zoom

Të gjitha

Përmbysja e autobusit në Serbi, pasagjeri nga Kosova: Kemi qenë në gjumë

Një autobus nga Kosova është përmbysur në Serbi dhe si pasojë 9 persona kanë mbetur të plagosur.

Njëri prej udhëtarëve që ndodhej brenda autobusit, i cili u aksidentua në Krushevc të Serbisë, tha se shkak është bërë rruga, pasi nuk ka qenë e pastruar nga autoritetet serbe.

Sipas tij, shoferi i autobusit nuk ka asnjë faj, sepse as nuk ka qenë duke ecur me shpejtësi të madhe, meqë edhe kushtet e rrugës nuk e lejonin një gjë të tillë.

Udhëtari tha se autobusi ka qenë i mbushur plot, pa asnjë vend të lirë. Sipas tij, reagimi i organeve të rendit të shtetit serb ka qenë i shpejt në ndërhyrje dhe se gjithçka ka qenë normale.

“Pra ka ardhur një autobus tjetër për të na marrë. Jemi në afërsi të Krushevcit”, tha ai në.

“Të gjithë kemi qenë duke fjetur në atë moment. Mes nesh ka pasur edhe fëmijë dhe një person me aftësi të kufizuara, por të gjithë jemi mobilizuar për t’i ndihmuar njëri-tjetrit dhe të gjithë jemi mirë”, deklaroi mes tjerash.