zoom

Aktualitet

Përgjaken rrugët/ Tre aksidente në pak orë, vdes 46-vjeçari. Gjashtë të plagosur

Brenda pak orësh paraditen e kësaj të marte u regjistruan tre aksidente në vend.

Një prej tyre ishte fatal për një 46-vjeçar, që ndërroi jetë në vendin e quajtur “Ura e Topojanit”, në Kukës.

Ai po drejtonte automjetin tip “Mitsubishi”, kur humbi kontrollin dhe si pasojë automjeti doli nga rruga.

Për shkak të dëmtimeve të rënda 46-vjeçari humbi jetën në vend, ndërsa mbeti e lënduar vajza e tij e mitur.

Ndërsa në fshatin Shkallë të Xibrit, një makinë përfundoi në humnerë, duke lënë të plagosur dy 22-vjeçarë.

Aksidenti i tretë ndodhi në unazën e qytetit të Korçës, në zonën e njohur si “Dritat e Verdha”.

Dy makina u përplasën me njëra-tjetrën, duke lënë të plagosur tre persona.