Rossonerët bën një ndeshje të madhe ku shënuan edhe tre gola me shënues Brahim Diaz, Ante Rebic e Fiayko Tomori.

Pas ndeshjes trajneri Stefano Pioli ka thënë se kanë bërë një ndeshje të madhe, ku gati se iu afruan ndeshjes perfekte.

“Kemi kryer një ndeshje të madhe. Ndeshja direkte në këto momente të kampionatit është shumë e rëndësishme. Mbi të gjitha nuk është ndeshja e fundit dhe kemi ende për të luftuar”.

“Në këtë një vit e gjysmë tek Milani, klubi ka punuar në mënyrë më të mirë të mundshme, ku kemi ndarë si momente të lumtura, por edhe ato të zhgënjimit. Mendoj se nuk ka ndeshje perfekte, por sonte iu afruam shumë”.

“Ne luajtëm si një ekip i pjekur, i duruar dhe i vendosur dhe fituam një ndeshje të vështirë dhe shumë të rëndësishme. Por duhet të mendojmë për sfidën tjetër menjëherë sepse për tre ditë do të kemi një ndeshje tjetër të vështirë”, tha Pioli.

Të gjithë u befasuan kur e panë spanjollin Brahim Diaz në fushë dhe Pioli ka treguar arsyen pse e futi atë nga minuta e parë në derbi.

“Ne gjithmonë përpiqemi të përgatisim një strategji për lojën, pastaj zgjedhim lojtarët e përshtatshëm për karakteristika të ndryshme”.

“Calhanoglu dhe Brahim Diaz janë më të mirë për të punuar në vijën e parë të sulmit. Nuk mund të jetë vetëm një lojtar i mirë në fushë, por është një ekip fitues. Kemi fituar me meritë. Ne jemi shumë të lumtur për tifozët tanë të cilët na emocionuan këtë mëngjes, tani duhet të mendojmë për ndeshjen tjetër”, u shpreh trajneri italian.

Pas 35 xhirove në Serie A, Milan ndanë vendin e dytë me Atalantan me nga 72 pikë.