Day ArchiveChampions/ Liverpool dhe Bayern janë çerefinalistët e parë

Liverpool dhe Bayern Munich janë dy çerekfinalistët e parë të Uefa Champions League.

Skuadra angleze ia doli të mposht Interin me rezultatin e përgjithshëm 2-1, pavarësisht përpjekjeve të zikaltërve për të ndryshuar fatet e takimit pas fitores në “Anfield” me rezultatin minimal 1-0. Mjaftuan dy golat e Firmino dhe Salah në ndeshjen e parë në “San Siro” për ti dhënë biletën skuadrës së Jurgen Klopp për të avancuar më tej.

Në anën tjetër, shumë pak histori në stadiumin “Allianz”, aty ku Bayern nuk tregoi aspak mëshirë përballë austriakëve të Salzburg, duke i mundur me rezultatin e përgjithshëm 8-2. Tre gola të Lewandowskit dhe një i Gnabry në pjesën e parë dhe dy gola të Muller dhe Sane në pjesën e dytë i dhanë Bayernit një biletë për në fazën e çerekfinaleve, aty ku do të mësojnë kundërshtarin e rradhës.

/Zoom.al

Perla e Lautaro Martinez nuk mjafton ndaj Liverpulit, Interi eliminohet nga Champions-i

Perla e Lautaro Martinez dhe triumfi minimal në “Anfield” nuk mjaftoi! Interi eliminohet me kokën lartë nga Champions-i. Të besuarit e Inzagit i shkuan shumë pranë mrekullisë ndaj Liverpulit, pa avantazhit 0-1 ndaj Liverpulit, por kartoni i kuq i marrë nga Aleksi Sançez në minutën e 63-të, prishi planet e zikaltërve,  të cilët zhvilluan një paraqitje dinjitoze.

Triumfi 0-2 i skuadrës së Klopit, në aktin e parë të zhvilluar në Milano, i siguroi biletën për në çerekfinale skuadrës angleze, e cila e pa veten në vështirë mbrëmjen e sotme. Gjithsesi rastet e shënimit për Liverpulin nuk munguan, ku Momo Salah goditi 2 herë shtyllën në pjesën e dytë, ndërkohë që në pjesën e parë, ishte Matip që tronditi traversën e Handanoviç. Në fund ishin të kuqtë ata që festuan këtë kualifikim, duke vijuar më tej aventurën në Champions.

Leonardo DiCaprio dhuron 10 milionë dollarë për Ukrainën

Aktori Leonardo DiCaprio është i fundit që  ka dhuruar 10 milionë dollarë për ta ndihmuar Ukrainën, dhe e ka bërë këtë veprim jo për shkak se është filantrop por për arsye se ylli 47-vjeçar i kinematografisë, ka prejardhje nga ky shtet.

Gjyshja e tij, Helena, u lind në qytetin Odessa që gjendet në jug të Ukrainës, para se të zhvendosej në Gjermani në vitin 1917.

Donacioni 10 milionë dollarësh i Leonardos për Ukrainën u zbulua nga fondacioni, “International Visegrad Fund”, i cili e promovon zhvillimin e Evropës Lindore.

Në anën tjetër, aktorja e lindur në Ukrainë, Mila Kunis, premtoi se do t’i dhurojë deri në 3 milionë dollarë për bashkatdhetarët e saj, si dhe bashkë me Ashton Kutcher, po synojnë t’i mbledhin në total 30 milionë dollarë për t’i ndihmuar njerëzit në nevojë. Paratë do të dhurohen për strehimin e refugjatëve ukrainas./L.K

/Zoom.al

 

Putin nxjerr dekretin, në 48 orët e ardhshme do të vendoset…

Presidenti rus, Vladimir Putin, ka nënshkruar sot një dekret që ndalon eksportin e disa lëndëve të para.

Në këtë dekret është thënë se qëllimi i vendimit është të “garantojë sigurinë e Federatës Ruse dhe funksionimin e pandërprerë të industrisë”. Kabineti rus duhet të vendosë në 48 orët e ardhshme se cilat vende i prek kjo ndalesë.

Vendimi do të zbatohet deri në fund të vitit 2022. Ai është bërë publik vetëm disa orë pasi Shtetet e Bashkuara kanë vënë ndalesë në importet e naftës dhe gazit rus, dhe pasi Mbretëria e Bashkuar ka thënë se do të shmangë gradualisht varësinë ndaj naftës ruse.

Masat e reja ka mundësi që të përkeqësojnë tregjet e mallrave. Përveç eksporteve masive të naftës, Rusia është gjithashtu furnizuese globale e drithërave dhe metaleve.

 

Emocione dhe lot/ Fjalimi Churchillian i Zelensky-it prek zemrat e deputetëve britanikë

 

Presidenti i Ukraines, Volodymyr Zelensky sonte ka prekur zemrat e deputetëve britanikë me një zotim Churchillian për të mos u dorëzuar kurrë.

Në një fjalim historik drejtuar deputeteve britanike drejtpërdrejt nga ‘bunkeri’ i tij i luftës në Kiev, ai u zotua: “Ne nuk do të dorëzohemi dhe nuk do të humbasim”. Në një fjalim emocionues, presidenti Zelensky e krahasoi drejtpërdrejt luftën e vendit të tij me luftën e Britanisë kundër Hitlerit shtatë dekada më parë.

Duke i bërë jehonë legjendës sonë të kohës së luftës, Churchill, presidenti Zelensky tha:

“Ne nuk do të dorëzohemi dhe nuk do të humbasim. Ne do të luftojmë deri në fund. Në det, në ajër. Ne do të luftojmë për tokën tonë me çdo kusht. Do të luftojmë në pyje, në fusha, në brigje, në rrugë.”

Ai iu lut edhe një herë Britanisë së Madhe që të vendoste një Zonë të Ndaluar Fluturimi të NATO-s mbi Ukrainë, në mënyrë që avionët rusë të mund të qëlloheshin nga qielli .

Duke lëshuar një apel të drejtpërdrejtë në Parlament, Presidenti Zelensky tha se më shumë se 50 fëmijë janë vrarë” në 13 ditët e luftimeve të ashpra. Ai u tha deputetëve se kishte nevojë për më shumë mbështetje me luftën që nuk e nisëm dhe nuk hymë.

Gjithashtu, duke perifrazuar Hamletin e Shekspirit, ai tha:

 “Çështja për ne tani është të jemi apo të mos jemi. Për 13 ditë mund të ishte bërë kjo pyetje, por tani mund t’ju jap një përgjigje përfundimtare. Është padyshim që po, të jetë. Në këtë moment ukrainasit e zakonshëm po mbrojnë shtëpitë dhe familjet e tyre kundër një sulmi brutal dhe ata, me veprimet e tyre, po frymëzojnë miliona me guximin dhe përkushtimin e tyre. Dhe unë mendoj se sot, një nga mburrjet më krenare në botën e lirë është. Unë jam një ukrainas”.

 

Fjalimi i plotë i Presidentit Zelensky në Parlament:

“Zoti Kryetar, të gjithë deputetë, zonja dhe zotërinj, po i drejtohem të gjithë popullit të Mbretërisë së Bashkuar dhe të gjithë njerëzve nga vendi me një histori të madhe.Po ju drejtohem si qytetar, si president, po ashtu i një vendi të madh, me një ëndërr dhe mundim të madh.“Dëshiroj t’ju tregoj për 13 ditët e luftës, luftën që nuk e nisëm dhe nuk e deshëm, sidoqoftë duhet ta bëjmë këtë luftë, nuk duam të humbasim atë që kemi, atë që është e jona. , vendi ynë Ukrainë.“Ashtu si dikur nuk deshe të humbisje vendin tënd kur nazistët filluan të luftojnë vendin tënd dhe ti duhej të luftoje për Britaninë.Trembëdhjetë ditë të kësaj lufte, ditën e parë në orën katër të mëngjesit, ne u sulmuam me raketa, të gjithë u zgjuan dhe njerëz me fëmijë, e gjithë Ukraina dhe që nga ajo kohë ne nuk kemi fjetur.“Ne të gjithë kemi luftuar për vendin tonë, me ushtrinë tonë.Në ditën e dytë ne kemi luftuar sulmet ajrore dhe ushtarakët tanë heroikë në ishuj janë përpjekur të luftojnë – kur forcat ruse kërkuan që ne të dorëzonim armët, megjithatë, ne vazhduam të luftonim dhe ndjemë forcën e popullit tonë që kundërshtoi deri në fund banorët.Të nesërmen artileria filloi të na luftonte. Ushtria jonë na tregoi se kush jemi”.Ai shtoi: “Në ditën e katërt filluam t’i kapim njerëzit, nuk i kemi torturuar, ne mbetemi njerëzorë edhe në ditën e katërt të kësaj lufte të tmerrshme.Në ditën e pestë po ndodhte terrori kundër nesh kundër fëmijëve, kundër qyteteve dhe granatimet e vazhdueshme po ndodhin në të gjithë vendin, përfshirë spitalet, dhe kjo nuk na thyente dhe kjo na dha ndjenjën e së vërtetës së madhe.Në ditën e gjashtë, raketat ruse ranë mbi Babi Yar – ky është vendi ku nazistët vranë mijëra njerëz gjatë Luftës së Dytë Botërore – dhe 80 vjet pasi rusët i goditën për herë të dytë, madje edhe kishat po shkatërrohen. me granatime.“Në ditën e tetë, ne kemi parë tanke ruse duke goditur stacionin e energjisë atomike dhe të gjithë e kuptuan se ky është terror kundër të gjithëve.Ditën e nëntë, ishte një mbledhje e kongresit të NATO-s pa rezultatin që kërkonim. Po, ne ndjemë se për fat të keq aleancat nuk funksionojnë gjithmonë siç duhet dhe zona e ndalim-fluturimit nuk mund të zbatohet.“Në ditën e 10-të, ukrainasit filluan të protestojnë dhe të ndalojnë mjetet e blinduara me duart e tyre.Në ditën e 11-të, fëmijët dhe qytetet po goditeshin dhe spitalet me raketa dhe granatime të vazhdueshme, dhe atë ditë ne kuptuam se ukrainasit u bënë heronj, qytete të tëra, fëmijë, të rritur.“Në ditën e 12-të, humbjet e ushtrisë ruse i kaluan 10,000 njerëz të vrarë, duke përfshirë edhe gjeneralin, dhe kjo na dha shpresë se do të ketë një lloj përgjegjësie për ata njerëz para gjykatës.“Ditën e 13, në qytetin e Mariupolit që u sulmua nga forcat ruse, një fëmijë mbeti i vrarë, ata nuk lejojnë as ushqim, as ujë dhe njerëzit i ka zënë paniku.Mendoj se të gjithë dëgjojnë se njerëzit nuk kanë ujë mbi 13 ditë nga kjo situatë, janë vrarë mbi 50 fëmijë. Këta janë fëmijët që kanë mundur të jetojnë por këta na i kanë marrë.Ukraina nuk po kërkonte të kishte këtë luftë. Ukraina nuk po kërkonte të bëhej e madhe, por ajo është bërë e madhe gjatë ditëve të kësaj lufte. Ne jemi vendi që po shpëtojmë njerëz pavarësisht se duhet të luftojmë një nga ushtritë më të mëdha në Ne duhet të luftojmë helikopterët, raketat.”Pyetja për ne tani është të jesh apo të mos jesh. Oh jo, kjo pyetje shekspiriane. Për 13 ditë mund të ishte bërë kjo pyetje, por tani mund t’ju jap një përgjigje përfundimtare. Është padyshim po, të jesh.“Dhe dua t’ju kujtoj fjalët që ka dëgjuar tashmë Mbretëria e Bashkuar, të cilat janë sërish të rëndësishme. Ne nuk do të dorëzohemi dhe nuk do të humbasim.Ne do të luftojmë deri në fund, në det, në ajër, do të vazhdojmë të luftojmë për tokën tonë, pavarësisht kostos.Ne do të luftojmë në pyje, në fusha, në brigje, në rrugë.Dua të shtoj se ne do të luftojmë në brigjet e lumenjve të ndryshëm dhe po kërkojmë ndihmën tuaj, për ndihmën e vendeve të qytetëruara.Ne jemi mirënjohës për këtë ndihmë dhe ju jam shumë mirënjohës Boris, ju lutemi rrisni presionin e sanksioneve kundër këtij vendi (Rusisë), ju lutemi ta njihni këtë vend si një shtet terrorist dhe ju lutemi sigurohuni që qiejt tanë të Ukrainës të jenë të sigurt.“Ju lutemi sigurohuni që të bëni atë që duhet bërë dhe atë që përcaktohet nga madhështia e vendit tuaj.“Lavdi Ukrainës dhe lavdi Mbretërisë së Bashkuar”

Champions/ Mbyllen pjesa e parë: Barazim në “Anfield”, Bayern poker

Janë mbyllur pjesët e para të ndeshjeve të kthimit. Në “Anfield” skuadrat janë ndarë në barazim pa gola, ndërsa në stadiumin “Allianz” Bayern Munich nuk ka kursyer Salzburg duke shënuar katër herë brenda 45 minutave.

Jeol Matip krijoi rastin e vetëm për Liverpool, me një goditje që u ndal në tranversë. Pak sekonda më vonë, ndeshja u ndërpre për tre minuta për shkak të gjendjes jo të mirë të një tifozi, i cili kërkoi ndihmën e stafit mjekësor.

Në anën tjetër, Lewandowksi dhe Gnabry kanë mbyllur thuajse takimin me austriakët e Salzburg. Një tripletë e polakut brenda minutave dhe një gol i anësorit gjerman i japin përparësi Bayernit për të qenë një hap larg fazës çerekfinale.

/Zoom.al

Plas keq brenda PD-së, Grida Duma: Lulzim po keqpërdor institucionet e partisë

Lulzim Bashës i ka dalë situata në Partinë Demokratike tërësisht jashtë kontrollit. Teksa ai ka angazhuar disa nga kryetarët e partive në degë dhe kandidatët e 6 marsit kundër deputetëve që i kanë dalë kundër, ka ardhur një reagim i ashpër nga nënkryetarja e partisë Grida Duma me të cilën ndarja duket se është përfundimtare. Ajo e akuzon Bashën se ka vendosur njerëz të Librës në drejtimin e fushatës në Durrës, ndërsa ka patur frikë të denoncojë aferën e portit.

Gjithashtu Duma thotë se Basha po keqpërdorë partinë për të sulmuar zerat kundër.

 

Statusi i Grida Dumës:

 

Lulzim Bashës që prej 24 orësh është frikësuar aq shumë sa angazhohet me topa pështyme nga frëngjijtë e betejave “të pahumbura” po i bëj të qartë vetëm një pjesë të gjësë:

Lulzim, kepërdorimi që i bën zyrës së shtypit të PD-së ku jam Nën/Kryetare Partie dhe keqpërdorimi që po i bën institucioneve të partisë duke futur njerëz si ishkandidati i i “Librës” që e emërove në Durrës pa më pyetur mua si Drejtuese Politike apo dhe përfaqësuesit e kompanisë së PR-it që i nise për t’i shërbyer vetëm vetes tënde dhe jo kandidatit, janë vetëm një pjesëz e keqpërdorimit të Partisë Demokratike.

T’i kam shkruar këto gjatë fushatës me dyshimin e plotë që me këto veprime gara ishte e “lëshuar”.

Meqë ra fjala dhe ky kandidati i Librës qe e vure shef shtabi dhe i gjithë shtabi të kërkoi për tre jave me rradhë të vije ne Durres dhe të denoncoje aferen e Portit të Durrësit- e refuzove në mënyrë kategorike!

Po keqpërdor prapë sot rëndë atë që ke marrë nga demokratët me pa të drejtë. Siç po mashtron me kandidatin e Rrogozhines duke i vene sikur ka thene gënjeshtrat që ti prodhon ty ankthi.

Lulzim, nuk është mburrje, po të isha si ti do ta kisha thënë me të madhe qē zona ku jam deputete është e vetmja ku Partia Demokratike doli forcë e dytë. Por nuk e them dot as këtë si vlerë se me dhimbsen demokratet, që kudo ku shkoja me thoshin “aman ç’ju lidh me atë”!

Lulzim pas hirit të betejave të pahumbura nuk lulzojnë dot as shkurret e fitimeve me sakrificat e njerezve.

“Nuk po i mbarojnë leket Berishës, imagjino Ramës”, deklarata e fortë e kryetarit të PD në Fier

Në mbledhjen e Kolegjit të Kryetarëve, kryetari i PD në Fier Agron Kapllanaj mësohet se ka dalë sërish në krahë të kryedemokratit Lulzim Basha, ndërsa ka kërkuar të merren urgjentisht masa për të ndalur shitblerjen e votës.

Për rrezultatin e dobët në zgjedhjet e 6 marsit, ai fajin e gjeti tek blerja e votave nga përfaqësuesit e Shtëpisë së Lirisë dhe qeverisë.

“Sali Berisha në këto zgjedhje ia arriti qëllimit, e kishte jeta a vdekje, lekët nuk i mbaronin, me sa duket “duart e pista” paskan bërë punën e vet. Duhet të marrim masa për të ndalur shitblerjen e votës, kemi komisionin për reformën zgjedhore dhe atë territoriale, të bëjmë ndryshime për të ndalur këto fenomene. Nëse nuk e ndalojmë, nuk do te këtë ndryshim, sepse nuk po i mbarojnë leket Berishës, imagjino Edi Ramës.”, tha ai, ndërsa shtoi: “Lekët e Berishës e të Ramës nuk mbarojnë kurrë. Po rritet çmimi i votës. Foltorja bleu vota e komisionerë. Kanë lëvizur Fuoristrada me lek”.

Polonia i jep avionët e saj luftarak Ukrainës

Polonia deklaron se është e gatshme që të dërgojë të gjithë avionët e saj MIG-29 në ndihmë të Ukrainës. Avionët do të dërgohen fillimisht në bazën ajrore Ramstein në Gjermani dhe të vendosen “në dispozicion” të qeverisë amerikane dhe më pas t’i dërgohen ushtrisë ukrainase. Lajmi është bërë i ditur nga ministria e Jashtme polake.

Në këmbim, Polonia u kërkon Shteteve të Bashkuara që t’i ofrojë atyre në këmbim “avionë të përdorur me aftësi operacionale”.

Qeveria polake u kërkon gjithashtu aleatëve të tjerë të NATO-s, që posedojnë avionë MIG-29 – të veprojnë në të njëjtën mënyrë.

SHBA konfirmoi gjatë fundjavës se po punon për një marrëveshje me Poloninë për të furnizuar Ukrainën me avionë.

 

Paralajmërimi i inteligjencës amerikane: Putin do intensifikoi sulmet ndaj Ukrainës

Drejtorja e Agjencisë Kombëtare të Inteligjencës në Shtetet e Bashkuara, Avril Haines, ka paralajmëruar se sanksionet dhe ndalesat në fushëbetejë, ka pak mundësi të ndalin presidentin rus, Vladimir Putin nga synimi i tij për pushtim të Ukrainës dhe madje mund të rrisin ofensivën e tij në këtë shtet.

Duke folur në një seancë të Kongresit amerikan për kërcënimet e sigurisë globale, Haines ka thënë më 8 mars se përshkallëzimi i kostove të luftës në Ukrainë, që deri tani mund të kenë shkuar në mijëra jetë të humbura të rusëve, mund të zemërojnë Putinin dhe t’ia ndryshojnë këndvështrimin për atë që mund të konsiderohet fitore.

“Analistët tanë vlerësojnë se Putin ka pak mundësi të ndalet nga pengesat në fushëbetejë. Në të kundërtën, ai mund të përshkallëzojë situatën”, ka thënë Haines.

Ajo ka thënë se Shtetet e Bashkuara besojnë që Moska ka nënvlerësuar aftësinë e Ukrainës për t’u përballur me sulmet dhe se mbetet e paqartë nëse Putin synon të kontrollojë gjithë Ukrainën.

Nëse kjo qëndron, atëherë, sipas SHBA-së, atij do t’i duhet të angazhojë forca shtesë, apo të koncentrohet në zona më të vogla.