Day ArchiveI nguli thikën nënës së tij/ Flet i riu shqiptar në SHBA: Doja ta vrisja, qeshte me mua sepse…

Ka dhënë dëshminë e tij në polici, i riu shqiptar që qëlloi me thikë të ëmën natën e ndërrimit të viteve.

Ngjarja e rëndë ndodhi në Shtetet e Bashkuara të Amerikës, ku 25-vjeçari Emiljano Domi tregoi se donte ta vriste të ëmën pasi ajo kishte qeshur me të.

Por në fakt bëhet fjalë për një arsye shumë banale, pasi e ëma kishte qeshur kur ai i ishte ankuar se pse ia kishte lëvizur xhaketën e tij nga dhoma e ndenjes.

Pasi e kishte shtrirë përtokë Domi kishte marrë thikën e kuzhinës dhe ia kishte ngulur egërsisht thikën pas shpine.

Domi ka thënë se qëllimi i tij që “ta vriste atë”. Më pasi ai ishte larguar nga shtëpia duke menduar se e “kishte lënë të vdekur”.

Por 43 vjeçarja arriti t’u mbijetojë plagëve pasi u mjekua edhe në spital. Ndërkaq, Domi kishte shkuar në një furrë buke në Garfield ku punon i ati i tij duke i kërkuar këtij të fundit para për benzinë. Kjo e bëri të atin të dyshonte duke telefonuar më parë gruan e tij dhe më pas policinë, shkruajnë mediat amerikane.

1 i vrarë dhe 4 të plagosur në Tiranë/ Kush ishte shënjestra e masakrës në “Don Bosko”

Tiranë- Breshëria e kallashnikovit tronditi Tiranën, pasditen e sotme. Erion Çela, 35 vjeç mbeti viktimë, si dhe u plagosën 4 persona të tjerë. Ngjarja ndodhi në zonën e “Don Boskos” në kryeqytet.

Autorët të cilët lëviznin me një mjet tip “Benz” qëlluan nga jashtë në drejtim të lokalit ku ndodheshin në një tavolinë viktima dhe të tjerët. Të plagosurit janë: Arben Dani 46 vjeç, Blerim Çela 28 vjeç, vëllai i viktimës, Edmond Cëroi, 41 vjeç daja i viktimës dhe Azbi Selimaj, 19 vjeç, kamarier i lokalit.

Burime nga grupi hetimor për ABC bëjnë me dije se shënjestra e atentatit dyshohet të ketë qenë daja, Edmond Crroj. 41-vjeçari rezulton të ketë probleme me drejtësinë jashtë vendit për trafik narkotikësh.

Sakaq, viktima ka mbajtur edhe emrin Adriatik Çela, ndërsa ishte pronar i një tabakino, që ndodhet shumë pranë vendit ku u vra. Mësohet se 35-vjeçari priste të bëhej baba i nja vajze.

Ngjarja e rëndë ka ndodhur rreth orës 16:15, në zonën e “Don Boskos” në Tiranë. Persona të armatosur të cilët lëviznin me një automjet tip “Mercedes E Class” të zi dhe vetëm njëri prej tyre ka qëlluar me breshëri kallashnikovi nga jashtë në drejtim të lokalit, ku ndodheshin të ulur në një tavolinë viktima dhe personat e tjerë. Për pasojë ka mbetur i vdekur në vend Erion Çela si dhe janë plagosur katër të tjerë, të cilët janë dërguar te spitali i Traumës.

Sakaq, pasi kanë qëlluar me breshëri mjeti i autorëve është kthyer në vend dhe ka marrë po të njëjtën rrugë nga erdhi. Targat e makinës rezultojnë se janë të vjedhura nga një makinë Smart në Tiranë.

Burime zyrtare nga policia bëjnë me dije viktimë mbeti Erion Çela, 35 vjeç. Të plagosurit janë: Arben Dani 46 vjeç, Blerim Çela 28 vjeç, vëllai i viktimës, Edmond Crroj, 41 vjeç daja i viktimës dhe Azbi Selimaj, 19 vjeç. Ky i fundit është kamarier i lokalit dhe fatmirësisht ndodhet jashtë rrezikut për jetën.

Ngjarja e rëndë ka tronditur kryeqytetin, ndërsa u shënua në ditët e para të këtij viti.

Në të njëjtën tavolinë me viktimën/ Si shpëtoi për mrekulli gruaja shtatzënë e Erjonit

Rezultoi të ishte kafja e fundit për Erjon Çelën ajo e sotmja në zonën e Don Boskos në Tiranë.

Plumbat i morën jetën 35-vjeçarit, që ishte ulur me vëllanë, dajën dhe tre të afërm të tjerë, kur dikush zbriti nga nja “Benz” i zi dhe nisi të qëlloi me breshëri plumbash drejt tyre.

46-vjeçari Arben Dani, vëllai i viktimës, 28-vjeçari Blerim Çela dhe daja i viktimës 41-vjeçari Edmond Crroj mbetën të plagosur. Të njëjtin fat pati dhe kamerieri i lokalit, 19-vjeçari Azbi Selimaj.

Ajo që shpëtoi për mrekulli ishte gruaja shtatzënë e viktimës, që sipas raportimeve thuhet se kishte shkuar te marketi ngjitur pak çaste para se të ndodhte sulmi.

Policia dhe grupi hetimor kanë rrethuar skenën e krimit për të mësuar më shumë për ngjarjen e rëndë, ndërsa pistat kryesore dyshohet të jenë prishja e pazareve të drogës.

E ndaluan për maskën, policia shokohet kur zbulon se kë kishin kapur

Një ndalim rutinë i ka kushtuar rëndë një 45-vjeçari, i cili duhej të vuante një dënim 25-vjeçar për vrasje 20 vjet më parë, tha një zëdhënëse e Departamentit të Policisë së Qarkut të Varshavës.

Gjatë kontrollit, zyrtarët lokalë në Bielany i kërkuan 45-vjeçarit një letërnjoftim.

“Ai kërkohej nga gjykata e qarkut për vrasje 20 vjet më parë,” tha kryeinspektorja.

“Ai u dërgua në burg, ku do të kalojë 25 vjet”, tha ajo, duke shtuar se: “arrestimi i të kërkuarit është një konfirmim se fshehja nga forcat e rendit nuk e shfajëson asnjëherë përgjegjësinë për shkeljen e ligjit”.

Zhang niset drejt Milanos, priten vendime të rëndësishme tek Inter

Pritja po përfundon, Interi do të mirëpresë në qytet Steven Zhang.Numri një i Nerazzurrëve do të jetë në San Siro për finalen e Superkupës së Italisë kundërJuventusit, të planifikuar për 12 janar , me synimin për të ngritur trofeun e tij të dytë pas Scudetto-s që fitoi sezonin e kaluar.

Ka mundësi që Zhang të qëndrojë në Milano deri më 31 janar, ose deri në fund të merkatos, por siç thuhet në La Gazzetta dello Sport, nuk mund të përjashtohet qëndrimi i tij deri në super-ndeshjen e Champions League kundërLiverpool më 12 shkurt.

Superkupa dhe tregu i transferimeve janë dy temat më të nxehta rreth të cilave rrotullohet rikthimi i Zhang në Itali, por jo vetëm: dy objektivat e tjerë janë planifikimi i merkatos së qershorit dhe zhbllokimi i disa rinovimeve, duke filluar me atë të Brozovic  dhe të gjithë drejtuesve.

Do të jetë gjithashtu një mundësi e mirë për t’u takuar dhe për të kaluar kohë me Inzaghin, pas përshëndetjes së shkurtër në verë. Madje, do të ketë vend edhe për të përcaktuar manovrat e fundit për obligacionin e ri 400 milionë euro.

Qeni shpëton alpinistin që u rrëzua, u shtri mbi të dhe e mbajti ngrohtë për 13 orë

Një qen i ka shpëtuar jetën një alpinisti, i cili kishte rënë në një humnerë në malet e Kroacisë. Mediat vendase raportojnë se qeni ishte shtrirë mbi të, për ta mbajtur ngrohtë për 13 orë, deri në mbërritjen e ekipit të shpëtimit.

Gkrgka Brkic u lëndua fundjavën e kaluar, pasi ra në një humnerë prej 150 metra, bashkë me qeni e tij, në malet Velempit, në afërsi të bregdetit Adriatik. Ekipet e shpëtimit e patën të vështirët të shkonin pranë alpinistit për shkak të borës, akullit dhe pemëve që ishin shkulur nga rrëshqitjet e dheut.

“Miqësia dhe dashuria midis njeriut dhe qenit janë të pakufizuara,” shkroi Shërbimi Kroat i Shpëtimit Malor (HGSS) në një postim në Facebook. Në foton e publikuar nga ekipet e shpëtimit, shihet qeni i shtrirë mbi të zotin, që është në barelë.

“Ky qen është një mrekulli e vërtetë, i sjellshëm, i këndshëm, ndoshta i do njerëzit më shumë se qentë e tjerë”, ka thënë alpinisti në gazetën Jutarnji List.

Tre alpinistë të shoqëruar nga North, po përpiqeshin të zbrisnin një shpat të akullt në momentin e aksidentit, i cili ndodhi pranë majës më të lartë të vargmalit malor.

“North u shtri mbi viktimën dhe e ngrohu atë,” shpjegoi HGSS.

Flamuri shqiptar në Këshillin e Sigurimit, përfaqësuesi i Shqipërisë: Ta bëjmë botën më të mirë

Në ceremoninë e vendosjes së flamurit shqiptar krah atyre të vendeve të tjera anëtarë të Këshillit të Sigurimit në OKB, përfaqësuesi i Përhershëm i Misionit të Shqipërisë pranë Kombeve të Bashkuara, Ferit Hoxha ka mbajtur një falë të rastit ku ka shprehur edhe një herë objektivat e vendit tonë në këtë pozicion për 2 vitet në vijim.

“Shkëlqesi, duke qenë se Shqipëria merr për herë të parë anëtarësimin në Këshillin e Sigurimit, është një privilegj që unë si Përfaqësues i Përhershëm i Shqipërisë të jem i pranishëm sot këtu dhe të marr pjesë në këtë ceremoni. Jam i pushtuar nga nderi të përfaqësoj vendin tim në këtë vend gusht. Shumë faleminderit për fjalët e mira të mirëseardhjes. Ky është një moment kyç për ne; vendi im, qeveria ime, gjithë ekipi shqiptar dhe unë; një moment që askush nga ne nuk do ta harrojë kurrë. Ne jemi këtu për të punuar me vendet e tjera me të njëjtin mendim për të qenë një forcë për të mirën, për të bërë zërin tonë të dëgjohet në emër të përparoni dhe përpiquni të bëni një ndryshim. Në këto kohë komplekse dhe të vështira për botën, kur gjërat që ne i merrnim si të mirëqena nuk janë më të sigurta, roli i Këshillit të Sigurimit bëhet edhe më e rëndësishme.

Të kesh një vend në tryezë e vë çdo vend nën një qendër të veçantë vëmendjeje; por nuk mund të errësojë përgjegjësia e madhe që vjen me të. Si të tillë, ne jemi të vendosur të luajmë një rol aktiv dhe konstruktiv, të jemi të hapur, bashkëpunues dhe këmbëngulës, duke përcjellë vlerat tona dhe parimet e punës së Këshillit. Ne do t’i kushtojmë kohën dhe përpjekjet tona për të promovuar axhendën i mbrojtjes së grave; të angazhohemi në mbrojtjen e të drejtave të njeriut dhe të drejtës ndërkombëtare; të promovojmë dialogun ndërfetar dhe ndërkulturor për mirëkuptim dhe bashkëpunim si një mjet për të luftuar urrejtjen, ekstremizmin dhe terrorizmin. Ne do t’i kushtojmë vëmendje të veçantë çështjeve në lagjen tonë dhe Zonën e gjerë evropiane dhe ne do të bëjmë çmos për të punuar për sigurinë mjedisore dhe klimatike.

Shqipëria do të bashkojë gjithashtu përpjekjet me të gjithë ata që synojnë ta bëjnë Këshillin më efikas, më shumë të përgjegjshëm, më transparent dhe më ndërveprues. Shqipëria qëndron këtu e gatshme për të forcuar miqësitë, për të ndërtuar aleanca, për të krijuar lidhje më të mira duke punuar ngushtë me të tjerët, për mirëkuptim dhe bashkëpunim më të mirë, për paqen dhe sigurinë.

Shqipëria beson në multilateralizëm, të drejtën ndërkombëtare dhe në një bazë të fortë rregullash dhe vlerash sistemi shumëpalësh si gur themeli i sigurisë botërore. Si shumë të tjerë, ne e dimë se kur Këshilli qëndron i bashkuar, ai shpëton jetë, sjell ndryshim në botë. Ne vijmë këtu me besim dhe vendosmëri të fortë se Këshilli duhet të bëjë më shumë; të ndërmarrë veprime më të forta, të përkrahë ata që kanë nevojë në çdo cep të botës. Ne besojmë, ashtu si Nënë Tereza, bija e Shqipërisë dhe Nënë e të varfërve të botës, thoshte: “së bashku mund të bëjmë gjëra të mëdha = së bashku mund të bëjmë gjëra të mëdha”.

Më lejoni ta mbyll duke falënderuar delegacionin kazak për institucionalizimin e kësaj praktike dhe duke i uruar Norvegjisë çdo sukses të mundshëm me marrjen e Presidencës për muajin janar”, ka thënë Hoxha.

Lëvizte me 200 kg drogë në makinë, arrestohet kryebashkiaku

Autoritetet kanë vendosur në pranga kryebashkiakun e Nigerit në Nigeri pasi u kap në makinën zyrtare me 200 kg.

Kur policia i ndaloi, kryebashkiaku ndodhej me shoferin e tij në automjet. 199 pakot e drogës ishin kamufluar në formë tulle. Ata u kapën në një kryqëzim në veri të vendit afrikan, në rrugën që shkon drejt pikës tregtare në shkretëtirë Agadez, thanë autoritetet policore.

Droga, po të arrinte destinacionin, do kapte vlerën rreth 8.7 milionë dollarë.
Afrika perëndimore është kthyer në një rrugë të rëndësishme tranziti për drogat e Amerikës latine drejt Evropës.

Liverpool kërkesë zyrtare Ligës që të shtyjë ndeshjen

Gjendja te Premier League me rastet pozitive me Covid-19 nuk është e qetë, gjithashtu rastet e reja te Liverpool kanë lindur frikë.

Liverpool njofton në një deklaratë zyrtare se i ka kërkuar zyrtarisht Ligës që të shtyjë ndeshjen e parë gjysmëfinale të Kupës Carabao kundër Arsenalit, të planifikuar për të enjten në mbrëmje në Londër, pas numrit në rritje të të dyshuarve pozitivë në Covid-19.

Sot në fakt është anuluar seanca stërvitore e të kuqve

Fillon “krisja” te Manchester United, Ronaldo përplaset me De Gea-n

Humbja e parë e Rangnick në stolin e Manchester United ishte e hidhur dhe komplikoi rrugën drejt kualifikimit në Champions League për “Djajtë e Kuq”.

Në fund të ndeshjes ka pasur tension në dhomën e zhveshjes, i shfaqur që në fushë gjë që e cila është një problem serioz për trajnerin gjerman.

Portieri De Gea gjatë ndeshjes qortoi Cristiano Ronaldon për një pasim prapa, i cili rrezikoi të kthehej në autogol.

Portieri spanjoll, siç raporton “Sport”, ka sulmuar portugezin edhe me mallkime, duke ngrirë tifozët e pranishëm në “Old Trafford”.

Një situatë të cilën Rangnick duhet ta zgjidhë sa më parë, që situata të mos dalë jashtë kontrollit.

Luke Shaw u tregua i drejtpërdrejt në përfundim të ndeshjes, duke kërkuar angazhimin maksimal të të gjithëve.

“Kur nuk e kishim topin, nuk ishim mjaftueshëm agresivë. Ne, lojtarët, kemi qenë këtu për një kohë të gjatë, ndoshta kemi luftuar sonte, nuk mendoj se ishim të gjithë bashkë.

Lojtarët që kemi ne kanë cilësi të pabesueshme, por ndonjëherë cilësia nuk mjafton. Në dhomat e zhveshjes e dimë se çfarë duam, por jashtë fushës duhet të japim 100%.

Për të fituar këto lloj ndeshjesh duhet të punojmë të gjithë 100%. Është e vështirë dhe zhgënjyese”