

Të nxitur nga tifozët vendas, Eagles u hodhën përpara në kërkim të barazimit, por ishte Arsenali ai që gjeti sërish rrjetën, Marc Guehi pa dashje shënoi me kokë në portën e tij pas krosimit të Bukayo Saka.

Midis biznesit të mençur të transferimeve të Arsenalit, formës para-sezonale me gola të lira dhe startit të kampionatit, ka pasur shumë gjëra për të hapur oreksin e tifozëve të tyre këtë verë.

Mund të na duhet të presim deri në serinë e dytë për të mësuar nëse Arteta nxori himnin e Pallatit “Glad All Over” gjatë stërvitjes para këtij – siç bëri me “You’ll Never Walk Alone” përpara se të vizitonte Anfield sezonin e kaluar – apo nëse ishte vepra artistike e spanjollit që dha tonin, por skuadra e tij mbërriti me një intensitet të pamëshirshëm që e bëri golin e parë të Martinellit të ndihej i pashmangshëm.

Gjithsesi fillimi është për t’u duartrokitur dhe jep shpresë. /zoom.al/

FOTO/ Loredana dhe Noizy shfaqen sërish pranë njëri-tjetrit

Vetëm pak javë pas publikimit të këngës “Heart attack”, Loredana dhe Noizy janë bërë sërish bashkë.

Reperi ka publikuar sot këngën e re me titull “Benzi i ri” dhe Lori është pjesë e saj si protagoniste e klipit. Kjo e fundit shfaqet e veshur me të zeza dhe me syze, kombinuar me Noizyn.

  

Kujtojmë që prej disa ditësh në mediat rozë, është përfolur se dyshja janë në një lidhje. Madje, është thënë se Noizy ka pasur dhe një debat me Mozzik lidhur me këtë çështje. Mirëpo, këto vazhdojnë të mbesin në kuadrin e thashethemeve.

Turqia pranon kushtet e Putinit, gazi do të paguhet me rubla

Presidenti turk, Rexhep Tajip Erdogan ka zhvilluar sot një vizitë zyrtare në Rusia, ku është takuar me presidentin rus Vladimir Putin.

Pas një diskutimi mbi katër orë  me dyer të mbyllura  në Soçi, dy liderët ranë dakord që Turqia ta paguajë Rusinë me monedhën ruse rubla, për një pjesë të  gazit rus, me të cilin Ankaraja furnizohet, shkruan CNN.

“Në procesin e negociatave, presidentët ranë dakord që do të fillonin pagesën në rubla për furnizimet e pjesshme të gazit,” u tha gazetarëve zëvendëskryeministri rus Alexander Novak pas takimit, shkruan abcnews.al.

“Po flasim për kalimin në monedhat kombëtare dhe në fazën e parë, një pjesë e furnizimeve do të paguhen në rubla ruse. Dhe kjo është me të vërtetë një fazë e re, mundësi të reja, duke përfshirë zhvillimin e marrëdhënieve tona monetare dhe financiare”, tha Novak.

Presidenti turk, Rexhep Tajip Erdogan ka zhvilluar sot një vizitë zyrtare në Rusia, ku është takuar me presidentin rus Vladimir Putin.

Pas një diskutimi mbi katër orë  me dyer të mbyllura  në Soçi, dy liderët ranë dakord që Turqia ta paguajë Rusinë me monedhën ruse rubla, për një pjesë të  gazit rus, me të cilin Ankaraja furnizohet, shkruan CNN.

“Në procesin e negociatave, presidentët ranë dakord që do të fillonin pagesën në rubla për furnizimet e pjesshme të gazit,” u tha gazetarëve zëvendëskryeministri rus Alexander Novak pas takimit, shkruan abcnews.al.

“Po flasim për kalimin në monedhat kombëtare dhe në fazën e parë, një pjesë e furnizimeve do të paguhen në rubla ruse. Dhe kjo është me të vërtetë një fazë e re, mundësi të reja, duke përfshirë zhvillimin e marrëdhënieve tona monetare dhe financiare”, tha Novak.

Mediat ndërkombëtare jehonë Dua Lipës dhe performancës së saj në Prishtinë

Këngëtarja shqiptare me famë ndërkombëtare, Dua Lipa është kthyer në kryefjalën e mediave të huaja. Shkak për këtë është bërë performanca e saj në natën e parë të “Sunny Hill” në Prishtinë, ku këndoi disa nga hitet e saj më të njohura.

‘DailyMail’, ‘Harper’s Bazaar’, ‘W Magazine’, ‘Yahoo’  dhe shumë media të tjera kanë shkruar për Duan, duke nxjerrë në pah edhe veshjen e saj të punuar nga marka ‘Valentino’.

Prestigjozet kanë përshkruar edhe festivalin që familja Lipa e organizojnë nga viti 2018, duke dhënë detaje tepër interesante.

Kujtojmë që këtë të premte, Dua u nderua nga presidentja e Kosovës, Vjosa Osmani, me titullin Ambasadore Nderi e Republikës së Kosovës. Kjo për të gjithë promovimin që i ka bërë Kosovës përgjatë këtyre viteve.

Gjendet i vdekur 60-vjeçari në Tiranë, dyshohet se …

Një 60-vjeçar është gjetur i pajetë rreth orës 18:55, në banesën e tij në rrugën “Agush Gjergjevica”, Tiranë.

Trupi i pajetë i shtetasi me inicialet B. Z. është gjetur nga familjarët, ndërsa dyshimet e para janë se 60-vjeçari ka vrarë veten me armë zjarri.

Grupi hetimor ndodhet në vendngjarje dhe po punon për sqarimin e rrethanave të ngjarjes.

Ushtria serbe në gjendje të lartë gatishmërie, inspektohen trupat pranë kufirit me Kosovën

Shefi i Shtabit të Përgjithshëm të Forcave të Armatosura të Serbisë, gjenerali Milan Mojsiloviç, me bashkëpunëtorët e tij më të afërt, ka vizituar sot pjesën e Ushtrisë serbe të angazhuar në kontrollin e Zonës së Sigurisë Tokësore dhe sigurinë e vijës kufitare me Kosovën.

Sipas njoftimit të Ministrisë së Mbrojtjes së Serbisë, “gjenerali Mojsiloviç ka inspektuar nivelin e gatishmërisë luftarake të Forcave të Armatosura të Serbisë në zonën e bazave ushtarake ‘Tabalije’ dhe ‘Rudnica’ dhe aftësinë e tyre për të reaguar shpejt në rast nevoje dhe për të garantuar paqen dhe sigurinë në këtë pjesë të vendit”.

“Në dritën e ngjarjeve të fundit në ‘krahinën tonë jugore’ të shkaktuara nga lëvizjet e njëanshme të ‘institucioneve të përkohshme të vetëqeverisjes në Prishtinë’, gjenerali Mojsiloviç shprehu kënaqësinë e tij për gatishmërinë e lartë luftarake të forcave të Forcave të Armatosura Serbe dhe faktin që Ushtarët dhe oficerët e angazhuar janë të gatshëm, të motivuar dhe të trajnuar për të kryer çdo detyrë të caktuar nga atdheu i Serbisë”, thuhet në njoftim.

Sipas njoftimit, gjatë vizitës në bazat në Zonën e Sigurisë Tokësore, Shefi i Shtabit të Përgjithshëm të Forcave të Armatosura shoqërohej nga gjeneralë që janë në pozita të larta në hierarkinë e ushtrisë serbe.

Gjatë ngjarjeve të ndodhura në veri të Kosovës, përkatësisht në kufirin Kosovë-Serbi pas paralajmërimeve nga Qeveria e Kosovës se që nga 1 gushti, do të niste zbatimi i reciprocitetit me Serbinë për targat dhe letërnjoftimet, ishte raportuar se presidenti serb Aleksandar Vuçiç kishte vizituar Shtabit të Përgjithshëm në Bajnicë, në lidhje me “marrjen e një vendimi për të reaguar ndaj tensioneve të krijuara në veri të Kosovës”.

Mirëpo, Thomas Theiner, një ish-anëtar i ushtrisë italiane dhe “ekspert për çështje të Luftës së Ftohtë” dhe strategjisë së mbrojtjes së Aleancës, një ditë pas zhvillimeve në veri të Kosovës, ku serbët vendosën barrikada, duke kundërshtuar masën e reciprocitetit, ka thënë se Presidenti serb Aleksandar Vuçiç ka marrë një mesazh të qartë nga NATO, përmes një oficeri të Shtabit të Përgjithshëm të dielën në mbrëmje.

“Mendoj se oficerët e Shtabit të Përgjithshëm të Serbisë mbrëmë i kanë shpjeguar presidentit Vuçiç se nëse ai guxon të sulmojë Kosovën, aeroplanët luftarakë të NATO-s do të reagojnë brenda pak orësh”, ka shkruar fillimisht Theiner në Twitter.

Partizani prezanton trajnerin e ri, nënshkruan me Gerd Haxhiun

Gerd Haxhiu do të jetë pjesë e Partizanit për sezonin e ri sportiv 2022-2023.

Haxhiu do të drejtojë ekipin e U-21, ndërsa vjen te të kuqtë pas një eksperience të madhe që do ta vendos në shërbim të akademisë.

“FK Partizani njofton zyrtarizimin e Gerd Haxhiu në krye të ekipit të moshave U-21. Haxhiu me një eksperiencë të madhe si trainer rikthehet në familjen e kuqe, tashmë si pjesë e rëndësishme e strukturave të trainingut pranë Akademisë së Futbollit Partizani.

Ekipi U-21 do të startoj zyrtarisht përgatitjet në datën 8 gusht ora 10:00 në ambientet e kompleksit sportiv Partizani. Në kuadër të riorganizimit të skuadrës klubi është i hapur dhe mirpret element të kësaj moshe, të cilët dëshirojnë ti bashkohen familjes së kuqe”, thuhet në reagim e Partizanit. /zoom.al/

Misteret e vrasjes së shqiptarit në Itali, 2 pyetjet që po “mundojnë” hetuesit

Për të gjetur vrasësin e Shefki Kurtit, 72-vjeçarit shqiptar që u gjet i copëtuar në Itali, hetuesit duhet t’i përgjigjen dy pyetjeve: Pse dhe ku u vra i moshuari?

Por gjithashtu ku e copëtoi vrasësi kufomën e 72-vjeçarit shqiptar të gjetur në Adigetto më 28 korrik.

Inspektimet e ekspertëve të mjekësisë ligjore vijojnë, ndërsa shtëpia e shqiptarit në Badia Polesine është sekuestruar në cilësinë e provës materiale.

Në banesën e cila ndodhte në via Ghirardini 78, sipas burimeve nga grupi hetimor, po kërkohen gjurmë gjaku.

Pas një kontrolli fillestar, ushtarët e Risit do të kthehen sërish për të bërë kontrolle të tjera.

Hetuesit po kërkojnë gjurmë gjaku pasi copëtimi i një trupi kërkon gjakderdhje të madhe. Është e pamundur që vrasësi të pastronte vendin e ngjarjes nëse trupi do të ishte copëtuar atje ku u gjetën gjymtyrët.

Duket se vrasja nuk është kryer nga një profesionist.

Kufoma e gjymtuar u gjet disa ditë pas zhdukjes së 71-vjeçarit më 24 korrik.

Vrasësi as nuk u përpoq të hiqte qafe pjesët më të dallueshme të viktimës, siç bëjnë zakonisht vrasësit me përvojë. Aq sa u gjet koka dhe dukej qartë edhe një tatuazh në lëkurën e të moshuarit, elementë që lejuan menjëherë të afërmit ta njihnin.

Megjithatë mbetet ende mister vendi i saktë ku është kryer një vrasje kaq e tmerrshme.

Sipas dëshmisë së fëmijëve, Alketa dhe Arben, Shefkiu nuk kishte armiq.

Por, sipas hetuesve italianë dikush, në realitet, duhet ta ketë urryer shumë Shefki Kurtin, deri në atë pikë sa ta vrasin pa mëshirë, duke bërë trupin copa-copa dhe më pas duke e hedhur në kanal me shpresën se nuk do të gjendej kurrë.

Autopsia duhet të zbulonte edhe armën e vrasjes si dhe atë të përdorur për copëtimin e trupit. Duke pasur parasysh prerjet e pastra, mund të jetë një sharrë rrethore.

Hetuesit po gërmojnë jetën e viktimës dhe familjes së tij dhe financat e 71-vjeçarit, të cilat rezultojnë se janë mesatare. Pra, pyetja që po i mundon hetuesit është se cili do të ishte motivi që armatosi dorën vrasëse?

“Pamë skafin burri më tha merr policinë”/ Një tjetër dëshmitare flet për tragjedinë në Himarë

Një pushuese tjetër ka dhënë dëshminë e saj lidhur me ngjarjen e rëndë të ndodhur në Himarë, ku humbi jetën 7-vjeçarja Jonada Avdia.

Në dosjen e prokurorisë së Vlorës është dhe dëshmia e një pushueseje, e cila gjithashtu shprehet e shqetësuar për praninë e skafit para se të ndodhte vrasja e vajzës së mitur.

Shtetasja me iniciale S.M. tregon se bashkëshorti i kishte thënë të lajmëronte policinë për ta larguar skafin, por sapo kishte dalë nga uji ka ndodhur dhe ngjarja tragjike.

“Rreth orës 14:00 isha në det bashkë me bashkëshortin dhe po dilnin nga uji. Pamë se pas nesh ndodhej një skaf që po rrotullohej dhe gjendej në afërsi të bregut. Bashkëshorti më kërkoi që të lajmëroja policinë për të larguar skafin dhe ndërkohë që do dilja nga uji, dëgjova njerëzit që po bërtisnin. Kur ktheva kokën pash skafin e ngritur në mënyrë vertikale dhe pastaj situata doli nga kontrolli. Më pas pash goditjen që i ndodhi vajzës së vogël nga skafi dhe babai i vajzës bërtiste që të ndalonte”, ka thënë dëshmitarja e ngjarjes së rëndë në Himarë, ku 7-vjeçarja Jonada Avdia u vra nga skafi që drejtohej nga polici Arian Tase.

Antwerp firmos me sulmuesin shqiptar që spikati te Drita

Royal Antwerp ka zyrtarizuar pak më parë afrimin e sulmuesit Arbnor Muja.

Sulmuesi shqiptar ishte një lojtar i njohur për belgët, të cilët e patën kundërshtar në dy ndeshjet e Ligës së Konferencës kundër Dritës.

23-vjeçari ka firmosur një kontratë 3-vjeçare me opsion rinovimi edhe për një tjetër vit.

Lajmin e ka konfirmuar vetë klubi i Antwerp-it përmes faqes zyrtare, ndërsa në rrjetet sociale ka shpërndarë foto të Mujës me mbishkrimin:

“Arbnor Muja është i kuq“. Një hap i rëndësishëm për lojtarin shqiptar, që tashmë do të ketë mundësinë të luajë në nivele më të larta të futbollit. /zoom.al/