Në konferencën për media, pas mbledhjes së qeverisë, Vitia tha se kanë hartuar planin për ngritjen e kapaciteteve për spitalet fushore.

“Bazuar në ditët e fundit besojmë se kjo nuk do të jetë e nevojshme. Ne kemi përfunduar edhe rekrutimin e personelit shëndetësor”, tha ai.

Krahas kësaj, ministri i Shëndetësisë bëri thirrje për vaksinim.

“Në stogjet tona kemi mbi 600 mijë vaksinave të sigurta, prandaj qytetarët duhet të vaksinohen”, tha ai.

E në bazë të analizave të IKShPK-së, Vitia thotë se do të jetë e nevojshme vaksina e tretë për të cilë kanë filluar edhe negocimin për blerjen e 1 milion vaksinave të tjera.