Day ArchiveGjermania përcakton si do të veprohet me ashpërsimin e masave anti-Covid, gjithëçka varet nga shtrimet në spitale

Numri i pacientëve me COVID-19 në spitale do të jetë treguesi kryesor për vlerësimin e ashpërsisë së pandemisë në Gjermani, sipas legjislacionit të miratuar sot në Dhomën e Ulët, Bundestag.

Pika referuese e mëparshme ishin shifrat e infeksionit, të cilat nuk konsiderohen më aq kuptimplotë, për shkak të numrit të shumtë të personave të vaksinuar.

Numri i pacientëve me COVID-19 për 100 000 banorë gjatë shtatë ditëve të fundit në Gjermani është aktualisht në 1,69, sipas institutit të kontrollit të sëmundjes RKI.
Të hënën, shifra ishte 1,64.

Në nivelin më të lartë, rreth Krishtlindjes së vitit të kaluar, kjo shifër ishte në 15,5.

Gjithashtu, do të merren parasysh edhe treguesit e tjerë, si numri i infeksioneve të reja për 100 000 banorë në shtatë ditë, kapaciteti i disponueshëm i kujdesit intensiv dhe numri i personave të vaksinuar.

Deri më sot, 61,4 për qind e popullsisë në Gjermani është plotësisht e vaksinuar. Legjislacioni i ri u jep 16 landeve gjermane aftësinë për të përcaktuar se në cilën pikë të vendosin kufizime të gjera.

Dhoma e Sipërme, Bundesrat, ende nuk e ka miratuar rregulloren e re dhe do të mbajë një seancë të veçantë të premten.

Udhëheqësi i lartë i talebanëve: Afganistani do të qeveriset tani nga ligji i Sheriatit

Mes trazirave globale pas formimit të qeverisë së re talebane, kreu i lartë i grupit, Haibatullah Ahunja, ka thënë se në të ardhmen, e gjithë qeverisja dhe jeta në Afganistan do të jetë sipas ligjit të Sheriatit.

Në deklaratën e parë publike, pasi morën pushtetin aii përgëzoi afganët për çlirimin e vendit nga sundimi i huaj. Ai shtoi se qeveria e re e njoftuar më herët do të fillojë të funksionojë sa më shpejt të jetë e mundur.

Ahmadinexhad tha se talebanët janë të përkushtuar ndaj të gjitha ligjeve, traktateve dhe detyrimeve ndërkombëtare që nuk bien ndesh me ligjin islam.

Mohammed Hassan Achount, udhëheqës i komitetit vendimmarrës i talebanëve do të jetë kreu i qeverisë së grupit islamik në Afganistan, sipas asaj që është deklaruar nga përfaqësuesi Zampinoulach Muxhahidit. Hassan ishte ministër i Jashtëm i qeverisë talebane në fillim të viteve ’90.

Bashkëthemeluesi i grupit, Abdul Ghani Baradar, do të jetë një nga dy nënkryetarët e qeverisë. Duke pasur respektin e fraksioneve të ndryshme talebane, Baradar udhëhoqi negociatat me amerikanët në Doha që çuan në tërheqjen e forcave të huaja nga vendi. Sirachountin Haqqani, lideri i rrjetit Haqqani dhe të kërkuar nga FBI-ja, është emëruar si ministër i Brendshëm.

Përveç kësaj, Amir Khan Moutaki do të jetë ministër i Jashtëm, dhe Mullah Yakub, djali i Mullah Omar, do të jetë ministër i Mbrojtjes. Krerët e ministrive të tjera do të shpallen së shpejti, shtoi Mujahid, gjatë një konference për shtyp në Kabul.

“Të gjitha grupet janë të përfaqësuara në kabinet,” tha ai. “Askush nuk do të jetë në gjendje të ndërhyjë në Afganistan” Zëdhënësi i talebanëve theksoi se Afganistani ” kishte fituar lirinë e tij” , duke theksuar se “vetëm vullneti i afganëve” do të zbatohej në vend.

Kryeministri çek: Nuk ka vend në Evropë për refugjatët afganë

Kryeministri çek Andrej Babis ka thënë se nuk ka vend për refugjatët afganë në Evropë, dhe BE -ja duhet t’i ndihmojë ata të qëndrojnë në atdheun e tyre.

Babis foli pas një takimi me homologët e tij austriakë dhe sllovakë, në të cilin ata diskutuan perspektivën e një rritje të refugjatëve nga Afganistani pas marrjes nën kontroll të talebanëve.

Të tre udhëheqësit thanë se ranë dakord që BE -ja duhet të shmangë me çdo kusht një përsëritje të krizës së migrimit të vitit 2015, ku miliona emigrantë mësynë në vendet evropiane nga Afrika dhe Lindja e Mesme.

Babis tha se kishte opsionin për të përsëritur marrëveshjen e vitit 2016 me Turqinë, e cila pranoi të priste shumë nga mbërritjet në këmbim të stimujve financiarë dhe të tjerë, “por unë nuk mendoj se kjo është një alternativë e mirë”.

“Një alternativë më e mirë është një zgjidhje që i bën njerëzit të qëndrojnë në Afganistan,” citohet të ketë thënë ai.

Komisioni Evropian kërkon ndëshkim financiar për Poloninë

Komisioni Evropian po ashpërson qëndrimin kundër Polonisë për shkak të reformës së diskutueshme në drejtësi. Ai i është drejtuar Gjykatës Evropiane të Drejtësisë në Luksemburg për të vendosur një gjobë ndaj Polonisë.

Në mosmarrëveshjen juridike me Poloninë, Komisioni Evropian i caktoi Polonisë një ultimatum në korrik dhe e kërcënoi me një gjobë për herë të parë. Tani KE po ndërmerr hapin tjetër: ai ka aplikuar në Gjykatën Evropiane të Drejtësisë për një dënim financiar kundër Polonisë.

Brukseli e justifikon hapin me faktin se Polonia nuk mbron sistemin e saj gjyqësor. BE e sheh reformën në drejtësi si një mjet për të ushtruar ndikim te gjyqtarët.

Pas kësaj qëndron aktiviteti i vazhdueshëm i dhomës disiplinore për të ndëshkuar gjykatësit, njoftoi Komisioni të martën. Gjykata Evropiane e Drejtësisë (GJED) tani duhet të vendosë për kërkesën.

Në mes të korrikut, GJED vendosi që dhoma disiplinore e Polonisë shkel të drejtën evropiane. Dhoma disiplinore në gjykatën më të lartë të vendit, e themeluar në vitin 2018, nuk ofron të gjitha garancitë e pavarësisë dhe paanësisë, zbuluan gjykatësit më të lartë të Evropës.

Gjykata Evropiane e DrejtësisëGjykata Evropiane e Drejtësisë

Dhoma disiplinore shkel të drejtën evropiane

Për më tepër, GJED e kishte urdhëruar Poloninë që të pezullojë dispozitat që autorizojnë Dhomën Disiplinore të vendosë mbi kërkesat për heqjen e imunitetit gjyqësor dhe për çështjet në lidhje me punësimin dhe daljen në pension të gjyqtarëve në një dispozitë provizore pak më parë. Vendimi mbante parasysh edhe dispozitat e tjera të ligjit polak në lidhje me pavarësinë e gjyqtarëve.

Polonia atëherë kishte njoftuar se Dhoma Disiplinore e diskutueshme nuk do të vazhdojë të punojë më në formën e saj aktuale. Sidoqoftë, aktualisht po punohet për rastet e vjetra.

Shuma e sanksioneve financiare teorikisht mund të arrijë në një gjobë me gjashtë shifra. Në një rast tjetër, GJED kishte kërcënuar Poloninë me një gjobë prej të paktën 100.000 euro në ditë në vitin 2017. Në atë kohë, gjykata kishte urdhëruar Poloninë të ndalonte prerjet në pyllin e mbrojtur më parë Białowieża./DW

Nëna dhe vëllai i vdiqën nga COVID, flet familjari: Të dy më pyesnin për njëri-tjetrin

Familjes Arifi nga Gjilani i kanë vdekur dy anëtarë të familjes nga koronavirusi. Përgjatë ditës së djeshme, u raportua se kanë vdekur nënë e bir si pasojë e komplikimeve nga koronavirusi. Një gjë të tillë e konfirmoi kryetari i Komunës së Gjilanit, Lutfi Haziri.

Ekipi i T7 ka arritur të marrë në prononcim nga familjari, i cili erdhi në Kosovë nga mërgimi pasi dëgjoi se anëtarët ishin të infektuar me Covid-19.

“Një vëlla më tregoi edhe erdha, por erdha si vonë pak. Kur erdha ishin në spital në Gjilan, e nana ishte në shtëpi. Këto se kena çu, e kena mbajtë me oksigjen në shpi, s’mujtëm me e shpëtu. Të njëjtën kohë kur iu përkeqësua gjendja vëllait në spital, ai më pyeste për nanën, nana për vëllain”, deklaroi ai për T7.

Familjari rrëfen se pati eksperienca të këqija në Spitalin e Gjilanit.

“Mjekët e Gjilanit i kem paguar privat, me na ardhë në shtëpi, ata mjekët që punonin në Gjilan. Këtu është katastrofë, vetë e kam fshi dhomën në spital, nuk vinin me e fshi”, ka shtuar më tej familjari.

Ai ka hedhur akuza ndaj institucioneve të Kosovës e krerëve shtetërorë.
“Haram ju koftë krejtëve, me Albin Kurt, e me Vjosa Osmani, që i lirun këto dasma e këto sene palidhje”, ka thënë ai.
Familjarët e tjerë nuk pranuan të flasin, por prapa kamerave e kanë konfirmuar se janë në gjendje të mirë shëndetësore.

Trondit mjeku: Vala e “kokëfortëve” do të godasë në fund të tetorit, rruga e shpëtimit

Profesori grek Nikos Thomaidis shprehet se nëse nuk arrin në 80% përqindja e qytetarëve që kanë marrë dozën kundër COVID-19 ka rrezik që në fund të tetorit të ketë një tjetër valë, që burim do të ketë të pavaksinuarit, por që do i godasë më pas të gjithë.

“Nëse nuk arrijmë një përqindje prej 80% do të ketë një “valë të pavaksinuarve “, e cila do prekë dhe një pjesë të atyre që janë të vaksinuar, veçanërisht grupet e cenueshme dhe të moshuarit në rrezik” tha ai.

Mjeku e konsideron fundin e tetorit dhe fillimin e nëntorit si një moment historik, në mënyrë që të kemi një pamje të situatës.

Dhe ai vlerëson se 60%, e cila është përqindja aktuale e mbulimit të vaksinimit në Greqi është e kënaqshme, por “nuk mbron të gjithë popullsinë nga një valë tjetër, prandaj është e nevojshme të rritet mbulimi i vaksinimit”

COVID-19 nuk kursen as të rinjtë në Kosovë, vdes një 22-vjeçare në Gjilan

Një 22-vjeçare nga Gjilani ka vdekur sot si pasojë e COVID-19. Lajmin e ka konfirmuar drejtori klinik i Spitalit të Gjilanit, Ukshin Ismajli.

Ai tha se 22-vjeçarja fillimisht ka kërkuar ndihmë në Spitalin e Gjilanit, por është dërguar në QKUK për shkak të gjendjes së saj.

“Po, ka vdekur sot. Ka ardhur tek ne por për shkak të gjendjes është dërguar në QKUK. Ka vdekur sot në mëngjes. I shpreh ngushëllime familjes së saj dhe të gjithë familjarëve që i kanë humbur të dashurit e tyre nga ky virus”, tha Ismajli, shkruan Express.

Kujtojmë se në 24 orët e fundit në Kosovë u shënuan 28 viktima nga koronavirusi.

Rusia me fushatë agresive ndaj Kosovës

Lufta diplomatike ruse kundër Kosovës do të bëhet më e fuqishme pas përfundimit të moratoriumit mbi njohjet e Kosovës, thuhet në një hulumtim të Instituti Kosovar për Kërkime dhe Zhvillime të Politikave (KIPRED).

Përfundimi i këtij moratoriumi, sipas KIPRED-it, mund të shfrytëzohet nga Rusia për të punuar bashkërisht me Serbinë për ta zbatuar një fushatë agresive për çnjohjen e Kosovës edhe gjatë zhvillimit të sesionit të 76-të të Asamblesë së Përgjithshme të Kombeve të Bashkuara.

Marrëveshja e Uashingtonit e nënshkruar më 4 shtator 2020 mes Kosovës dhe Serbisë, parashihte ndalesën e fushatës së Serbisë për largimin e njohjeve të shtetit të Kosovës si dhe ndalesën për aplikimin për anëtarësimin e Kosovës në organizata ndërkombëtare, brenda një viti.

Megjithatë, më 3 shtator Departamenti amerikan i Shtetit e inkurajoi Kosovën dhe Serbinë, që të vazhdojnë me moratoriumin mbi çështjet e njohjes që ndërlikojnë përparimin në fushat teknike. Qeveria e Kosovës ende nuk është prononcuar lidhur me këtë kërkesë.

Hulumtim i KIPRED-it, “Observeri i Kosovës: Lufta Diplomatike Ruse dhe Dezinformimi Medial”, ka analizuar deklaratat, konferencat për shtyp, artikujt dhe dokumente të tjerë të institucioneve të politikës së jashtme ruse nga 1 qershori deri më 15 gusht të vitit 2021.

Sipas KIPRED-it, Rusia vazhdimisht tenton të dëmtojnë themelet e shtetësisë së Kosovës duke synuar që të minimizojë angazhimin e Perëndimit në Kosovë dhe rajon dhe duke tentuar që ta krahasojë rastin e Kosovës me atë të Krimesë së Ukrainës.

Që nga viti 2014, kur Rusia aneksoi rajonin e Krimesë nga Ukraina, Rusia është përpjekur që shpalljen e pavarësisë së Kosovës, ta lidhë drejtpërdrejt me këtë konflikt.

Po ashtu, sipas këtij hulumtimi, propaganda ruse tenton që të ndryshojë narrativin për krimet e luftës në ish-Jugosllavi si dhe që ta akuzojë Kosovën për shtypjen e serbëve dhe të Kishës Ortodokse Serbe.

Të heshtur përballë propagandës ruse
Por, pavarësisht kësaj fushatë propaganduese të Rusisë, sipas autorit të këtij hulumtimi Lulzim Peci, institucionet e Kosovës janë të heshtura dhe pa ndonjë strategji për t’iu kundërvënë kësaj.

“Në këtë aspekt në Ministrinë e Jashtme nuk ekziston ekipi për Rusi, nuk ka asnjë person i cili merret në baza ditore me politikën ruse ndaj Kosovës. Nuk ka fare koordinim mes presidencës dhe kryeministrisë. Po ashtu, as në presidencë as në kryeministri nuk ka asnjë person që në mënyrë sistematike merret me luftën diplomatike ruse ndaj Kosovës”, thotë Peci.

Tani pas përfundimit të moratoriumit dhe para sesionin të Asamblesë së Përgjithshme të Kombeve të Bashkuara, shton Peci, Qeveria e Kosovës në koordinim me partnerët e saj perëndimorë, duhet të përgatitet mirë me qëllim që ta shmangë ndonjë tërheqje të papritur të ndonjë njohjeje.

“Qeveria e Kosovës duhet t’u drejtohet anëtarëve të Kombeve të Bashkuara me një dokument të përshtatshëm që i kundërvihet narrativit rus dhe serb kundër shtetësisë dhe sovranitetit të Kosovës, dhe të bëjë fushatë për njohjet e mëtutjeshme. Ky moment është posaçërisht i rëndësishëm për shkak të faktit që çdo njohje apo çnjohje e mëtutjeshme e Kosovës do të ketë një ndikim serioz në procesin e dialogut me Serbinë, duke pasur parasysh që kjo do të ndikojë në mënyrë të konsiderueshme në forcën e pozitave të çdonjërit prej tyre”, thotë Peci.

Radio Evropa e Lirë e ka pyetur Ministrinë e Punëve të Jashtme dhe Diasporës dhe Qeverinë e Kosovës për strategjinë e luftimit të propagandës dhe dezinformimit nga Rusia, por deri në publikimin e këtij artikulli këto institucione nuk kanë kthyer përgjigje.

Ministria e Punëve të Jashtme dhe Diasporës e Kosovës më 27 shkurt 2021, i pati reaguar Ministrisë së Jashtme të Rusisë, duke thënë se ky shtet vazhdimisht është përpjekur që të pengojë shtetin e Kosovës.

Në reagim të MPJD-së thuhej se Rusia ka tendenca për të penguar dhe bllokuar Kosovën si dhe e akuzoi Rusinë për ndërtimin e bazës ushtarake në afërsi të Kosovës në qytetin e Nishit në Serbi, organizimin e incidenteve në veri të vendit, nga pjesëtarë rusë të misionit të UNMIK-ut si dhe për sponzorizime ruse, për të prodhuar lajme të rreme për Kosovën.

Time Kadriaj, anëtare e Komisionit parlamentar për Punë të Jashtme dhe Diasporë nga radhët e Aleancës për Ardhmërinë e Kosovës, thotë se Rusia dhe Serbia nuk e ndalin propagandën kundër Kosovës, por Kosova duhet të ketë një strategji që t’i kundërpërgjigjet.

Këtë çështje të propagandës ruse, shton Kadriajaj, Kosova duhet ta ngrehë si shqetësim edhe te faktori ndërkombëtar.

“Qeveria e Kosovës duhet ta ketë ekipe që i përcjellin të gjitha këto fushata dhe lajme të rreme të Rusisë për Kosovën. Kësaj propagande duhet kundërpërgjigjur Kosova, duke i argumentuar që ato nuk qëndrojnë dhe janë lajme të rreme”, thotë ajo për Radion Evropa e Lirë.

Propaganda ruse përmes mediave
Përveç luftës politike e diplomatike, sipas KIPRED-it, Rusia vazhdon të sfidojë Kosovën edhe përmes propagandës dhe përmbajtjes së rreme, të prodhuar nga mediat e kontrolluara nga Qeveria ruse.

Monitorimi i të dhënave të KIPRED-it tregon se nga 1 qershori deri më 15 gusht, 2021 janë publikuar 500 lajme me media që në mënyrë të drejtpërdrejtë apo të tërthortë kishin të bënin me Kosovën, ku 96 prej tyre kishin përmbajtje me dezinformata.

Sputnik Serbia, Sputnik International dhe Russia Today (RT), sipas KIPRED-it, janë mediat me numrin më të madh të dezinformatave të botuara.

Kosovë-Rusi, një relacion gjithmonë i tensionuar
Rusia ka pasur qysh herët qëndrim kundër Kosovës. Në vitin 1999, ishte kundërshtarja më e madhe e vendimit të Aleancës Veri-Atlantike të NATO-s për të bombarduar caqet policore e ushtarake serbe në ish-jugosllavi.

Edhe pse ishte e përfshirë në procesin e zgjidhjes së statusit të Kosovës, bashkë me pesë vende të tjera të Grupit të Kontaktit (SHBA, Britani e Madhe, Gjermani, Francë dhe Itali), Rusia në fund prishi konsensusin duke kërcënuar me “veto” çdo rezolutë në Këshillin e Sigurimit të OKB-së, që do të mundësonte krijimin e shtetit të Kosovës.

Ky vend ka kundërshtuar shpalljen e pavarësisë në vitin 2008, ndërkohë që dy vjet më pas, më 2010, Rusia sërish doli kundër opinionit të Gjykatës Ndërkombëtare të Drejtësisë (GJND), për ligjshmërinë e pavarësisë së Kosovës, ani pse Serbia, me mbështetjen e Rusisë kishte insistuar përmes Asamblesë së Përgjithshme të OKB-së për një opinion nga GJND-ja./REL

BE miraton 14.2 miliardë euro për vendet e zgjerimit, mes vendeve që përfitojnë edhe Shqipëria

Vendet anëtare të Bashkimit Evropian dhanë dritën jeshile për ndarjen e 14.2 miliardë eurove si ndihmë financiare për shtetet që janë në proces të zgjerimit.

Mjetet do të vlejnë për periudhën 2021-2027.

Shtetet që do të përfitojnë janë: Shqipëria, Bosnje e Hercegovina, Islanda, Kosova, Mali i Zi, Maqedonia e Veriut, Serbia dhe Turqia.

Në një deklaratë të BE-së thuhet se këto mjete do t’u ndihmojnë atyre të zbatojnë reforma, me synim anëtarësimin e ardhshëm në BE.

Megjithatë, ndihma financiare nuk do të jetë pa kushte.

Sipas deklaratës, ndihma do të ndryshojë në sasi dhe intensitet, varësisht performancës së përfituesve.

“Vëmendje e veçantë do t’u kushtohet përpjekjeve të bëra në fushat e reformave themelore (sundimi i ligjit dhe të drejtat themelore, institucionet demokratike dhe reforma e administratës publike, si dhe zhvillimi ekonomik dhe konkurrenca)”, thuhet në deklaratë.

Me të po ashtu bëhet e ditur se shtrirja dhe intensiteti i ndihmës mund të pësojnë modifikime, në rast të mungesës së vazhdueshme të përparimit të përfituesve në fushat e reformave themelore./ REL

Infektoi qëllimisht me Covid, 8 persona, i riu e pëson keq

Një burrë nga Vietnami është dënuar me pesë vjet burg për shkeljen e rregullave të Covid-19 dhe përhapjen e virusit.

Sipas BBC ai u shpall fajtor për “transmetimin e sëmundjeve infektive të rrezikshme” te tetë persona, njëri prej të cilëve vdiq.

Vietnami kishte qenë kryesisht i suksesshëm në mbajtjen e Covid jashtë me kufizime të rrepta.

Por infeksionet janë rritur që nga qershori, me një shpërthim të nxitur nga varianti më ngjitës Delta. Vendi ka regjiistruar më shumë se 530,000 raste me më shumë se 13,300 vdekje, shumë prej të cilave kanë ndodhur muajt e fundit.

Në fillim të korrikutn 28 vjeçari, thuhet se kishte udhëtuar me motor nga qyteti Ho Chi Minh në provincën e tij të lindjes Ca Mau në jug të vendit.

Në Ca Mau, Tri u zbulua se kishte gënjyer në një formular deklarate shëndetësore i cili pyeste për historinë e tij të fundit të udhëtimit, dhe gjithashtu nuk kishte respektuar rregullat e izolimit. Autoritetet lokale në atë kohë e kishin bërë të detyrueshme që kushdo që udhëtonte nga provincat e tjera në Ca Mau duhej të izolohej menjëherë për 21 ditë.

Ai më vonë u testua pozitiv për Covid, dhe u zbulua se e kishte transmetuar virusin tek anëtarët e familjes së tij, si dhe personelin në një qendër të mirëqenies të cilën ai e vizitoi.

Ai u dënua me burg dhe gjithashtu u gjobit me shumën prej 880 dollarë (630 £).