Menjëherë pas ministres Belinda Balluku, një tjetër kërcënim për kontrollorët që kanë pezulluar punën në Rinas ka ardhur nga kryeministri Rama.
Ai fajësoi presidentin Meta dhe ish-kryeministrin Berisha, duke thënë se ata duan të pengojnë ardhjen e vaksinave, ndërsa paralajmëroi se kontrollorët do të kallëzohen penalisht.
DEKLARATA E RAMËS NË TWITTER
Sabotimi i rëndë i aktivitetit të Aeroportit “Nënë Tereza” nuk do të tolerohet! Frymëzuesit e kësaj lëvizjeje të çartur çartiste, Saliu që gjuan me gurë digjitalë dhe Iliri, që hedh gurin e markës “Leshko” dhe fsheh dorën, duan mbylljen e aeroportit për të mos ardhur vaksinat!
Organizatorët do të kallzohen penalisht dhe do të përballen me ligjin,që ndalon rreptësisht ndërprerjen e aktivitetit të kullës nga ana e kontrollorëve!Të tjerët duhet të vendosin menjëherë:O me shtetin në punë o me antishtetin në një proces penal për cënim të sigurisë kombëtare!
Të lidhura
