Negociatat mes Rusisë dhe Ukrainës janë bllokuar nga Kievi! Është kjo ajo që deklaroi Presidenti rus, Vladimir Putin në një bisedë telefonike me kancelarin gjerman, Olaf Scholz.
Bazuar në atë që referon Kremlini, biseda me Scholz u përqendrua kryesisht në aspektet humanitare të situatës në Ukrainë.
“Vladimir Putin shpjegoi në detaje logjikën e detyrave kryesore të operacionit special ushtarak për të mbrojtur republikat popullore të Donbasit, foli për masat që duhen marrë për të garantuar sigurinë e civilëve.
U tha se me praninë e OKB dhe Kryqit të Kuq, u bë evakuimi i civilëve që mbahen nga forcat e sigurisë së Ukrainës, pranë fabrikës në Azovstal dhe Mariupol”
Biseda telefonike, raporton Tass, u bë me nismën e palës gjermane dhe në përfundim të saj, dy liderët deklaruan se do të vijojnë komunikimin nëpërmjet kanaleve të ndryshme.
Të lidhura
