Shoferi i furgonit të nxënësve në shkollën “Fan Noli” ka rrëfyer në emisionin “Me zemër të hapur” këtë detaj.

Për këtë detaj u diskutua më pas në studion e Ola Brukos, me kryeredaktoren e News 24 dhe me zv.drejtorin e Policisë së Tiranës, Idriz Daullja.

Ky i fundit shpjegoi se sipas hetimeve, i rrituri kishte ndërhyrë për të ndarë adoleshentët.

Pjesë nga biseda në studio:

Hervin Çuli: Nuk u fol kush ishte një person i rritur që goditi me shpullë atë ditë para se ta godiste Mario me thikë.

Anila Jole: E pohoi shoferi i furgonit në emisionin “Me Zemër të Hapur”, kur e ka pyetur kush ishte ai që të goditi…

Hervin Çuli: Martini ua ka treguar të gjithë shokëve të klasës. Konflikti ka nisur të premten pse me sheh kështu, ashtu, i ka thënë s’po të shihja ty por po shaja për punën e sportit. Ndërkohë që ka goditur Mario, ka goditur edhe një person tjetër, e ka goditur me shpullë.

Idriz Daullja: Nga dëshmitë që janë marrë, personi ka ndërhyrë për t’i ndarë. Nuk mund të aludojmë ça kanë diskutuar.

Më herët, edhe shoku i Martinit, Luis Meçja gjatë deklaratës së tij ka përshkruar për një person tjetër që e ka kapur kur po përleshej.

“Mbaj mend që shoku i Marjos, një djal me flokë të gjata më goditi pas shpine. U ktheva, e godita. Kur u ktheva përsëri pash që Mario kishte nxjerr thikën dhe po godiste Marinin në zemër, shkova direkt për të mbrojtur Martinin. Më pas më kapi një burrë që nuk e pash kush ishte, më kapi dhe më ngriti në ajër”, tha Luis Meçja.