Day ArchivePër çfarë qesh Opozita?!

Nga Elona Caslli

Dëgjova fjalimin e këtij zotërisë që as emrin nuk ia di. Është deputet i Lushnjës në Partinë Demokratike.

Në gjithçka thotë ka vërtetësinë e një njeriu që nuk mundohet hiç as të latojë fjalën dhe as të latojë mendimin se nuk është në parlament anglez, por është në zemër të një parlamenti ku përballë ka Spiropalin, Tigrin, Tërmetin, Antoneta Dhimën, Gjylametin etj.

Dhe kur një popull po vuan zinë e bukës dhe padrejtësinë deri në kockë; nevojiten veç fjalitë e thjeshta dhe asgjë më shumë.

Tani një pyetje kisha; Opozita pse qesh?!

Pse qesh Opozita teksa ky njeri thotë se del miu në spital?!

Pse qesh Opozita teksa ky njeri thotë se ka familje ku miu mund të hyjë në dollapin e bukës dhe mund të mos gjejë bukë?!

Pse qesh Opozita kur ky deputet përfaqëson veçse Opozitën?!

Pse qesh Opozita?! Çfarë ka për të qeshur?!

Të na shpjegojë Opozita arsyen pse qesh se mbase e kuptojmë dhe qeshim edhe ne.

Post Scriptum- Që të qeshin rilindasit e kuptoj se kanë tetë vite që qeshin me largimin dhe mjerimin e shqiptarëve, por që të zgërdhihet Opozita, këtë nuk e kuptoj hiç.

Dialogu Kosovë-Serbi, i dërguari i SHBA, Escobar: Të arrihet kompromis për të pagjeturit

Zëvendësndihmës Sekretari për Çështje të Evropës dhe Euroazisë, Gabriel Escobar, në një intervistë për Radion Evropa e Lirë tha se Shtetet e Bashkuara kanë besim që i dërguari i BE-së për dialogun, Miroslav Lajçak do të arrijë synimin e dialogut ndërmjet Kosovës dhe Serbisë e që, sipas tij, është “arritja e një zgjidhjeje” ndërmjet dy shteteve.

Escobar, që njëherësh është i dërguari i Departamentit amerikan të Shtetit për Ballkanin Perëndimor, tha se çështjet, që kërkojnë zgjidhje të menjëhershme është ajo e personave të pagjetur.

“Tema më urgjente (që do të lëvizte gjërat përpara në dialog) është çështja e personave të pagjetur. Kjo është një temë humanitare që nuk duhet të bllokohet për shkak të mosmarrëveshjeve politike. Ka familje që po presin me vite për të kuptuar se çka ka ndodhur me më të dashurit të tyre. Unë thjesht nuk e kuptoj pse për këtë çështje nuk mund të ketë kompromis”, tha Escobar.

Ai tha se ka edhe një sërë çështjesh për të cilat kanë punuar dhe që nuk kanë “asnjë ndikim në statusin”, siç janë “lidhjet ekonomike që tashmë ekzistojnë, revitalizimi i tyre në mënyrë që jenë funksionale”.

“Shembull, është çështja e targave të veturave. Është edhe çështja për energjinë në veri të Kosovës. Pra, ka një sërë çështjesh të vogla, që mund të zgjidhen menjëherë”, tha ai.

Gabriel Escobar ka marrë postin e Zëvendësndihmës Sekretarit për Çështje të Evropës dhe Euroazisë në fillim të shtatorit. Ai në këtë post e pason Mattheë Palmerin./ REL

“Thikë pas shpine”, Franca tërheq ambasadorët nga SHBA dhe Australi pas paktit të ri të sigurisë

Franca e zemëruar ka vendosur mbrëmjen e sotme të tërheqë nga ambasadorët e saj në SHBA dhe Asutrali, pasi iniciativës për krijimin e një mini-NATO.

Franca i ka tërhequr ambasadorët duke pretenduar se kjo është një thikë pas shpine për ta.

Sot, Presidenti amerikan Joe Biden demonstron vendosmërinë e tij për të kufizuar zgjerimin e ndikimit kinez në rajonin Indo-Paqësor duke shpallur një marrëveshje bashkëpunimi të sigurisë dhe mbrojtjes me Britaninë dhe Australinë. Me Plani u quajt AUKUS (Australi – Mbretëria e Bashkuar – Shtetet e Bashkuara) dhe fillimisht marrëveshja trepalëshe e shpallur nga Joe Biden, kryeministri britanik Boris Johnson dhe kryeministri australian Scott Morrison përfshin planin që Australia të marrë një flotë nëndetëse me energji bërthamore.

Ky është një plan 18-mujor, i cili përfundon marrëveshjen kolosale ushtarake dhe ekonomike midis Australisë dhe Francës për blerjen e 12 nëndetëseve konvencionale të tipit Barracuda (nga Grupi Naval i kontrolluar nga shteti francez, i cili dëshiron të shesë fregatat Belh @ rra në Greqi.) E cila do të fillonte në 2023 dhe kishte një buxhet mbi 30 miliardë euro! Në deklaratat e tyre publike, Joe Biden, së bashku me Boris Johnson dhe Scott Morrison, iu referuan një plani 18-mujor për të krijuar një vendim për të furnizuar Marinën Australiane me nëndetëse me energji bërthamore.

“Nisma e parë sipas marrëveshjes AUKUS do të jetë blerja e nëndetëseve me energji bërthamore për Marinën Australiane, në mënyrë që të jemi në gjendje të mbrojmë interesat tona kombëtare dhe ato të miqve tanë rajonalë në të ardhmen,” tha Kryeministri Australian Scott Morrison.

Aleanca AUKUS: Përfundimet e para

1. Qeveria amerikane ka bërë zgjedhjen strategjike për të forcuar bashkëpunimin e saj ushtarak me Mbretërinë e Bashkuar dhe Australinë, dy aleatë besnikë dhe të përkushtuar, me synimin e dukshëm të ndalimit të zgjerimit të Kinës në Paqësor. Duke pasur parasysh të metat e aleancës së madhe ushtarake të NATO -s, Uashingtoni po zgjedh një aleancë më fleksibël me një vend që kohët e fundit u largua nga BE dhe një tjetër që konsiderohet nga shumë si një satelit amerikan. Në javët, muajt dhe vitet e ardhshme, partneriteti strategjik amerikan me Britaninë dhe Australinë do të bëhet më i qartë, jo vetëm në fushën e sigurisë në rajonin “Indo-Paqësor”, por edhe në fushën e konfrontimit ekonomik me Kinën. Me

2. Kinezët, të cilët padyshim e kuptojnë se lëvizjet amerikane nuk janë të rastësishme, tashmë kanë reaguar. Një zëdhënës i ambasadës kineze në Uashington, Liu Penggyu, foli për një mentalitet dhe paragjykim ideologjik të stilit të Luftës së Ftohtë. Një pyetje vendimtare është se si do të përpiqet të reagojë Presidenti kinez Xi Jinping dhe nëse ai do të jetë në gjendje të përfundojë aleanca të forta ndërkombëtare që mund të veprojnë si kundërpeshë ndaj aleancës AUKUS.

3 “Thika e pasme” e Australisë në Francë, kap një klimë që tregon se marrëdhëniet transnacionale, edhe midis vendeve mike ose aleate, janë shumë të lehta për t’u shndërruar në … xhungël. Sapo amerikanët e kërkuan atë, australianët anuluan një marrëveshje të madhe me Francën për furnizimin e 12 nëndetëseve franceze me arsyetimin se ata vendosën të blinin nëndetëse me energji bërthamore. Gjëja interesante është se Franca gjithashtu ka nëndetëse të teknologjisë bërthamore, por qeveria australiane thjesht anuloi një marrëveshje prej më shumë se 30 miliardë eurosh që ishte lidhur me Parisin që nga viti 2016 dhe as nuk u shqetësua të kërkonte as … një kundër-ofertë Me

4. Pas ndërhyrjes direkte të SHBA me aleatët e NATO -s dhe anëtarët e BE për të mos furnizuar sisteme të teknologjisë 5G nga Kina për të parandaluar Pekinin që të monitorojë komunikimet kritike dhe të ketë akses në informacione të ndjeshme të qeverisë, Uashingtoni ndërmerr hapin tjetër për të kufizuar zgjerimin kinez në Paqësor. Shtrirja e konfrontimit të Uashingtonit me Pekinin përsa i përket tregtisë botërore, marrëdhënieve ekonomike dhe nëse mund të ndikojë në marrëveshjet ekzistuese të bashkëpunimit të Kinës me vendet që konsiderohen se i përkasin “Perëndimit”, është diçka që do të provohet në të ardhmen e afërt. e ardhmja

5 Evropa duket e izoluar dhe kështu edhe Bashkimi Evropian do të thirret të marrë vendime kritike me rëndësi strategjike për vitet në vijim, në mos dekada. Si do të merret BE -ja në tërësi me “paqen e ftohtë” të Shteteve të Bashkuara me Kinën dhe si do të zgjedhë të trajtojë vende të tilla si Rusia dhe Turqia.

6. Interesi i Uashingtonit po zhvendoset në rajonin e Paqësorit dhe në Kinë. Kjo u tregua nga qëndrimi i qeverisë amerikane për çështjen e Sirisë, kohët e fundit tërheqja nga Afganistani, por edhe nga lëvizjet e Uashingtonit në luftën midis Armenisë dhe Azerbajxhanit dhe krizës në Libi. Cili vend ka një shans të madh të dalë i azhurnuar nga ndryshimi i politikës amerikane dhe cilat duhet të jenë lëvizjet e menjëhershme taktike dhe strategjia e përgjithshme e Greqisë përballë ndryshimeve që tashmë janë duke u zbatuar dhe që do të ndikojnë në rajonin tonë më të gjerë?

Pentagoni pranon sulmin me dron në Kabul: Dhjetë viktima nuk kishin asnjë lidhje me ISIS

SHBA pranon sulmin me dron në Kabul që vrau 10 njerëz të pafajshëm pak para tërheqjes.

Kwshtu ka konfirmuar zyrtari amerikan per BBC CBS News.

Kujtojmë se sulmi me dron amerikan që kishte në shënjestër një sulmues vrasës përfundoi duke vrarë 10 anëtarë të një familjeje në Kabul, përfshirë gjashtë fëmijë me 30 gusht të këtij viti.

Të 10 -të u vranë kur një makinë e parkuar në shtëpinë e tyre u godit nga një shpërthim. Disa nga të vrarët kishin punuar më parë për organizatat ndërkombëtare dhe kishin viza që u lejonin atyre hyrjen në SHBA.

Makina përplaset keq me “Fordin” e policisë në aksin rrugor Milot-Morinë

Më datë 17.09.2021, rreth orës 20:10, në aksin rrugor Milot-Morinë, në afërsi të një karburanti mjeti me drejtues shtetasin E.A., 35 vjeç, banues në Angli është përplasur me automjetin e policisë tip “Ford”, ku për pasojë kanë marrë dëmtime të lehta 3 punonjës Policie të DVP Kukës, të cilët po marrin mjekim në spitalin e Mirditës.

Grupi hetimor, nën drejtimin e Prokurorisë Lezhë, po kryejnë veprimet hetimore për zbardhjen e plotë të rrethanave të ngjarjes.

Ish i dërguari për Ballkanin Perëndimor, Mathew Palmer emërohet në detyrën e re shumë pranë Shqipërisë

Shtetet e Bashkuara e kanë emëruar ish të dërguarin për Ballkanin Perëndimor Matthew Palmer, si person përgjegjës për të mbikëqyrur programin e reformës zgjedhore në Bosnje e Hercegovinë, një vendim ky, që Uashingtoni thotë se është shenjë e përkushtimit të tij në rajon.

Gabriel Escobar, që më herët gjatë këtij muaji është emëruar Zëvendësndihmës Sekretar për Çështje të Evropës dhe Euroazisë, tha në një intervistë për Radion Evropa e Lirë më 17 shtator se Palmeri do të jetë njeriu kryesor i SHBA-së për këtë temë.

Escobari tha se reforma zgjedhore në Bosnje është një prej hapave të parë që duhet të adresohen, në mënyrë që Ballkani Perëndimor të bëhet “më funksional” si shtet.

“Jam shumë i lumtur që Matt (Palmer) do të vazhdojë të bëjë punën e tij sepse ai ka njohuri të jashtëzakonshme, ka kontakte të jashtëzakonshme dhe vizion të madh sesi zgjedhjet në Bosnje duhet të funksionojnë”, tha Escobar.

Ai shtoi se zgjedhjet duhet të jenë “më transparente, më të përgjegjshme ndaj vullnetit të njerëzve”.

Disa analistë rajonalë kanë qenë kritikë ndaj asaj që ata e kanë cilësuar si tërheqje të angazhimit të SHBA-së në rajon, posaçërisht në Bosnje, që prej fillimit të vitit 2000.

Escobari tha se emërimi i Palmerit si zyrtari kryesor për zgjedhjet në Bosnje është “një shenjë e rëndësishme” e përkushtimit amerikan ndaj këtij shteti./REL

3 perimet që ndihmojnë shumë për të krijuar masë muskulore

Ushqyerja është jetike për shëndetin tonë, veçanërisht nëse duam të jemi të fortë e të shëndetshëm. Së bashku me aktivitetin fizik, duhet të marrim parasysh proporcionet e duhura të makronutrientëve, përkatësisht karbohidratet, proteinat dhe yndyrat të diktuara nga karakteristikat specifike shëndetësore–nëse duhet të humbisni dhjamin e tepërt apo të fitoni masë muskulore. Shumica e njerëzve që kanë një tip të trupit ektomorf ose të dobët, duhet të vlerësojnë ushqyerjen së bashku me stërvitjjen dhe pushimin, në mënyrë që të fitojnë masë, peshë dhe muskuj duke përmirësuar fizikun e tyre. Por çfarë ushqimesh duhet të hamë për të fituar masë muskulore?

Së bashku me mishin dhe qumështin, disa perime janë të njohura për efektin e tyre në ndërtimin dhe rritjen e masës muskulore. Sipas Bodybuilding, perimet janë plot me vitamina e minerale të ndryshme të rëndësishme. Disa nutrientë përfshijnë vitaminat B në perimet me gjethe jeshile, të cilat ndikojnë në funksionimin e sistemit nervor dhe konvertimin e ushqimit në energji të përdorshme, përveç rregullimit të proceseve të ndryshme qelizore. Perimet gjithashtu janë të pasura me antioksidantë, kështu ato ndihmojnë në largimin e radikaleve të lira si dhe toksinave e kimikateve të dëmshme të trupit.

Panxharët e kuq bëjnë pjesë tek perimet që ndihmojnë në ndërtimin e masës muskulore. Sipas Bodybuildint, atletët konsumojnë lëng dhe ekstrakte panxhari  i cili është gjithashtu përbërës i shumë suplementeve sportive që përdoren para stërvitjes. Por, konsumi i tij si perime do të ishte më i dobishëm për shëndetin e trupit dhe rritjen e masës muskulore, pasi hyn tek perimet që nuk i janë nënshtruar ende procedurave mekanike dhe kimike. Kështu, trupi mund të jetë në gjendje të marrë më tepër lëndë ushqyese në krahasim me suplementet që mund të blihen në treg. Panxhari gjithashtu favorizon ndërtimin e muskujve duke ndihmuar konvertimin e nitrateve në nitrite, duke prodhuar oksid nitrik. Fiziologjikisht, është një gaz që rrit diametrin e enëve të gjakut, çka përkthehet në përmirësim të shpërndarjes së oksigjenit dhe lëndëve ushqyese në muskuj. Kështu, sigurohet rritje e masës muskulore. Panxhari përmban gjithashtu folate dhe betainë, të cilat ndihmojnë në uljen e inflamacionit të trupit. Kjo nënkupton që pas stërvitjes, muskujt do të rikuperohen më shpejt duke nxitur gjithashtu rritjen e masës së tyre.

Spinaqi është gjithashtu pjesë e listës së perimeve që ndihmojnë në ndërtimin e muskujve. Sipas WH OFoods, spinaqi përmban  glikoglicerolipide, të cilat janë etiketuar si një kategori e re e nutrientëve që suportojnë një shëndet të mirë. Lënda ushqyese në fjalë ndihmon në mbrojtjen traktit tretës duke parandaluar dëmtimin e lidhur me inflamacionin e tepërt. Perimet janë gjithashtu të dobishme për  qetësimin e  inflamacionit të trupit pas sërvitjeve.

Patatet e ëmbla janë gjithashtu agjentë të mirë për rritjen e muskujve. Sipas Eat This, ato janë burime të pastra të energjisë, me katër gram fibra dhe 27 gram karbohidrate për porcon. Një kupë me kuba patatesh të ëmbla përmban katër herë më shumë vitaminë A se doza e rekomanduar, e cila ndihmon në sintezën e proteinave. Patatet e ëmbla gjithashtu kanë indeks të ulët glikemi, që do të thotë se digjen ngadalë nga sistemi tretës i trupit. Kjo është arsyeja pse atletët dhe ata që merren me fitness i kanë pjesë të planit të tyre ditor; janë burim afatgjatë energjie dhe konsumi i tyre nëse bëni fitness lejon rikuperimin e glikogjenit të muskujve pas stërvitjes.

Së bashku, me perimet e sipërpërmendura burime të tjera ushqimore që ndihmojnë rritjen e masës muskulore janë mishi, frutat e thata, bulmeti, kokosi, etj.

Gjermania ashpërson rregullat për zbulimin e burimit të të ardhurave

Gjermania ka miratuar një ligj të ri transparence për ligjvënësit e saj. Ai është miratuar pasi konservatorët dhe liberalët kishin arritur për një kohë të gjatë të parandalonin një rregullore të re mbi zbulimin publik të burimit të të ardhurave të deputetëve.

Por, organizatat joqeveritare luftuan pa u lodhur për një version të ri dhe më strikt të ligjit, duke ia arritur qëllimit.

“Sa i takon ligjeve të transparencës për deputetët, Gjermania deri tani ka qenë e fundit në renditjen evropiane. Struktura anti-korrupsion në Këshillin e Evropës e ka kritikuar shpesh herë Gjermaninë, pasi nuk ka vepruar si duhet krahasuar me vendet e tjera të BE-së”, tha Clara Helming, aktiviste.

Përpara skandaleve, si për shembull ai kur ligjvënësit mbushën xhepat gjatë pandemisë së COVID, duke ndërmjetësuar marrëveshje të fshehta, ndërveprimi nuk ishte i mundur.

“Në vende të tjera evropiane, ku ka rregulla më të forta transparence, janë zbuluar skandale të mëdha. Kjo ka ndodhur për shembull në Britani, ose në Francë. Por ajo që Franca bëri më mirë, pas skandalit të vitit 2013, kur i bëri rregullat më të forta, ishte futja në fuqi e një instance kontrolli”, deklaroi Helming.

Problemi konsiston në faktin se në Gjermani ligjvënësit kontrollojnë vetveten përmes kryetarit të Parlamentit, që është gjithashtu deputet. Ai supozohet të vendosë për anëtarët e partive. Sidoqoftë, vetë kryetari nuk kontrollohet. Ëolfgang Schäuble është aktualisht kryetar i Bundestagut, që prej 2017-s.

“Edhe deri tani kishte rregulla, por nuk ishin të forta sa duhet dhe nuk zbatoheshin. Shumica e procedurave ndiqeshin në mënyrë të brendshme nga Bundestagu dhe publiku nuk merrte vesh asgjë për ta. Kemi frikë se e njëjta gjë do të ndodhë edhe me rregullat e reja”, shprehet aktivistja.

Gjatë mandatit aktual të kryetarit të Bundestagut, shkeljet u sanksionuan vetëm një herë.

Papa Françesku thotë se bashkimi civil brenda të të njëjtit seks është “i mirë dhe ndihmues për shumë persona”

Papa Françesku e mbylli udhëtimin e tij në Sllovaki duke diskutuar rreth  çështjeve si aborti dhe martesat e të njëjtit seks.

Ai tha se e konsideron abortin vrasje.

Papa tha se martesa është një sakrament mes burrit dhe gruas, por shtoi se bashkimet civile të të njëjtit seks janë të mira dhe ndihmojnë shumë njerëz.

Papa tha se Kisha Katolike “nuk e ka fuqinë të ndryshojë sakramentin e krijuar nga Zoti” , por ai i mbështet ligjet civile që mundohen të ndihmojnë “njerëzit me orientime seksuale të ndryshme”

“Nëse një çift homoseksualësh duan të krijojnë një jetë së bashku, shteti ka mundësinë që t’i krijojë siguri, stabilitet; dhe jo vetëm për homoseksualët por tek të gjithë njerëzit që duan të jetojnë së bashku në një bashkim civil” shtoi ai.

“Kjo nuk do të thotë që ata do dënohen: Jo, ata janë vëllezërit dhe motrat tanë. Por martesa është një sakrament, mes një burri dhe një gruaje.”

 

*Sakramentet janë ritualet e Kishës Katolike si pagëzimi, krezmimi, kungimi, rrëfimi.

Tenton vetëvrasjen në burg autori i dyshuar për vrasjen e Xhuljano Bullarit në Vlorë

Bledar Selmanaj, autor i dyshuar për vrasjen e 25-vjeçarit Xhuljano Bullari në Vlorë ka tentuar vetëvrasjen. Mësohet se Selmanaj e ka ndërmarrë aktin ekstrem rreth orës 19.00 në ambientet e burgut të Peqinit.

Ka qenë ndërhyrja në kohë e administratës së burgut që ka bërë të mundur shpëtimin e jetës së Bledarit, i cili ndodhet nën masën e sigurisë “arrest me burg”.

Kujtojmë se vrasja ndodhi në Babicë të Vlorës ndërsa një nga pistat ku po hetohet lidhet me faktin se Bullari mund të jetë vrarë nga Selmanaj për paratë e një sasie rreth 100 kg lëndë narkotike kanabis.

25-vjeçari me grupin e tij i ka blerë 39-vjeçarit sasinë e drogës me lekë false. Ndaj kishte presion të vazhdueshëm nga Bledar Selmanaj për paratë. Por autori i dyshuar nuk ka pranuar autorësinë e krimit. Sipas burimeve ai i ka thënë grupit hetimor se udhëtoi të premten pasdite me Xhuljano Bullarin nga Tirana në Vlorë por ndaloi në banesën e tij.

Fjeti atë mbrëmje aty dhe të nesërmen u kthye sërish në kryeqytet. Ndërsa nuk ka dhënë asnjë informacion se ku do të shkonte më pas Xhuljano Bullari. Ky i fundit u gjet ditën e shtunë në mëngjes i vrarë me një plumb në kokë në mjetin “Fiat” të kushërirës së tij në një zonë të Babicës së Vlorës.