Një tërmet me magnitudë 6.8 ka goditur Ekuadorin. Raportohet se janë 14 viktimat dhe 126 të plagosurit, por mendohet se bilanci mund të jetë edhe më i madh. Shërbimi Gjeologjik i SHBA-së regjistroi epiqendrën e tërmetit në rajonin bregdetar të Guayas, rreth 80 kilometra në jug të Guayaquil.
Tërmeti është ndjerë edhe në veri të Perusë, ku ka një viktimë. Goditja u regjistrua ditën e djeshme, në orën 12:12 me orën lokale (18:12 në Shqipëri) në komunën ekuadoriane Balao, rreth 140 kilometra nga porti i Guayaquil dhe në një thellësi prej 44 kilometrash. Instituti Sizmologjik i SHBA-së vlerësoi një magnitudë prej 6.8 ballë të shkallës Rihter, ndërsa autoritetet sizmologjike peruane e vlerësuan atë me 7.0.
Pasgoditjet janë paralajmëruar dhe Instituti Oqeanografik dhe Antarktik i Marinës Ekuadoriane ka siguruar që goditja “nuk i plotëson kushtet e nevojshme për të gjeneruar një cunami” në Paqësor./ Zoom.al
Bëhuni pjesë e Zoom.al 👇👇
Related Posts
None found
