Evangjeli Veli, peshëngritësja shqiptare që u shpall kampione Europe me organizimin që u mbajt në Tiranë me dy medalje ari dhe një të argjendë, duhet të lërë çmimet e fituara.

Të gjithë e mbajmë mend momentin kur Veli ishte në podium dhe presidenti Gjoza e puthi në ballë, por kjo vajti dëm.

Në testin A i janë gjetur gjurmë stanazololi dhe në këtë mënyrë është ngrirë gjithçka është arritur, deri në testin B.

Por kjo nuk është hera e parë që situata të tilla po ndodhin, madje vetëm nën drejtimin e Elez Gjozës, ky ishte rasti i tretë i kapur në një hark kohor të shkurtër, vetëm një vit e katër muaj.

Më herët kanë rezultuar positiv emra si Arbër Cercizi dhe Nektario Ismailani. Tashmë listës i bashkohet edhe Evangjeli Veli.

Menjëherë pas medaljeve të fituara do të kishte ndarje të gëzimit edhe me kryetarin e Bashkisë së Tiranës, Erion Veliajn, por si gjithmonë buzëqeshja në peshëngritjen shqiptare ngrin kur kryhen testet e dopingut. /zoom.al/