“Nuk dua të tremb askënd, por lufta nuk është më një koncept nga e kaluara”, tha ai për mediat evropiane. “Është e vërtetë dhe filloi më shumë se dy vjet më parë”, shtoi ai.

Deklarata e Tusk erdhi menjëherë pas sulmit me raketa që Rusia bëri së fundmi ndaj Ukrainës, por ku u shkel edhe territori i Polonisë. Kjo e fundit ka sinjalizuar edhe NATO-n, teksa ngriti avionët e saj në ajër për patrullim dhe kundërpërgjigje.

Nga ana e saj, Rusia i ka intensifikuar bombardimet e saj ndaj Ukrainës javët e fundit.

Forca ajrore e Ukrainës tha se kishte rrëzuar 58 dronë dhe 26 raketa dhe kryeministri Denys Shmyhal tha se infrastruktura energjetike ishte dëmtuar në gjashtë rajone, në perëndim, qendër dhe lindje të vendit. /ZOOM.AL/