Day ArchiveMinistrat dhe kryebashkiakët e Edi Ramës me mizë

Prej vitesh media ka nisur ta humbasë misionin e saj për të përcjellë te publiku atë që ndodh në realitet me pushtetin apo dhe me ngjarje të tjera me interes për qytetarët.

Kjo jo vetëm për fajë të saj, që duket se është dorëzuar përballë këtij realiteti të ri, por më së shumti të vetë pushtetit dhe aktorëve të tjerë, të cilë ngjarjet dhe aktivitetet tashmë i servirin të gatshme, jo më nëpërmjet kasetave, por nëpërmjet transmetimeve rrjeteve të tyre sociale dhe linqeve.

Kohët e fundit pushtetarët e “kasetave të gatshme” kanë perfeksionuar teknologjinë, duke përdorur regji qendrore dhe pajisje tejet të kushtetueshme që as televizionet  me emër nuk i përdorin.

Shquhet për këtë kryebashkiaku Erion Veliaj që gjithçka e bën me regji qendrore dhe veç kësaj nuk harron anën estetike. Ai ka një grup prej më shumë se 5 vetash që kujdesen për imazhin, me filmime, fotografi e çdo proces tjetër multimedial. Një skuadër të tillë, që paguhet me taksat e qytetarëve të Tiranës, nuk e kanë as televizionet më të mëdha në vend.

Prej kohësh ai ka hequr dorë nga mikrofonët akullore dhe mban me vete mikrona mizë që e vendosin në trup.

“Miza” luksoze është përhapur tashmë edhe te të tjerët, ku duket si një konkurrencë mes ministrave të qeverisë.

ZOOM.al bëri një vëzhgim ku shfaqen ministret si Belinda Balluku, Ogerta Manastirliu, apo dhe Frida Krifca. Bie në sy Balluku që pajisjeve u ka shtuar dhe dron për të bërë filmime sa më të bukura.

I vetmi që i ka rezistuar kësaj teknologjie të re, është kryeministri Edi Rama, që ende vazhdon të përdorë mikrofonin akullore me stativ krahë. Por gjithësesi ai mbetet lider edhe në këtë aspekt, pasi është i vetmi në kabinetin qeveritar që ka televizion privat, ERTV-në.  /Zoom.al

Autogoli i Olta Xhaçkës me biznesin e burrit, alibia e Spiropalit dhe urdhri absurd i Ramës!

Në ditën kur duhet të ishte e pranishme dhe të shoqëronte kryeministrin Edi Rama në samitin e Brukselit nga ku varej fati i negociatave me BE-në dhe të lobonte, kryediplomatja shqiptare Olta Xhaçka preferoi të qëndronte në Shqipëri.

Ajo kishte një mision tjetër, të mbronte bashkëshortin nga akuzat e opozitës për shpalljen me vendim qeverie si investitor.

Mund të jetë hera e parë që një ministre mbron nga aula e Parlamentit bashkëshortin, edhe ai një militant i PD, ish-deputet i saj.

Artan Gaçi, një biznesmen përpara se të bëhej deputet, njihet në Tiranë si Tani i Firences, për shkak të emrit të një lokali të njohur në Myslym Shyri.

Ministrja e Jashtme, Olta Xhaçka në gjatë interpelancës së thirrur nga deputeti demokrat Agron Shehaj, deklaroi në seancën e Parlamentit deklaroi se nuk ishte konflikt interesi dhe se nuk kishte shkelur asnjë ligj, edhe pse kompania në pronësi të bashkëshortit të saj dhe të partneres amerikane të vëllait të saj përfituan statusin e investitorit strategjik si dhe të drejtën e përdorimit të bregut të detit për 30 vjet.

“Nuk është përfituar asnjë qindarkë nga fondet publike dhe asnjë metër truall pronë publike për ndërtimin e këtij hoteli me 5 yje. Çdo qindarkë e këtij investimi është produkt i punës 30-vjeçare si një biznesmen i suksesshëm i papërfshirë në tendera apo prokurime apo asgjë tjetër që ka të bëjë me përfitimin e fondeve publike”, tha Xhaçka.

Më tej ajo “zbuloi” se të vetmin “Konflikt interesi”, pasi “Si investitor strategjik, nuk ka përfituar absolutisht asgjë, përveç sigurisë juridike për të pasur përparësi në lidhjen e kontratës së përvitshme me bashkinë për të vënë shezlong përpara hotelit”.

Në mbrojtje të Xhaçkës, i doli ministrja e shtetit Elisa Spiropali, e cila kishte peshën kryesore të kësaj interpelance te thirrur nga opozita. Ministrja në përpjekje për të mbrojtur kryediplomaten u shpreh se Xhaçka në momentin kur qeveria mori vendimin nuk mori pjesë në mbledhje, pasi kishte konflikt interesi.

“Znj. Spiropali theksoi se Komiteti i Investimeve Strategjike është organi i vetëm vendimmarrës për dhënien e statusit të investitorit strategjik dhe ministrja Xhaçka nuk është anëtar i tij, e rrjedhimisht nuk mund të jetë pjesë e  vendimmarrjes se këtij organi. Lidhur me VKM, znj.Spiropali sqaroi se ministrja Xhaçka ka njoftuar se nuk do të merrte pjesë në mbledhjen e qeverisë kur shqyrtohej ky vendim dhe kjo shkresë e depozituar garanton respektimin e ligjit mbi konfliktin e interesit dhe Kodin e Etikës”, thuhet në njoftimin zyrtar të botuar në faqen ueb të Kuvendit.

Pra sipas kësaj logjike, të gjithë ministrat, së bashku me kryeministrin e kanë ditur se investitori strategjik është bashkëshorti i ministres dhe pavarësisht kësaj nuk ngurruan ta votojnë. Ndërsa alibisë së Spiropalit për Xhaçkën duhet të shihet nëse ekziston kjo shkresë, e mbi të gjitha nëse dhënia e mendimit për çdo institucion, mban ose jo firmën e saj, një praktikë që ndiqet për çdo vendim.

Nëse qeveria e zbaton me përpikëri Kodin e Etikës, do të duhej që ministrja Xhaçka të ndahej nga bashkëshorti e madje as të drekojnë apo darkojnë bashkë. Kjo për faktin se në bazë të ndryshimeve të fundit të Kodit, Rama ka vendosur që ministrave iu ndalohet takimi me biznesmenë.

Çështja Xhaçka do të përfundojë në Gjykatën Kushtetuese, për të interpretuar nëse është në një konflikt interesi dhe mbi të gjitha duhet t’i hiqet ose jo mandati i deputetes. Precedentët kjo Gjykatë i ka, si me rastet e Koço Kokëdhimës dhe të Ilir Beqajt, të cilëve iu hoqën mandatet pasi rezultuan se kishin fituar nga kompanitë e tyre tendera publike.

Ligi per Parandalimin e Konfliktit te interesit

Rastet kur zyrtari wshtw  nw konflikt interesi

Neni 3

4. Konflikti i interesit, i përcaktuar në pikën 1 të këtij neni, përfshin disa përkufizime të tjera, për lloje

të ndryshme të shfaqjes së tij, si më poshtë:

1. a) “konflikt faktik i interesit” është gjendja, ne të cilën interesat privatë të zyrtarit ndikojnë, kanë

ndikuar ose mund të kenë ndikuar në kryerjen në mënyrë të padrejtë të detyrave dhe përgjegjësive të

tij zyrtare;

1. b) “konflikt në dukje i interesit” është gjendja, në të cilën interesat privatë të zyrtarit duken, në pamje

ose në formë, sikur kanë ndikuar, ndikojnë ose mund të ndikojnë në kryerjen në mënyrë të padrejtë

të detyrave apo përgjegjësive të tij zyrtare, por, në fakt, ndikimi nuk ka ndodhur, nuk ndodh ose nuk

ka mundësi të ndodhë:

1. c) “konflikt i mundshëm i interesit” është gjendja, në të cilën interesat privatë të zyrtarit mund të

shkaktojnë, në të ardhmen, shfaqjen e konfliktit faktik ose në dukje të interesit, nëse zyrtari do të

përfshihej në detyra apo përgjegjësi të caktuara;

ç) “konflikt rast për rast i interesit” është gjendja me konflikt interesi, në njërën nga tri llojet e

mësipërme, që shfaqet rast për rast dhe lidhet me një vendimmarrje të veçantë;

1. d) “konflikt i vazhdueshëm i interesit” është gjendja, në të cilën konflikti i interesit mund të shfaqet në

mënyrë të përsëritur dhe/ose të shpeshtë në të ardhmen.

5. “Zotërim aktiv i aksioneve ose i pjesëve në kapital” është ushtrimi i plotë i të gjitha të drejtave, që

burojnë nga pronësia mbi aksionet ose pjesët në kapital.

6. “Zotërim pasiv i aksioneve ose i pjesëve në kapital” është gjendja, në të cilën pronari ruan të

drejtën e përfitimit të fryteve civile të pronësisë, por nuk mund të ushtrojë vetë asnjë veprim tjetër

civil mbi këtë pronë. Të gjitha veprimet e tjera (administrim, zotërim, tjetërsim etj.) kryhen nga një

person i besuar nga pronari, bazuar në një marrëveshje të lidhur ndërmjet tyre, që përcakton kriteret

e përfitimit të fryteve të pasurisë, si dhe të drejta e detyrime të tjera të domosdoshme. I besuari nuk shkëmben asnjë mendim dhe asnjë informacion me pronarin dhe as nuk ndikohet nga ai për kryerjen e këtyre veprimeve me pasurinë. I besuari duhet të veprojë vetëm në të mirën e ruajtjes dhe rritjes së pasurisë, me të njëjtin motivim sikur këto veprime të kryheshin nga vetë pronari. Kufizimet në përzgjedhjen e të besuarit jepen në këtë ligj. Palët, në çdo rast, ruajnë të drejtën e zgjidhjes së kësaj marrëveshjeje. Pronari ka të drejtë të rimarrë, në çdo kohë, të drejtat e kryerjes së veprimeve të tjera civile me pronësinë, kur, sipas këtij ligji, kushtet që e diktuan këtë veprim nuk ekzistojnë më. Të drejtat dhe detyrimet e tjera, të papërmendura më sipër, rregullohen nga Kodi Civil i Republikës së Shqipërisë.

7. “Zyrtar” është çdo person, që kryen detyra dhe ushtron funksione publike, sipas përcaktimit të shkronjave “a”, “b” e “c” të pikës 1 të nenit 4 të këtij ligji.
8. “Institucion publik” është çdo subjekt, i përcaktuar në shkronjat “ç” e “d” të pikës 1 të nenit 4 të këtij ligji.

 

Neni 5

Interesat privatë

1. Interesat privatë të zyrtarit janë ata interesa që përputhen, përmbajnë, bazohen ose burojnë nga:
2. a) të drejta dhe detyrime pasurore të çdo lloj natyre;
3. b) çdo marrëdhënie tjetër juridiko-civile;
4. c) dhurata, premtime, favore, trajtime preferenciale;

ç) negocime të mundshme për punësim në të ardhmen nga ana e zyrtarit gjatë ushtrimit të funksionit apo negocime për çdo lloj forme tjetër marrëdhëniesh me interes privat për zyrtarin, pas lënies së detyrës, të kryer nga ai gjatë ushtrimit të detyrës;

1. d) angazhime në veprimtari private me qëllim fitimi ose çdo lloj veprimtarie, që krijon të ardhura, si dhe angazhime në organizata fitimprurëse dhe jofitimprurëse , sindikata ose organizata profesionale, politike, shtetërore dhe çdo organizatë tjetër;
2. dh) marrëdhënie:
3. i) familjare apo të bashkëjetesës;
4. ii) të komunitetit;

iii) etnike;

1. iv) fetare;
2. v) të njohura të miqësisë apo të armiqësisë;
3. e) angazhime të mëparshme, nga të cilat kanë buruar ose burojnë interesa të përmendur në shkronjat e mësipërme të këtij neni.

Thomas Tuchel ka 6 kërkesa për Chelsea-n, në krye të listës qëndron ylli i Man City-t

Trajneri i Chelseat, Thomas Tuchel do të marrë 200 milionë sterlina për t’i shpenzuar në tregun e transferimeve këtë verë, me pronarin e ri Todd Boehly që thuhet se premton gjashtë nënshkrime të reja.

Amerikani mori klubin nga Roman Abramovich në muajin e kaluar pasi oligarku rus vendosi të shesë klubin e Stamford Bridge në vazhdën e pushtimit rus të Ukrainës dhe sanksioneve të qeverisë britanike.

Tani, Boehly dëshiron të bëjë një deklaratë në dritaren e tij të parë të transferimit në krye dhe, sipas një raportimi në The Telegraph, i ka premtuar Tuchel gjashtë lojtarë të rinj, me kualifikimin në Champions League si objektiv minimal sezonin e ardhshëm.

Ndër objektivat kryesore janë Matthijs de Ligt, Jules Kounde dhe Raheem Sterling, si dhe Jonathan Clauss, Dembele, Richarlison dhe Gabriel Jesus.

Raporti detajon se Tuchel ka mbajtur samite transferimi me pronarin e ri, pasi Blutë synojnë suksesin në sezonin 2022-2023.

Raportet nga Italia thonë se qendërmbrojtësi i Juventusit, De Ligt nuk do të nënshkruajë një kontratë të re me klubin, dhe Blutë janë të interesuar për një lëvizje për holandezin.

Mbrojtësi i Sevillas, Kounde ka qenë një objektiv afatgjatë i Chelseat dhe mund të transferohet në Londrën perëndimore, ndërsa francezi Clauss – aktualisht në Lens – është një opsion në krahun e djathtë.

Më tej në fushë, e ardhmja e Sterling nga City nuk është aktualisht e qartë – ndërsa sulmuesi i Everton, Richarlison është lidhur me një largim nga Goodison Park.

Dembele i Barcelonës – me të cilin Tuchel ka punuar në Borussia Dortmund – thuhet se po shqyrton gjithashtu opsionet e tij, ndërsa Jesus mund të largohet nga City pas afrimit të Haaland. /zoom.al/

Pikëpyetjet e Hamilton, legjenda e F1, Sir Jackie Stewart i sugjeron ti futet industrisë së modës

Lewis Hamilton, mes një sezoni zhgënjimi deri më tani me Mercedes larg ritmit të Red Bull dhe Ferrarit, po përjeton një nga momentet më të vështira të karrierës së tij, për këtë nuk ka dyshim.

Me polemikën e Abu Dhabit që nuk ka dyshim ende në mendjen e tij, shikuesit kanë nxituar të nxjerrin përfundime, me Sir Jackie Stewart që i kërkoi 37-vjeçarit të tërhiqej.

3 herë kampioni i botës Stewart beson se ka ardhur koha që Hamilton të ndalojë dhimbjen dhe të ndjekë interesa të tjera, të përfshihet në industrinë e modës – por cila është rruga e duhur për pilotin?

Daily Mail vlerëson atë që po luhet dhe hedh një vështrim në të dyja anët e medaljes.

Megjithëse Lewis Hamilton nuk ka nevojë të tërhiqet nga Formula 1 për të ‘mbrojtur trashëgiminë e tij’ siç pretendoi Jackie Stewart, ka argumente të forta për të thënë se pse 83-vjeçari ka një pikë për të ardhmen e pilotit të Mercedes.

Hamiltonit iu mohua mizorisht titulli i tetë në Abu Dhabi sezonin e kaluar dhe nëse Mercedes nuk bën përmirësime drastike, ekziston një mundësi reale që ai të mund të mbyll një sezon pa fitore për herë të parë në karrierën e tij.

Shtatë herë kampioni i botës ka shijuar një karrierë madhështore në të cilën ai ka thyer të gjitha rekordet, duke fituar 103 gara dhe duke marrë pole position në po aq raste.

Ekziston një rast i fortë që ai duhet të synojë ende për një kampionat më shumë, një titull që do ta meritonte pasi do të ishte kaq afër të kapërcejë Michael Schumacher dhe të bëhej piloti i vetëm në histori që ka fituar kaq shumë trofe.

Megjithatë, nuk ka siguri që ai do të ketë sërish një makinë që mund të sfidojë për titullin dhe pas asaj që ka arritur në karrierën e tij, nuk ka asgjë për të provuar.

Kampionati i tetë ose jo, ai do të largohet si një nga pilotët më të mëdhenj, nëse jo më të mëdhenjtë e të gjitha kohërave.

Në moshën 37-vjeçare ai po i afrohet një faze të karrierës së tij ku gjithmonë ekziston mundësia e fortë e rënies natyrore.

Schumacher u rikthye në sport në vitin 2010 në moshën 41-vjeçare pas dy vjetësh largimi dhe qartësisht nuk ishte afër të njëjtit pilot që ishte kur u largua për herë të parë nga sporti në të njëjtën moshë që Hamilton është sot. /zoom.al/

Laborator droge brenda anijes, tre shqiptarë në prangat e policisë spanjolle

Garda Civile spanjolle ka çmontuar një bandë shqiptare të trafikut të drogës duke arrestuar 3 persona. Shqiptarët u kapën pasi kishin ngritur një plantacion marihuane me pothuajse 2 mijë bimë brenda një magazine në qytetin e Valencias me vlerë deri në 40 mijë euro.

Droga u gjet krejt papritur kur një agjent i policisë spanjolle kishte hasur në erën e fortë të marijuanës në një magazinë në zonën industriale të qytetit.

Më pas ka mbërritur policia spanjolle ku gjeti plantacionin e drogës në një anije e modifikuar sikur shiste divanë nën mbishkrimin ‘Divanë në masën tuaj’.

Agjentët kontrolluan anijen në prani të pronarit të saj ku u gjetën 3 shqiptarët që kalonin natën brenda anijes dhe prej disa ditësh nuk kishin dalë prej saj.

Ato kishte 4 dhoma të mëdha ku mbante 1900 bimë marijuanë, përveç materialeve të ndryshme të nevojshme për kultivim: 247 llamba, 132 ventilatorë, 269 çakëll, 9 filtra ajri, 9 radiatorë termikë, 10 kohëmatës dhe 7 rezervuarë uji.

Të tre shqiptarët nga 24 deri në 50 vjeç  u arrestuan për krimet për ngritje të grupit kriminal dhe trafikut të drogës.

 

Statusi për Ukrainën dhe Moldavinë, kërcënon Rusia: BE nuk po mendon për pasojat

Rusia ka reaguar sërish sot lidhur me vendimin e Këshillit Europian për ti dhënë Ukrainës dhe Moldavisë statusin e vendit kandidat.

Zëdhënësja e Ministrisë së Jashtme ruse Maria Zakharova tha se vendimi i liderëve të Bashkimit Evropian për të pranuar Ukrainën dhe Moldavinë si kandidatë për anëtarësim do të ketë pasoja negative.

“Duke vendosur për t’i dhënë Ukrainës dhe Moldavisë statusin e vendeve kandidate, Bashkimi Evropian konfirmoi se vazhdon të shfrytëzojë në mënyrë aktive CIS (Komunuelthin e Shteteve të Pavarura) në nivel gjeopolitik, në mënyrë që ta përdorë atë për të frenuar Rusinë. Ata nuk mendojnë për pasojat negative të një hapi të tillë”, tha Zaharova.

“Piva ujë me grusht në tualet”, Iva Tiço rrëfen historinë si mbeti pa lekë në Barcelonë

Gazetarja Iva Tiço ka rrëfyer së fundmi një situatë që i ka ndodhur në udhëtimin e saj në Barcelonë, ku kishte shkuar së bashku me një mikeshë.

Gazetarja rrëfeu se ajo dhe mikesha e saj kishin shkuar me vetëm 30 euro në xhep, nga të cilët 28 euro ajo i kishte shpenzuar për të blerë një aksesor veshjeje. Iva shtoi se në fund nuk i mbetërn para për të blerë as ujë, gjë që e shtyu të pijë ujë në tualet.

“Mua më ka ndodhur me 30 eurshin e fundit në Barcelonë, po futesha nga zona Shengen në zonën jo Shengen dhe ishte një kioskë e vogël e mbaj mend dhe kishte një shall të vogël me qershi. Dhe ai shalli ishte 28 euro, isha me shoqen time të ngushtë e cila ishte zero. Të dyja kishim vetëm 30 euro. Dhe i thashë po marrë këtë shallin dhe të ikim në shtëpi, 2 euro sa për ujë i kemi. U futa bleva shallin dhe monedhn e futa në xhep, pastaj u futëm brenda shkova të bleja ujin dhe kur nxorra monedhën, më kishte dhënë lireta. Ngelëm pa pikë uji. Ajo më thoshte se do të na japin në avion, por unë kisha etje dhe përfundova shkova në banjë, piva ujë me grusht.”- tha ajo në “Ftesë në 5”

Kujtojmë se sa i përket jetës private, Iva Tiço ka treguar më parë në intervista se është në një lidhje dashurie me një partner të huaj, të cilin ka vendosur ta mbajë larg syrit të medias duke mos e zbuluar identitetin e tij.

Iva Tiço është shprehur shpesh se pyetja “Kur do të bësh fëmijë” e lëndon shumë. Madje ajo ka shprehur se në fillimet e lidhjes me partnerin e saj ka shpresuar që ai të kishte një fëmijë. Por Iva Tico u përball pak ditë më parë përsëri me këtë pyetje, dhe kësaj here vendosi të reagojë publikisht.

“Dukesh sikur ke nisur bebe? Ishallah është e vërtetë?”– i ka shkruar një ndjekëse gazetares së njohur, e cila ka publikuar bisedën në Instastory.

Përveçse i është përgjigjur ndjekëses, ajo ka etiketuar edhe Orinda Hutën në storyn e publikuar, duke iu referuar rrëfimit të saj pak ditë më parë mbi ndikimin që kanë pasur këto komente dhe pyetje në jetën e saj.

“Ishallah pse??? Nuk mësuat e s’është pyetje kjo?! @Orindahuta Çfarë po thoje?! Zoti na ruajtë nga të paditurit”- shkroi Tiço. /Panorama Plus

 

“I dha zarfe me para”! Përgjimet e SHISH zbulojnë spiunin në Shqipëri: Si u lidh me zyrtarin?

SHISH publikon përgjimet e një punonjësi të huaj të dyshuar të një agjencie inteligjente të një vendi jomik dhe me mbulesë diplomatike, të cilin e quan me nofkën “Rezidenti”.

Në raportin e SHISH thuhet se nga përgjimet ka rezultuar se “Rezidenti” kishte kontakte me qytetarë shqiptarë, por edhe me punonjës të administratës qendrore e lokale, ku synimi ishte që të kishte qasje dhe të mundësonte takime në zyra institucionesh që administrojnë informacion të klasifikuar, duke shmangur mbikëqyrjen nga struktura të sigurisë.

Pjesë nga raporti i SHISH:

Gjatë monitorimit të aktivitetit të një punonjësi të huaj të dyshuar të një agjencie inteligjente të një vendi jomik dhe me mbulesë diplomatike që, në këtë rast, po e quajmë me nofkën “Rezidenti”, u evidentua aktivitet i ngjeshur në kontakte me qytetarë të ndryshëm të vendit tonë, midis të cilëve edhe me punonjës të administratës qendrore e lokale, për shkak të funksionit diplomatik që përdorte si mbulesë. Përparësia i këtij operativi është njohja e gjuhës shqipe dhe zhdërvjelltësia në krijimin e kontakteve. Është vënë re prirje e tij për të pasur qasje dhe për të mundësuar takime në zyra institucionesh që administrojnë informacion të klasifikuar, si dhe veprime për të shmangur mbikëqyrjen nga struktura të sigurisë.

Dyshimet e para se “Rezidenti” kishte nisur një operacion të mundshëm rekrutimi erdhën pas frekuentimit të disa kabinave publike telefonike, në orare të përafërta në ditë të caktuara të muajit, të cilat realizoheshin pas lëvizjeve në rrugët e qytetit në këmbë dhe me automjet, për t’u siguruar që të ishte jashtë rrezes së monitorimit të strukturave të specializuara.

Pritësi i thirrjeve telefonike ishte një shtetas shqiptar, punonjës në institucionin qendror A. Punonjësin këtu po e quajmë me emrin “Çelësi”.

Në një rast, në vigjilje të Vitit të Ri, “Rezidenti” komunikon me “Çelësin” dhe i kërkon një takim për ta uruar për festat e fundvitit.
Nisur nga kjo situatë, u ndërmorën disa veprime të kualifikuara për të dokumentuar takimin dhe për të vlerësuar nivelin e marrëdhënieve mes tyre. Duke e vlerësuar “Rezidentin” si profesionist, i cili kishte mundësi të vogla për të gabuar, u planifikuan detyra operative për verifikimin e figurës dhe monitorimin e aktivitetit të “Çelësit”. Po, ashtu, u morën masa për të verifikuar qasjen e “Çelësit” në informacion të klasifikuar “Sekret Shtetëror” si dhe të dhëna për ndryshimin e sjelljes së tij në rutinën e përditshme të punës. Të dhënat e para treguan se “Rezidenti” i kishte frekuentuar shumë rrallë ambientet e zyrës ku punonte “Çelësi” dhe, në dukje, nuk kishte shprehur ndonjë interes të veçantë në drejtim të “Çelësit”.

SHISH-i mësoi se “Çelësi” ishte njohur me “Rezidentin” në një nga aktivitetet e zhvilluara nga një përfaqësi diplomatike, ku shkëmbyen numrat e telefonit pas takimit të rastësishëm. Kohë më vonë, “Rezidenti” ishte shfaqur në zyrën e “Çelësit”, i cili për momentin u ndodh i vetëm, dhe e kishte pyetur për vendndodhjen e përfaqësuesit të marrëdhënieve me jashtë të institucionit. Duke përfituar nga kjo situatë, “Rezidenti” e ftoi për kafe në një nga baret me pak frekuentim në afërsi të institucionit. “Çelësi” pranon të konsumojë kafen, por në biseda nuk u vu re ndonjë temë konkrete interesi. Bisedat ishin të karakterit të përgjithshëm, rreth familjes, arsimit, ambientit të punës dhe problematikat e përgjithshme. Në përfundim, “Rezidenti” e fton për një drekë jashtë qytetit, duke përcaktuar orën dhe ditën, si dhe i kërkon disa të dhëna që, në kontekstin e detyrës së “Çelësit” nuk përbënin ndonjë çështje sekreti.

“Çelësi” pranoi të takoheshin për drekë, për t’u njohur më mirë dhe për të shfrytëzuar këtë kontakt “diplomatik” me synim shkollimin me bursë studimi që ofronte shteti i “Rezidentit” për djalin e tij. Gjatë drekës, “Rezidenti” krijoi një njohje më të plotë të profilit personal dhe të punës, të aksesit të “Çelësit” ndaj informacionit të klasifikuar, duke i premtuar se do ta ndihmonte për shkollimin e djalit. “Çelësi” u ankua se, me të ardhurat si nëpunës, e kishte të pamundur shkollimin e djalit jashtë vendit dhe i shprehu mirënjohjen për ndihmën e ofruar.

“Rezidenti” i thotë se asgjë nuk ishte e pamundur nëse ky do të ofronte ndihmë dhe të mblidhte disa informacione që nuk do të cenonin detyrën e tij funksionale. Pas një ngurrimi të shkurtër, “Çelësi” ra dakord në parim për ta ndihmuar dhe “Rezidenti” i kërkoi disa informacione, duke i siguruar edhe një pajisje elektronike për hedhjen e tyre. “Rezidenti” i përcaktoi edhe takimin e radhës për darkë, në një zonë dhe lokal tjetër, jashtë qytetit.

Në takimet e radhës, të organizuara në mënyrë të paracaktuar apo nëpërmjet telefonatave nga kabina të telefonave publikë, “Rezidenti” i ka dhënë zarfe me shuma të ndryshme të hollash “Çelësit”. Gjithashtu, ka paguar gjithmonë faturat e shpenzimeve. Fshehtësinë e takimeve të tilla “Rezidenti” e ka justifikuar me arsyetimin se e bën për të mbrojtur “Çelësin” dhe prandaj i ka dhënë edhe një numër tjetër telefoni, ku ai të komunikonte në raste urgjente. Për arsye të mbrojtjes së aktivitetit, burimeve dhe ngjashmërisë me një rast specifik, SHISH-i nuk mund të publikojë të plotë vijimin dhe përfundimin e kësaj situate.

Çfarë po ndodh me arsimin në Shqipëri? Vetëm 4 nota “dhjetë” nga rreth 30.000 maturantë

Këtë të premte janë publikuar notat e provimit të Gjuhës Shqipe dhe Letërsisë për maturën shtetërore.

Portali studentor ka dhënë një njoftim dhe bëhet me dije se nga 29 731 maturantë pjesëmarrës në testim, vetëm 4 kanë arritur të marrin notën maksimale, 10.

Rezulton nga të dhënat se 383 maturantë kanë marrë notë jo kaluese, ndërkohë që nota mesatare e përgjithshme është 7.45.

“Ky ishte provimi i gjuhës shqipe dhe letërsisë, të cilin e kryen në total 29731 maturantë. 383 maturantë kanë marrë notën 4.00, duke ngelur, ndërsa 4 maturantë kanë arritur të marrin notën 10.00, duke rezultuar ekselentë.

Kalueshmëria për këtë provim është 98.71% ndërsa nota mesatare është 7.45”, thuhet në njoftim.

Ankesat për provimin e biologjisë, Kushi pranon se cilësia e tezës ishte e dobët?

Ministria e Arsimit Evis Kushi ka publikuar skemën e vlerësimit për testin e biologjisë në provimin me zgjedhje në maturën shtetërore dhe bashkë me të edhe një sqarim për maturantët.

Kushi shprehet se i ka marrë të gjithë mesazhet e maturantëve dhe ka ndjekur me vëmendje shqetësimet e tyre.

Ajo thekson se për çdo rast do të merren masat e nevojshme që maturantët të vlerësohen sipas meritës dhe nivelit të arritjeve.

“Të dashur maturantë, i kam marrë të gjitha mesazhet tuaja dhe i kam ndjekur me vëmendje shqetësimet në lidhje me testin e biologjisë”, shkruan Kushi.

Ajo ka shtuar se po konsultohet me mësues dhe ekspertë të fushës për të vlerësuar cilësinë e testit.

“Për çdo rast, ju sigurojmë që do të marrim të gjitha masat e nevojshme që ju të vlerësoheni sipas meritës dhe nivelit të arritjeve. Suksese!”, përfundon Kushi.

Ky reagim vjen pasi shumë maturantë të cilët sot kryen provimin e Biologjisë (lëndë me zgjedhje) u ankuan për pyetjet dhe faktin se provimi ishte jashtë temave të mësuara në shkollë.