Day ArchiveSHBA paralajmëron BE-në për pushtimin rus të Ukrainës

Shtetet e Bashkuara të Amerikës kanë paralajmëruar aleatët e tyre në Bashkimin Europian që Rusia mund të jetë duke planifikuar pushtimin e të gjithë territorit të Ukrainës. Në keto rrethana Uashingtoni po monitoron nga afër rreshtimin e trupave ruse pranë kufirit me Ukrainën.

Për t’iu kundërpërgjigjur këtyre kërcënimeve, autoritetet ukrainase kanë vendosur qe të dërgojnë 8500 trupa ushtarake shtesë në kufirin lindor. Putin ka zhvendosur aty më parë rreth 100 mijë ushtarë, por edhe tanke e artileri të rëndë, pa asnjë paralajmërim.

Rusia po sheh mundësinë e aneksimit të pjesës lindore të Ukrainës qe sundohet nga militantet pro saj, njëlloj si bëri me Krimenë në vitin 2014. Zëdhënësi i Kremlinit, Dimitry Peskov, i hodhi poshtë si të pabazuara këto raportime.

Mundësia e pushtimit të Ukrainës nga Rusia do të ishte një shkëndijë aq e madhe sa edhe për të nisur një Luftë Botërore. Për këtë arsye, drejtori i CIA-s, Bill Burns, është takuar personalisht me Presidentin rus, Vladimir Putin.

Fifi shpërthten ne të qara, Graniti del jashtë Big Brother

Graniti iashte konkurenti i radhës që la këtë të premte shtëpinë më të famshme në vend, atë të Big Brother. 

Ai ishte një nga katër të nominuarit, ndërsa vota e publikut vendosi që ai të largohej.

Por kjo ka shkaktuar një tronditje emocionale te Fifi, e cila ka shpërthyer në të qara.

Situata ka qenë delikate për disa minuta, deri sa Fifi edhe me ndihmën e banorëve të tjerë ka mbledhur veten. 

Kjo Angli nuk përballohet”! Reja ngre duart lart

ANGLI- Trajneri i përfaqësueses shqiptare, Edi Reja, ka deklaruar se ndaj Anglisë sot e kishte të pamundur kushdo që të bënte diçka. Në fjalët e tij për “SuperSport”, ai theksoi se ekipi nuk mund të bënte më shumë ndaj një ekipi dominues.

GABIMET-Bëmë gabime, sidomos me topin e parë. Gabuam te goli i parë, te goditja e këndit. Kur Anglia vjen me këtë forcë fizike, është e vështirë ta përballosh. Edhe te goli i dytë gabuam, por duhet t’i japim merita kundërshtarit.Në pjesën e parë nuk ishim në fushë. Do kisha dashur të kisha shënuar një gol. Aktivizova disa lojtarë në pjesën e dytë, u përpoqëm. Më vjen keq për dëmtimet, pasi mund të kisha bërë ndonjë ndryshim më tepër”.

NDESHJA E FUNDIT-“Duam të dalim të tretët dhe nuk duam ta humbim rastin. Kemi mungesa, por kemi 23 lojtarë dhe do luajnë të tjerët që nuk kanë luajtur. Do mundohemi të bëjmë një ndeshje të mirë kundër Andorrës”

Aksident në zonën e Kombinatit, plagoset 18 vjeçari

Një aksident ka ndodhur mbrëmjen e sotme në zonën e Kombinatit, në rrugën “Konferenca e Pezës”, ku një mjet me drejtues një 18 vjeçar ka dalë nga rruga.

Për pasojë është plagosur drejtuesi i mjetit A.M, i cili është dërguar në spital, ku ndodhet jahstë rrezikut për jetën.

“Me datë 12.11.2021, rreth orës 21:40, në Kombinat, në rrugën “Konferenca e Pezës”, mjeti me drejtues shtetasin A. M.,18 vjeç, ka dalë nga rruga.

Si pasojë është dëmtuar drejtuesi i mjetit, i cili ndodhet në spital, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.

Shqipëria sheh makthe në “Wembley”, humb 5-0 ndaj Anglisë

Një pjesë e parë katastrofike bëri që kombëtarja shqiptare të rikthehej shumë vite përpara dhe të pësonte një humbje vërtetë të thellë, 5-0 në transfertën ndaj Anglisë.

Një atmosferë e jashtëzakonshme në “Wembley”, ku të paktën 1/3-a e tifozëve ishin ata kuqezi, megjithatë gjërat në fushë nuk shkuan aspak mirë.

Fillimisht ishte Keidi Bare që “u dorëzua” për shkak të një dëmtimi, ndërsa më pas Maguire shënoi golin e avantazhit për anglezët, pas një gabimi në vendosje të kuqezinjve në goditje standarde.

Makthi nuk kishte fund, pasi në të 15-ën Myrtu Uzuni shpërdoroi një “dhuratë” të anglezëve për të rikthyer baraspeshën, ndërsa dy minuta më vonë Marash Kumbulla la fushën e lojës i dëmtuar, për t’u zëvendësuar nga Dermaku.

Nga ky moment gjithçka shkoi keq e më keq, me kuqezinjtë që nxorën topin plot 5 herë nga rrjeta deri në fundin e pjesës së parë dhe po të mos ishte për mëshirën e “tre luanëve” në 45-minutëshin e dytë, mbrëmja mund të kishte përmasa edhe më dramatike.

Gjithsesi tani nuk ka kohë për të qarë, pasi tri ditë më vonë në “Air Albania” vjen Andorra, në ndeshjen e fundit eliminatore, që duhet fituar patjetër për ta mbyllur edicionin në vendin e tretë, që ishte edhe objektivi primar i kuqezinjve.

Shqipëri – Angli/ Pjesa e dytë nis me zëvendësim të dyfishtë

Pjesa e dytë nis me zëvendësim të dyfishtë te kuqezinjtë, pasi Ramadani dhe Mihaj zënë vendin e Trashit dhe Bajramit.

Në minutën e 47′, Cikalleshi provon me një gjuajtje nga distanca, ajo është qendrore dhe topi përfundon në duart e Pikford.

Ndeshja Angli-Shqipëri në “Uembli” do të jetë sfida e cila do të përcaktojë përfundimisht nëse kuqezinjtë do të ruajnë deri në sfidën e fundit ëndrrën për një vend në play-off, apo nëse që nga sfida me Andorrën duhet të nisin përgatitjet për kualifikimin në Europian.

5 gola 45 minuta lojë. Kombëtarja Edi Reja-s, e çorientuar

Kombëtarja shqiptare u shpartallua që pa u mbyllur pjesa e parë e ndeshjes me Anglinë. Miqtë e tundën rrjetën plot 4 herë. Maguire në minutën e 9 me një asist të James, Kane në minutën e 18 me asist të Henderson, Henderson në minutën e 28 me pasim të Kane, sërish Kane me asist të Sterling në minutën e 33 dhe po ashtu edhe në minutën e 45, me një roveshatë.

Mbrojtja e Shqipërisë u shfaq e ccorientuar në të gjitha rastet. Por jo vetëm ky sektor ccaloi. Mesfusha qe inekzistente, ndësa në sulm Uzuni humbi një rast të artë.

Sjelljes absurde iu shtua edhe largimi i Kejdi Bares në minutën e 11 pas një dëmtimi dhe të Marash Kumbullës në minutën e 16. Në vend të tyre hynë respektivisht Qazim Laçi e Kastriot Demarku. Situata vetëm degjeneroi dhe anglezët shënuan me lehtësi.

Humbja e turpshme, jo vetëm për rezultatin, por edhe për mënyrën si u shënuan golat dhe për mungesën e grintës së kuqezinjve në fushë, e largon përfundimisht Shqipërinë edhe nga ëndrra e Botërorit.

Shqipëria renditet tashmë në vendin e tretë me 15 pikë, teksa Polonia është në vendin e dytë me 20 pikë dhe Anglia me 23 pikë. Ndeshja e vetme e ngelur, ajo me Andorrën vlen vetëm për të përmbyllur turneun. /Zoom.al

Kane i papërmbajtshëm, shënon të pestin

Harry Kane ka realizuar golin e 5 per Anglinë. Ai në minutën e 45 me një gjysmë “refushate” ka çuar topin në rrjetë, duke gjunjëzuar Shqipërinë.

Anglia nuk ka të ndalur kundër Shqipërisë, realizon edhe golin e 4

Shqipëria është e pa fuqishme përballë Anglisë.  Në harkun kohor të 4 minutave ka shënuar 2 gola të shpejtë duke çuar shifrat në  4-0 në Wembly.

Anglia e pamëshirshme ndaj Shqipërisë, shënon edhe golin e tretë

Shqipëria luan sonte në “Wembley” përballë Anglisë sfidën vendimtare, e cila do të përcaktojë përfundimisht nëse kuqezinjtë do mund të vazhdojnë të ëndërrojnë për botërorin.

Mira tifozë kuqezinj, kryesisht emigrantë në Britani të Madhe, po ndjekin ndeshjen nga stadiumi.

MOMENTET KRYESORE

28 ‘ Duket se ndeshja ka përfunduar tashmë për Shqipërinë, pasi Anglia me anë Jordan Hendersonsapo realizoi edhe goilin e tretë

18′ Anglia ka arritur të shënojë edhe golin e dytë ndaj Shqipërisë. Ishte Harry Kane i cili realizoi golin në minutën e 18-të, pas asistit të Henderson.

14′ Vetëm me portierin, çfarë rasti shpërdoron Uzuni

9’ Anglia ka shënuar një gol me kokë nga mbrojtësi Maguire, pas një korsimi nga goditja e lirë

5’ Sterling kërkon penallti pas një kontakti me Kumbullën dhe Baren, gjyqtari bën shenjë që loja të vazhdojë. Protesta të anglezëve, ndërsa aksioni vazhdon por Uzuni sinjalizohet në pozicion jashtë loje e më pas përplaset me Pikford.

FORMACIONET ZYRTARE

Anglia: Pikford, Uoker, Çilluell, Xhejms, Stouns, Meguajër, Filips, Henderson, Foden, Sterling, Kejn.
Trajner: Garet Sauthgejt

Shqipëria: Strakosha, Ismajli, Kumbulla, Veseli, Hysaj, Trashi, Bare, Gjasula, Bajrami, Uzuni, Cikalleshi.
Trajner: Edi Reja