Aplikacion
“Ne pranuam këtë takim sepse përfituam nga rasti pasi prej muajsh nuk kishim asnjë shenjë. Kryeministri është i painformuar. I thamë kryeministrit për ndryshimin e mënyrës së shkuarjes te fermerët. Ndamë shumë këndvështrime të tjera.
Mendojmë që qeveria nuk e njeh gjendjen reale. 30% e fermerëve sivjet nuk kanë porositur për të mbjellë vitin e ardhshëm. Ramë dakord që cilësia e inputeve bujqësore është e pagarantuar. Na thërrasim për të dëgjuar dhe flasin ata. Duhet unë që të tregoj se çfarë vështirësish kam. I thamë kryeministrit ta dëgjojë nga ne kontekstin real. Pas disa debateve ramë dakord që të ulemi dhe të flasim”, tha Sharka.
Një prej fermerëve u shpreh se duhet përkrahje përndryshe ata do të falimentojnë.
“Nuk jemi kriminelë. Jemi punëtorë, Me duart tona ushqehet populli. Ne jemi të falimentuar. Nuk duhet të na ofendojnë. Duhet të na përkrahin që po punojmë tokat tona. Ne duam që të kemi zgjidhje. Nuk kam çfarë të shton tjetër. Kryeministri tha që do i shikojë kërkesat tona dhe do të takohemi në vazhdim”, deklaroi ai.