Topi i Artë në fuqi ka fituar gjithçka me “Los Blancos” gjatë karrierës së tij, megjithatë ai dëshiron një tjetër trofe të Champions.

“Ishte një mbrëmje e paharrueshme, dua t’ia dedikoj këtë paraqitje presidentit tonë të nderit, Amancio, i cili u nda nga jeta. Kjo fitore është për të. Luajtëm me personalitet dhe ishim shumë produktiv në sulm, qëllimi ynë është ta fitojmë sërish trofeun e Champions. I dhamë jetë një loje fantastike edhe për ata që na shikuan. Fillimi ishte i keq, tifozët në Anfield na vunë nën presion, por më pas treguam kush është Real Madridi i vërtetë”, deklaroi Benzema.

I pyetur sesi “Los Blancos” arritën të kthenin ndeshjen, francezi tha: “Ishim gati përballë një ndeshjeje të madhe, ishim duke humbur 2-0 dhe dëshironim më shumë të fitonim. Një gol mund të ndryshojë gjithçka dhe kjo ndodhi falë Vinicius. Dua t’i falënderoj tifozët tanë që ishin lojtari ynë i 12-të. Tani na pret një ndeshje e madhe në Bernabeu”, përfundoi Benzema, që shënoi golin e gjashtë kundër Liverpool-it, më shumë se çdo lojtar tjetër në Champions. /zoom.al/