Aplikacion
Në Zveçan, Zubin-Potok e Leposaviq, e marta shënon ditën e tretë të protestave që duket se nuk do të ndalen pavarësisht thirrjeve të ndërkombëtarëve.
Kryetari i Komunës së Zveçanit, Ilir Peci deklaroi në orët e para të mëngjesit se do të shkojë në zyrë për të vijuar punën e tij, i ndihmuar dhe nga trupat e KFOR.
Sipas REL, sot ka një numër më të vogël protestuesish serbë në Zveçan, krahasuar me një ditë më parë.
Godinën e komunës dhe zonën përreth janë duke e siguruar ushtarë të KFOR-it. Të pranishëm ka edhe udhëheqësit e Listës Serbe, Goran Rakiq dhe Igor Simiq.
Një ditë më herët, në këtë komunë pati përleshje mes protestuesve serbë dhe ushtarëve të KFOR-it, të cilat rezultuan me dhjetëra të plagosur në të dyja anët.