Day ArchiveS’ka prova se vaksinat anti-COVID ndikojnë tek gratë shtatzëna, sipas OBSH-së
Pavarësisht frikës dhe keqinformimeve, vaksina COVID nuk ka prova të njohura se mund të ndikojë në pjellori, thotë OBSH.
Po kështu, edhe studimet ende nuk kanë gjetur ndonjë problem që shkakton vaksina në shtatzëni, në zhvillimin e fetusit, në ciklet menstruale, apo në pjellorinë tek gratë dhe burrat.
Në fakt, studimet dhe ekspertët thonë se është më e rrezikshme të mos marrësh vaksinën.
Të dhënat e fundit nga Qendrat për Kontrollin dhe Parandalimin e Sëmundjeve në Shtetet e Bashkuara (CDC) arritën në përfundimin se vaksinat kundër COVID-19 mund të kryhen nga njerëzit që janë shtatzënë, që planifikojnë një shtatzëni, duke sugjeruar më tej përfitimet e vaksinës që tejkalojnë rreziqet.
Studimi i CDC është një nga më të mëdhenjtë në llojin e tij dhe nxori të dhëna nga një sondazh i më shumë se 17.000 individëve.
Për të kuptuar të dhënat pas studimeve të ndryshme dhe për të marrë faktet, “Euronews Next” intervistoi mjeken Liudmila Mosina, Specialiste Teknike për Sëmundjet dhe Imunizimin e Parandalueshëm nga Vaksinat në zyrën rajonale të Organizatës Botërore të Shëndetësisë për Evropën.
Kjo e fundit theksoi se OBSH rekomandon vaksinimin e grave shtatzëna kur përfitimet e vaksinimit tejkalojnë rreziqet e mundshme.
“Informacioni që kemi marrë nga studimet e kryera pas prezantimit të vaksinave mRNA, tregoi se gratë shtatzëna zhvillojnë antitrupa pas vaksinimit dhe këto antitrupa në të vërtetë transportohen në gjakun e kordonit dhe qumështin e gjirit. Kjo sugjeron që vaksinimi do të mbrojë jo vetëm gratë shtatzëna, por edhe fëmijët e tyre në moshë të hershme”, u shpreh ajo.
“Një studim i kohëve të fundit i bazuar në popullsi nga Izraeli tregoi se gratë shtatzëna të vaksinuara kishin një rrezik dukshëm më të ulët të infeksionit COVID-19”, shtoi mjekja. / Euronews
Zaev dhe Tspiras marrin çmimin e paqes për Marrëveshjen e Prespës
Kryeministri i Maqedonisë së Veriut Zoran Zaev dhe ish-kryeministri grek Alexis Tspiras kanë marrë të dielën çmimin ndërkombëtar të paqes Westphalia për firmosjen e Marrëveshjes së Prespës.
Kjo marrëveshje solli fundin e përplasjeve diplomatike prej 2 dekadash mes dy shteteve e si rezultat u ndryshua emri në Maqedonia e Veriut.
Ish-kryeministri grek shkroi në faqen e tij në Twitter se zgjidhja e konflikteve ndërkombëtare nëpërmjet diplomacisë arrihet nëse ka vullnet politik.
Marrëveshja e Prespës është firmosur dy palët në vitin 2018 për të zgjidhur konfliktin mes shteteve të Ballkanit, Greqisë dhe Maqedonisë së Veriut me mbështetjen e OKB-së.
Erdogan takon Gjukanoviç, marrëveshje tregtare prej 250 milionë dollarë
Presidenti turk, Recep Tayyip Erdogan ka nisur sot një vizitë zyrtare në Malin e Zi, pas ndalesës së djeshme në Bosnje dhe Hercegovinë.
Erdogan tha se ka rënë dakord me homologun malazez, Milo Gjukanovic për një marrëveshje tregtare që kap vlerën e 250 milionë dollarëve.
Pas takimit, Gjukanoviç tha se Turqia e kupton deficitin e stabilitetit në Ballkanin Perëndimor dhe nevojën për ta kapërcyer këtë deficit përmes proceseve të integrimit evropian dhe euroatlantik.
Për këtë arsye, thotë Gjukanoviç, Turqia këmbëngul në dyer të hapura të NATO-s dhe Bashkimit Evropian për vendet e Ballkanit Perëndimor.
Nga 1 për çdo rast: 6 veshje vjeshte që do t’ju bëjnë të dukeni e veshur super chic!
Shirat e parë pas verës na kujtojnë që dalëngadalë garderoba duhet të ndryshojë! Vjeshta erdhi dhe ne na duhen rroba të reja. Nga ana tjetër, na duhet kohë të marrim veten nga shpenzimet e rënda të verës. Në të tilla raste, zgjedhja më e mirë është të blini zgjuar. Të veshura shtrenjtë ju tregon prerja e duhur, një ngjyrë elegante dhe detajet që tregojnë ndryshim.
Më poshtë do të gjeni disa kombinime të tilla, nga 1 për çdo rast që mund ta përdorni përgjatë gjithë vjeshtës e më tej.
1. Rikthimi në zyrë duhet t’ju gjejë kështu!
2. Për xhirot e pasditeve në qytet
3. Fundjavave…
4. Një takim i parë, mund t’ju gjejë kështu
5. Darka me gocat!
6. Drekat/takimet e punës
Burimi: Who What Wear – Përgatiti: Alesia Doçi
A e rrit varianti Delta rrezikun për t’u shtruar në spital dhe nevojën për kujdes mjekësor urgjent?
Njerëzit e infektuar me variantin Delta kanë dyfishin e rrezikut të shtrimit në spital në krahasim me variantet e mëparshme të virusit, sipas një studimi të madh në Angli të botuar në The Lancet Infectious Diseases.
Studimi konfirmon hulumtimet e mëparshme që sugjeruan se varianti shumë infektues mund të çojë në rrezik më të madh të shtrimit në spital. Qendrat Amerikane për Kontrollin dhe Parandalimin e Sëmundjeve (CDC) e klasifikuan Deltën si një “variant shqetësues” në qershor, duke thënë se klasifikimi i tillë “bazohej në prova në rritje se varianti Delta përhapet më lehtë dhe shkakton raste më të rënda kur krahasohet me variantet e tjera.”
Studiuesit e Shëndetit Publik në Angli panë virusin në më shumë se 43,000 raste nga fundi i marsit deri në fund të majit. Në atë periudhë, varianti Delta kishte filluar të përhapej në Britani, por nuk ishte ende variant dominues. Shumica e njerëzve në studim – 80% – ishin të infektuar me variantin Alfa, i cili përfshiu Anglinë në fund të vitit 2020. Vetëm 20% kishin konfirmuar infeksione të variantit Delta. Më pak se 2% e njerëzve ishin plotësisht të vaksinuar dhe gati 75% ishin të pavaksinuar. Individët e mbetur u vaksinuan pjesërisht.
Pas analizës për faktorët e rrezikut siç janë mosha dhe gjendjet shëndetësore, të dhënat treguan se personat pjesërisht të vaksinuar (me një dozë) ose të pavaksinuar që ishin të infektuar me variantin Delta kishin dy herë më shumë gjasa të shtroheshin në spital në krahasim me variantet e mëparshme. Ata gjithashtu kishin 1.5 herë më shumë gjasa të kishin nevojë për kujdes mjekësor urgjent.
“Analiza jonë nxjerr në pah se në mungesë të vaksinimit, çdo shpërthim Delta do të vendosë një barrë më të madhe në kujdesin shëndetësor sesa një epidemi Alfa,” tha autorja kryesore e studimit, Anne Presanis nga Universiteti i Cambridge-it, në një njoftim për shtyp.
Paga të larta dhe kosto e ulët jetese/ 4 qytete europiane që mund të jenë më të mirat për emigrantët
Spanja, Franca dhe Portugalia kanë qenë disa nga vendet më të përmendura përsa i përket njerëzve që zgjedhin të jetojnë jashtë vendlindjes, por së fundmi, shumë qytete të tjera europiane kanë marrë vëmendje globale.
Property Guides, e specializuar në blerjen e pronave, ka hulumtuar disa nga destincionet më të mira për emigrantët në vitin 2021, vende të cilat me gjasë mund të jenë së shpejti destinacionet më të përfolura. Bëhet fjalë për:
Reykjavik, Islandë: Kostoja e jetesës mund të jetë e shtrenjtë, por pagat janë mesatarasisht 1,000 euro më shumë se ato në Madrid apo Romë.
Helsinki, Finlandë: Kush nuk do të jetojë në vendin më të lumtur në botë? Finlanda renditet e para në Raportin e Lumturisë Botërore të Gallup, bazuar te të ardhurat për frymë, mbështetja sociale, jetëgjatësia, liria për të zgjedhur dhe nivelet e korrupsionit.
Talin, Estoni: Një qendër e teknologjisë dhe jashtëzakonisht e avancuar në mënyrë dixhitale. Kostoja e jetesës është e përballueshme. Sipas Expatistan, Talini është më i lirë për të jetuar sesa 63% e qyteteve në botë.
Gdansk, Poloni: Një destinacion gjithnjë e më popullor për emigrantët. Tregu i punës i Gdansk është i mbushur me shumë biznese të reja, megjithatë pagat nuk janë aq të larta sa në qytetet e tjera evropiane. Por kostoja e përgjithshme e jetesës është shumë e lirë.
Burimi: Euronews
(VIDEO) Pamje të rënda! Aksidenti me vdekje në Lezhë, makina fluturon disa metra në ajër
Një aksident tragjik ndodhi ditën e sotme në aksin e vjetër Lezhë-Milot, në fshatin Manati, ku humbi jetën drejtuesi i mjetit dhe u plagos pasagjeri.
Zoom.al ka siguruar pamjet e kamerave të sigurisë, ku duket se si mjeti i drejtuar nga Paulin Gjomarkaj, futet në parakalim, por më pas humbet kontrollin nga shpejtësia duke u përplasur me murin e një banese në fshatin Manati.
Për pasojë, makina fluturon disa metra në ajër.
FOTO/ Shihni si e zuri poshtë kamioni 14-vjeçaren në Astir
Një 14-vjeçare do të aksidentohej pasditen e sotme në Tiranë.
E mituri po kalonte rrugën kur një kamion e zuri poshtë në zonën e Astirit. Ngjarja ndodhi rreth orës 17:10, në rrugën “Tom Plezha”.
Mjeti me drejtues M. L., përplasi këmbësoren e mitur me iniciale E. S., rreth 14 vjeçe, e cila u dërgua në spital për ndihmë mjeksore, paraprakisht pa probleme për jetën.
Nuk ndalen aksidentet/ 14-vjeçarja goditet nga një makinë në Tiranë
Pak minuta nga aksidenti me vdekje në Lezhë, një tjetër aksident përgjaku rrugët e vendit, kësaj here në Tiranë. Një vajzë 14 -vjeçare u godit nga një makinë në rrugën Tom Plezha, në zonën e Astirit, Tiranë.
Rreth orës 17:10, në rrugën “Tom Plezha”, mjeti me drejtues M. L., ka përplasur këmbësoren e mitur me iniciale E. S., rreth 14 vjeçe, e cila është dërguar në spital për ndihmë mjeksore, paraprakisht pa probleme për jetën.
Ngjarje të tilla vijnë fill pas aksidentit tragjik në Qafë Muzinë ku humbën jetën 5 persona. Drejtuesi i një furgoni humbi kontrollin e mjetit duke u munduar të shmangë përplasjen me një mjet tjetër tip Land Rover drejtuar nga një 22-vjeçare, duke rënë në greminë, një rënie që i kushtoi jetën atij vetë dhe katër personave të tjerë.
Prokurori i Antimafias Italiane, Gratteri: Mafia shqiptare po investon në Evropë pasi ka korruptuar zyrtarët në Shqipëri
Prokurori i Antimafias Italiane, Gratteri: Mafia shqiptare po shfaqet në Evropë, duke investuar këtu, fiton
“Për të paktën tre vjet unë kam thënë se në Evropë ekziston një mafie në zhvillim, ajo shqiptare. Shqipëria është një vend i korruptuar, ku është e lehtë të korruptosh zyrtarë publikë. Dhe nëse largohem nga Shqipëria dhe tashmë kam fuqi ekonomike, mund të forcoj veten si një mafie ndërkombëtare”. Nicola Gratteri, prokuror në Gjykatën e Catanzaro-s, gjatë mbrëmjes “Rrëfimi i Jugut” – ngjarja e organizuar në Scilla nga Fondacioni Magna Grecia që i paraprin tre ditëve të Takimit Ndërkombëtar Vjetor, që do të mbahet në Castello Ruffo midis 9 dhe 11 shtator – nënvizon rolin e saj si Kasandra: ajo paralajmëron, parashikon lëvizjet e mafieve ndërkombëtare, harton strategjitë e tyre, por duhet kohë para se të besohet.
“Tani – shton ai – ata e dinë shumë mirë se çfarë po ndodh në zemër të Evropës dhe po përpiqen të kuptojnë, ata na pyesin se çfarë të bëjmë. Dhe kur folëm për atë që po ndodhte në Hollandë, se mafia po blinte gjithçka që ishte në shitje atje, përse nuk na dëgjuan? Në këto vende të Evropës Veriore, ata janë shumë xhelozë për privatësinë, por kjo nuk ndihmon. Mafiet shkojnë në gjueti dhe blejnë gjithçka që është në shitje: është më fitimprurëse të investosh në zona të pasura dhe është më e lehtë të përzihesh. Mafia e Amerikës së Jugut, për shembull, investon në Evropë dhe jo në territorin e vet, sepse ta bësh këtë këtu është më fitimprurëse ”.
Kur u pyet nga gazetarja Paola Bottero, e cila drejtoi mbrëmjen me kolegun e saj Alessandro Russo, se pse shtypi e ndihmon atë aq shumë, Gratteri përgjigjet me një buzëqeshje: “Sepse unë bëj punën time duke dhënë gjithçka. Dhe pastaj më pëlqen të them atë që mendoj: kur shoh dhe lexoj gjëra të caktuara thjesht nuk mund të mbyll gojën. Tani po flas shumë, por nuk mund të hesht. Më kujtohet kur kjo qeveri mori detyrën dhe flitej për reformën e procesit civil. Ata thanë se duhej të reformoheshin sepse përndryshe Evropa nuk do të kishte dhënë fonde. Por është poshtëruese për mua të dëgjoj një gjë të tillë. Pastaj vjen reforma e procesit penal dhe flitet për ‘papranueshmëri’. Të gjitha palët votuan për këtë reformë e cila parashikon që pas dënimit të shkallës së parë, nëse nuk ka dënim në apel brenda 2 vitesh ose në Gjykatën e Lartë brenda një viti, nuk do të jetë më e mundur të vazhdohet ”.
Prokurori i Antimafias Nicola Gratteri është një nga hetuesit më të njohur në Itali, i cili ka dhënë goditje të forta mafies vendase. Ai edhe mafien shqiptare e njeh mirë, e di se si punon, bashkëpunimet me mafien italiane dhe aktivitetet e saj.
Hetuesi, i cili prej vitit 1989 mbrohet nga një skuadër policore. Ai deklaroi pak kohë më parë për mediat në Shqipëri se mafia shqiptare po fuqizohet dita-ditës dhe se nga Shqipëria drejt Italisë trafikohet marijuanë, e cila blihet nga klanet mafioze vendase.
“ Në krahasim me një vit më parë mafia shqiptare në Itali është aktualisht më e pranishme në trafikun e drogës. Po bëhet përherë e më shumë një mafie e zhvilluar dhe e rëndësishme, pasi arrin të manovrojë sasi të mëdha kokaine e veçanërisht heroine. Pa harruar dhe marijuanën. Shumë herë këtë vit kemi vënë nën hetim shqiptarë që organizonin trafikun e marijuanës nga Shqipëria në Itali. Madje pak javë më parë gjatë një operacioni në kanalin e Otrantos sekuestruam rreth 6 tonë marijuanë e trafikuar përmes detit”, do të deklaronte ai në janar të vitit 2020.
Trafikantët shqiptarë përdorin dy rrugë kryesore, ajo e kanalit të Otrantos e cila është largësia më e afërt detare mes dy vendeve dhe rruga tokësore përmes territorit të ish Jugosllavisë duke hyrë në Itali përmes kufirit verior.”, tha ai.
Prokurori shpjegoi edhe lidhjet mes mafies shqiptare dhe asaj italiane.
“Ndrangheta blen nga mafia shqiptare marijuanë, e studimet e analizat e kryera nga ne, tregojnë se gjatë viteve të fundit kemi një shtim të prodhimit të marijuanës në Shqipëri, gjë që sjell uljen e çmimit të saj. Si rrjedhojë Ndrangheta përveç kultivimi ilegal të marijuanës në territorin e saj në Aspromonte (Calabria) blen me çmim mjaft të lirë dhe marijuanën shqiptare. Mafia ndraghetiste e territorit të Vibo Valentias apo e provincës së Crotones, që janë klane mafioze mjaft të fuqishme, të konsideruara të serisë A, blejnë marijuanën shqiptare.”/Zoom.al
