Gati 60% e naftës dhe gazit fosil të metanit dhe pothuajse 90% e qymyrit duhet të qëndrojnë në tokë deri në vitin 2050, thuhet në studim.

Por, projektet aktuale të nxjerrjes së karburanteve fosile nuk janë në shënjestër për të përmbushur këtë kufi siç ishte përcaktuar nga Marrëveshja e Parisit për Klimën.

“Rritja e gjasave për të arritur këtë objektiv do të kërkonte një rënie edhe më të shpejtë të prodhimit dhe më shumë lëndë djegëse fosile të mbetura në tokë,” thuhej në një deklaratë të universitetit.

“Ne theksojmë se vlerësimet tona për rezervat e pakthyeshme dhe nivelet e rënies së prodhimit ka të ngjarë të nënvlerësohen”, tha Dan Welsby, nga Instituti për Burimet e Qëndrueshme.

Hulumtimet e publikuara në 2015 zbuluan se reduktimi i ngrohjes në 2 gradë do të kërkonte që 33% e rezervave të naftës, 48% e rezervave të gazit fosil të metanit dhe mbi 80% e rezervave të qymyrit të mbeten në tokë.

Raporti më i fundit i Panelit Ndërqeveritar për Ndryshimet Klimatike paralajmëroi gjithashtu se kufizimi i ngrohjes globale në 1.5 gradë mund të jetë jashtë mundësive.