Prodhimi i grurit në Francë nuk do të jetë në gjendje të kompensojë mungesën e furnizimeve nga Ukraina.
Vendi i drejtuar nga Emmanuel Macron, i cili është konsideruar gjithmonë si eksportuesi më i madh i grurit në Bashkimit Europian, po përballet me pasojat e një thatësire të rëndë që goditi kontinentin tonë në dimër dhe që do të ndikojë në prodhimin dhe eksportet në muajt e ardhshëm.
Franca prodhon rreth 35 milionë tonë grurë në vit dhe eksporton rreth gjysmën e tij.
Përpara se lufta të prishte fushat e drithit në Ukrainë dhe dëmtonte portet e saj në Detin të Zi, vendi eksportoi rreth 20 milionë tonë në vitin 2021 dhe së bashku me Rusinë, përbënin ¼ e drithit të tregtuar globalisht.
Por tani vendet europiane, tashmë duke u përballur me rritjen e çmimeve të grurit në një treg i cili ndodhet nën presion të madh pas shpërthimit të luftës në Ukrainë, rrezikojnë që të gjenden përballë mungesës së furnizimeve dhe çmimeve që janë të papërballueshme për tregun e madh.
Franca është një prodhues dhe eksportues i madh i grurit dhe pothuajse i gjithi është grurë dimëror.
Kështu deklaroi Christian Huyghe, drejtor shkencor për bujqësinë në institutin kombëtar francez të kërkimit agronomik, i cili shpjegoi se rreziku i kësaj thatësire është ai që do të çojë në prodhim të pakët dhe të korra të ulëta në verë.
Thatësira jo vetëm që do të dëmtojë furnizimin me ushqim, por do të ketë edhe efekte më të gjera.
Ekspertët shpjegojnë se thatësira ndikon negativisht në prodhimin e energjisë, pasi termocentralet bërthamore kanë nevojë për shumë ujë për të ftohur reaktorët dhe se mungesa e shiut mund ta bëjë problemin serioz./zoom.al
Të lidhura
