zoom

Lajme

VIDEO/ Bebe Rexhën tentojnë ta godasin sërish në skenë! I kthehet autorit dhe e dëbon: Mos guxo…

Bebe Rexha është përfshirë sërish në një incident në skenë gjatë performancës së saj të radhës në koncert.

Këngëtares 34-vjeçare iu desh të largonte një spektator në një prej koncerteve të saj në Norvegji, gjatë kësaj fundjave. Ajo e kërcënoi se do të ndërmerrte hapa ligjorë pasi spektatori tentoi të hidhte një send drejt saj gjatë performancës.

Ngjarja ndodhi kur ajo po këndonte hitin “I’m Good (Blue)” dhe në videot e shpërndara shihet Bebe ku i drejtohet spektatorit me një gjuhë të ashpër.

Nëse më godet në skenë me diçka, do të të marr gjithçka. Mos guxo të luash me mua në këtë moment. Në një tjetër video, ajo përpiqet të identifikojë personin.

“Cili? Ma tregoni personin. Dua ta shoh”, thotë ajo përpara se ta dallojë.

“Jashtë. Dil jashtë. Kaq ishte. Mori fund për ty”, shprehet ajo. Forcat e sigurisë e larguan personin e dyshuar.

Pasi e nxorën nga koncerti, Bebe rinisi këngën që po performonte dhe vazhdoi recitalin.

Muajin e kaluar, këngëtarja nxori nga koncerti disa persona pasi u përpoqën të gjuanin me sende drejt saj. Në qershorin e vitit 2023, Bebe pësoi një lëndim në sy pasi një spektator e gjuajti me celular. /ZOOM.AL/