Rej Manaj vazhdon të shfaqet në një formë të mirë në këtë periudhë në Segunda Division B të futbollit spanjoll.
Sulmuesi i përfaqësueses shqiptare që është pjesë e skuadrës së Barcelona B shënoi një tjetër dygolësh pas atij me skuadrën e Prat, por këtë radha duke kontribuar në fitoren tenistike 6-0 ndaj Hospitalet. Festivali i golave për Barcelona B nisi në minutën e 20 pikërisht me Rej Manaj që shfrytëzoi mjaf mirë një krosim të Alvaro Sanz dhe me një goditje me kokë e dërgoi topin në rrjetë.
Sulmuesi shqiptar gjeti edhe golin e dytë personal në këtë ndeshje dhe të 7 sezonal, pak caste përpara mbylljes së pjesës së parë teksa u tregua i saktë nga pika e bardhë e 11 metërshit dhe në atë moment rezultati i ndeshjes shkoi në 3-0 për Barcelona B që në 45 minutat e dyta shënoi edhe 3 herë të tjera për të vulosur fitoren 6-0 të skuadrës katalanase.
Gjeti golin edhe sulmuesi tjetër i përfaqësueses shqiptare Armando broja që aktivizohet në kampionatin Holandez të futbollit me Vitessen që këtë të diel luajti në fushën e PSV Eindhovem. Futbollisti 19 vjecar zhbllokoi rezultatin e sfidës teksa që në minutën e 4 shënoi golin e avantazhit për skuadrën e tij, Vitesse duke e cuar në 8 numrin total të golave të shënuar prej tij në këtë sezon. për fat të keq, ky gol nuk i shërbeu Vitesses që e humbi këtë ndeshje pasi PSV përmbysi gjithcka teksa e mbylli sfidën në 3-1.
Të lidhura
