Day ArchiveHistoria personale e Will Smith, mund të shpjegojë veprimin e tij në Oscar

Historia personale e jetës së aktorit, Will Smith, mund ta shpjegojë deri diku veprimin e tij të dhunshëm karshi kolegut, Chris Rock, në ceremoninë e së dielës.

Në librin autobiografik të publikuar në nëntor të vitit 2021, Smith e përshkruan me hollësi dhunën që nëna e tij Caroline e kishte përjetuar nga babai i aktorit, William, për të cilën ai bashkë me motrat dhe vëllezërit e tij kishin qenë dëshmitarë, raporton “The Guardian”.

“Kur isha 9-vjeçar, e kam parë babanë duke e goditur nënën time në kokë aq shumë, sa ajo i humbi ndjenjat. E pash teksa pështynte gjak nga goja. Ai moment në dhomën e gjumit, ndoshta më shumë se cilido moment i jetës sime, më ka bërë burrin që jam sot”, ka shkruar ai.

Smith shkroi se nuk ishte vetëm dhuna që e traumatizoi, por fakti se ai nuk kishte bërë asgjë për ta ndalur atë.

“Brenda çdo gjëje që kam bërë që atëherë, çmimet dhe vlerësimet, vëmendja e publikut, personazhet që i kam luajtur dhe të qeshurat që i kam shkaktuar, kanë qenë një mënyrë delikate për t’i kërkuar falje nënës sime për mosveprimin tim atë ditë. Për faktin se nuk i dola në mbrojtje në atë moment. Dështimin për t’i bërë ballë babait tim. Për faktin se u tregova frikacak”, deklaroi ai.

Prindërit e Smithit u ndanë në vitin 2000. Aktori e mbajti një lidhje të afërt me të atin, por tha se urrejtja ndaj tij u rishfaq kur ai u diagnostikua me kancer. Will i cili ishte kujdestar i tij, kishte deklaruar se në një moment i kishte shkuar në mendje ta vrasë atë.

“Si fëmijë, gjithmonë i thosha vetes se një ditë do të hakmerresha për nënën time. Në një moment, ishim në majë të shkallëve dhe lehtësisht mund ta shtyja atë poshtë dhe të shpëtoja pa u ndëshkuar. Por falë Zotit, ne gjykohemi nga veprimet tona dhe jo nga shpërthimet tona të brendshme të nxitura nga traumat”, kishte shkruar aktori në librin e tij.

Smith është shprehur se dashuria të bën të bësh gjëra të çmendura, si dhe i vjen keq që nëna e tij u desh ta shikonte një moment të tillë nga shtëpia./L.K

/Zoom.al

Shpresë për paqe, nesër bisedimet mes Rusisë dhe Ukrainës në Turqi

Nesër, 29 mars pritet të zhvillohet një tjetër takim mes delegacionit rus dhe atij ukrainas në Turqi për marrëveshjen e paqes.

Presidenti turk Rexhep Tayip Erdogan, ka bërë me dije se do të takohet fillimisht me delegacionet e vendeve, para nisjes së bisedimeve.

Në një komunikim për media turke , Ergodan tha se në bisedimet telefonike që ka zhvilluar me presidentin ukrainas Volodymyr Zelensky dhe presidentin rus Vladimir Putin , ka një hap pozitiv, por nuk dha më shumë detaje rreth këtyre zhvillimeve.

Ndërkohë pritet për t’u parë në vijim se di do të shkojnë bisedimet e paqes mes vendeve, ndërsa Ukraina vijon të sulmohet nga forcat ruse për më shumë se një muaj.

E rëndë në Gjirokastër, 63-vjeçari gjendet i pajetë në rezervuar. Policia del me njoftim

Një ngjarje e rëndë është regjistruar mbrëmjen e sotme në fshatin Pepel, teksa një 63-vjeçar është gjetur i mbytur në rezervuar.

Sipas policise 63-vjeçari me inicialet V.K., banues në fshatin Vrisera, Dropull është gjetur i pajetë dhe pa shenja dhune në trup.

 

Gjirokastër/Informacion paraprak.

Rreth orës 21:30, në rezervuarin e Pepelit, në afërsi të fshatit Pepel, Dropull, është gjetur i mbytur, në dukje pa shenja dhune shtetasi V. K., 63 vjeç, banues në fshatin Vrisera, Dropull.

Në vendngjarje ndodhet grupi hetimor dhe po punon për sqarimin e rrethanave të ngjarjes.

 

VIDEO VIRALE/ Vuçiç dhe Orban përshëndesin njerëzit nga treni, por jashtë nuk ka asnjë njeri

Presidenti i Serbisë, Aleksandar Vuçiç dhe kryeministri i Hungarisë, Viktor Orban kanë përuruar sot një seksion të hekurudhës së re Beograd-Budapest.

Ata kanë udhëtuar vet me një prej trenave të rinj, ndërsa të ulur në kabinë kanë nisur të përshëndesin me duar njerëzit nga dritarja.

Por ajo që shihet në videon që është bërë virale në rrjet është se jashtë nuk ka asnjë njeri, ndaj nuk kuptohet se kë po përshëndesnin dy liderët.

 

 

 

Serbian President waving at nobody pretending there's a crowd gathered there to celebrate the new railway line is one of the best metaphors for politican-voter interactions I've seen in a long while pic.twitter.com/oYOvmkb1R9

— Yugopnik (@yugopnik) March 28, 2022

Jaden Smith mbron veprimin e babait gjatë Oscar

Të gjithë shikuesit e ceremonisë së 94-të të “Oscars” u shokuan gjatë skenës ku Will Smith goditi Chris Rock-un në mes të shfaqjës si rrjedhojë e shakasë që ky i fundit bëri lidhur me flokët e gruas së tij.

Lidhur me këtë situatë që tronditi të gjithë rrjetin, edhe djali i komedianit, Jaden Smith, ka diçka për të thënë.  “Ja si bëhet!”, ishin fjalët e Jaden Smith në Twitter mbrëmjen e djeshme, vetëm pak çaste pas përfundimit të ceremonies.

Jaden nuk tha se çfarë pikërisht i referohej mesazhit të tij, por fansat menjëherë supozuan se ai po reagonte ndaj shuplakës që bëri xhiron e mbarë botës. Shumë u përgjigjën me foto të Will-it duke goditur Chris-in, dhe të tjerë bënë shaka rreth reagimeve të të famshmëve nga publiku brenda Teatrit Dolby në Hollywood.

Sidoqoftë, duhet të theksojmë se është plotësisht e mundur që mesazhi i Jaden mund të ketë qenë reagim ndaj çmimit që Will mori si aktori më i mirë, ndërkohë që bëri një fjalim emocionues para të gjithë botës, ku edhe kërkoi falje për gjestin dhe situatën e krijuar. “Fjalimi i babait më bëri të qaj”,- u shpreh gjithashtu Jaden./L.K

/Zoom.al

Pas largimit të Bashës, gazetarja e njohur i bën “left” grupit WhatsApp të Partisë Demokratike

Desada Metaj është një nga gazetaret e njohura dhe me një përvojë të gjatë në mediat shqiptare, e cila disa vite më parë vendosi ti bashkohej ekipit të medias së ish-kryetarit të Partisë Demokratike, Lulzim Basha. Ajo ka shërbyer kryesisht si këshilltare, ndërsa ka dhënë një kontribut të veçantë edhe në Zyrën e Medias së PD-së. Por, duket se Desada nuk është pajtuar me erën e ndryshimeve të mëdha që po ndodhin në Partinë Demokratike dhe sot ka vendosur të largohet edhe nga grupi i chat-i në ËhatsApp. Ajo ka bërë dhe një mesazh në rrjetet e saja sociale ku thotë se është larguar nga grupi, ndërsa ka ironizuar edhe zhvillimet e fundit në selinë blu. “Left Chat- Forca e votës dhe lirë dhe bashkimi i demokratëve”, shkruan Metaj në statusin e saj.

 

Çfarë po ndodh? SHBA shton forcat në Evropën Lindore, dërgon 6 avionë elektronikë në Gjermani

Pentagoni po vendos gjashtë avionë luftarakë elektronikë të marinës amerikane dhe më shumë se 200 trupa shoqëruese në Gjermani ndërsa SHBA shton forcat e saj në Evropën Lindore në mes të luftës së Rusisë me Ukrainën.

Sekretari i shtypit i Pentagonit, John Kirby u tha gazetarëve sot se gjashtë avionë të Marinës E/A-18G Groëler po vendoseshin nga Stacioni Ajror Detar Ëhidbey në shtetin e Uashingtonit në bazën ajrore Spangdahlem në Gjermani dhe avionët pritej të mbërrinin sot.

Përveç kësaj, ata do të shoqërohen nga rreth 240 ekuipazh ajror të Marinës, pilotë dhe staf mirëmbajtjeje, tha ai.

Avionët Navy Groëler përdoren kryesisht për fluturimin e misioneve të luftës elektronike, duke përfshirë bllokimin e radarëve për të ndihmuar në shtypjen e mbrojtjes ajrore.

 

Kirby tha se Groëlers nuk po dërgoheshin për t’u përdorur kundër forcave ruse që luftonin në Ukrainë dhe vendosja nuk po bëhej si përgjigje ndaj ndonjë incidenti.

“Ata janë duke u vendosur plotësisht në përputhje me përpjekjet tona për të forcuar aftësitë parandaluese dhe mbrojtëse të NATO-s përgjatë atij krahu lindor,” tha Kirby. “Ata nuk janë dërguar për shkak të ndonjë kërcënimi akut që është perceptuar apo ndonjë incidenti specifik që ka ndodhur. Ata janë duke u vendosur siç kemi thënë gjatë gjithë kohës, sekretari dëshiron të mbajë opsionet të hapura.”
Dislokimi i marinës i shtohet mijëra trupave amerikane që janë vendosur në vendet e NATO-s në Evropën Lindore gjatë pesë javëve të fundit që kur Rusia nisi pushtimin e saj në Ukrainë.

Brendan Stickles, një ish-komandant i një skuadroni E/A-18G, i tha CNN se nuk ishte i befasuar që një skuadrilje ekspedite e Navy Groëler u vendos në përgjigje të agresionit të Rusisë në Ukrainë.

“Gjashtë Groëlers ofrojnë një aftësi unike të luftës elektronike për NATO-n që mund të ndihmojë në mbrojtjen e partnerëve dhe aleatëve tanë nga çdo agresion në të ardhmen. Po aq e rëndësishme, dislokimet taktike të forcave jo-kinetike – si Groëler – mund të zgjerojnë gatishmërinë tonë duke shmangur çdo përshkallëzim të paqëllimshëm ”, tha Stikles.

“Groëler mund të ndalojë raketat ruse tokë-ajër të synojnë avionët e NATO-s. Pavarësisht pengesave taktike ruse, ata ruajnë aftësinë për të gjurmuar avionët tanë . Groëler mund të mbrojë forcat tona nga paralajmërimi i hershëm, gjurmimi dhe shënjestrimi i radarëve ”, vazhdoi ai.

 

Do vriste Aleksandër Vuçiçin, arrestohet truproja serb pas denoncimit të gruas

Një i ri u arrestua të shtunën pasi partnerja tij e denoncoi për dhunë në familje dhe planifikim të vrasjes së presidentit serb Aleksandër Vuçiç.

Gjatë kontrollit në banesën e të dyshuarit janë gjetur dy pistoleta, rreth 200 copë municion, gjashtë thika dhe një laptop.

Ai sot është marrë në pyetje në Prokurorinë e Lartë Publike në Beograd, ku ka thënë se arma është e babait të tij të ndjerë dhe ka mohuar akuzat e partneres se tij “se ka planifikuar të vrasë presidentin, e më pas të vrasë veten”.

Ajo i tha prokurorisë gjithashtu se e ka kërcënuar me armë.

 

Ai akuzohet për veprën penale “Prodhimi, mbajtja, mbajtja dhe trafikimi i paligjshëm i armëve dhe lëndëve plasëse”, për të cilën dënohet me burgim nga dy deri në dymbëdhjetë vjet.

I arrestuari është pjesëtar i sigurimit të njërit prej liderëve të opozitës.

Bie vlera në treg e futbollistëve të Italisë pas eleminimit nga Kupa e Botës

Bie vlera e futbollistëve të Italisë pas eleminimit të rëndë nga kualifikueset e Kupës së Botës ndaj Maqedonisë. Një rënie drastike në vlerën në market të futbollistëve italian që në krahasim me më parë tani ka marrë përmasa më të ulëta.

I pari është portieri Donnarumma, vlera e të cilit ka rënë nga 65 milionë në 50 milionë. Jorginho gjithashtu ka një rënie të lirë në bursë ku më herët vlerësohej 45 milionë ndërsa tani vlera e tij përllogaritet në 30 milionë euro.

Berardi është një tjetër futbollist i cili ka njohur rënie në vlerën e tij në market. Sulmuesi i Sassuolos vlerësohet 25 milionë nga 35 milionë sa është caktuar kartoni i tij, çfarë mund ta bëj atë të largohet më lehtë nga klubi.

Da Donnarumma a Berardi: Italia, tanti i giocatori che si sono deprezzati dopo la Macedonia https://t.co/rCAkvS5a72

— informazione sport (@infoitsport) March 28, 2022

/zoom.al

Tiffany Haddish përshëndet veprimin e Will Smith në Oscar

Aktorja e njohur Tiffany Haddish ka ndarë mendimet e saj lidhur me gjestin e Will Smith, i cili ka goditur Chris Rock-un pasi përmendi emrin e gruas së tij në një shaka mbi flokët e saj.

“Kur pashë një burrë me ngjyrë të ngrihej për gruan e tij, kjo do të thoshte shumë për mua,” tha Haddish, për “PEOPLE” në Governors Ball pas ceremonisë. Gjatë shfaqjes, Smith, doli në skenë dhe goditi Rock, pasi Rock bëri një shaka për flokët e gruas së tij Jada Pinkett Smith.

Haddish, e cila luajti në 2017 “Girls Trip me Jada”, vazhdoi, “Si një grua, e cila ka qenë e pambrojtur, që dikush të thotë, ‘Kujdes me emrin e gruas sime, lëre gruan time të qetë’, kjo është ajo që burri juaj duhet të bëjë. bëj, apo jo? Të mbrosh.”

“Dhe kjo do të thoshte bota për mua. Dhe ndoshta botës mund të mos i pëlqejë mënyra se si veproi, por për mua, ishte gjëja më e bukur që kam parë ndonjëherë sepse më bëri të besoj se ka ende burra atje jashtë që e duan dhe kujdesen për gratë e tyre”- u shpreh Haddish./L.K

/Zoom.al