zoom

Aktualitet

Trafik droge nga Shqipëria në Itali, SPAK kërkon 63 vite burg për anëtarët e grupit “Habilaj”

Prokuroria e Posaçme SPAK ka dhënë pretencën për grupin kriminal “Habilaj”, duke kërkuar në total 63 vite burg për gjithë anëtarët.

Ata akuzohen për trafik e kultivim narkotikësh nga Shqipëria në Itali.

Konkretisht SPAK kërkoi për Moisi Habilajn, 18 vite burg, Nezar Seiti 15 vite burg, Meridian Sulaj 15 vite burg dhe Fatmir Minaj 15 vite burg.

Si u arrestua grupi Habilaj

Moisi Habilaj u arrestua disa vite më parë si pjesë e operacionit Venti dei Rosi të policisë italiane. Policia italiane e ka shpallur në kërkim ndërkombëtar trafikantin e dënuar, i cili ndodhet në arrati prej kohësh, pasi u arratis nga banesa ku ishte me ‘arrest shtëpie’.

Ish-ministri i Brendshëm, Saimir Tahiri dhe ish-drejtori i Vlorës Jaeld Çela i shpëtuan akuzave të rënda dhe u dënuan për shpërdorim detyre.

Kurse për dy ish-zyrtarë të tjerë të policisë lokale gjykimi është veçuar sa kohë ata vazhdojnë të jenë në kërkim.