Day ArchiveFitore jo vetëm për Biden/ Kamala Harris, zëvendëspresidentja e parë me ngjyrë

Pas një lufte të ashpër Joe Biden fitoi zgjedhjet presidenciale duke u bërë Presidenti i 46-të i SHBA.

Fitore e cila sjell Kamala Harris si zëvëndës presidentja e parë  femër e Amerikës, e para me ngjyrë dhe e para nënkryetare e Azisë Jugore.

Fitorja e Harris dhe Presidentit të zgjedhur Joe Biden  vjen disa ditë pas një numërmi të zgjatur të votave.

Harris simbolizon një libërmbrojtës në epokën Trump , e cila ndoqi Presidentin e parë me ngjyrë të SHBA .

Triumfi i Harris, në veçanti, shënon një pikë të lartë në karrierë, arritje dhe thyerjen e pengesave, nga avokati i rrethit të San Franciskos te prokurori i përgjithshëm i Kalifornisë deri tek senatorja amerikane e dytë me ngjyrë.

“Që ndodhem këtu sonte është një dëshmi e përkushtim të brezave para meje”- tha Harris gjatë fjalimit të saj të pranimit të Konventës Kombëtare Demokratike në muajin gusht , duke përmendur gra të tilla si Constance Baker Motley, Fannie Lou Hamer dhe Shirley Chisholm.

“Gratë dhe burrat që besuan kaq ashpër në premtimin e barazisë, lirisë dhe drejtësisë për të gjithë,”– tha ajo.

Joe Biden, president i ri i SHBA

Kandidati presidencial përfaqësues i demokratëve, Joe Biden ka fituar zgjedhjet, duke u bërë kështu Presidenti i 46-të i ShBA-ve.

Lajmi është konfirmuar pak më parë me sigurimin e 20 votave elektorale të Pensilvanisë, që e bënë atë fitues të 284 votave elektorale, nga 270 që duhet të siguronte për fitimin e mandatit.

Por ndërsa Biden i gëzohet fitores së tij, rrjeti ka shpërthyer në meme për Donald Trump.

Ishte gazeta me prirje konservatore Drudge Report, e cila ka publikuar një foto të presidentit Trump me një mbishkrimin: “Ju jeni pushuar nga puna”.

 

Trafikuan 2.6 tonë marijuanë, burg për Arlind Tabakun dhe Përparim Shurdhin

Gjykata e Shkodrës ka lënë në masën e sigurisë “arrest me burg” Arlind Tabakun dhe Përparim Shurdhin të arrestuar dy ditë më parë si bashkëpunëtorë në trafikimin e 2.6 tonë marijuanë që u kap në kamionin me targa shqiptare në Mal të Zi.

Sipas organit të akuzës 36-vjeçari Tabaku dyshohet se është personi,  i cili i ka gjetur magazinën shoferit të kamionit, Ervis Calliku tashmë i arrestuar.

Ky i fundit i kishte kërkuar Arlind Tabakut t’i gjente një ambient me qira për të lënë fruta perimet në Lushnjë. Magazina e marrë me qira nga shoferi Caliku ishte në pronësi të Përparim Shurdhit.

Ndonëse të vënë përballë kësaj akuze dy të dyshuarit kanë mohuar përfshirjen në trafikimin e tonelatave me marijuanë.

Nga ana tjetër përfaqësuesit ligjor të Arlind Tabakut pas seancës gjyqësore thanë se prokuroria nuk ka asnjë provë për përfshirjen e tij në trafikimin e lëndës narkotike. Ndërsa shtuan se është absurde për autoritetet, që nuk kanë nisur hetim për punonjësit e doganës ku kaloi kamioni.

“Sot Prokuroria e Rrethit Gjyqësor Shkodër solli zero prova ndaj tij. Ka vetëm një deklarim të z. Arlind  Tabaku, i cili deklaron se me shoferin ka kontaktuar në datën 27, ku ka kërkuar së bashku me të një ambient me qira në Lushnjë, dhe prej datës 27 pretendimi i datës  2 nëntor, ku pretendohet se kamioni ka qëndruar në qytetin e Lushnjës nuk ka më asnjë lloj kontakti ”, tha Saimir Korreshi, avokati i Arlind Tabakut. 

“Është për t’u çuditur se deri tani nuk është marrë në përgjegjësi penale asnjë shtetas që punon në zyrën doganore të Hanit të Hotit, ndërkohë që kapen dy shtetas, ku puna e vetme është ngarkim-shkarkimi i fruta-perimeve”, tha avokati tjetër, Anton Korreshi.

Pak ditë më parë një sasi prej 2.6 tonë marijuanë u bllokua në rrethinat e Podgoricës në Mal të Zi. Droga u kap në një kamion me targa shqiptare e fshehur mes fruta perimeve dhe destinacion final kishte Gjermaninë.

Covid-19 prek futbollistët, Pas Strakoshës edhe Igli Tare

Lazio është kthyer në një prej vatrave të infeksionit nga Covid-19. Pas portierit kuqezi, Tomas Strakosha, i cili nuk u lejua nga UEFA të luante në Champions League, tashmë edhe Igli Tare rezulton i prekur nga virusi.

Lajmi u konfirmua nga Presidenti i Lazio, Claudio Lotito, sipas të cilit, drejtori sportiv është një prej dy pjesëtarëve të infektuar të stafit, përveç edhe disa futbollistëve.

Për momentin nuk ka raportime që gjendja shëndetësore e Igli Tares të jetë problematike, ndërsa e pazakontë është situata e Strakoshës. Portieri rezultoi pozitiv me ngarkesë virale minimale, duke bërë që disa tamponë ta nxirrnin negativ.

Kosovë/Debate për dialogun me Serbinë, palët ndajnë mendime të ndryshme

Konfirmimi i aktakuzave nga Gjykata Speciale janë tanimë një realitet për disa prej ish-anëtarëve të Shtabit të Përgjithshëm të UÇK-së, si Hashim Thaçi, Kadri Veseli, Rexhep Selimi dhe Jakup Krasniqi. Por vendi ka rënë dakord t’i çojë deri në fund, tha presidentja në detyrë Vjosa Osmani, duke paralajmëruar vështirësi në vijim.

Një prej tyre është edhe çështja e dialogut me Serbinë. A duhet të vazhdojë ai?  Sipas zyrës së kryeministrit, “vlerësohet se Qeveria e Republikës së Kosovës nuk ka asnjë arsye për të pezulluar bashkëpunimin me institucionet e Bashkimit Evropian. Përkundrazi, zotohet se do të punojë me përkushtim e me ndershmëri për t’i realizuar obligimet dhe përgjegjësitë kushtetuese.”

Por nuk ndajnë të njëjtin mendim aleatët në qeveri, sikurse Ministri i Drejtësisë nga radhët e AAK-së, Selim Selimi. “Si ministër i Drejtësisë, por edhe si qytetar i këtij vendi dhe si i deleguar edhe nga Aleanca për Ardhmërinë e Kosovës për dialog, konsideroj se fillimisht Qeveria e Kosovës duhet të pezullojë menjëherë dialogun deri në një moment tjetër”, tha Selimi.  

Në të njëjtën linjë është edhe opozita por arsye sipas saj është vet kryeministri Hoti. “Zotëri Hoti nuk është person kredibil për të udhëhequr një proces të tillë. Kjo për shkak të faktit se ajo që përfaqëson ai, është një qeveri jo stabile që nuk ka unitet përbrenda”, deklaroi deputeti i Vetëvendosjes, Artan Abrashi.

Deri më tani pala serbe ka tentuar të kushtëzojë vazhdimin e dialogut në zbatimin e Asociacionit, por qeveria e Kosovës këmbëngul se kjo temë nuk do të hapet në kuadër të dialogut, por vetëm me njohjen reciproke.

Alarmante shifrat e Covid në Kosovë, humbin jetën 12 persona

Gjatë 24 orëve të fundit në Kosovë kanë humbur jetën 12 persona dhe janë konfirmuar pozitiv me Covid 491 raste të reja.

Sipas IKSHPK, gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1,137 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 491 raste pozitive.

Sipas IKSHPK, rastet pozitive janë nga komunat: Prishtinë 215 raste, Gjilan 57 raste, Pejë 31 raste,  Fushë Kosovë 25 raste, Gjakovë 23 raste, Podujevë 21 raste,  Mitrovicë 17 raste, Prizren 17 raste, Vushtrri 12 raste, Viti 11 raste, Deçan 8 raste, Lipjan 8 raste, Skenderaj 8 raste, Drenas 7 raste, Kamenicë 7 raste, Obiliq 7 raste, Klinë 6 raste, Istog 5 raste, Rahovec 3 raste dhe me nga një rast komunat: Dragash, Ferizaj dhe Shtime.

Ndërkohë numri total i rasteve pozitive është 23.425 raste nga 104.976 persona të dyshimtë në virusin SARS-CoV-2 dhe 744 raste të vdekjes.

Gjatë 24 orëve të fundit, janë shëruar 66 pacientë derisa numri i përgjithshëm i të shëruarve deri më sot është gjithsej 16,047 raste, kurse numri i rasteve aktive është 6,634.

Putin-Macron bisedë telefonike, temë diskutimi konflikti Nagorno-Karabakh

Konflikti në Nagorno-Karabakh ka qënë temë e bisedës që Presidenti rus Vladimir Putin ka patur me presidentin francez Emmanuel Macron.

Lajmin e ka bërë të ditur Kremlini të shtunën, që ndër të tjera theksoi se liderët shprehën shqetësimin e tyre të thellë lidhur me përplasjet etnike në shkallë të gjerë, mes forcave armene dhe azere në rajon.

Po ashtu, mes dy homologëve u diskutua rreth përfshirjes së luftëtarëve nga Siria dhe Libia në konflikt.

Shifrat e reja te pandemise ne vend, 8 të vdekur dhe gati 500 raste për 24 orë

Ministria e Shëndetësisë ka njoftuar se 8 pacientë kanë humbur jetën nga koronavirusi gjatë 24 orëve të fundit në vendin tonë. Situata duket se është përkeqësuar pasi shifrat janë çdo ditë në rritje. Po gjatë këtyre orëve, janë kryer 1927 testime, nga të cilat kanë rezultuar pozitivë 495 persona.

Viktimat janë: një 57 vjeçar dhe 67 vjeçar nga Durrësi, një 64 vjeçar nga Gramshi, një 67 vjeçar nga Kruja, një 76 vjeçar nga Elbasani, 77 vjeçare nga Gjirokastra, një 80 vjeçar nga Lushnja  dhe një 80 vjeçare nga Berati, me sëmundje bashkëshoqëruese.

Sa i përket situatës në tre spitalet Covid, aktualisht po trajtohen 352 pacientë, 9 në terapi intensive nga të cilët 4 pacientë janë të intubuar.

Njoftimi i plotë:

Ministria e Shëndetësisë dhe Mbrojtjes Sociale, nisur nga rritja e rasteve të konfirmuar me COVID19 dhe të shtruarve në spitale vijon t’ju bëj thirrje qytetarëve për zbatimin e të masave për parandalimin e përhapjes të virusit SARS COV2. Respektoni rregullat e higjienës, distancimit fizik dhe mbani maskë në çdo ambient jashtë shtëpisë, për të mbrojtur shëndetin, duke ruajtur veten dhe të tjerët, për të mos mbingarkuar spitalet.

Ju informojmë për situatën në 24 orët e fundit të përhapjes së virusit Sars Cov2, rastet e reja dhe situatën në spitalet COVID.

Gjatë 24 orëve të fundit janë kryer 1927 testime, nga të cilët kanë rezultuar pozitivë 495 qytetarë të prekur nga virusi SARS-COV2.

Rastet pozitive të konfirmuara në 24 orët e fundit janë identifikuar në këto bashki: 253 raste në Tiranë, 28 raste në Fier, 22 raste në Elbasan dhe Mirditë, 20 raste në Lezhë, 16 raste në Korçë dhe Lushnje, 13 raste në Shkodër dhe Kavajë, 12 raste në Durrës, 11 raste në Gjirokastër, 10 raste në Vlorë dhe Tropojë, 9 raste në Librazhd, 7 raste në Krujë, 5 raste në Përmet, Sarandë, Dibër, Devoll, 3 raste në Has, Tepelenë, Kolonjë,  2 raste në Bulqizë, 1 rast në Peqin, Pogradec.

Në 24 orët e fundit janë shëruar 141 qytetarë, duke e çuar numrin e të shëruarve 12,002 që nga fillimi i epidemisë. Aktualisht në 3 spitalet COVID po trajtohen 352 pacientë, 9 në terapi intensive nga të cilët 4 pacientë janë të intubuar.

Me gjithë përpjekjet e mjekëve, në 24 orët e fundit, kanë humbur jetën 8 qytetarë me Sars-Cov2 pozitiv në spitalet COVID: një 57 vjeçar dhe 67 vjeçar nga Durrësi, një 64 vjeçar nga Gramshi, një 67 vjeçar nga Kruja, një 76 vjeçar nga Elbasani, 77 vjeçare nga Gjirokastra, një 80 vjeçar nga Lushnja  dhe një 80 vjeçare nga Berati, me sëmundje bashkëshoqëruese.

Ministria e Shëndetësisë dhe Mbrojtjes Sociale i drejtohet të gjithë qytetarëve që janë të konfirmuar ose në pritje të përgjigjes së testit, të qëndrojne të izoluar, duke respektuar detyrimin e vetekarantinimit. Për çdo shenjë të sëmundjes duhet të kontaktoni mjekun tuaj të familjes. Nëpërmjet linjës së gjelbër falas 0800 40 40 mund të lidheni me mjekun tuaj dhe të merrni informacionin e nevojshëm.

Urgjenca Kombëtare është 24/7 në shërbim të pacientëve. Telefononi 127 nëse dyshoni se jeni të prekur nga Covid19 dhe për çdo urgjencë mjekësore.

COVID-19 – Statistika (7 Nëntor 2020)
Raste të reja ditore 495, Të shëruar ne 24 orë 141, Të shtruar në spitale 352, Humbje jete në 24 orë 8,
Testime ditore 1927, Testime totale 137,172, Raste pozitive 23,705, Raste të shëruara 12,002, Raste Aktive 11,146, Humbje jete 557.

Shpërndarja gjeografike e rasteve aktive sipas qarqeve:
Tiranë 5492, Durrës 963, Fier 905, Korçë 713, Shkodër 634, Elbasan 526, Lezhë 524, Vlorë 474, Berat 317, Kukës 266, Gjirokastër 221, Dibër 111.

6 ngjarjet e bujshme që ndodhën kur të gjithë e kishin mendjen te zgjedhjet në SHBA

Në një kohë kur e gjithë vëmendja duket të ketë qenë e përqendruar te zgjedhjet presidenciale në SHBA, CNN ka renditur 6 ngjarje të tjera të rëndësishme që kanë ndodhur në të gjithë botën.

Forcat izraelite rrafshuan shtëpitë në një komunitet palestinez

Ushtria izraelite shkatërroi një pjesë të madhe të një komuniteti palestinez në Bregun Perëndimor, duke lënë të pastrehë 73 persona, përfshirë 41 fëmijë.

Kombet e Bashkuara përshkruan shembjen e së martës në komunitetin e Khirbet Humsa si “incidenti më i madh i zhvendosjes së detyruar në mbi katër vjet”.

Këtë vit, sipas OKB-së, 869 palestinezë që jetojnë në Bregun Perëndimor dhe Jerusalemin Lindor kanë mbetur të pastrehë pas shkatërrimeve të përhapura.

Operacionet ushtarake të Etiopisë ngjallën frikën e luftës civile

Kryeministri etiopian Abiy Ahmed urdhëroi aktivizimin e trupave në rajonin e qetë verior Tigray, një lëvizje që ai tha ishte si përgjigje e një sulmi të pretenduar nga Fronti i Çlirimit të Popullit Tigray (TPLF) në një bazë ushtarake federale në kryeqytetin rajonal të Mekelle.

Abiy akuzoi TPLF të premten për “kryengritje kriminale dhe papajtueshmëri” në një mesazh në Tëitter, duke pretenduar se ata hodhën poshtë përpjekjet e qeverisë federale për “ndërmjetësim, pajtim, dialog”.

Ai tha se operacionet ushtarake në vazhdim në Etiopinë veriore “kanë objektiva të qartë, të kufizuar dhe të arritshëm”.

Ndërkohë presidenti i Tigray, Debretsion Gebremichael, fajëson qeverinë federale për përshkallëzimin aktual, duke thënë se rajoni po vepron në vetëmbrojtje, përcjell Telegrafi.

Administrata Trump vazhdon me shitjen e dronëve në vlerë 2.9 miliardë dollarë

Departamenti i Shtetit i SHBA-së informoi Kongresin të enjten për qëllimin e administratës Trump për të shitur 18 dronë të armatosur MQ-9B në Emiratet e Bashkuara Arabe për rreth 2.9 miliardë dollarë, tha një ndihmës i kongresit për CNN të premten.

Departamenti gjithashtu informoi Kongresin se administrata synon të shesë rreth 10 miliardë dollarë në municion, duke përfshirë municione të drejtuara me precizion, të ashtuquajturat bomba “memece”, tha ndihmësi, i cili foli në mënyrë anonime për të diskutuar detajet e shitjeve të synuara.

Presidenti i Tanzanisë u betua pas një votimi të diskutueshëm

Presidenti i Tanzanisë, John Magufuli, u betua për një mandat të dytë pesë-vjeçar të enjten, pavarësisht thirrjes së opozitës për përsëritjen e zgjedhjeve, duke përmendur parregullsi dhe mashtrime të përhapura.

Votimi i 28 tetorit u dëmtua nga arrestimet e kandidatëve dhe protestuesve, bllokimi i përhapur i mediave sociale dhe akuzat për kufizime ndaj agjentëve të partive politike për të hyrë në qendrat e votimit, tha ambasada amerikane.

Më parë këtë javë, udhëheqësit e koalicionit të opozitës kishin bërë thirrje për protesta kundër rezultatit, i cili ktheu Magufuli në zyrë me 84% të votave.

Arrestohet një nga spikerët më të njohur të lajmeve në Indi

Arnab Gosëami, fytyra dhe themeluesi i transmetuesit të krahut të djathtë Republic TV, u arrestua në shtëpinë e tij në Mumbai të mërkurën për rolin e tij të pretenduar në vdekjen e Anvay Naik, i cili vdiq nga vetëvrasja në 2018, sipas një deklarate nga transmetuesi.

Rasti pasqyron mjedisin mediatik të vendit gjithnjë e më të politizuar.

Në Rusi, legjislacioni i ri mund t’u japë ish-presidentëve imunitet të përjetshëm

Ligjvënësit rusë paraqitën një projekt-ligj që do t’u jepte ish-presidentëve imunitet të përjetshëm nga ndjekja penale, njoftoi të enjten agjencia shtetërore e lajmeve TASS.

Sipas ligjit aktual rus, presidentët nuk mund të ndiqen penalisht për krime të kryera ndërsa ishin në detyrë.

Por ndryshimi i propozuar kërkon të zgjasë atë imunitet në përjetësi.

Ky propozim u paraqit nga një grup parlamentar që në fillim të këtij viti vlerësoi ndryshimet kushtetuese të presidentit Vladimir Putin të cilat i japin atij mundësinë e qëndrimit në pushtet deri në vitin 2036.

 

Tentoi të vriste një person një vit më parë, arrestohet në Itali 34-vjeçari

Një 34-vjeçar është ekstraduar nga Italia, pas bashkëpunimit me Interpol Roma, pasi ishte shpallur në kërkim për një tentativë vrasje, të ndodhur në Marsin e vitit të kaluar në Dibër.

Personi që është esktraduar është Malvin Skarra, ndërkohë që personi që mbeti i plagosur ishte Mirdash Osmani.

“Në vijim të bashkëpunimit mjaft efikas të Interpol Tiranës me Interpol Romën, u bë e mundur kapja në Itali e shtetasit të shpallur në kërkim ndërkombëtar M. S., 34 vjeç, duke u finalizuar me esktradimin e tij drejt vendit tonë.

Shtetasi M. S. është arrestuar nga autoritetet policore në Itali, pas shkëmbimit të informacionit mes Interpol Tiranës dhe Interpol Romës, bazuar në informacionet që dispononte Departamenti i Policisë Kriminale për vendodhjen e këtij personi në Itali.

Gjykata e Shkallës së Parë Dibër, në vitin 2019, ka vendosur masën e sigurimit “Arrest në burg” për këtë shtetas, për veprat penale “Vrasja me dashje” mbetur në tentativë dhe “Armëmbajtja pa leje”.