Donika Babunja, 74 vjeç, ndërroi jetë mbrëmjen e së mërkurës, 10 orë pasi kishte bërë vaksinën kineze “Sinovaks”. Në orën 11:00 të paradites, ajo së bashku me bashkëshortin Kujtimin shkuan të merrnin dozën e parë në pallatin e kulturës së Beratit. Në orën 16:00, Donika shfaqi shqetësime shëndetësore.

Bashkëshorti lajmëroi mjeken e familjes, Kamela Musa, për ti ardhur në ndihmë. E moshuara ankohej për dhimbje të barkut dhe kishte të vjella. Mjekja i vendos një serum dhe i kërkon bashkëshortit ta kontaktojë për çdo shqetësim.

Gjendja e saj filloi të rëndohej. Ai sërish kërkoi ndihmën mjekes Musa dhe paralelisht, lajmëroi dhe urgjencën në numrin 127. Kur mbërritën në banesë, 74 vjeçarja kishte ndërruar jetë.

ABC u drejtua në qendrën shëndetësore të lagjes “17 Korriku” në Berat, për të mësuar më tepër detaje për ngjarjen. Mjekja e familjes, e cila u përkujdes për të moshuarën, na tha se ajo vuante nga hipertensioni prej 16 vitesh e cila pasqyrohet kartelën mjekësore. Thotë se ishte e rregullt në marrjen e medikamenteve dhe se nuk vuante nga asnjë sëmundje tjetër.

“Vuante nga hipertensioni prej 2006, gati 15-16 vite, mjekohej në mënyrë të rregullt dhe ka qenë e stabilizuar nga tensioni. Vinin të dy bashkë me burrin për të marrë terapinë duke mos shfaqur asnjë problem” tha ajo.

Mjekja sqaron se bashkëshorti nuk ka lejuar autopsinë e cila do të zbardhte shkakun e vdekjes. Thotë se i është referuar drejtorisë së spitalit.

“Unë e gjeta pa frymëmarrje, pa puls. Duke qenë se e gjeta të vdekur ngula këmbë në mënyrë shumë me të shoqin që të dërgohej në morg për t’u përcaktuar diagnoza, pasi nuk vendosja dot diagnozë, por burri refuzoi në mënyrë kategorike autopsinë. U gjenda e detyruar ti merrja një deklaratë që refuzon autopsinë, pasi e kisha të pamundur ti gjeja një shkak” tha ajo.

E ndjera kishte shkuar të merrte vaksinën së bashku me bashkëshortin, pa rekomandimin e mjekut të familjes. Kujtimi nuk shfaqi asnjë shqetësim, ndryshe nga Donika. ABC u mundua të kontaktonte me të afërmit e së ndjerës por e pati të pamundur, për shkak të dhimbjes që ata po kalojnë. Çifti i të moshuarve jetonin të vetëm pasi fëmijët i kishin emigrantë.

Vajza më e re e Për’Puthen, Ola ka hyrë me një performancë provokuese në emision.

Kjo ka sjellë interesimin e djemve dhe komentimin e vajzave.

“Jam Ola, studioj shkenca politike, punoj si agjente marketingu në një kompani private në Tiranë”, tha Ola.

Ola tha se njihet me Jasminën dhe se kanë qenë shoqe dy vite më parë por i kanë shkëputur marrëdhëniet.

“Shyqyr që zoti ma ka largu nga jeta ime këtë para dy vitesh”, tha Jasmina.

Me urdhër të Prokurorisë së Posacme Kundër Krimit të Organizuar dhe Korrupsionit, policia dhe forcat RENEA zbuluan 18 baza që shërbenin për modifikimin, magazinimin dhe shitjen e armëve luftarake nga grupe kriminale që kryenin krime kundër personit.
Operacioni i koduar me emrin “Kompleks” zbardhi tri ngjarje kriminale me armë e eksploziv të ndodhura më parë, vuri në pranga 5 persona dhe shpalli në kërkim dy të tjerë.

ARMET E SEKUESTRUARA

Në operacion u sekuestrua një arsenal armësh luftarake të llojeve të ndryshme, snajper, antitanke, kallashnikovë, pistoleta, silenciatorë, radio policie e ushtrie, optikë termikë për snajper, pjesë të ndryshme për modifikimin e armëve luftarake e sasi municionesh luftarake, 7 automjete, 2 prej tyre të blinduara.

TE ARRESTUARIT

Me urdhër të SPAK u arrestuan shtetasit:

Paris Prenga, Bledar Deda, Flor Abazi, Bujar Jaupi, Arben Sufa.

Në kërkim u shpall shtetasi Sokol Gjura, i cili është larguar jashtë vendit javë më parë.

Ndalimi i këtyre shtetasve u bë për arsye se këta persona, së bashku dhe me dy persona të tjerë të arrestuar më parë, Ermond Jamaku dhe Enver Jamaku, dyshohet se janë autorë të ngjarjes së ndodhur më datë 18 tetor 2019, në Tiranë, ku është tentuar të vritet me eksploziv të telekomanduar shtetasi Arjan Bylyku, kunati i Domart Konjarit, një emër i njohur për drejtësinë. Ai dyshohet si porositës i vrasjes së Devi Kasmit nga ish -komando grek Eftimius Eftimiu.

Shtetasi i shpallur në kërkim Sokol Gjura dyshohet se së bashku me dy persona të tjerë të arrestuar më parë, Ermond Jamaku dhe Enver Jamaku, janë autorë të sulmit me armë ndaj shtetasit Paulin Papleka, me profesion avokat, ngjarje e ndodhur më datë 10 shtator 2017, në rrugën “Muhamet Deliu” në Tiranë.

Gjithashtu, këta persona dyshohet se janë autorë të vendosjes së lëndës eksplozive, granatës dhe armës së zjarrit, si dhe të një lënde narkotike të dyshuar si heroinë në banesën e shtetasit Edmond Saraçi, ngjarje e ndodhur më datë 15 shtator 2017 në Tiranë.

Gjatë kontrollit të banesës së shtetasit Akil Kulla, i cili është shpallur në kërkim, Policia ka gjetur dhe sekuestruar një arsenal armësh luftarake të kalibrave të ndryshëm dhe municion luftarak, konkretisht një snajper prodhim i fundit, 4 kallashnikovë, dy granatahedhës, një pistoletë dhe pjesë për riparim dhe modifikim të armëve të zjarrit.

Gjithashtu, gjatë kontrollit të ushtruar në banesën e shtetasit Bujar Jaupi, me profesion tornitor, i cili u arrestua në flagrancë, janë gjetur dhe sekuestruar 25 silenciatorë për armë të ndryshme të prodhuara nga ky shtetas në tornon që kishte në përdorim në ambientet e banesës, një pistoletë me mulli dhe qindra pjesë për modifikimin dhe riparimin e armëve të zjarrit.

Nga kontrolli i banesës së shtetasit Sokol Gjura, janë gjetur dhe sekuestruar radio si ato të policisë dhe të ushtrisë, një optikë termike speciale për snajper, ndërsa në magazinën e këtij shtetasi u gjetën dhe u sekuestruan 20 makineta të reja të lojërave të fatit, 6 tavolina ruleti, një automjet i blinduar, si dhe automjeti i përdorur nga autorët në vrasjen e mbetur në tentativë të shtetasit Arian Bylykut.

Ndërsa në banesën e shtetasit Paris Prenga janë gjetur një armë zjarri pistoletë dhe një sasi lënde narkotike kokainë.

Në banesën e shtetasit Flor Abazi janë gjetur një sasi municioni për armë zjarri, 2 qese me lendë narkotike kokainë dhe një automjet i blinduar.

Po në kuadër të operacionit, nga kontrolli në banesën e shtetasit Arben Sufa, me profesion tornitor, Policia gjeti një pistoletë dhe pjesë për silenciatorë.

Policia thotë se operacioni vijon për zbadhjen e ngjarjeve të tjera në të cilat dyshohet se janë të përfshirë këta shtetas dhe shtetas të tjerë. ©Zoom.al

Komisioni Qendror i Zgjedhjeve vendosi pas shumë ditësh debate se si do të jetë fleta e votimit për zgjedhjet e 25 prillit. Në më fund, Ilirjan Celibashi tha se fleta e votimit do të ketë emra dhe jo numra.

Ky variant u mbrojt nga PD-ja si e drejtë kushtetuese e zgjedhësve për të votuar për emrat. PS kërkoi që të paktën në Tiranë fleta e votimit të kishte numra që t’u korrenspondonin emrave.

KQZ vendosi gjithashtu që fonti i fletës së votimit të jetë i ndryshëm për cdo qark. /Zoom.al

Presidenti i Republikës së Francës, Emmanuel Macron, i ka dërguar një letër urimi kryeministrit të Kosovës, Albin Kurti, për marrjen e detyrës, në të cilën thekson se marrëveshja gjithëpërfshirëse me Serbinë është ligjërisht e detyrueshme, dhe një nga kushtet për t’u afruar me Evropën.

Macron në këtë letër ka thënë se do të ishte shumë i lumtur nëse Kurti do ta vizitonte atë në Paris, duke shtuar se shpreson që dialogu, i cili sipas tij, ka shënuar progres kohëve të fundit, të vazhdojë edhe nga Qeveria aktuale e Kosovës. Ndër të tjera ai ka ofruar edhe mbështetjen e tij për këtë proces.

“Unë e di që ju synoni të realizoni reforma thelbësore, të cilat i kërkojnë bashkëqytetarët tuaj: forcimin e shtetit të së drejtës si dhe zhvillimin ekonomik dhe shoqëror të Kosovës”, ka shkruar ndër të tjera Macron.

Këtu, ka thënë ai, duhet shtuar edhe lufta kundër pandemisë, e cila duhet të ketë përparësi të menjëhershme, në kohën kur Kosova po preket rëndë dhe kur Bashkimi Evropian po mobilizohet për të ndihmuar vendet e rajonit për të përballuar krizën shëndetësore dhe pasojat e saj.

Presidenti francez i ka dhënë mbështetjen e tij Kryeministrit Kurti për të gjitha prioritetet për të mirën e kosovarëve. Ai gjithashtu ka ofruar mbështetjen e tij edhe për dialogun Kosovë-Serbi që, sipas tij, duhet të përfundojë me një marrëveshje gjithëpërfshirëse.

Në fund të urimit, Presidenti Emmanuel Macron ka thënë se do të ishte shumë i lumtur që së shpejti të mirëpres Kryeministrin Kurti për vizitë në Paris.

Kryeministri Edi Rama zbuloi, gjatë një takimi elektoral nga Rrogozhina, mesazhin që i ka dërguar kryeministri i Kosovës, Albin Kurti, lidhur me vaksinimin antiCovid. Rama tha se Kurti i ka kërkuar që Shqipëria të vijojë të ndihmojë Kosovën me vaksinimin e mësuesve.

“Më çoi një mesazh kryeministri i Kosovës, Albin Kurti, duke më falënderuar, e duke më kërkuar që, meqë ata morën vaksina për mjekët, do dëshironte që ne të ndihmonim për mësuesit. Po, i thashë, patjetër, ne do t’i japim ato që duhen e mundet të vaksinohen edhe mësuesit e Kosovës. E si bëhen këto, me llafe e dëngla, duke fjetur gjumë”, tha Rama.

Më tej, kryeministri Rama foli për fushatën elektorale të zgjedhjeve të 25 prillit, ku sulmoi opozitën, që sipas tij, nëse qytetarët duan që të ndërpritet vaksinimi, le ta votojnë.

“Ne kemi ardhur këtu me një skuadër të re. Kryetari i Bashkisë së Rrogozhinës ka qenë në emigracion, e ka lënë për të ardhur e kontribuar këtu. Ju jeni njerëz që punoni tokën dhe e dini shumë mirë se ajo për të dhënë hyzmetin e saj, e do punën çdo ditë. Toka do jo vetëm punën, por edhe dijen, eksperiencën, bashkëpunimin. Betejat e vogla të çdo ditë janë ato që vendosin betejën e madhe të fitores. Opozita ka po atë program që ka pasur gjithë jetën, po ato fytyra, me një ndryshim, që tani Saliu është bërë shkesë, bashkë me Ilirin e Monikën dhe kanë nxjerrë një Gjino aty me demek si fytyrë e re dhe thonë hajde t’i japim një nuse. Nuk bëhet kështu. Për të shkuar tek e ardhmja duhet fituar çdo betejë e vogël, me durim, punë dhe besim. Kjo na dallon neve nga ata. Kjo është çështje karakteri. Shikoni çfarë bëjnë. Si mundet t’i besohet për një moment fati i këtij vendi, e ardhmja e këtij vendi, e çdo qyteti, çdo fshati, çdo familjeje, një njeriu, i cili është vënë aty si kukull. Një kukull që qesh, që gënjen pa asnjë gajle, një kukull që s’ka kurajon të thotë një fjalë, kur nga ana tjetër ai që e kurdis, Saliu, del dhe bën thirrje për mosbërjen e vaksinës. Bën thirrje, duke u thënë njerëzve se vaksina të vdes, se vaksinat janë të skaduara, të ndaluara atje ku janë prodhuar.

Ky tjetri nuk flet fare. Sikur të dilte një nga skuadra jonë e të fliste, jo këto, se po të thoshte këto, dilte jashtë, nuk qëndronte dot më, por sikur të thoshte një fjalë sado të dyshimtë për këtë betejë, për këtë armë për të mundur armikun e padukshëm dhe unë të rrija pa folur! Një gjë duhet ta keni shumë të qartë, nëse doni të ndërpritet vaksinimi, shkoni votoni ata. Saliu thotë vaksina të vdes, ai tjetri, Peco Vasili nuk ka thënë gjë pa thënë, vetëm zi. Nëse sot ne jemi në këto kushte, po vaksinojmë në maksimum dhe është privilegji më i madh i gjithë jetës sime politike, kur shoh fytyrat e lehtësuara të gjyshërve e gjysheve pas vaksinimit, kjo nuk është bërë se erdhën vaksinat nga qielli, por është bërë me shumë këmbëngulje e duke lypur derë më derë, për të carë rrethimin nga BE, që na lanë jashtë e s’na thanë një dozë. Çfarë do bëja unë, do rrija të prisja? Ka vende të tjera përreth. Ne jemi shumë krenarë që po ndihmojmë edhe mjekët e Kosovës”, u shpreh kryeministri.

Ori Nebijaj për një kohë të gjatë ka qenë pjesë e strukturave të Partisë Demokratike si zëdhënëse dhe ka kandiduar për drejtimin e FRPD-së përballë Belind Këlliçit. Mirëpo pas disa vitesh, Ori vendosi të hiqte dorë nga angazhimi politik për t’u fokusuar tek puna e saj në televizion.

Ori i është bashkuar televizonit “Top Channel” prej kohësh, ku i janë besuar formate të rëndësishme. Mirëpo ajo ka vendosur t’i rikthehet sërish pasionit të vjetër dhe të kandidojë për deputete në zgjedhjet e 25 Prillit në Tiranë ku renditet e 18-a në listë.

Së fundmi, moderatorja ka qenë e ftuar në emisionin “Opinion” në Tv Klan, ku u shpreh me bindje të plotë se Partia Demokratike do të marrë të paktën 20 deputetë në Tiranë, ku dhe vetë kandidon.

E pyetur nëse do të vazhdojë të jetë pjesë e ekranit, Ori tha:

“Ky ishte një moment i mirë për mua, duke qenë aktivisht në politikë, për të kandiduar dhe për të qenë në listë, sepse edhe pjekuria ime politike në angazhimin që unë kam pasur prej vitesh tashmë në strukturat e partisë, që ka filluar që në forumet e partisë. Më pas si zëdhënëse e PD-së, ku pata mundësinë që për të paktën 3 vite ta njihja mirë se organizohej partia, si funksiononte.

Media ka qenë si një plotësim i një dëshire që unë e kam pasur që e vogël, por asnjëherë nuk ka qenë objektiv i jetës sime dhe angazhim me kohë të plotë.Ekranin e kam ende, sepse ky është një pakt aktualisht me një kontratë që unë e kisha dhe që mund të vazhdoj ta kem deri pas 25 Prillit.Orin pas datës 25 do ta shihni në Parlament. Unë besoj që Partia Demokratike në Tiranë do të marrë të paktën 20 deputetë. Ne punojmë për të arritur tek 20-ta”.