zoom

Aktualitet

Vijojnë kontrollet shtesë në kufirin me Greqinë, Teste dhe vetizolim deri më 30 nëntor

Qeveria greke ka vendosur të shtyjë deri më 30 nëntor masat kufizuese me Shqipërinë, duke marrë shkas nga të dhënat e fundit epidemiologjike.

Njoftimi u bë sot nga Ministria e Jashtme e Shqipërisëm e cika sqaron se qytetarët do të detyrohen të izolohen 7 ditë pas momentit që hyjnë në tokën greke.

Sipas njoftimit: Të gjithë personave që udhëtojnë në Greqi do t’u kërkohet të kenë rezultat negativ të testit molekular (PCR) për COVID-19, të kryer deri në 72 orë para hyrjes së tyre në Greqi.

Çertifikatat e testit RT-PCR duhet të jenë të shkruara në anglisht dhe të mbajnë emrin dhe pasaportën/numrin e identitetit kombëtar të udhëtarit.

Për fëmijët nën 10 vjeç ky test nuk do të jetë i detyrueshëm.

Të gjithë udhëtarët do të duhet të plotësojnë dhe paraqesin formularin e tyre PLF dhe mund t’i nënshtrohen testimit të rastësishëm pas mbërritjes në kufirin grek. Pas kalimit në vendin fqinj, udhëtarët do të duhet të vetë-izolohen për 7 ditë.