11.2% është më i lartë indeksi i tërësishëm i harmonizuar i çmimeve të konsumit në muajin prill 2022, krahasuar me muajin prill 2021.
Sipas Agjencisë së Statistikave të Kosovës kjo kryesisht është shpjeguar me ngritjen e çmimeve të konsumit në këtë periudhë si bukë dhe drithëra (24.3%); mish (13.5%); qumësht, djathë dhe vezë (21.7%); vajra dhe yndyra ushqimore (51.3%); perime (13.8%); sheqer, reçel, mjaltë, çokollata dhe ëmbëlsira (15.9%). Ngritja e çmimit të energjisë elektrike është për shkak se në periudhën janar – maj 2021 ishte për 0,0061 cent më e lirë sipas Ligjit për Rimëkëmbjen Ekonomike Covid ndërsa në muajin prill 2022 ka pasur rënie të konsumit, gjegjësisht shpenzimeve të energjisë elektrike për (-7.3%); gaz (42.2%); lëndë djegëse të ngurta, dru zjarri, pelet etj. Rënie e çmimeve vërehet te pemët -11.5%; veshje -1.1%; këpucë (-2.9%).
Inflacioni mujor 1.5%
Por krahasuar me muajin mars edhe në muajin prill ka pasur një konsum të të lartë me një mesatare prej 1.5%. Sipas ASK-së kjo kryesisht është shpjeguar me ngritjen e çmimeve të konsumit bukë dhe drithëra (1.2%); mish (3.6%); qumësht, djathë dhe vezë (0.9%); vajra dhe yndyra ushqimore (15.6%); pemë (1.5%); perime (5.4%). Ndërsa, rënie e çmimeve vërehet te nëngrupet e energji elektrike (-7.3%) (për shkak të rënies së konsumit (shpenzimeve) të energjisë elektrike në muajin prill krahasuar me muajin mars (2022) me një ndikim prej (-0.2 për qind) në IHÇK./zoom.al
Të lidhura
