Day ArchiveParalajmërimi i Lavrov: Ekziston rreziku real për një luftë të tretë botërore

Ministri i Jashtëm rus Sergei Lavrov paralajmëroi për rrezikun “real” të një lufte të tretë botërore.

“Vullneti i mirë ka kufijtë e tij. Dhe nëse nuk është reciproke, nuk ndihmon procesin e negociatave. Por ne vazhdojmë të zhvillojmë negociata me ekipin e deleguar nga presidenti ukrainas Volodymyr Zelensky, këto kontakte do të vazhdojnë”, tha Lavrov, për të cilin “lufta bërthamore është e papranueshme”.

Ai gjithashtu theksoi se duke ndihmuar Ukrainën ka hyrë efektivisht në luftë me Rusinë.

“NATO, duke armatosur Ukrainën, hyn efektivisht në një luftë me prokurë kundër Rusisë”, – deklaroi mbrëmjen e sotme Ministri i Jashtëm rus Serghei Lavrov.

 

Mbyllen zgjedhjet në Shkodër dhe Korçë, zgjidhen kryetarët e rinj të degëve të PD-së

Është mbyllur procesi i zgjedhjeve për kryetar të degëve të Partisë Demokratike edhe në Shkodër dhe Korçë. Komisioni i Organizimit të Zgjedhjeve bëri të ditur se pas numërimit të votave në Shkodër fitoi Gjenarin Kacari me 792 vota.

Në fakt gara për kryetar të kësaj dege ishte e fortë, pasi kandidati tjetër, Arben Lushaj siguroi 629 vota.

Komisioni njoftoi gjithashtu se është mbyllur procesi për zgjedhjen e kryetarit në PD Dega Korcë, ku pas numërimit të fletëve të votimit, ndërmjet 4 kandidaturave, fitues u shpall Devis Osmani me 48% të votave

Dybala dhe Kean përmbysin Sassuolo-n, hipotekohet Champions

Në epilog të javës së 34-të, Juventus mundi me përmbysje 2-1 Sassuolo-n dhe “blindoi” vendin e katërt dhe kualifikimin në Champions League, duke iu afruar shumë Napolit, -1 nga vendi i tretë.

Pjesa e parë e foli për vendasit dhe ndeshja u zhbllokua nga Raspadori në minutën e 39′, objekt i dëshirës së bardhezinjve për merkaton e verës.

Në të 45′ vjen goli i barazimit me sulmuesin Dybala, që tundi rrejtën me të majtën nën.

Në pjesën e dytë hyn edhe Vlahovic, por është Kean ai që gjen golin e fitores në minutën e 88-të, duke mposhtur portierin me një goditje kirurgjikale.

Me këtë sukses, Zonja shkoi +8 pikë ndaj Romës e pesta dhe +10 ndaj Fiorentinës, e cila ka një ndeshje më pak. /zoom.al/

“Më rrezikohet jeta e djemve”, çfarë deklaronte në 2020 pronari i hotelit që sot iu plagos djali?

Pas ngjarjes së rëndë që ndodhi në hotel Voloreka në 2020, Jetmir Muçllari ishte i sigurtë se autorët që gjuajtën më shumë se 100 plumba në drejtim godinës së hotelit dhe makinave të parkuar në oborr, nuk do të mjaftoheshin me kaq.

Për mediat në atë kohë Muçllari teksa rrëfeu ngjarjen e rëndë, deklaroi hapur se jeta e djemve të tij ishte e rrezikuar.

“Ngjarja ndodhi ne oren 4:40 minuta. Kane qene dy persona ne kembe, te cilet kane qelluar me kallashnikove, duke shkehur disa karikatore ne drejtim te makinave te parkuara dhe hotelit. Atentatoret kane qelluar disa here ne drejtim te dhomes ku flinte djali dhe dy dhomave ku ishin turiste. Nga plumbat nuk ka persona te lenduar. Fillimisht autoret qelluan ne drejtim te rojes se hotelit, duke i kerkuar qe te mos levizte.

Plumbat demtuan dy makinat e mia dhe te djalit dhe 4 mjete te turisteve. Jemi te kercenuar si familje. Kerkojme mbrojtje nga policia. Dyshoj se objektiv i atentatit te sotem dhe atij qe ndodhi para nje jave ka qene djlali im. I kam denoncuar me emra autoret, por policia nuk po vepron. Kerkoj azil për dy djemte, pasi ketu ju rrezikohet jeta”, deklaroi asokohe Muçllari.

 

Arsenal synon të përforcohet me yllin e Serie A

Arsenal ka shfaqur interes për t’u përforcuar në merkaton e verës me sulmuesin e Napolit, Victor Osimhen.

Klubi nga Londra është duke kërkuar që të përforcohet me një sulmues për sezonin e ardhshëm, pasi trajneri Arteta nuk është i kënaqur me organikën dhe ka futur me rreth të kuq yllin e Napolit.

“Topçinjtë” pritet të kualifikohen në Champions League sezonin e ardhshëm dhe synojnë të ndërojnë një skuadrës kompetitive.

Sipas “CBS”, Arsenali është në bisedime për të nënshkruar me Osimhen, i cili vlerësohet si një prej sulmuesve më të mirë të Serie A.

???? Arsenal are in talks to sign Victor Osimhen but will have to pay Napoli at least £67m for the striker this summer.

(Source: CBS) pic.twitter.com/CsunhqHEct

— Transfer News Live (@DeadlineDayLive) April 25, 2022

“Topçinjtë” duhet t’i paguajë Napolit të paktën 67 milionë sterlina për të siguruar shërbimet e 23-vjeçarit.

Sulmuesi nigerian me napolitanët ka kontratë të vlefshme deri më 30 qershor 2025 dhe Aurelio De Laurentiis, nuk ka ndërmend të heq dorë nga shërbimet e tij, teksa e cilëson si një lojtar tepër të rëndësishëm. /zoom.al/

Elon Musk bëhet pronar i “Twitter-it” për shifrën marramendëse

Elon Musk do të jetë pronari i ri i “Twitter” me një marrëveshje që kap vlerën e 44 miliardë dollarëve.

Marrëveshja vjen pasi Musk zbuloi javën e kaluar se ishte gati per te financuar 46.5 miliardë dollarë për të blerë kompaninë.

Bordi i Tëitter u mblodh të dielën për të vlerësuar ofertën e Musk.

Musk ka nënvizuar vazhdimisht ditët e fundit se qëllimi i tij është të forcojë fjalën e lirë në platformë dhe të punojë për të zhbllokuar potencialin e jashtëzakonshëm të Tëitter.

“Kam investuar në Twitter pasi besoj në potencialin e tij për të qenë platforma për fjalën e lirë në mbarë globin dhe besoj se liria e fjalës është një imperativ shoqëror për një demokraci funksionale”, tha Musk. “Megjithatë, që kur kam bërë investimin tim, tani e kuptoj se kompania as nuk do të lulëzojë dhe as nuk do t’i shërbejë këtij imperativi shoqëror në formën e tij aktuale. Tëitter duhet të transformohet si një kompani private.”

 

Mbyllet numërimi në Lezhë dhe Vaun e Dejës, ja kush janë fituesit e zgjedhjeve në PD

Ka përfunduar procesi i numërimit të votave për kryetar të degëve të Partisë Demokratike në Lezhë dhe Vaun e Dejës.

Komisioni i Organizimit të Zgjedhjeve bën të ditur se pas numerimit të 784 votave të gjetura në kutite e votimit, fitues i garës për kreun e ri te Partise Demokratike ne Lezhe është Arben Ndoji, i cili ka marre 578 vota.

Dy garuesit e tjere Anton Gjoni dhe Alen Kola kane marre respektivisht 116 dhe 85 vota.

Komisioni i Organizimit dhe Kontrollit të Operacioneve Elektorale të Partisë Demokratike njofton  gjithashtu se është mbyllur procesi për zgjedhjen e kryetarit në PD Dega Vau Dejës.

Pas numërimit të fletëve të votimit, Kryetar i PD Vau Dejës u shpall Benard Ndreca me 69% të votave.

Tronditet Londra, vriten brenda banesës tri gra dhe një burrë

Katër persona janë gjetur të vrarë me thikë në një shtëpi në juglindje të Londrës, ndërsa policia ka vënë në pranga si autor të dyshuar një 20-vjeçar.

Viktimat, 3 gra, 60 vjeç, 40 vjeç dhe 30 vjeç dhe një burrë 60 vjeç, të cilët kishin njohje me njëri-tjetrin, u gjetën nga policia në orët e para të ditës së sotme, pasi fqinjët informuan autoritetet për një “trazirë” në Southëok, një lagje në jug të Thames.

Ende nuk është sqaruar se cila ishte marrëdhënia mes viktimave dhe autorit dhe as cili ishte shkaku i krimit të rëndë.

Mamaja e Chris Rock flet pas incidentit/ Shuplaka na goditi të gjithëve

Nëna e Chris Rock ka folur për incidentin në të cilin ishte përfshirë djali i saj dhe Will Smith. Rose Rock në një intervistë për stacionin lokal të lajmeve të Karolnës së Jugut WIS-TV diskutoi për momentin kur Smith doli në skenën e Oscars dhe goditi Chrisin, duke iu kundërpërgjigjur një shakaje që ai bëri për kokën e rruar të gruas së Smithit, Jada Pinkett Smith, shkruan The People.

“Kur ai goditi Chrisin, na goditi të gjithëve. Ai vërtetë më goditi mua. Sepse kur dikush e lëndon fëmijën tim, ai më lëndon mua. Askush nuk e dëgjoi fjalimin e tij”, ka thënë ajo.

Pas paraqitjes së parë pas skandalit, Chris tha se ende është duke e procesuar se çfarë realisht ka ndodhur, duke shtuar se “ndoshta do të flas për audiencën dhe fansat në një moment tjetër më serioz”, ka thënë ai./L.K

/Zoom.al

I bënë atentat me armë zjarri djalit të biznesmenit, dalin fotot e autorëve në arrati

Personat që shihni në foto janë autorët e dyshuar të plagosjes së Joan Muçllarit, djali i biznesmenit Jetmir Muçllarit. Bëhet fjalë për Firdeus Berberin, 21 vjeç dhe Greis Maxharin, 23-vjeç. Ngjarja ndodhi pasditen e sotme në Pogradec.

Mësohet se 22-vjeçari është qëlluar me thikë afër kokës dhe me pistoletë në këmbë nga dy të rinjtë.

Muçllari pasi u paraqit në spitalin e Pogradecit me këmbët e veta, iu nënshtrua ndihmës mjekësore, dhe më pas u nis me urgjencë drejt Tiranës për shkak të plagëve të marra.

Ndërkohë që Berberi dhe Maxhari janë shpallur në kërkim nga policia.

Kujtojmë se familja Muçllariu ka qenë edhe herë të tjera pjesë e disa sulmeve kriminale, ku disa persona  kanë hapur zjarr me kallashnikov ndaj hotelit në pronësi të tyre në Tushemisht, madje në mes të sezonit turistik.

Në gusht të 2020-ës persona të paidentifikuar hapën zjarr me kallashnikov, duke qëlluar me 100 plumba në drejtim të hotelit, por fatmirësisht nuk pati të lënduar. Ky ishte sulmi i dytë brenda një jave në këtë biznes.