Sipas raportimeve, e gjitha filloi rreth mesditës, kur policia e Kansas iu përgjigj një skene me të shtëna dhe gjeti një djalë 15-vjeçar që kishte marrë një plagë, por që më vonë ndërroi jetë.

Rreth 90 minuta më vonë, policia u njoftoi përsëri për disa të shtëna, ku u konstatua një person i vdekur.

Pas 30 minutash u raportua përsëri për një person, i cili ishte qëlluar me armë zjarri. Pak minuta më vonë, një tjetër ngjarje ndodhi, ku viktimë ishte një i mitur.

Vetëm fundjavën e kaluar, të paktën 16 njerëz vdiqën dhe më shumë se 40 u plagosën në të shtënat e shumta në të gjithë vendin.