Vllaznia zhgënjeu në Shkodër kundër Laçit, duke u ndaluar në një barazim 1-1. Por ky rezultat, irritoi tifozët e Vllaznisë, të cilët e kanë nxjerr inatin tek zyrtari i FSHF-së, Alban Tafaj, duke i thyer xhamat e makinës.
Në një prononcim pas ndeshjes, Tafaj ka akuzuar organizatorët e ndeshjes, duke qenë se janë treguar inekzistentë në stadium.
“Mezi po nxjerrim arbitrat. U drejtuam drejt parkimit përballë që është privat dhe ishte ekipi i Laçit. Gjej makinën me xhama të thyer, me dyer të dëmtuara. Është incident që më la shije të hidhur sepse Vllaznia ka dhënë shumë për futbollin tonë dhe diçka e tillë e shëmton këtë qytet. Ndihem keq jo se u prish prona private, por po njolloset emri i Vllaznisë nga disa tifozë dhe organizatorët e ndeshjes që ishin inekzistentë të paktën për të bashkëpunuar me ne. Më ka indinjuar gjesti në Shkodër sepse na kanë duartrokitur edhe kur kemi fituar por e kam më shumë me organizatorët që ishin inekzistentë”, tha Tafaj për “Oversport”. /zoom.al/
Bëhuni pjesë e Zoom.al 👇👇
Related Posts
None found
