Kryeministri i Kosovës, Albin Kurti, tha se situata e tensionuar në veri të vendit është pasojë e “grupeve të armatosura, të cilat shtiren si protestues, e në fakt janë banda kriminale” të Serbisë.
“Unë natyrisht që mund ta paramendoj zvogëlimin e pranisë së Policisë së Kosovës nëpër ndërtesat e komunave në veri, atëherë kur të largohen këto banda kriminale të nacionalizmit e shovinizmit të djathtë ekstrem, të cilat e adhurojnë Millosheviçin e Putinin”, tha Kurti për gazetarët.
“Ato, ose le të shkojnë në Serbi, ose duhet t’i çojmë në burg. Mirëpo, nuk ka mundësi që ne të mos i mbrojmë asetet dhe ndërtesat e Republikës nga bandat e tilla. Kur ato të largohen ose mbyllen, ne do të mund ta zvogëlojmë prezencën”, tha Kurti.
Ai ka thënë se marrëdhëniet mes Kosovës dhe SHBA-së janë të shkëlqyera.
“Raportet ndërmjet Kosovës dhe Shteteve të Bashkuar të Amerikës janë raporte të shkëlqyera bilaterlae dhe kudo në arenën ndërkombëtare.
Ne jemi jashtëzakonisht falënderues dhe mirënjohës për mbështetjen dhe ndihmën e ShBA-së për çlirimin dhe pavarësinë, për mbrojtjen dhe sigurinë, për zhvillimin dhe demokracinë.
Natyrisht ka raste kur na dallojnë nga pak qasjet mirëpo këto nuk janë gjërat të cilat janë thelbësore dhe kurrsesi vendimtare. Sot ne ndodhemi në një situatë të vështirë për shkak të grupeve të armatosura të cilat shtiren si protestues e në fakt janë banda kriminale në veriun e Kosovës prej të cilëve duhet të çlirohet edhe republika jonë demokratike, por njëkohësisht edhe komuniteti serb. Për këtë po ashtu e kemi edhe mbështetjen e Shteteve të Bashkuar të Amerikës”, tha ai.
Bëhuni pjesë e Zoom.al 👇👇
Related Posts
None found
