Inflacioni në Shqipëri

Më tej ministrja Ibrahimaj theksoi se hyrja në qarkullim e parasë shtesë nga rritja e pagave, nuk do të ndikojë në inflacion, ndërsa theksoi se në shtator do të behet indeksimi pensioneve. “Indeksimi i pensioneve do bëhet për periudhën e paindeksuar për shportën e pensionistëve, që është e veçantë, nuk është si e gjithë, nga tetorit deri në shtator të vitit të ardhshëm. Piku ka qenë i inflacionit në shtator. Do shohim sa do jete në shtator dhe atëherë do aplikohet. Minimum jetik, është i lidhur me pagën minimale, shkoi 40 mijë lekë të gjitha transfertat janë rritur në bazë të kësaj”, nënvizoi Ibrahimaj.

Shtyrja e rritjes së pagave, Tabaku: U konfirmua që ishte premtim elektoral

Ndërkohë, nënkryetarja e Partisë Demokratike Jorida Tabaku, ka reaguar në lidhje me shtyrjen e rritjes së pagave për muajin prill. Sipas Tabakut ky është një tregues i qartë se e gjitha ka qenë për qëllime elektorale. Tabaku thekson se u vërtetua se ka qenë një premtim para zgjedhjeve, për të cilën nuk i kanë bërë aspak llogaritë mirë.“Zvarritja e pakuptimtë e qeverisë me rritjen e pagave kur ka që në dhjetor që i reklamon dhe mbasi janë miratuar dhe në parlament tregon se premtimi rritjes së pagave ishte reklamë e papaguar fushate dhe nuk ishte i bazuar në llogaritje korrekte të buxhetit. Nuk e di si ta kuptojmë Ministren e Financave që ka muaj që thotë paratë janë atje, që janë llogaritur efektet, që hyn në fuqi me sot me nesër. Paaftësia dhe këmbëngulja krenarisht në të nuk duhet të jetë justifikim për shtyrjen në kohë të një ligji të miratuar në parlament dhe të dekretuar. Ministri Financash që ngatërrohet në llogari është e pa zonja të menaxhojë arkën e taksave të shqiptarëve”, deklaroi Tabaku.